Արա Ղազարյան

Ղազարյան. «ՍԴ ճգնաժամի լուծումը բացառվում է առանց հանրաքվեի»

213
(Թարմացված է 14:49 17.05.2020)
Փաստաբան Արա Ղազարյանը Sputnik Արմենիայի եթերում անդրադարձել է Սահմանադրական դատարանի շուրջ առաջացած ճգնաժամի հանգուցալուծման հեռանկարին։
Ղազարյան. «ՍԴ այսպես կոչված ճգնաժամն այլ կերպ լուծելու անգամ տեսական հնարավորություն չկա»

Փաստաբան Արա Ղազարյանն, անդրադառնալով ՀՀ Արդարադատության նախարար Ռուստամ Բադասյանի՝ Վենետիկի հանձնաժողով դիմելու փաստին, նշեց, որ այժմ դժվար է ենթադրություններ անել դրանց արձագանքի մասին, քանի որ հայտնի չէ, թե նախարարը կոնկրետ ինչ հարցադրումներ է արել․ հանձնաժողովին ուղղված դիմումի ձևակերպումը հայտնի չէ, ոչ էլ Ռուբեն Ռուբինյանի գրառումն է բացահայտում այն։ 

Մայիսի 15-ին ԱԺ «Իմ քայլը» խմբակցության պատգամավոր Ռուբեն Ռուբինյանը հայտարարություն տարածեց, որում նշված էր, որ ՀՀ գործող իշխանությունները ՍԴ շուրջ առաջացած ճգնաժամը լուծելու այլընտրանքային ուղիներ են փնտրում։ Նա հայտնել էր նաև, որ ՀՀ Արդարադատության նախարար Ռուստամ Բադասյանը դիմել է ԵԽ գլխավոր քարտուղարին (Վենետիկի հանձնաժողով)՝ ՀՀ Սահմանադրական դատարանի շուրջ ստեղծված ճգնաժամի հանգուցալուծման խնդրով։ 

«Իմ կարծիքով՝ նույնիսկ տեսական հնարավորություն չկա ՍԴ, այսպես կոչված, ճգնաժամը լուծելու։ Անգամ պատկերացում չունեմ, թե ինչպես կարելի է այլ կերպ լուծել հարցը։ Միանշանակ է այն, որ դա պետք է լինի ոչ թե քաղաքական, այլ իրավական գործընթացով պայմանավորված լուծում։ Վենետիկի հանձնաժողովը ժամանակին ասել է այդ մասին, և դա նույնպես տեսական մոտեցում է, ուստի եթե պետք է լինի իրավական մոտեցում, ապա ես նույնիսկ տեսականորեն չեմ պատկերացնում հանգուցալուծումը։ Այսինքն` ի՞նչ, ԱԺ–ն պիտի հավաքվի ու ասի, որ Սահմանադրական դատարանը պետք է լիազորությունները դադարեցնի՞։ Կրկնում եմ, հայտնի չէ, թե Բադասյանը կոնկրետ ինչ է հարցրել։ Ամենակարևորը դա է, սակայն դա չի բացահայտվում»,– Sputnik Արմենիայի հետ զրույցում ասաց փաստաբանը։

«Դատավորների համատարած վեթինգ հնարավոր չէ՝ առանց Սահմանադրությունը փոխելու»․ նախարար

Ղազարյանի դիտարկմամբ` տեսականորեն անհնար է, որ ԱԺ–ն ՍԴ գործունեությունը դադարեցնելու մասին որոշում կայացնի։ Այլ հարց է, եթե ընդունվի նոր Սահմանադրություն, վերացվի ՍԴ ինստիտուտը և այն միանա Վճռաբեկ դատարանին։ Ըստ փաստաբանի` նման նախագիծ կա, բայց այն նույնպես պետք է որոշվի հանրաքվեով։ 

«Եթե հանրությանը բացատրեն, թե կոնկրետ ինչ հարցադրումներ են արել, դրանից հետո նոր մասնագետներն ի զորու կլինեն պատասխանել հարցերին»,– ընդգծեց փաստաբանը։ 

Ղազարյանի խոսքով` թեև Վենետիկի հանձնաժողովի կարծիքն ունի խորհրդատվական նշանակություն, բայցևայնպես, բոլորն այդ կառույցի կարծիքն ընդունում են որպես Եվրոպական սահմանադրության մեկնաբանություն։

Ըստ նրա` եթե Կոնվենցիան ընդունում ենք որպես Սահմանադրություն, ապա Վենետիկի հանձնաժողովը կոչված է մեկնաբանելու եվրոպական սահմանադրական նորմերը։ Պետությունները հարգում են հանձնաժողովի տեսակետները, ուստի Հայաստանի կառավարությունը նույնպես դիմել է այդ կառույցին։ 

Հիշեցնենք՝ ՀՀ-ում ՍԴ ճգնաժամի լուծման նպատակով հանրաքվեն նշանակված էր ապրիլի 5-ին, որը, սակայն, չեղարկվեց երկրում կորոնավիրուսի տարածումը կանխելու նպատակով արտակարգ դրություն հայտարարելու օրը՝ մարտի 16-ին։

213
թեգերը:
Նախարար, Պատգամավոր, Ռուբեն Ռուբենյան, Ռուստամ Բադասյան, Վենետիկի հանձնաժողով, Սահմանադրական դատարան, հանրաքվե, փաստաբան, Արա Ղազարյան
Ըստ թեմայի
Փաշինյանին հիմա էլ նախագահ Սարգսյանի գրիչն է պետք. որքա՞ն գումար կծախսվի հանրաքվեի վրա
Այդ չարաբաստիկ գրիչը, որ սկզբում Թովմասյանի ձեռքում էր, իսկ հետո հայտնվեց Փաշինյանի մոտ
Կառավարությունը որոշել է, որ ճգնաժամ կա և գտել է ելքը. ինչ են առաջարկում ՍԴ դատավորներին
ՍԴ–ում ճգնաժամ կա. ԱԺ նախագահը սպասում է Հրայր Թովմասյանի «ծանրակշիռ խոսքին»
Գեղամ Հակոբյան

Տնային կալանք, երկրից վտարում, հասարակական աշխատանք... ՀՀ–ում նոր պատժատեսակներ են լինելու

38
(Թարմացված է 18:15 25.05.2020)
Փաստաբան Գեղամ Հակոբյանը Sputnik Արմենիայի եթերում անդրադարձել է քրեաիրավական ոլորտում նախանշված ծավալուն բարեփոխումների առանձնահատկություններին։ 
Հակոբյան. «Նախագիծը բավականին լայն նորությունների խումբ է ներմուծում մեր իրավական մշակույթի մեջ»

Փաստաբան Գեղամ Հակոբյանի դիտարկմամբ` քրեաիրավական ոլորտում նախանշված ծավալուն բարեփոխումների մեջ կան և՛ դրական, և՛ բացասական գործոններ։

Հարկային հանցագործությունները վտանգավոր են տնտեսական կայունության համար. ՊԵԿ–ը`Մարուքյանին

Օրինակ` այլընտրանքային նոր, հիմնական պատժատեսակների նախատեսումը դրական է, քանի որ դատարանների համար ստեղծվում է ավելի լայն հնարավորություն` ազատությունից չզրկելու դիմաց նոր պատժատեսակներ կիրառելու առումով, իսկ բացասական է պատիժը պայմանականորեն չկիրառելու ինստիտուտի փոփոխությունը, եթե գործող օրենսգրքով չկա դրա կիրառման սահմանափակում հանցատեսակի և պատժաչափի հետ կապված։ Նախագծով այն կիրառելի է դառնում մինչև չորս տարի ազատազրկում նախատեսող հոդվածների դեպքում։

«Նախագծով առաջարկվում է նաև մեզ համար բոլորովին նոր ազատության սահմանափակում, այսինքն` տնային կալանք կամ օտարերկրյա քաղաքացուն ՀՀ–ից վտարելը։ Սրանք հիմնականում ազատազրկումների այլընտրանքներ են։ Ի տարբերություն գործող կարգավորումների` նաև հանրային աշխատանքներն են ուղղակիորեն նախատեսվել սանկցիաներում, և դատարանները կարող են առանց որևէ նախապայմանի նշանակել նաև այս պատժատեսակը, ինչը նույնպես դրական է»,– ասում է փաստաբանը։

Գեղամ Հակոբյանի կարծիքով` նոր նախագիծն ինքնին բավականին լայն նորությունների խումբ է ներմուծում մեր իրավական մշակույթի մեջ։ Ըստ նրա` թեև տնային կալանքի երևույթը նորություն է, սակայն փաստաբանը կարծում է, որ այն կաշխատի։

Փաստաբանը տեղեկացնում է, որ իր պրակտիկայում չի եղել մի դեպք, երբ գրավի կիրառման դեպքում գրավի պայմանը խախտվի, և որևէ անգամ գրավը պետականացվի։

«Ցանկացած դեպքում եթե անձը մնում է ազատության մեջ, ապա նոր հանցագործություն կատարելու ռիսկը մեծ է։ Տնային կալանքը սահմանելիս պետք է հաշվի առնվի նաև այս հավանականությունը, այսինքն` անձի արարքին վերաբերող բնութագիրը։ Տնային կալանքի պարագայում այն կիրառող մարմինը պետք է գա այն համոզման, որ ազատության մեջ մնալու կամ խափանման տվյալ միջոցը կիրառելու դեպքում հանցագործությունը կրկնելու վտանգը կչեզոքանա»,– նշում է փաստաբանը։ 

Կոռուպցիայի դեմ պայքարը ՀՀ-ում. քանի «խոշոր ձուկ» են բռնել 2019-ին

Գեղամ Հակոբյանի փոխանցմամբ` քրեաիրավական փոփոխությունների նախագիծը վաղուց էր նախատեսված, ընդ որում` եղել են առանձին հանրային քննարկումներ։ Ըստ նրա` իրականում տեղի են ունեցել բավականին հետաքրքիր փոփոխություններ, որոնցից մեկն էլ հետաքննության փուլի վերացումն է, որն ինքնին ժամանակատար ու անտեղի գործընթաց էր։

Չնայած դրան` չի վերանում հետաքննության մարմինը, այլ փոխվում է նրա գործառութային բովանդակությունը` դառնալով զուտ նախաքննությանն օժանդակող, սպասարկող մարմին` հատկապես քննչական հանձնարարությունները կատարելու առումով։

Կանեփային բիզնես Հայաստանում. ինչում են մեղադրում ոստիկանությանը և ինչ է ենթադրում օրենքը

38
թեգերը:
քրեական ենթամշակույթ, Քրեական գործ, Հայաստան, Օրենք
Ըստ թեմայի
Մեկ հարվածը չի կարող որակվել որպես ծեծ. ՀՔԾ-ն՝ ԱԺ-ում տեղի ունեցած միջադեպի մասին
Արայիկ Հարությունյանը խնդրում է իր գրառումն ընդունել որպես հանցագործության մասին հաղորդում
«Տո դու ո՞վ ես, որ ինձ ընդհատես»․ պատգամավորները վիճեցին Ազգային ժողովում
Անդրեյ Ղուկասյան

Համավարակը խանգարել է տուրքերի հավաքագրմանը. Լոռու մարզպետը` սուբվենցիոն ծրագրերի մասին

51
(Թարմացված է 13:42 24.05.2020)
Լոռու մարզպետ Անդրեյ Ղուկասյանը Sputnik Արմենիայի եթերում անդրադարձել է մարզերում տեղական տուրքերի հավաքագրումների հետ կապված խնդրին։ Հայաստանում կորոնավիրուսի համավարակով և տնտեսական դժվարություններով պայմանավորված` տուրքերն ամբողջությամբ չեն հավաքագրվում։
Ղուկասյան. «Այս տարվա 2-րդ կիսամյակին համավարակի պատճառով նվազել է տուրքերի հավաքագրումը»

Լոռու մարզպետ Անդրեյ Ղուկասյանի փոխանցմամբ` 2019թ.–ին Լոռու մարզում տեղական տուրքերի ու սեփական եկամուտների մասով 100 տոկոսից ավելի ցուցանիշ է գրանցվել։ 2020թ.–ի առաջին եռամսյակում նույնպես գրանցվել են բարձր ցուցանիշներ, սակայն երկրորդ կիսամյակի կտրվածքով իսկապես կա ցուցանիշների նվազում, ինչը պայմանավորված է համաճարակով։ 

«Բայց մինչև հունիսի ավարտը հնարավորություն կա այդ ցուցանիշները շտկելու։ Նախորդ տարվա ցուցանիշներին գուցե չհասնենք այս փուլում, սակայն պետք է ամեն ինչ անենք, որպեսզի տարվա կտրվածքով կրկին ունենանք բարձր հավաքագրում, որովհետև դրանից է կախված և՛ այս տարվա, և՛ հաջորդ տարվա ծրագրերի իրականացումը, համայնքային հիմնարկների աշխատողների աշխատավարձերի հատկացումները»,– նշում է Լոռու մարզպետը։

Անդրեյ Ղուկասյանի տեղեկացմամբ` համայնքների բյուջեն ձևավորվում է ոչ միայն հավաքագրումների, այլև դոտացիաների շնորհիվ, և այդ առումով Լոռու մարզում համայնքներն ըստ ժամանակացույցի ստանում են դոտացիաների գումարները, սակայն շատ կարևոր է, որ հավաքագրումները նույնպես լինեն բարձր մակարդակի։ Անդրեյ Ղուկասյանի պնդմամբ` Լոռու մարզի համայնքներն այս պահի դրությամբ ֆինանսական լուրջ խնդիրներ չունեն։

«Տուրքերի հավաքագրման հարցում քաղաքների ու գյուղերի բաժանում չէի անի, քանի որ ունենք համայնքներ, որտեղ հավաքագրումն ավանդաբար գրանցում է բարձր ցուցանիշներ, և կան համայնքներ, որտեղ այս խնդիրը միշտ առկա է, ինչը կապված է շատ գործոնների հետ։ Մենք այս պահին ունենք ֆիքսած մի փոքր աշնանացան գարու և ցորենի ցանքատարածքների խնդիր, որի պատճառը եղել է չորային եղանակը։ Թեև ունենք վնասված ցանքատարածություններ, բայց դրանք մեծ ծավալի չեն և ոչ բոլոր համայնքներում են, իսկ ընդհանուր առմամբ գարնանացան հողատարածքների ավելի քան 650 հեկտարն է մշակվել Լոռու մարզում, ինչը շատ դրական ցուցանիշ եմ համարում։ Բավականին մեծացել  են նաև ոռոգելի վարելահողերի ծավալները` կապված սուբվենցիոն պետական միջոցներով իրականացվող ոռոգման համակարգի ներդրման հետ»,– նշում է Լոռու մարզպետը։

2020թ-ը հայտարարում ենք օձի պորտից ջուր խմելու տարի. Նիկոլ Փաշինյանը Լոռու մարզում է

Անդրեյ Ղուկասյանի փոխանցմամբ` սուբվենցիոն ծրագրերի ծավալը նույնպես աճել է, և 2020 թ.–ին նախատեսվում է 4,5 միլիարդ դրամի չափով ծրագրերի իրականացում։ Օրինակ` 2019 թվականին սուբվենցիոն ծրագրերի թվաքանակը եղել է 56, իսկ 2020թ.–ի համար նախատեսված է 98 ծրագիր, որոնք ընդգրկում են տարբեր ոլորտներ` սկսած ճանապարհաշինությունից, ոռոգման և խմելու ջրի համակարգերից մինչև հակակարկտային կայաններ, բնակելի շենքերի տանքիների վերանորոգում, մանկապարտեզների ու համայնքային շինությունների վերակառուցում։ Մարզպետի դիտարկմամբ` այդ ծրագրերն անշուշտ կապահովեն համապատասխան աշխատատեղեր, առավել ևս, որ Լոռու մարզի շատ բնակիչներ հայտնի պատճառներով չեն կարող մեկնել արտագնա աշխատանքի, հետևաբար նրանց զբաղվածության հարցը կլուծվի տեղում։ 

51
թեգերը:
Տեղական տուրք, Անդրեյ Ղուկասյան (Լոռու մարզպետ), Լոռի, կորոնավիրուս
Ucom- գրասենյակ

Հայաստանի կապի երեք օպերատորները համատեղ հայտարարություն են տարածել

0
(Թարմացված է 19:29 25.05.2020)
Հայաստանի շարժական կապի ներքոստորագրյալ երեք օպերատորները հորդորել են զերծ մնալ իրականությանը չհամապատասխանող, չճշտված, գիտականորեն չհիմնավորված, քաղաքացիների շրջանում անհարկի տագնապ առաջացնող տեղեկության, ինչպես նաև սադրիչ հայտարարություններ տարածելուց:

ԵՐԵՎԱՆ, 25 մայիսի - Sputnik. Հայաստանի շարժական կապի երեք օպերատորները՝ Ucom-ը, VivaCellMTS-ն ու Beeline-ը հանդես են եկել համատեղ հայտարարությամբ: Օպերատորները նշել են, որ ստիպված են արձանագրել, որ վերջին շրջանում նկատվում է շարժական կապի և մասնավորապես՝ 5G ցանցի վերաբերյալ դավադրապաշտական, հակագիտական, իրականությանը չհամապատասխանող նյութերի ակտիվ շրջանառություն:

«Հարկ ենք համարում տեղեկացնել, որ Հայաստանի հանրապետությունում առկա են բացառապես 2G, 3G, 4G ու 4G+/LTE Advanced ցանցեր, որոնցից յուրաքանչյուրի համար Հայաստանի Հանրային ծառայությունները կարգավորող հանձնաժողովի կողմից շարժական կապի օպերատորներին հատկացվել են հաճախականությունների համապատասխան շերտեր: Այս տեղեկատվությունը բաց է ու հասանելի: Վերազինման և ընդլայնման աշխատանքներն իրականացվում են բացառապես 2G, 3G, 4G ու 4G+/LTE Advanced ցանցերում»,- նշված է հայտարարության մեջ:

Ներքոստորագրյալ երեք օպերատորները հորդորել են զերծ մնալ իրականությանը չհամապատասխանող, չճշտված, գիտականորեն չհիմնավորված, քաղաքացիների շրջանում անհարկի տագնապ առաջացնող տեղեկության, ինչպես նաև օպերատոր-ընկերությունների գույքին սպառնալիք ներկայացնող սադրիչ հայտարարություններ տարածելուց:

Նշվում է, որ համավարակով պայմանավորված իրավիճակում երեք օպերատորներն անում են առավելագույնը, որպեսզի հայաստանյան բաժանորդները մշտապես կապի մեջ մնան աշխարհի տարբեր երկրներում բնակվող իրենց մտերիմների, գործընկերների և կարևոր մարդկանց հետ, կարողանան առցանց աշխատել, կրթվել և, մնալով տանը, կանխել վարակի տարածումը։ Սպառնալիք ու սադրանք պարունակող հայտարարությունների հետագա տարածման դեպքում Հայաստանի շարժական կապի օպերատոր ընկերություններն ստիպված կլինեն դիմել իրավապահ մարմիններին:

0