Թևան Պողոսյան

Երբեք չպետք է թույլ տալ, որ Արցախը քաղաքական դաշտում դառնա շահարկումների գործիք. Պողոսյան

139
(Թարմացված է 15:32 23.05.2020)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է այն հարցին, թե նախագահական վերջին ընտրություններից հետո ինչ քաղաքական կուրս պետք է որդեգրի Արցախը, և այդ առումով ինչ պետք է ակնկալել ապագայում։
Պողոսյան. «Երբեք չպետք է թույլ տալ, որ Արցախը քաղաքական դաշտում դառնա շահարկումների գործիք»

Թևան Պողոսյանի կարծիքով` Արցախի նախագահ Արայիկ Հարությունյանը նախընտրական ժամանակաշրջանում ներկայացրել է իր բոլոր մոտեցումները ներքին ու արտաքին քաղաքականության վերաբերյալ, հետևաբար, երկրի զարգացման համար ճիշտն այն է, որ կուրսը շարունակվի, և Հարությունյանն իսկապես արդարացնի իրեն տրված քվեները։ 

«Եթե ոմանք ակնկալում են ազգային արժեքների փոփոխություն, նման բան չի լինելու։ Վստահ եմ, որ Արայիկ Հարությունյանը վստահաբար կկատարի իր տված խոստումները, իսկ մարտավարական խնդիրների մոտեցումներով հաշվի կառնվեն բոլոր այն իրողությունները, որոնց պայմաններում ապրում ենք` շարունակ ձեռքը պահելով փոփոխությունների զարկերակի վրա»,– Sputnik Արմենիայի հետ զրույցում նշեց «Մարդկային զարգացման միջազգային կենտրոնի» ղեկավարը։ 

Թևան Պողոսյանի համոզմամբ` Արցախում կա հաստատուն մի բան` ոչ ոք չի պատրաստվում շեղվել Արցախի զարգացման ուղուց։ Նա վկայակոչում է նախկին նախագահ Բակո Սահակյանի խոսքերը, ըստ որի` մենք բոլորս պարտավոր ենք գրկել ազատագրված Հայրենիքն ու տանել առաջ։

Պողոսյանի դիտարկմամբ` ցանկացած երկրի զարգացման համար շատ կարևոր է, նույնիսկ պարտադիր, որ երկրում տեղի ունենա օրինականության հաստատում, և այդ գործընթացում բնականաբար շահագրգռված է նաև Արցախը։

Արայիկ Հարությունյանը երդվեց ու ստանձնեց Արցախի նախագահի պաշտոնը

«Երբեք պետք է թույլ չտալ, որ Արցախը քաղաքական դաշտում դառնա շահարկումների գործիք, և այս իմաստով Արցախում կա այն գիտակցությունը, որ եթե ընտրությունների ընթացքում եղել են խախտումներ, ապա մեղավորները պետք է պատժվեն, և այդ գործընթացը չպետք է թողնի այնպիսի տպավորություն, թե մարդկանց մոտ կարող են առաջանալ կասկածներ կամ լինեն քաղաքական հետապնդումներ»,– նշում է «Մարդկային զարգացման միջազգային կենտրոնի» ղեկավարը։ 

Թևան Պողոսյանի փոխանցմամբ` նորընտիր նախագահի երդմնակալությունը և նորաստեղծ ԱԺ–ի առաջին նիստը ցույց տվեցին, որ Արցախում կլինի միասնական և ընդգրկուն կառավարման համակարգ։ Նրա գնահատմամբ` Արցախում միշտ մտածելու են, որ յուրաքանչյուր մարդու հանդեպ ցուցաբերվի ճիշտ մոտեցում, ինչը կարևոր է նաև անվտանգության տեսանկյունից, հետևաբար, չի լինի մի իրավիճակ, երբ գլխավոր հարցերը թողած` կմտնեն քաղաքական շահարկումների դաշտ։ Ըստ այդմ` բնակչությունը պետք է հասկանա խնդիրների էությունը, այլ ոչ թե ստեղծի թշնամանքի դաշտ, ուստի գլխավորը միասնականության հարցն է, և բաժանարար գծեր չպետք է լինեն։ 

Անդրադառնալով կոնկրետ Հայաստանի և Արցախի փոխհարաբերությունների հարցին` «Մարդկային զարգացման միջազգային կենտրոնի» ղեկավարը նշում է, որ երկու հանրապետությունների անվտանգության համակարգը մեկն է, հայությունը միասնական է, ուստի հարաբերությունները շարունակ պետք է լինեն ջերմ, աշխատանքային ու արգասաբեր` անկախ այն հանգամանքից, թե ովքեր կլինեն Արցախի ու Հայաստանի ղեկավարները, քանզի միասնականության առումով բոլորս նույն նավի մեջ ենք և իրավունք չունենք նույնիսկ չգիտակցելով գնալ առճակատումների։ Ըստ Պողոսյանի` մենք պարզապես պետք է խելացի լինենք մեր երազանքներին հասնելու և մեր շահերն առաջ տանելու համար։

Ինչու Փաշինյանն ու Հարությունյանը չքննարկեցին Արցախի խնդիրը, կամ նոր հարաբերություններ

139
թեգերը:
Թևան Պողոսյան, Արայիկ Հարությունյան, Արցախ
Ըստ թեմայի
Պողոսյան. «Չարժե Հայաստանից ներազդել արցախյան ընտրությունների վրա, ընտրողն արցախցին է»
Պողոսյան. «Միակ բանը, որ չի փոխվելու, արցախցիների հաստատակամությունն է»
Պողոսյան. «Եթե Արցախն արդեն որոշել է, ուրեմն հենց դա է լինելու լուծումը»
Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյան

Լուսնի խավարումը կտեսնեն նաև երևանցիները. աստղագետը նշել է ստույգ օրն ու ժամը

256
Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանը Sputnik Արմենիայի եթերում անդրադարձել է սպասվող լուսնի խավարմանը` հընթացս խոսելով այդ երևույթի գիտական և միստիկ կողմերի մասին։
«Լուսնի խաղարումը կտեսնեն նաև երևանցիները». աստղագետը նշում է ստույգ օրն ու ժամը

Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանի տեղեկացմամբ` խավարումները վերաբերում են երեք մարմինների` լուսնին, արեգակին և երկրին` նայած, թե փոխադարձաբար ինչ դիրք են գրավում նրանք միմյանց նկատմամբ, երբ մեկի լույսը կարող է մյուսի կողմից ծածկվել։

Ըստ այդմ, երբ երկիրը հայտնվում է արեգակի և լուսնի գծի վրա, ծածկում է արեգակի լույսը և լուսնի դեպքում, քանի որ վերջինս արեգակի կողմից է լուսավորվում (ինքը մութ մարմին է), լուսնի լույսը խավարում է։ Իսկ արեգակի խավարումը տեղի է ունենում այն դեպքում, երբ լուսինն է հայտնվում երկրի ու արեգակի արանքում, նույն գծի վրա։ 

«Կարծեք ճակատագրի քմահաճույք լինի, որ արեգակի ու լուսնի սկավառակները ճիշտ նույն չափի են, հետևաբար, երբ լուսինը ծածկում է արեգակին, օրը ցերեկով տեղի է ունենում խավարում։ Սովորաբար տարեկան լինում են մի քանի խավարումներ, ամենաշատը` լուսնի յոթ, իսկ արեգակի դեպքում` չորս, սակայն այս տարի նախատեսվում է արեգակի երկու և լուսնի չորս խավարում։ Հունիսի 5-ին կլինի լուսնի` այս տարվա երկրորդ խավարումը։ Առաջինը եղավ հունվարին` նույնպես կիսաստվերային խավարման տեսքով»,– նշում է Բյուրականի աստղադիտարանի տնօրենը։ 

Ինչ տիեզերական երևույթներ կտեսնենք 2018 թվականին. ներկայացնում է աստղաֆիզիկոսը

Արեգ Միքայելյանի կարծիքով` լուսնի գալիք խավարումը կերևա բավականին լայն շերտով, տարբեր տարածաշրջաններում։ Այն կտեսնեն նաև երևանցիները։ Խավարումը հունիսի 5–ին կսկսի Երևանի ժամանակով 21։45-ին, առավելագույն փուլը կլինի 23։24-ին և հունիսի լույս 6-ի գիշերը 01։04-ին ամբողջ գործընթացը կավարտվի։ Իսկ արեգակի խավարումը սովորաբար տևում է րոպեներ։ 

«Թեև իրականում խավարումների մեջ առանձնապես լուրջ բան չկա, բայց շատ դեպքերում դրանք համընկել են պատմական իրադարձությունների հետ։ Կարելի է վիճակագրորեն հաշվել` եթե դիտարկվեին հազարավոր խավարումներ, դրանցից քանիսը կհամընկնեին նման իրադարձությունների հետ։ Մի բան համենայն դեպս պարզ է, որ որոշ քանակի համընկնումներ կան, ինչն էլ տարատեսակ մեկնաբանությունների առիթ է հանդիսացել։ Օրինակ` Քրիստոսի ծննդյան ու խաչելության հետ կապում են լուսնի խավարումները։ Գիտական տեսանկյունից դա թույլ է տվել ճշգրտորեն որոշել մասնավորապես Քրիստոսի խաչելության օրը` հաշվի առնելով հենց լուսնի խավարումը»,– հայտնում է Բյուրականի աստղադիտարանի տնօրենը։ 

Միքայելյանի փոխանցմամբ` աստղագետները ճշգրտորեն կարող են հաշվարկել բոլոր խավարումները` կապված պատմական տարեթվերի հետ ցանկացած տեղում, ցանկացած ժամանակ, նույնիսկ վայրկյանների ճշտությամբ։

Օրինակ` մ.թ. 33 թվականի ապրիլի 3–ին եղել է լուսնի խավարում, հենց այդ օրն էլ տեղի է ունեցել Քրիստոսի խաչելությունը։ Նման օրինակներ կան նաև եվրոպական երկրների պատմության մեջ, երբ թագավորների մահը կապում էին արեգակի խավարման հետ, սակայն ոչ միշտ է այդպես եղել, ուղղակի որոշ նշանավոր դեպքերի համընկնումը ծնել է միստիկ բացատրություններ։        

Միքայելյան. «Հայաստանում լուսնի խավարում առանձնապես չէր դիտվում»

«Բերեմ մի շատ հայտնի դեպքի օրինակ. մ.թ.ա. 6-րդ դարի սկզբներին մեր տարածաշրջանում փոքրասիական ժողովուրդների միջև եղել է մեծ պատերազմ` բաղկացած մի քանի ճակատամարտերից, որոնց մասնակցել են լիդիացիներն ու մարերը։ Ճակատամարտերից մեկի ժամանակ տեղի է ունեցել արեգակի խավարում, կողմերը մտածել են, թե Աստված բարկացել է իրենց վրա, ուստի կնքել են հաշտություն։ Աստղագետները 20-րդ դարի երկրորդ կեսին ճշգրտորեն հաշվարկեցին, որ այդ ճակատամարտը տեղի է ունեցել մ.թ.ա. 585 թվականի մայիսի 28-ին։ Դա համարվում է պատմության մեջ առաջին ստույգ ամսաթիվ ունեցող իրադարձությունը»,– նշում է աստղագետը։ 

Արեգ Միքայելյանի գնահատմամբ` խավարումները և՛ աստղագիտական, և՛ պատմագրական ճշտումների համար հետաքրքիր աղբյուր են ծառայում։

Ինչպես է Ամերիկան խավարել արևից

256
թեգերը:
Լուսնի խավարում, Բյուրականի աստղադիտարան, աստղադիտակ, լուսին
Ըստ թեմայի
Կարմիր Լուսին և լուսնային խավարում` երևանյան երկնքում
Արևի խավարում. լուսինն անցել է արևի դիմացով
Աստղաբան. 2017 թվականը հարձակումների և խավարումների տարի է
Գառնիկ Պետրոսյան

Կորիզավոր պտուղների բերքը միջինից շատ ցածր կլինի. Պետրոսյանը` տեղումների հետևանքների մասին

42
ՀՀ գյուղատնտեսության նախկին փոխնախարար Գառնիկ Պետրոսյանը Sputnik Արմենիայի եթերում խոսել է շարունակական տեղումների` պտղատու այգիների վրա ազդեցությունից և կանխատեսել, թե ինչպիսին կլինի տարին բերքատվության առումով։
Պետրոսյան. «Արարատյան դաշտում կորիզավոր պտուղների բերքը միջին մակարդակից շատ ցածր կլինի»

Գառնիկ Պետրոսյանի դիտարկմամբ` ձմռան ժամանակահատվածը բավականաչափ բարենպաստ էր և որևէ խնդիր չարձանագրվեց, սակայն գարնան առաջին երկու ամիսներին գրանցվեցին ջերմաստիճանային լուրջ շեղումներ, ինչը չէր կարող բացասական հետևանքներ չունենալ բերքատվության վրա, որովհետև սթրեսային վիճակներ են առաջանում բույսերի մոտ, խաթարվում է կենսական գործընթացների բնականոն ընթացքը` ընդհանուր առմամբ խաթարելով պտղագոյացումը։  

«Բավականին տևական տեղումների հետևանքով գրանցվեցին բացասական հետևանքներ։ 10 օր շարունակ դիտվում էին առատ տեղումներ, ընդ որում` այն ժամանակահատվածում, երբ հատկապես կորիզավոր ծառատեսակների մոտ սկսում էր զարգանալ ծակոտկեն բծավորությունը, դեղձենու մոտ` գանգրոտությունը, և շատ դժվարությամբ էր հաջողվում պայքարի միջոցառումներ իրականացնել։ Նրանք, ովքեր բաց թողեցին պահը և դեռ նախորդ աշնանից պատշաճ մակարդակով չկատարեցին համարժեք աշխատանքներ, անխուսափելիորեն կանգնեցին նման իրավիճակի առջև»,– ասում է ՀՀ գյուղատնտեսության նախկին փոխնախարարը։  

Գառնիկ Պետրոսյանի կարծիքով` այժմ տպավորություն է, որ շատ այգիներում կարծես տերևաթափ է, տերևազրկվել են հատկապես ծառերի ստորին հատվածները, շատ տեղերում, մասնավորապես ծիրանենու պտուղները պատվել են բծերով, ինչի պատճառով դրանք հետագայում կունենան ցածր ապրանքային տեսք։ 

«Հանրապետականին չընտրինք, վարկ չտվին». Փաշինյանին տարել էին Արարատի ամենախնդրաշատ համայնք

«Արարատյան դաշտում ընդհանուր առմամբ կորիզավոր ծառատեսակների բերքը միջին մակարդակից զգալիորեն ցածր կլինի։ Սա վերաբերում է հատկապես ծիրանին, դեղձին ու կեռասին։ Դրանց ապրանքային տեսքը համենայնդեպս չի ունենա այն որակը, որ  սովորաբար ունեցել ենք»,– նշում է ՀՀ գյուղատնտեսության նախկին փոխնախարարը։ 

«Ցոգոլն իսկակա՞ն է». Փաշինյանը փորձեց հասկանալ՝ ինչու է մի ծառի բերքը շատ, մյուսինը՝ ոչ

Գառնիկ Պետրոսյանն անդրադառնում է նաև այն երևույթին, թե ինչու որոշ տեղերում բերքը լավ է, իսկ հարևանությամբ, ոչ հեռու գտնվող այգիներում` վատ։ Ըստ նրա` դա կախված է կիրառվող ագրոտեխնիկայից, մշակման աշխատանքներից, այգու ծառերի տարիքից, դիմացկունությունից, ծաղկման ժամանակահատվածից։

Գառնիկ Պետրոսյանը հավաստում է, որ այս տարի կունենանք խաղողի լավ բերք։ 

42
թեգերը:
բերք, Անձրև, Հայաստան
Վլադիմիր Լոպուխին

Կորոնավիրուսից մահացել է Ռուսաստանի էներգետիկայի առաջին նախարարը

11
(Թարմացված է 14:51 26.05.2020)
Մահվան մասին տեղեկությունը  հայտնել է էներգետիկայի նախկին նախարարի ընկերը` գրող Դենիս Դրագունսկին։

ԵՐԵՎԱՆ, 26 մայիսի –Sputnik. ՌԴ վառելիքի և էներգետիկայի առաջին նախարար Վլադիմիր Լոպուխինը մահացել է կորոնավիրուսից։ Տեղեկությունը Facebook–ի իր էջում հայտնել է նրա ընկերը` գրող Դենիս Դրագունսկին։

«Այսօր կորոնավիրուսային վարակից կյանքի 69-րդ տարում մահացել է իմ վաղեմի և հավատարիմ ընկեր Վլադիմիր Միխայլովիչ Լոպուխինը, մարդ, որին պարտական եմ հոգևոր և մտավոր կենսագրությանս համար։ Երկնային արքայություն քեզ, սիրելի Վոլոդյա, հավիտենական հանգիստ և հավերժ հիշատակ»,– գրել է Դրագունսկին։

Հայաստանում կորոնավիրուսից ևս 4 մարդ է մահացել. նրանցից 3-ը կանայք են

1991-1992 թվականներին Լոպուխինը զբաղեցրել է հետխորհրդային Ռուսաստանի էներգետիկայի նախարարի պաշտոնը։  Հետագա տարիներին ղեկավար պաշտոններ է զբաղեցրել բանկային կառույցներում։

Մահացած Կարինե Բուռնազյանի մոտ կորոնավիրուս է հաստատվել. նա մի շարք խնդիրներ է ունեցել

11
թեգերը:
Մահ, Նախարար, համավարակ, Ռուսաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Սուրբ Աստվածամայր» ԲԿ–ում 5–ամյա երեխա է մահացել. պատճառը դժբախտ դեպքն է
ԱՀԿ-ն կանգնեցրել է COVID-19-ի դեմ երկու դեղամիջոցի մշակումը. մահացության ռիսկը մեծ է
Աշխարհում կորոնավիրուսի 5.5 մլն դեպք է բացահայտվել, ավելի քան 347 հազարը մահացել են
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ