Թաթուլ Մանասերյան

Մանասերյան. «ՀՀ–ն շատ ցուցանիշներով ամենաշատն է օգտվել ԵԱՏՄ ընձեռած հնարավորություններից»

57
(Թարմացված է 18:36 19.05.2020)
ԵԱՏՄ–ում պարզեցվել են պարենային սննդամթերքի և ոչ պարենային ապրանքների փոխադրման պահանջները։ Տնտեսագետ Թաթուլ Մանասերյանը Sputnik Արմենիայի եթերում ասել է, թե այդ այդ որոշումն ինչ ազդեցություն կունենա հայկական բիզնեսի վրա։
Մանասերյան. «ՀՀ–ը շատ ցուցանիշներով ամենաշատն է օգտվել ԵԱՏՄ ընձեռած հնարավորություններից»

Թաթուլ Մանասերյանի դիտարկմամբ` նախ պետք է նկատել, որ այդ պարզեցումները պետք է լինեին շատ ավելի վաղ, քանզի նախատեսված էին ավելի շուտ։ Ըստ նրա` նշված պարզեցումների արդյունքում հատկապես բեռնափոխադրումների մաքսազերծումների ընթացքում բավականին ժամանակատար խնդիրները կարող են ավելի արագ լուծվել, ինչը վերաբերում է մասնավորապես Վերին Լարսում առկա կուտակումներին։

«Եթե դիտարկենք համագործակցության համատեքստում, ապա դա ընդհանուր շղթան է տնտեսական գործառույթների, որոնք ավելի արդյունավետ են դարձնում կապերն ինչպես առանձին գործընկեր երկրների, այնպես էլ բազմակողմ հարաբերությունների։ Ի վերջո, երբ ասում ենք ԵԱՏՄ և ընդհանուր տնտեսական շուկա, առաջին հերթին նկատի ունենք հենց դա, որ պետք է լինի փոխվստահություն և ավելի պարզեցված ընթացակարգեր»,– նշում է տնտեսագետը։

Մանասերյանի կարծիքով` ԵԱՏՄ ինտեգրացիոն գործընթացներն այս պահին արդյունավետ են, որովհետև կա պատրաստակամություն, ինտեգրացիոն գործընթացները խորացնելու քաղաքական կամք և նոր ոլորտներ ընդգրկելու նպատակասլացություն։

«Այնուամենայնիվ օբյեկտիվ լինելու համար պետք է նշել, որ կան փոխհարաբերություններ, որոնք ավելի օրինակելի են մյուսների համար, և դրանցից կառանձնացնեի Ռուսաստանի հետ մեր երկրի տնտեսական կապերը, որոնց ամբողջությունը նույնիսկ կարելի է դիտարկել որպես մոդել։ Կամ, ասենք, Հայաստանի դերը ԵԱՏՄ–ում, քանի որ մեր երկիրը բազմաթիվ ցուցանիշներով իրոք ամենաշատն է օգտվել ԵԱՏՄ ընձեռած հնարավորություններից, ինչը ես համարում եմ չնչին մասն այն օգուտների, որ կարելի է ունենալ բազմակողմ հարաբերություններով բոլոր երկրների համար»,– ասում է տնտեսագետը։

Հայաստանը ԵԱՏՄ ռազմավարության միայն մեկ հարցի հետ համաձայն չէ. Փաշինյան

Մանասերյանի համոզմամբ` արտահանման ծավալների աճը և ընդհանուր կարողությունների զարգացումն այն ֆոնին, երբ այլ երկրներում համեմատաբար ավելի համեստ ցուցանիշներ են արձանագրվել, մեր համագործակցությունն իսկապես օրինակելի է։ Ըստ այդմ` պետք է ձգտել, որ նման հարաբերություններ ստեղծվեն նաև ԵԱՏՄ մյուս երկրների հետ, ինչպես նաև այն պետությունների հետ, որոնց անդամագրումն ակնկալվում է մոտ ապագայում։

Տնտեսագետը առաջին հերթին կարևորում է ժամանակին ստանձնած պարտավորությունների կատարումը, և այս հարցում հինգ երկրներն էլ իրենց թերացման բաժինն ունեն, հետևաբար մինչև նոր համաձայնություններ ձեռք բերելը, բանակցություններ վարելն անհրաժեշտ է, որ պարտավորությունները կատարվեն։ Ըստ նրա` բազմակողմ ձևաչափը շատ կարևոր է, բայց դրա մեջ յուրաքանչյուրը իր պատասխանատվության մասը պետք է բարեխղճորեն կատարի, հետևաբար երկկողմ ձևաչափը հենց նրա համար է, որ երկրներն իրենց համար առավել առաջնային խնդիրները կարողանան գործընկերների հետ ուղիղ կապերով, դեմ առ դեմ քննարկել, նոր հետո դնել ընդհանուր սեղանին։

Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից

57
թեգերը:
Թաթուլ Մանասերյան, Եվրասիական Տնտեսական Միություն (ԵԱՏՄ), Հայաստան
Ըստ թեմայի
Կորոնավիրուսն ու ներկրումը. ինչպես կանդրադառնա Covid-19-ը հացի ու հավի գների վրա
Փաշինյանը շարունակում է հայ–ռուսական հարաբերությունները գնահատել փայլուն
Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին
Սամսոն Գրիգորյան

«Կարգապահ հարկատուն ՊԵԿ–ի հետ պետք է խնդիր չունենա` անկախ վարակից». Գրիգորյան.

14
«Կասեցում» քաղաքացիական շարժման համակարգող, գործարար Սամսոն Գրիգորյանը Sputnik Արմենիայի եթերում անդրադարձել է ՊԵԿ փոխնախագահ Արթուր Սահակյանի դիտարկմանը, ըստ որի` կոմիտեն անում է հնարավորը, որ կարգապահ հարկ վճարողները հաղթահարեն կորոնավիրուսով պայմանավորված իրավիճակը։ 
Գրիգորյան. «Կարգապահ հարկատուն ընդհանրապես ՊԵԿ–ի հետ պետք է խնդիր չունենա` անկախ վարակից»

«Կասեցում» քաղաքացիական շարժման համակարգող, գործարար Սամսոն Գրիգորյանի խոսքով` անցկացրած ընդհանուր մոնիթորինգը ցույց է տվել, որ որևէ փոփսոխություն ըստ էության չկա, աշխատող ձեռնարկատերերի գործունեությունն ընթացել է բնականոն հունով, և միայն այն դեպքերում, երբ հարկ վճարողները կարծում էին, որ ՀԴՄ կտրոններ չտպելով իրենք իրավունք ունեն աշխատել ու խնդիրներ չեն ունենա, տուգանվել են։ Ըստ Գրիգորյանի` նրանք ըստ էության չեն գիտակցել իրավիճակի լրջությունը, իսկ ՊԵԿ–ը ցուցաբերել է նույն գործելաոճը։ 

«Չեմ կարծում, որ ՊԵԿ փոխնախագահի հայտարարությունը մեծ փոփոխություններ կբերի իր հետ` ստեղծելով նոր իրավիճակ, բայց ամեն դեպքում կարգապահ հարկատուն ընդհանրապես ՊԵԿ–ի հետ պետք է խնդիր չունենա, կապ չունի` կորոնավիրուսային շրջանում է, թե ոչ»,– Sputnik Արմենիայի հետ զրույցում ասաց նա։ 

Գրիգորյանի տեղեկացմամբ` թեև իրենք կառավարության աջակցության 8-րդ միջոցառման շահառու են եղել, սակայն մեծ մասամբ իրենց առջև ծառացած խնդիրները լուծել են ինքնուրույն։  Ըստ նրա` խնդիրներն այնքան շատ էին, որ կառավարությունն ի զորու չէր դրանք ամբողջությամբ լուծել, բայց 8-րդ ծրագրով հատկացված գումարներն ուղղվել են աշխատավարձերի պահպանմանը, որպեսզի դրանք չկրճատվեն։ 

«Այդուհանդերձ շատ էին մեր գործընկեր ձեռներեցները, ովքեր նույնպես շահառու էին, սակայն այդպես էլ չկարողացան օգտվել ծրագրից սուբյեկտիվ պատճառներով, որովհետև ծրագրից օգտվելու համար պետք է եռամսյակային հաշվետվությունում ճիշտ լրացնեին ՏԳՏ կոդերը»,– նշեց «Կասեցում» քաղաքացիական շարժման համակարգողը։

Գրիգորյան. «Լավագույն դեպքում 2–3 ամիս ապրանքաշրջանառության խիստ պակաս կզգացվի»

Գրիգորյանի հաղորդմամբ` իրենց ֆեյսբուքյան խմբում գրանցված ՓՄՁ–ներից մոտ հարյուրն օգտվել են ծրագրից, սակայն հազարավորները կան, որոնք նույնիսկ տեղն էլ չգիտեն։ Ըստ նրա` իրենց առջև ծառացած ամենամեծ խնդիրը տարածքի վարձավճարներն էին, իսկ այդ հարցում կառավարությունը չօգնեց, թեև որոշ շուկաների սեփականատերեր սահմանեցին որոշակի զեղչեր։

Ձեռնարկատերերն աշխատողների եկամտահարկերը մուծել են ամբողջությամբ, իսկ շրջհարկը՝ քիչ, որովհետև առկա պայմաններում շրջանառության ծավալները եղել են անհամեմատ փոքր։

«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան

14
թեգերը:
հարկեր, Պետական եկամուտների կոմիտե (ՊԵԿ), գործարար, Հայաստան
Ըստ թեմայի
17․2% տնտեսական անկում․ ինչ վիճակում է ՀՀ տնտեսությունը, և արդյոք կավելանա արտաքին պարտքը
Տնտեսությունն աճում է, գյուղատնտեսությունը` անկում ապրում, խոպան գնացողները պակասել են. ԿԲ
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
Գևորգյան. «Ծանր վիճակում են հատկապես ծաղկաբույսեր աճեցնող ջերմային տնտեսությունները»
Գագիկ Մակարյան

«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան

36
Հայաստանի գործատուների միության նախագահ Գագիկ Մակարյանը Sputnik Արմենիայի եթերում անդրադարձել է ՊԵԿ փոխնախագահի կողմից ներկայացված տեղեկատվությանը, ըստ որի` 4 ամսվա տվյալներով ընդամենը 12.000 աշխատող է կորցրել իր աշխատանքը։
Մակարյան. «Կորոնավիորսի պատճառով ՀՀ–ում գործազուրկների քանակը կհատի 40 000 սահմանը»

Գագիկ Մակարյանի դիտարկմամբ` ներկայացված տվյալները հիմնավորված են, և եթե հիմա թիվն այդքան է, ապա հետագայում անպայման կաճի։ Ապրիլի վերջին իրենց միության կողմից անցկացվել է հետազոտություն, որի նպատակն էր պարզել կորոնավիրուսի բացասական ազդեցությունը ձեռնարկատիրական գործունեության վրա։ 213 կազմակերպություն խնամքով պատասխանել են տրված հարցերին, և հետազոտության արդյունքները ցույց են տվել, որ ձեռնարկությունների 32 տոկոսը ժամանակավորապես է դադարեցրել գործունեությունը, հետևաբար կունենան աշխատավարձի վճարման հետ կապված խնդիրներ, իսկ 48 տոկոսը մասամբ է դադարեցրել գործունեությունը։ 20 տոկոսն էլ գործում է հեռավար տարբերակով։  

«Մայիս ամսին պրոցեսներն իներցիայով շարունակվել են, ու շատ քիչ ոլորտներում է, որ ընկերությունները վերսկսել են իրենց գործունեությունը։ Երկրորդ կարևոր ցուցանիշն այն է, որ ձեռնարկատերերի 88 տոկոսը նշել է, թե ունեն հնարավորություններ վճարելու անձնակազմի աշխատավարձն ու շարունակելու ձեռնարկատիրական գործունեությունը»,– նշում է Հայաստանի գործատուների միության նախագահը։ 

Մակարյանի փոխանցմամբ` դրամական միջոցների անբավարար հոսքերը պայմանավորված են մի քանի խնդիրներով։ Մի կողմից 68 տոկոսը նշել են, որ սպառողները, հաճախորդները, գնորդները ենթարկվել են վարակի ազդեցությանը, հետևաբար պահանջարկը նորմայից ցածր է։ Մյուս կողմից 22 տոկոսը նշել են, որ աշխատողները բացակայում են աշխատանքից հիվանդության կամ կառավարության կարգադրությունների պատճառով, իսկ մի մասն էլ նշել է, որ իրենց գործընկերները չեն կարողանում գումարները վճարել, քանի որ նրանք էլ են հայտնվել վատ վիճակի մեջ։ 

«Փաստորեն ձեռնարկատերի 86 տոկոսը ֆինանսական խնդիրների մեջ են և այդ խնդիրների մեջ հատուկ ընդգծվել է աշխատավարձի հանգամանքը։ Ճիշտ է, կառավարությունը փորձեց տարբեր միջոցառումների շնորհիվ փոխհատուցել կամ հորդորեց վարկեր վերցնել և վճարել աշխատավարձերն ու հարկերը, սակայն այստեղ էլ կա խնդիր այն առումով, որ կառավարության աջակցության առաջին ծրագիրն առանձնապես մեծ հաջողություն չունեցավ, երկրորդ ծրագիրն առնչվում էր գյուղատնտեսությանը, բայց առանձնապես զբաղվածության հետ առնչություն չուներ, իսկ երրորդ ծրագիրը, որն առնչվում էր ՓՄՁ–ներին, ընդամենը մի քանի հարյուրը կարողացան օգտվել դրանից»,– նշում է Մակարյանը։

Կորոնավիրուսը կկարողանա՞ բուժել Հայաստանի տնտեսության խրոնիկ հիվանդությունը

Նրա համոզմամբ` կորոնավիրուսի բացասական ազդեցությունը ձեռնարկատիրության վրա զգալիորեն նկատելի կլինի նաև հունիս, հուլիս ամիսներին և գործազուրկների թիվը էականորեն կաճի` հետագայում հատելով 40 հազարի սահմանը։     

36
թեգերը:
աշխատավարձ, աշխատատեղ, աշխատող, գործազուրկներ, Գործազրկություն, գործատու, կորոնավիրուս, Հայաստան
Ըստ թեմայի
Երևանի 2 օբյեկտում հաճախորդին նարգիլե են առաջարկել. նրանց աշխատանքը 2 օրով կասեցված է
Նիկոլ Փաշինյանն աշխատանքի և սոցիալական հարցերի նոր փոխնախարար է նշանակել. ով է նա
4 ամսվա ընթացքում ընդամենը 12 հազար քաղաքացի է կորցրել աշխատանքը. ՊԵԿ փոխնախագահ
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

60
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

60
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները