Էդուարդ Ապրիյան

Ի՞նչ ազդեցություն է ունեցել կորոնավիրուսը անշարժ գույքի շուկայի վրա. Ապրիյան

1166
(Թարմացված է 14:26 02.07.2020)
Անշարժ գույքի գնահատմամբ ու վաճառքով զբաղվող «Ռեդ գրուպ» ընկերության բիզնեսի զարգացման գծով տնօրեն Էդուարդ Ապրիյանը Sputnik Արմենիայի եթերում խոսել է կորոնավիրուսով պայմանավորված անշարժ գույքի շուկայում տեղի ունեցող գործընթացների մասին։ 
Ապրիյան. «Երևանի կենտրոնում գույք ձեռք բերել ցանկացողների մոտ առայժմ սպասողական վիճակ է»

Էդուրադ Ապրիյանի դիտարկմամբ` որպեսզի հասկանալի լինի, թե ինչպես է աշխատում ամբողջ համակարգը, արդյոք կա անկում, թե աճ, պետք է պարզել, թե ովքեր են շուկայի մասնակիցները և ինչպիսի վարքագիծ են դրսևում ստեղծված իրավիճակում։ Ըստ այդմ` շուկայում կան չորս տարբեր խմբերի գնորդներ և վաճառողներ։

«Վերցնենք, օրինակ, ֆինանսական գնորդների ու վաճառողների խումբը։ Վաճառողն իր հերթին, ֆինասական պայմաններից ելնելով, պետք է գույքը վաճառի, ընդ որում` շատ արագ։ Նույն կերպ գնորդը, որն ունի սահմանափակ բյուջե, նախանշում է իր գումարն ու ասում, որ պատրաստ է առևտուր անել այդ գումարի շրջանակում։ Դա նշանակում է, որ եթե գնորդին առաջարկենք փոքր–ինչ ավելի լավ որակով բնակարան, փոքր–ինչ ավելի բարձր գնով, նա չի կարող իրեն նման բան թույլ տալ»,– նշում է Ապրիյանը։  

Նրա տեղեկացմամբ` մյուս երեք խմբերում են կենցաղային, ներդրումային և ստատուս գնորդները, և նրանցից յուրաքանչյուրի համար կարևոր են որոշակի առավելություններ։ Հիմա շուկայում դոմինանտ են կենցաղային գնորդները` կազմելով 40-45 տոկոսը, այսինքն` այն գնորդներն են, ովքեր նախընտրում են կենցաղային պայմանները, դրանք դարձնում են դոմինանտ և նախընտրում են ավելի հարմարավետ բնակարաններ կամ առանձնատներ, որովհետև նրանց համար նախևառաջ կարևոր են կենցաղային պայմանները։ 

«Եթե նրանց ավելացնենք ֆինանսական գնորդների մի հատվածին, որոնց համար եկամտային հարկի վերադարձման շնորհիվ հնարավոր է ձեռք բերել բնակարան նորակառույց շենքերում, ապա անշարժ գույքի շուկայում հստակ է դառնում հենց կենցաղային գնորդների ակտիվությունը»,– Ապիրյանը։   

Նրա խոսքով` առկա իրավիճակում զգալի անկում է գրանցվել ստատուս գնորդների համար, ովքեր ցանկանում են ձեռք բերել թանկարժեք գույք մայրաքաղաքի կենտրոնում, օրինակ` Հյուսիսային պողոտայում։ Նրանց մոտ սպասողական վիճակ է, սպասում են շուկայի հետագա զարգացումներին, որպեսզի իրենց համար պարզեն, թե որքանով է արդարացված նման անշարժ գույքի ձեռք բերումը նման շուկայական պայմաններում և ստեղծված իրավիճակում։

Իսկ ներդրումային գնորդների առնչությամբ, որոնց հիմնական նպատակը գույք ձեռք բերելն է հետագայում այն վերավաճառելու կամ վարձակալության հանձնելու նպատակով, Էդուարդ Ապրիյանը նշում է, որ նրանց մոտ նույնպես նկատվում է որոշակի պասիվություն։

Գևորգյան. «Թանկարժեք բնակարանատերերը շատ կվճարեն, դղյակ ունեցողները՝ ավելի շատ»

«Թե՛ ստատուս գնորդներին, թե՛ ներդրումային գնորդներին կորոնավիրուսից առաջ էլ բաժին էր հասնում անշարժ գույքի շուկայի ընդհանուր գործարքների 20-25 տոկոսը։ Այս պարագայում դինամիկ կերպով աճ եմ տեսնում նորակառույց շենքերի կառուցապատման առումով, և տա Աստված, որ բացասական ազդեցություն չլինի այս գործընթացի վրա»,– նշում է է «Ռեդ գրուպ» ընկերության բիզնեսի զարգացման գծով տնօրենը։

Ապրիյանի գնահատմամբ` անշարժ գույքի երկրորդական շուկան փոքր–ինչ կաղում է, որովհետև նորակառույց շենքերն ավելի որակով են ընկալվում, ինչին գումարվում է նաև եկամտահարկը վերադարձնելու հանգամանքը, քանի որ եկամտահարկի վերադարձը շատերին մղում է հենց նորակառույց շենքերում բնակարան գնելուն, հետևաբար երկրորդական շուկայի անկումն այդքան էլ պայմանավորված չէ կորոնավիրոսով։         

 

1166
թեգերը:
Հայաստան, կորոնավիրուս, տուն, բնակարան, Անշարժ գույք
Ըստ թեմայի
Չինացիները սկսել են տարբեր երկրներում թանկ տներ գնել
Երևանում մեծ շենքային համալիր կկառուցվի և 345 բնակարան կհատկացվի հանրային ծառայողներին
Ապրիյան. «Սփյուռքահայերը հետաքրքրություն են դրսևորում Հայաստանի անշարժ գույքի շուկայում»
Գևորգ Հայրապետյան

Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

94
(Թարմացված է 18:13 27.10.2020)
Անձնական տվյալների պաշտպանության գործակալության պետ Գևորգ Հայրապետյանը Sputnik Արմենիայի հետ զրույցում անդրադարձել է թշնամու կողմից իրականացվող ևս մեկ վտանգավոր գործունեությանը, որ կարող է վտանգի ենթարկել անձնական տվյալները:
Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

Անձնական տվյալների պաշտպանության գործակալությունը մոնիթորինգի արդյունքում պարզել է, որ ադրբեջանցի հաքերներին հաջողվել է կոտրել Հայաստանի մասնավոր սեկտորի մի քանի տեսանկարահանող սարքեր և տեսագրությունը տեղադրել Youtube-ում: Խոսքը բնակարանների տեսախցիկների և մի քանի տնտեսվարողների տեսանկարահանող սարքերի մասին է:

«Այսինքն` նրանք կարողացել են մարդկանց տանը, խանութում և այլ վայրերում տեղադրված տեսախցիկների հասանելիություն ստանալ, քանի որ դրանք բավականաչափ պաշտպանված չեն»,- Sputnik Արմենիային ասաց Հայրապետյանը։

Նրա խոսքով՝ տեսախցիկներ ունեցողները պետք է պաշտպանության համապատասխան միջոցառումներ իրականացնեն` ընտրելով ապահով գաղտնաբառ: Եթե ինքնուրույն հնարավոր չէ ապահովել տեսահսկման համակարգերի անվտանգությունը, ապա պետք է դիմել համապատասխան մասնագետների, իսկ եթե չկա օգտագործման խիստ անհրաժեշտություն, ճիշտ կլինի որոշ ժամանակով անջատել սարքերը։

Հայրապետյանը զգոնության կոչ արեց և ասաց, որ տեսահսկման համակարգերին միջամտություն նկատելու դեպքում անհապաղ պետք է տեղեկացնել իրենց գործակալությանը և իրավապահ մարմիններին:

Ինչպես տարբերել թացը չորից, կամ ինչ պետք է իմանան հայերը պատերազմի ժամանակ

94
թեգերը:
հաքեր, Ադրբեջան, Հայաստան
Ըստ թեմայի
Հայ հաքերները կոտրել են Իլհամ Ալիևի պաշտոնական կայքը
Ադրբեջանական 13 հեռուստաալիքով հայկական տեսանյութ է ցուցադրվել
Ինչպես պաշտպանել Facebook-յան էջերն ադրբեջանական հարձակումներից. կարևոր կանոններ
Թևան Պողոսյան

Պետք է ամեն ինչ անենք, որ ժնևյան բանակցություններին ներկայանանք որպես օրակարգ թելադրող

564
(Թարմացված է 00:23 27.10.2020)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է այն հարցին, թե ինչ կարելի է ակնկալել հոկտեմբերի 29-ին նախանշված ժնևյան հանդիպումից։
Թևան Պողոսյան_26.10.2020

Թևան Պողոսյանի դիտարկմամբ` հրադադարին առնչվող խնդիրն Ադրբեջանում կապված է իրենց չավարտված ծրագրերի հետ, որովհետև Էրդողանն ու Ալիևը կամ ավելի շուտ Էրդողանն Ալիևին պարտադրելով բոլորովին այլ նպատակներ է հետապնդում, ուստի ձևավորված ճնշումների այս շրջանակում հակառակ կողմը փորձում է պարզապես ապացուցել, թե իրենք են որոշումներ կայացնողը։

«Մինսկի խմբի համանախագահող երկրները պետք է հասկանան, որ տարբեր ժամանակներում իրենց դիվանագիտական գործիքակազմը կիրառելիս, որոնք առանձին վերցրած բխել են նաև իրենց շահերից, այդուհանդերձ առաջին օրից բաց են թողել կենսական խնդիրները, մինչդեռ Թուրքիան ներգրավվելով հակամարտության մեջ` այսօր ինքնուրույն որոշումներ է կայացնում։ Համանախագահող երկրները պետք է կարողանան իրական հողի վրա օգտագործել արդյունավետ գործիքակազմ` լինի տնտեսական պատժամիջոցների տեսքով, թե ռազմական պարտադրանքի միջոցով»,– նշում է «Մարդկային զարգացման միջազգային կենտրոնի» ղեկավարը։

Պողոսյանի կարծիքով` նույնիսկ հոկտեմբերի 19-ին, երբ ՄԱԿ–ում եղան քննարկումներ, ԵԱՀԿ Մինսկի խմբի երեք համանախագահող երկրները, որոնք նախապես քննարկել ու ձևավորել էին միասնական մոտեցում, չկարողացան իրենց որոշումն անցկացնել, ինչը վկայում է այն մասին, որ նրանք այլևս չպետք է առաջնորդվեն լոկ հայտարարություններով։

«ԱՄՆ–ն կարող է ճնշում գործադրել Թուրքիայի վրա, եթե ներկա պահին իր շահերից ձևավորվեն այլ մոտեցումներ, սակայն այսօրվա դրությամբ նույն ԱՄՆ–ն հաշվի առնելով նախընտրական ժամանակաշրջանը` ցույց է տալիս, որ իր ներդրած բաժինը բավարար չի եղել։ Իրենք պետք է իրենց հարց տան` արդյո՞ք իրենք չեն ցանկացել իսկապես օգտագործել այն գործիքակազմը, որն անշուշտ կսաստեր Թուրքիային, թե՞ պարզապես սխալ են հաշվարկել Թուրքիայի իրական մղումները։ Սա վերաբերում է նաև Մինսկի խմբի մյուս երկու համանախագահներին։ Նրանք երեքն էլ պետք է հենց իրենց հարց տան` արդյո՞ք ճիշտ են եղել իրենց հաշվարկները, թե՞ ներդրված ջանքերը բավարար չեն եղել»,– նշում է «Մարդկային զարգացման միջազգային կենտրոնի» ղեկավարը։

Անդրադառնալով այն հարցին, թե ինչ կարելի է ակնկալել հոկտեմբերի 29-ին Ժնևում Հայաստանի, Ադրբեջանի արտգործնախարարների ու Մինսկի խմբի համանախագահների հանդիպումից` Պողոսյանն ընդգծում է, որ մինչև այդ հանդիպումը մենք ազգովի բռունցք դարձած պետք է ամեն ինչ անենք տնտեսական, սոցիալական, դիվանագիտական ասպարեզներում և իհարկե մարտի դաշտում, որպեսզի բանակցությունների սենյակ մտնենք որպես օրակարգ թելադրող։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

564
թեգերը:
Ադրբեջան, Թևան Պողոսյան, հրադադար, Արցախ, Հայաստան
Ըստ թեմայի
Շփման նոր գիծը գծվում է պատերազմում, կամ բանակցությունների բովանդակային կողմը մշուշոտ է
Ղարաբաղյան հակամարտությունը միայն խաղաղ կարգավորում կարող է ունենալ. Պեսկով
Ադրբեջանն առաջնագծի ողջ երկայնքով վերսկսել է նախահարձակ գործողությունները. Արցախի նախագահ
Թշնամին հրադադարը խախտեց խաղաղ բնակավայրերում. Մարտունու վրա կիրառվել է ռազմական ավիացիա
Ռեջեփ Թայիփ Էրդողան

«Նա ցանցառի մեկն է». ֆրանսիական Charlie Hebdo–ն պատկերել է Էրդողանի ծաղրանկարը

0
Ավելի վաղ Թուրքիայի նախագահը Ֆրանսիայի ղեկավարին խորհուրդ էր տվել զբաղվել իր հոգեկան առողջության խնդիրներով։

ԵՐԵՎԱՆ, 28 հոկտեմբերի - Sputnik. Ֆրանսիական Charlie Hebdo ամսագիրը պատկերել է Թուրքիայի նախագահ Ռեջեբ Թայիփ Էրդողանի ծաղրանկարը։ Այն հայտնվել է ամսագրի Twitter-ի էջում։

Ծաղրանկարում Էրդողանը կիսամերկ նստած է բազկաթոռին։ Նրա մի ձեռքում խմիչք է, իսկ մյուսով բարձրացնում է կնոջ զգեստը։ Ծաղրանկարի տակ գրված է. «Անձնական կյանքում Էրդողանը լավ էլ ցանցառի մեկն է»` նկատի ունենալով, որ թուրքական ղեկավարի իսլամի և հավատքի մասին խոսքերը զուտ խոսքեր են։

Ավելի վաղ Թուրքիայի նախագահը Ֆրանսիայի ղեկավարին խորհուրդ էր տվել զբաղվել իր հոգեկան առողջությամբ։ Դրանից հետո երկու երկրների հարաբերությունները սրվել էին։

0
թեգերը:
ծաղրանկար, ամսագիր, Ֆրանսիա, Ռեջեփ Թայիփ Էրդողան
Ըստ թեմայի
Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ