«Մարդկային զարգացման միջազգային կենտրոնի» ղեկավար Թևան Պողոսյանի փոխանցմամբ` մենք պետք է գիտակցենք մեկ բան, որ երբ միջազգային որևէ ինստիտուտում որևէ թուրք պաշտոնյա ինչ–որ բանի հնարավորություն է ստանում, ապա անպայման առանց կաշկանդվելու ցուցաբերում է կողմնակալություն` առաջ տանելով պրոադրբեջանական և հակահայկական տեսակետները։
Ըստ նրա` գուցե ՄԱԿ–ում կա հերթականության հանգամանք, և եկել է Թուրքիայի ներկայացուցչի ժամանակը, բայց եթե ՄԱԿ–ի կանոնակարգում կա հնարավորություն, որի շնորհիվ Հայաստանը կարող է հարցը բարձրաձայնել, իր շահերից ելնելով խոսել անաչառության խնդրի մասին, ապա պետք է անպայման օգտագործել այն։
«Տեսնու՞մ եք, նույնիսկ ՆԱՏՕ–ով Թուրքիայի դաշնակից Հունաստանն ունի առարկություն։ Ինձ համար մեր երկրի, Հունաստանի ու Կիպրոսի միասնությունը շատ հետաքրքիր գաղափար է, ինչը պետք է ապագայում միշտ զարգացնենք, ավելի խորացնենք համագործակցությունը։ Բայց, եթե նույնիսկ այդ երկու երկրները չմիանային, միևնույն է, ՄԱԿ–ի կանոնակարգի համաձայն` անգամ եթե մեկ երկիր ունի առարկություն, հարցը պետք է դրվի քվերակության։ Թուրքիայի ու Ադրբեջանի համար պետք է դաս լինի, որ Հայաստանը երբեք չի լռելու և բարձրաձայնելու է իրեն հուզող խնդիրները։
Խաչատուրյան քույրերի պաշտպանը դիմել է ՄԱԿ-ի հատուկ զեկուցողին
Անկախ նրանից` ով կլինի ՄԱԿ–ի նստաշրջանի նախագահող, պետք է առաջ տանենք մեր շահը»,– Sputnik Արմենիայի հետ զրույցում ասաց նա:
Պողոսյանի կարծիքով` մենք շատ ժամանակ ընդունել ենք միջազգային հանրության կարծիքը` չօգտվելով եղած հնարավորություններից, ուստի ժամանակն է, որ արդեն մե՛ր շահերը տանենք առաջ։ Ըստ Պողոսյանի` անհրաժեշտ է բարձրաձայնել, որ այն երկիրը, որը չի ընդունում Հայոց ցեղասպանությունը, միակողմանիորեն աջակցում է Ադրբեջանին, չունի դիվանագիտական հարաբերություններ Հայաստանի հետ, իրավունք չունի գլխավորել թեկուզ մեկ վեհաժողով։
«Թուրքիան թշնամաբար է վերաբերվում Հայաստանին` փակ պահելով նրա հետ սահմանը, ենթարկելով բլոկադայի, էլ չխոսենք նրա կողմից Մերձավոր Արևելքում իրականացվող անօրինականությունների, այդ թվում՝ ահաբեկչական խմբավորումներին ֆինանսավորելու և զինելու մասին։ Հասկանում եմ, որ միջազգային հարաբերություններում չկա արժեքային միջավայրի խնդիր, կա միայն շահերի մատրիցա, ուստի հենց այդ մատրիցայի շրջանակում նույնպես պետք է կարողանանք մեր շահերը տանել առաջ և դա անել անխտիր բոլոր միջազգային ատյաններում»,– նշեց «Մարդկային զարգացման միջազգային կենտրոնի» ղեկավարը։
Փոխզիջումների դեպքում էլ գծեր կան Հայաստանի, Արցախի և Ադրբեջանի համար. Փաշինյան
Պողոսյանի համոզմամբ` Հայաստանը պետք է իր դիրքորոշումը բարձրաձայնի ՄԱԿ–ի 75-րդ նստաշրջանում նույնիսկ այն դեպքում, եթե նախագահող ընտրվի թուրք դինավագետը, ինչը կվկայի այն մասին, որ մենք աչալուրջ հետևելու ենք նրա գործողություններին` ապահովագրելով մեզ տհաճ իրողություններից։