Արա Գալոյան

Մոնոպոլիա՞, թե՞ օլիգոպոլիա. որն է բենզինի շուկայում առկա հիմնական խնդիրը

55
Տնտեսագետ, «Պոլիտէկոնոմիա» հետազոտական կենտրոնի տնտեսական մեկնաբան Արա Գալոյանը Sputnik Արմենիայի եթերում անդրադարձել է վառելիքի, մասնավորապես, բենզինի հայաստանյան շուկայում առկա միտումներին։
Գալոյան. «Բենզինի շուկայում խնդիրը տնտեսավարողների քանակի մեջ չէ, այլ նրանց գործունեության»

Տնտեսագետ, «Պոլիտէկոնոմիա» հետազոտական կենտրոնի տնտեսական մեկնաբան Արա Գալոյանի դիտարկմամբ`մենք շատ հաճախ մոնոպոլիա բառը չարաշահում ենք, մինչդեռ տնտեսգիտությունը միշտ էլ փաստում է, որ մոնոպոլիայից բացի գոյություն ունի օլիգոպոլիա հասկացությունը, երբ ոչ թե մի հոգի է գերիշխում շուկայում, այլ մի քանի մասնակից, որոնք միշտ կարող են պայմանավորվել գնագոյացման ու իրացման ծավալների հարցում։

«Ցավոք սրտի այս պարզ իրողությունը Հայաստանում մշտապես գոյություն է ունեցել։ Ինչ –որ պահի, օրինակ, ընդամենը երեք ընկերություն էր համակարգիչ ներկրում Հայաստան, որոնք նախապես պայմանավորվում էին, թե իրենցից ով ինչ հայտ պետք է ներկայացնի մրցույթներին։ Նույնը այժմ կատարվում է բենզինի շուկայում։ Պետք է պայքարել այս երևույթի դեմ, հակառակ պարագայում վաղը կարող է շուկայում հայտնվել 16 խաղացող, խնդիրը քանակի մեջ չէ, այլ տնտեսվարողների գործունեության»,– Sputnik Արմենիայի հետ զրույցում ասաց տնտեսագետը։      

Գալոյանի կարծիքով` տվյալ շուկայում նոր ընկերությունների ի հայտ գալու խնդիրը կախված չէ ավելի խոշոր խաղացողների քմահաճույքից, այլ այն հանգամանքից, թե իշխանությունն այդքան կամք և ուժ կունենա՞ պայաքարելու բենզինի շուկայում եղած ստվերի դեմ։ Ըստ նրա` ի վերջո պետք է սահմանվեն ու հաստատվեն հստակ պայմաններ, քանի որ բենզինի քվոտավորված ներկրումն իր մեջ պարունակում է կոռուպցիոն ռիսկեր։

Հայաստանի բենզինն աշխարհի նավթի հետ կապ չունի՞. ինչու գնանկումն այստեղ չի հասնում

Տնտեսագետի փոխանցմամբ` շատ կարևոր է նաև, թե ապագայում կազմակերպվելիք խորհրդարանական լսումների ժամանակ կոնկրետ ՏՄՊՊ հանձնաժողովը որքան կբացի տեղեկությունը վերոհիշյալ շուկայում առկա իրողությունների ու միտումների վերաբերյալ։ 

Հիշեցնենք՝ ԱԺ տնտեսական հարցերի մշտական հանձնաժողովի նախագահ Բաբկեն Թունյանը խոստացել է բենզինի ու դիզվառելիքի շուկայի վերաբերյալ լսումներ կազմակերպել ու բացել բոլոր փակագծերը:

55
թեգերը:
Հայաստան, Բաբկեն Թունյան, Տնտեսական մրցակցության պաշտպանության պետական հանձնաժողով (ՏՄՊՊՀ), Շուկա, բենզին, Արա Գալոյան
Ըստ թեմայի
ՀՀ զորամասերից մեկում 7000 լիտր դիզվառելիք և բենզին է յուրացվել. Դատախազություն
Բենզինի գնի նվազումը չի օգնի Հայաստանի տնտեսությանը. ինչո՞ւ
ՏՄՊՊ հանձնաժողովը մատնված է անգործության. տնտեսագետը՝ բենզինի շուկայի մասին
Հայաստանի բենզինն աշխարհի նավթի հետ կապ չունի՞. ինչու գնանկումն այստեղ չի հասնում
Տիգրան Բարսեղյան

«ԱԱԾ–ն ինքնամաքրման կարիք ունի». ԱԱԾ նախկին պաշտոնյան`ընթացող փոփոխությունների մասին

105
(Թարմացված է 21:46 12.08.2020)
ՀՀ ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության պետի նախկին տեղակալ, գեներալ-մայոր Տիգրան Բարսեղյանը Sputnik Արմենիայի եթերում անդրադարձել է ԱԱԾ–ում տեղի ունեցած վերջին կադրային փոփոխություններին։

 

Բարսեղյան. «ԱԱԾ–ն իրականում ինքնամաքրման կարիք ունի»

Տիգրան Բարսեղյանի դիտարկմամբ` ԱԱԾ–ն երկրի հենասյուներից մեկն է, և այդ կառույցում փոփոխությունները նշանակում են, որ անհրաժեշտ են երկրի համար։ Ըստ նրա` Նիկոլ Փաշինյանը որոնումների մեջ է և ցանկանում է ԱԱԾ–ն դարձնել իրավական տեսանկյունից ամենահզոր կառույցներից մեկը։

«ԱԱԾ փոփոխությունները նշանակում են նաև ընդհանուր փոփոխություններ երկրում, որոնք պիտի նպաստեն ներքաղաքական ու տնտեսական կայունության ամրապնդմանը, բարեփոխումների սահուն իրականացմանը, արտաքին աշխարհի հետ հարաբերությունների հստակեցմանը, և այս ամենը հետապնդում է մի նպատակ. որպեսզի ԱԱԾ–ն առկա խնդիրները լուծի հետհեղափոխական ժամանակաշրջանի պահանջներին համապատասխան»,– նշում է գեներալ–մայորը։

Տիգրան Բարսեղյանի գնահատմամբ` նախկին ԱԱԾ–ն սպասարկում էր կոռուպցիոն որոշակի համակարգերին, հետևաբար պետք է ձերբազատվել կոռուպցիոն կապերով կաշկանդված նախկին աշխատակիցներին։ Անդրադառնալով այն հարցին, որ ԱԱԾ ներկայիս տնօրենն ընդամենը 29–ամյա անձ է և համակարգից չէ, ուստի կկարողանա՞ արդյոք արդյունավետորեն լուծել կառույցի առջև ծառացած խնդիրները, Տիգրան Բարսեղյանը նշեց, որ Արգիշտի Քյարամյանի գլխավորությամբ կառույցը հաստատապես կհաջողի իր աշխատանքներում, քանզի նորանշանակ տնօրենը վայելում է վարչապետի աջակցությունը։   

«Կարևոր է, որ Արգիշտի Քյարամյանը որոշել է կառույցի ղեկավար կազմում հավաքագրել մաքուր և պրոֆեսիոնալ անձանց, ովքեր պատրաստ են քաշել լուծը և ԱԱԾ–ն դարձնել իրավական կառույց։ Խոսքը վերաբերում է մասնավորապես տնօրենի տեղակալներին ու վարչությունների ղեկավարներին։ ԱԱԾ–ն իրականում ինքնամաքարման կարիք ունի, պետք է ձերբազատվել նախկինների հետ կապ ունեցողներից, ովքեր ձգտում են ռևանշի»,– նշում է ԱԱԾ նախկին պաշտոնյան։

ԱԱԾ տնօրենի տեղակալն իր աշխատասենյակում «ժուչոկ» է գտել. «Հրապարակ»

Բարսեղյանի կարծիքով` ԱԱԾ–ն իրավունք չունի թուլանալու և քաղաքական գործընթացներից հետ մնալու, այլ պետք է շարունակաբար ձեռքը պահի իրադարձությունների զարկերակի վրա, խնդիրներն իրավական հարթությունում ներկայացնի վարչապետին և իշխանություններին։ Ըստ նրա` ԱԱԾ–ն նախկինում փակ համակարգ էր, որովհետև թույլ չէին տալիս տեղեկատվության մատուցում հանրությանը, ինչն անընդունելի է, հետևաբար անհրաժեշտ է աշխատանքների արդյունքները թույլատրելիության սահմաններում պարբերաբար ներկայացնել հասարակությանը, ինչն ընդունված պրակտիկա է ամբողջ աշխարհում։   

Հիշեցնենք, որ այսօր ՀՀ նախագահ Արմեն Սարգսյանն Ազգային անվտանգության ծառայության տնօրենի երկու տեղակալ է նշանակել։ Նախագահի հրամանագրով ԱԱԾ տնօրենի տեղակալներ են նշանակվել Միքայել Համբարձումյանը և Արմեն Աբազյանը։

Հունիսի 8–ին Նիկոլ Փաշինյանի նախաձեռնությամբ զբաղեցրած պաշտոնից ազատվեց Ազգային անվտանգության ծառայության տնօրեն Էդուարդ Մարտիրոսյանը։  Նույն օրը ԱԱԾ տնօրենի պաշտոնում նշանակվեց ԱԱԾ տնօրենի տեղակալ Արգիշտի Քյարամյանը։

 

105
թեգերը:
Հրաժարական, պաշտոնյա, պաշտոն, Հայաստան, ՀՀ ազգային անվտանգության ծառայություն. ԱԱԾ
Սոս Մարգարյան

Անհանգստանա՞լ, թե՞ ոչ. ՀՀ գլխավոր սեյսմոլոգը՝ տարածաշրջանում սեյսմիկ անվտանգության մասին

359
(Թարմացված է 21:25 12.08.2020)
Սեյսմիկ պաշտպանության տարածաշրջանային ծառայության ղեկավար Սոս Մարգարյանը Sputnik Արմենիայի եթերում անդրադարձել է Թուրքիայի տարածքում գիշերը տեղի ունեցած երկրաշարժին, որի ցնցումները զգացվել են նաև Հայաստանում։   
Անհանգստանա՞լ, թե՞ ոչ. ՀՀ գլխավոր սեյսմոլոգը՝ տարածաշրջանում սեյսմիկ իրավիճակի մասին

Սեյսմիկ պաշտպանության տարածաշրջանային ծառայության ղեկավար Սոս Մարգարյանի փոխանցմամբ`մարդկանց նկարագրածը մի քիչ հարաբերական է, որովհետև ոմանք ասում են, թե ցնցումները շատ ուժեղ էին, ոմանք էլ նկարագրում են այնպես, ինչպես իրականում պետք է որ լինի։

«Չեմ ցանկանում նման դատողությունների վրա եզրահանգումներ անել։ Իրականում եղել է երկու թույլ հետցնցում, որոնց կապակցությամբ արվել ու արվում է մասնագիտական վերլուծություն։ Նշեմ, որ Իգդիրի խզվածքը բաղկացած է չորս սեգմենտից, արտառոց ոչ մի բան չկա, հետևաբար պետք չէ անհանգստանալ»,– Sputnik Արմենիայի հետ զրույցում ասաց նա։ 

Մարգարյանի տեղեկացմամբ`գրանցվել է թույլ երկրաշարժ, ու քանի որ երկրաֆիզիկական դաշտերը մեծ անոմալիաներ չեն տալիս այս պահին, ապա հաշվի առնելով 4.2 մագնիտուդով ուժգնությունը` կարելի է ասել, որ սեյսմիկ իրավիճակն այժմ իր ֆոնային արժեքների շրջանում է։ 

Շիրակում երկրաշարժի ահը սրտում 114 վթարային շենք կա. դասեր չե՞նք քաղում անցյալից

Հիշեցնենք, որ անցած գիշեր Թուրքիայի Իգդիր քաղաքից 12 կմ հարավ-արևելք օջախի 10 կմ խորությամբ, 4.2 մագնիտուդով երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 5-6 բալ: Երկրաշարժը զգացվել է ՀՀ Արմավիրի և Արարատի մարզերում՝ 4 բալ, իսկ Երևանում՝ 3-4 բալ ուժգնությամբ։

359
թեգերը:
էպիկենտրոն, Թուրքիա, Երկրաշարժ, Հայաստան
Ըստ թեմայի
ԱԷԿ-ի սեյսմիկ անվտանգության հայկական համակարգը ցանկանում են տեղադրել Լատինական Ամերիկայում
Մազից կախված. ՀՀ-ում 400 ոչ սեյսմակայուն դպրոց կա
ՀՀ–ում սեյսմիկ ցնցումների քանակն աճել է. 16–ի փոխարեն` 24–հարկանի շենքե՞ր կկառուցվեն
Անհանգստանալու առիթ չկա. ցնցումների օջախային գոտում լարվածությունը թուլացել է. սեյսմոլոգ
Президент Карабаха Араик Арутюнян на совместном заседании совета безопасности Армении и Карабаха (19 июня 2020). Еревaн

Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են նախատեսված

3
(Թարմացված է 09:23 13.08.2020)
Արցախի և Հայաստանի սահմանին տեղադրված անցակետում սահմանափակումները շարունակում են գործել, սակայն որոշակի մեղմացումներով։

ԵՐԵՎԱՆ, 13 օգոստոսի — Sputnik. Արցախի Հանրապետությունում ևս արտակարգ դրությունը մեկ ամսով երկարաձգվել է։ Այդ մասին որոշում է ստորագրել Արցախի նախագահ Արայիկ Հարությունյանը, տեղեկանում ենք նախագահի պաշտոնական կայք էջից։

Որոշման մեջ ասվում է, որ հաշվի առնելով այն հանգամանքը, որ Արցախի Հանրապետությունում նոր կորոնավիրուսային հիվանդության (COVID-19) հետևանքով առաջացած արտակարգ իրավիճակը շարունակում է սպառնալ բնակչության կյանքին և առողջությանը և կարող է հանգեցնել անձանց կենսագործունեության բնականոն պայմանների խախտման, որ 2020 թվականի ապրիլի 12-ին արտակարգ իրավիճակ հայտարարելու համար հիմք ծառայած հանգամանքները դեռևս չեն վերացել, Արցախի Հանրապետության Սահմանադրության 133-րդ հոդվածի ուժով նախագահը լիազորված է երկարաձգել արտակարգ իրավիճակի ժամկետը, 2020 թվականի օգոստոսի 12-ից, ժամը 22:00-ից` 30 օրով՝ մինչև 2020 թվականի սեպտեմբերի 11-ը, ժամը 22:00-ն ներառյալ ժամկետով:

Հիշեցվում է, որ 2020 թվականի օգոստոսի 12-ի դրությամբ Արցախում հաստատվել է կորոնավիրուսային հիվանդության 251 դեպքերը, որոնցից 231-ը` առողջացած (2020 թվականի ապրիլի 12-ից հետո դեպքերի թվի աճը կազմել է 245)։

Արցախի նախագահի հրամանագրի 2-րդ կետը վերաբերում է Արցախ մուտք գործելու սահմանափակումներին։

Ըստ այդմ, անցակետով թույլատրվում է Արցախի Հանրապետության քաղաքացիների և նրանց ընտանիքների՝ Արցախի Հանրապետության քաղաքացի չհանդիսացող անդամների, Արցախի Հանրապետության քաղաքացի չհանդիսացող, սակայն Արցախի Հանրապետությունում օրինական հիմքերով բնակվելու իրավունք ունեցող անձանց մուտքը Արցախի Հանրապետության տարածք: Պարետի որոշմամբ կարող են սահմանվել անցակետով նշված անձանց մուտքի հատուկ պայմաններ։

Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները

Անցակետով թույլատրվում է Արցախի Հանրապետության քաղաքացիություն չունեցող այլ անձանց մուտքը Արցախի Հանրապետության տարածք՝ սույն հավելվածով և պարետի որոշումներով սահմանված հատուկ պայմանների պահպանման դեպքում։ Պարետի որոշմամբ անցակետով Արցախի Հանրապետության քաղաքացիություն չունեցող այլ անձանց մուտքը կարող է արգելվել, ինչպես նաև սահմանվել մուտքի այլ առանձնահատկություններ։

Հիշեցնենք, որ երեկ ՀՀ կառավարությունը հրավիրված արտահերթ նիստում որոշում կայացրեց Հայաստանում 5–րդ անգամ երկարաձգել մարտի 16–ից հայտարարված արտակարգ դրությունը։ Այն կավարտվի սեպտեմբերի 11–ին, ժամը 22։00–ին։

3
թեգերը:
Արցախի նախագահ Արայիկ Հարությունյան, Արտակարգ դրություն, կորոնավիրուս, Լեռնային Ղարաբաղ, Արցախ
թեմա:
Կորոնավիրուսը Հայաստանում և Արցախում