Տարոն Հովհաննիսյան

Հովհաննիսյան. «Ադրբեջանի զորավարժությունները վստահություն չեն ներշնչում»

142
(Թարմացված է 18:20 14.05.2020)
«Օրբելի» վերլուծական կենտրոնի փորձագետ Տարոն Հովհաննիսյանը Sputnik Արմենիայի եթերում անդրադարձել է Ադրբեջանի կողմից նախապատրաստվող լայնամասշտաբ հարձակողական բնույթի զորավարժություններին` հընթացս պատասխանելով այն հարցին, թե ինչ նպատակ են հետապնդում դրանք։
Հովհաննիսյան. «Ադրբեջանի զորավարժությունների քանակը և ծավալները վստահություն չեն ներշնչում»

«Օրբելի» վերլուծական կենտրոնի փորձագետ Տարոն Հովհաննիսյանի կարծիքով` Ադրբեջանում զորավարժությունների անցկացումը կարելի է դիտարկել մի քանի գործոնով․ եթե այն դիտարկենք զուտ որպես լայնամասշտապ զորավարժություն հայտարարված սցենարի առանձնահատկություններով և ներգրավված զինտեխնիկայի ու անձնակազմի քանակով, ապա ադրբեջանցիները 2016 թվականից մինչ օրս անցկացրել են նման 10 լայնամասշտաբ զորավարժություն։ 

«Թվաքանակն ու մասշտաբային գործողությունները վստահություն չեն ներշնչում, նման բան որևէ զորավարժարանում կամ բոլոր զորավարժարաններում միասին վերցրած չենք տեսել։ Այդուհանդերձ բավականին մեծ թվաքանակով անձնակազմ ու զինտեխնիկա է ներգրավվել, ընդ որում` զորավարժություններ 40 տոկոսը եղել է հարձակողական, իսկ 60 տոկոսոը` հակահարձակողական սցենարով։ Իհարկե, դա կախված է եղել այս կամ այն տարում անցկացված զորավարժությունների նպատակամղվածությունից»,– Sputnik Արմենիայի հետ զրույցում ասաց նա։ 

Հովհաննիսյանի գնահատմամբ` տվյալ զորավարժությունները տեղավորվում են նախորդների տրամաբանության մեջ, այսինքն` հայտարարված տեսակով ու ներգրավված անձնակազմի քանակով համապատասխանում է օրինակ անցյալ տարվա գրեթե նույն ժամանակահատվածում անցկացրած զորավարժությանը, ուստի կարող է դիտարկվել որպես պլանային։ Փորձագետի տեղեկացմամբ` ապրիլյան պատերազմից հետո Ադրբեջանը տարվա կտրվածքով անցկացնում է միջինը 2-3 զորավարժություն։ 

Ադրբեջանը կրկին կրակել է Տավուշի ուղղությամբ, բնակելի տներ են վնասվել. լուսանկարներ

«Երկրորդ գործոնն այն է, որ ԱՄՆ–ի պետաքարտուղարության վերջին զեկույցում, որտեղ նաև սովորական սպառազինությունների պայմանագրի խախտումներն էին ընդգծվել, Ադրբեջանի մասով հատուկ նշված էր այն, որ 2019թ–ին առնվազն մեկ խոշոր զորավարժության կամ գործողության մասին չեն իրազեկել, ինչի պարտավորությունն Ադրբեջանը ստանձնել է մասնավորապես ԵԱՀԿ–ի շրջանակում 2011թ–ի Վիենայի համաձայնությամբ»,– նշեց փորձագետը։ 

Հովհաննիսյանի դիտարկմամբ` Ադրբեջանի պարագայում երբեմն երևացող հարձակողական բնույթի զորավարժություններն ակնհայտորեն ցույց են տալիս այդ երկրի ագրեսիվ կեցվածքը, ինչը զուգորդվում է պաշտոնական Բաքվի տարբեր հայտարարություններով։ Այսինքն` նրանք չեն թաքցնում ոչ միայն Արցախի նկատմամբ իրենց ագրեսիան, այլև Հայաստանի հանդեպ ունեցած վերաբերմունքը։

Sputnik Ադրբեջանի հաղորդմամբ՝ Ադրբեջանի ԶՈւ–ն լայնածավալ օպերատիվ-տակտիկական զորավարժություններ կանցկացնի մայիսի 18-22–ը։

Նշվում է, որ զորավարժություններին կմասնակցեն մինչև 10 հազար զինծառայող, շուրջ 120 տանկ և զրահատեխնիկա, տարբեր տրամաչափի մինչև 200 հրթիռահրետանային կայանք, համազարկային կրակի ռեակտիվ համակարգեր և ականանետեր, մինչև 30 միավոր ավիացիա, ինչպես նաև տարբեր նշանակության անօդաչու թռչող սարքեր։

142
թեգերը:
Զորավարժություններ, Ադրբեջան, Հայաստան
Ըստ թեմայի
Սահմանին ակտիվացումը պայմանավորված է Ադրբեջանի ներդիվանագիտական ճգնաժամով. Հովհաննիսյան
Ինչպես է Ադրբեջանը կարողանում մանևրել. Տարոն Հովհաննիսյանը գիտի պատասխանը
Ոսկեվանում ադրբեջանական կրակոցից վիրավորված տղայի կյանքին վտանգ չի սպառնում
Ադրբեջանցիները կրկին ակտիվացել են. կրակոցների թիվը սահմանին ավելացել է
Փայլակ Թադևոսյան

Թադևոսյան. «Հարկային սահմանափակումները խոչընդոտում են ձեռնարկատերերին»

8
«Հարկ վճարողների պաշտպանություն» ՀԿ ղեկավար Փայլակ Թադևոսյանը Sputnik Արմենիայի եթերում անդրադարձել է ԱԺ–ի կողմից երկրորդ ընթերցմամբ և ամբողջությամբ ընդունված Հարկային օրենսգրքում լրացում կատարելու մասին նախագծին։ 
Թադևոսյան. Հարկային սահմանափակումները գործող օրենսգրքով խոչընդոտում են ձեռնարկատերերին։

«Հարկ վճարողների պաշտպանություն» ՀԿ ղեկավար Փայլակ Թադևոսյանի դիտարկմամբ` բոլոր հարկ վճարողներին հնարավորություն է տրվում ըստ հայեցողության ընտրել ամորտիզացիոն ժամկետները: Թեև դժվար է ասել՝ կավելանան արդյոք ներդրումները կորոնավիրուսի հետ կապված պայմաններում, սակայն, ըստ մեր զրուցակցի, ամորտիզացիոն մասհանումների ժամկետներն ու կարգն ամբողջությամբ վերանայելու անհրաժեշտություն կա, որովհետև նույն ամորտիզացիոն մասհանումների մասով սահմանափակումները գործող օրենսգրքով ոչ միայն չեն խրախուսում, այլ խոչընդոտում են ձեռնարկատերերին։ 

«Հարցին պետք է տալ ընդհանրական լուծում և ամբողջությամբ վերանայել ամորտիզացիոն մասհանումների ներկայիս կարգավորումները, և դա պետք է արվի բոլորի համար։ Հիմնական որոշակի միջոցների համար պետք է սահմանվի կոնկրետ ժամկետ, այլ ոչ թե այն միջոցների, որոնք ընտրված են ըստ ցուցակի։ Ըստ այդմ` տեղին չէ, որ, օրինակ, շենք–շինությունների և տրանսպորտային միջոցների համար սահմանվում է ժամկետ, իսկ մյուս միջոցների պարագայում հարցը թողնվում է հարկ վճարողների հայեցողությանը։ Գործող հաշվապահական ստանդարտներին համահունչ` ձեռներեցը պետք է որոշի, թե բիզնես գործունեությունից ելնելով` որ հիմնական միջոցն ինչ ժամկետում ամորտիզացիա անի»,– Sputnik Արմենիայի հետ զրույցում ասաց նա։ 

Թադևոսյանի խոսքով` շատ խնդիրներ կան նաև կապիտալ ընթացիկ ծախսերի դասակարգման հետ կապված։ Ըստ նրա` եթե ինչ–որ բան արվում է, ապա պետք է արվի ամբողջական, և ոչ թե մասնակի։ 

Կորոնավիրուսի պատճառով հարկերը չվճարած գործարարների տույժ-տուգանքները կնվազեցվեն

«Օրինակ՝ կան սարքավորումներ, որոնց համար թեև նվազագույն ամորտիզացիոն ժամկետն ութ տարի է, բայց այս կարգավորումը հնարավորություն է տալիս այդ հիմնական միջոցները շահագործող հարկ վճարողներին մինչև տարեվերջ ներդրում անելու դեպքում ժամկետն ընտրել ըստ հայեցողության, այսինքն` ավելի կարճ ժամկետում»,– նշեց Թադևոսյանը։ 

Թադևոսյանի գնահատմամբ` շատ գործոններ կարող են ազդել ներդրումների աճի վրա` սկսած կորոնավիրուսից, վերջացրած տնտեսական ճգնաժամով, հետևաբար նոր ներդրումներ անելու առումով գործարարների մոտ դեռ սպասողական վիճակ է։

Նշենք, որ Հարկային օրենսգրքում լրացում կատարելու մասին նախագծի հեղինակը ԱԺ տնտեսական հարցերի մշտական հանձնաժողովի նախագահ Բաբկեն Թունյանն է: Փոփոխություններով  մինչև այս տարվա վերջ կատարվող ներդրումների դեպքում տնտեսվարողները կարող են օգտվել արագացված ամորտիզացիայի հնարավորությունից։

Պետությունը հարկ վճարողներին նոր գործիք է առաջարկում. ի՞նչ կտա օրենքի փոփոխությունը

8
թեգերը:
տնտեսություն, ԱԺ, Ներդրում, հարկային օրենսգիրք, Հայաստան
Ըստ թեմայի
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
Հարկային օրենսգրքում դեռևս շատ խնդրահարույց դրույթներ կան. Սամսոն Գրիգորյան
Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ
«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան
Տիգրան Աբրահամյան

«Սցենարները կարող են լինել տարբեր». Աբրահամյանը՝ ադրբեջանական հայտարարությունների մասին

68
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում անդրադարձել է Ադրբեջանի նախագահի և պաշտպանության նախարարի ռազմատենչ հայտարարություններին, ինչպես նաև սահմանային իրավիճակին։
«Սցենարները կարող են լինել տարբեր». Աբրահամյանը՝ ադրբեջանական հայտարարությունների մասին

«Հենակետ» վերլուծական կենտրոնի ղեկավար, Արցախի նախկին նախագահի անվտանգության հարցերով խորհրդական Տիգրան Աբրահամյանի դիտարկմամբ` վերջին մեկ շաբաթվա կտրվածքով  իրավիճակն առաջնագծում ընդհանուր առմամբ գնահատվում է հանգիստ, ինչն առաջին հերթին արտահայտված է Արցախի Պաշտպանության բանակի ամենշաբաթյա ամփոփիչ տեղեկագրով և ցույց է տալիս, որ հրադադարի ռեժիմի խախտումները բավականին քիչ են եղել։ Ըստ նրա` Ադրբեջանը շաբաթվա ընթացքում տարբեր կերպ տեղեկատվություն է ներկայացրել առաջնագծի մի քանի ուղղություններով տեղի ունեցող միջադեպերի մասին, ինչը չի համապատասխանում իրականությանը։ 

«Վերջին տասնօրյակում ունեցել ենք ոչ սովորական ընդամենը երկու միջադեպ, մեկը Նախիջևանի ուղղությամբ, երբ ադրբեջանցիները խոցեցին հայկական զինվորական մեքենան, բայց բարեբախտաբար զոհեր չունեցանք, և երկրորդ միջադեպը, որը գրանցվեց ադրբեջանական կողմի զորավարժություններից հետո, երբ տեղի ունեցավ դիվերսիոն ներթափանցման փորձ Պաշտպանական բանակի դիրքերից մեկի ուղղությամբ, որը ժամանակին կանխվեց»,– Sputnik Արմենիայի հետ զրույցում ասաց նա։

Ինչ վերաբերում է Ադրբեջանի ռազմատենչ հայտարարություններին, ապա, ըստ Աբրահամյանի, դեռ պարզ չէ, թե ինչ զարգացումներ կլինեն մոտ ապագայում, սակայն կարելի է արձանագրել, որ Ադրբեջանը գոնե հայտարարությունների մակարդակով բավականին կոշտացրել է իր հռետորաբանությունը։ 

«Իրավիճակի լարվածության առումով սցենարները կարող են շատ տարբեր լինել, կարող են լինել, օրինակ, տարբեր ուղղություններով լոկալ միջադեպեր, կարող է լինել դիպուկահար խմբերի ակտիվացում, չի բացառվում նաև տարբեր ուղղություններով խոշոր տրամաչափի զինատեսակների կիրառում։ Ամեն դեպքում՝ կարճ ժամանակացույցի համար դժվար է լայնամասշտաբ գործողություններ կանխատեսել։ Առաջնագծում լարվածության աստիճանը պարզ կլինի ադրբեջանցիների հետագա քայլերից, բայց հայկական կողմն ամեն ինչ վերահսկում է»,– նշեց Արցախի  նախկին նախագահի խորհրդականը։ 

Նա պատասխան է տալու ցանկացած բառի, որոշման և զինծառայողների թափված արյան համար. ՊՆ

Աբրահամյանի դիտարկմամբ` չի բացառվում, որ սա ֆոնային մի փուլ է, որը հատուկ է Ադրբեջանում որոշակի ներքաղաքական զարգացումների պարագայում, երբ դրանց կարգավորման կամ լիցքաթափման նպատակով կիրառվում է նման հռետորաբանություն։ Նրա խոսքով` վերջին երեք տասնամյակների ընթացքում եղել են նման հռետորաբանության բազմաթիվ դրսևորումներ, բայց եթե Ադրբեջանը պլանավորում է գնալ այդ ճանապարհով, նրան չի սթափեցնի նույնիսկ Արցախի նորընտիր նախագահ Արայիկ Հարությունյանի համարժեք պատասխանը, ըստ որի` Արցախը պատրաստ է պատերազմական գործողություններին, եթե Ադրբեջանը գնա այդ ճանապարհով։

Աբրահամյանի համոզմամբ` ադրբեջանական կողմը նենգաբար ընտրել է մի ժամանակաշրջան, երբ բոլոր երկրները, այդ թվում նաև Մինսկի խմբի համանախագահող պետությունները պայքարում են կորոնավիրուսի տարածման դեմ, հետևաբար նրանց աշխատանքը կազմակերպվում է տեսակապով, ինչը չի կարող լիարժեքորեն ապահովել բանակցային գործընթացում նրանց միջնորդության ողջ գործառույթները, և միջնորդները նման պայմաններում բնականաբար չեն կարող իրականացնել իրենց իրական դերակատարությունը։ 

ԱՊՀ ձևաչափով հանդիպումները չի կարելի օգտագործել Արցախի թեման շահարկելու համար․ փոխվարչապետ

Հիշեցնենք՝ Իլհամ Ալիևի` ուժի կիրառման հարցի օրակարգային լինելու մասին հարցազրույցին հաջորդեց Ադրբեջանի պաշտպանության նախարարի ընդլայնված կազմով խորհրդակցությունը, որի ընթացքում Զաքիր Հասանովը նույնպես նույնաբովանդակ հայտարարություններ հնչեցրեց։

68
թեգերը:
Սահման, Արայիկ Հարությունյան, Իլհամ Ալիև, Ադրբեջան, Արցախ, Տիգրան Աբրահամյան
Ըստ թեմայի
Ադրբեջանը հանուն ՀԱՊԿ–ի քաղաքական առևտուր կսկսի՞ Ռուսաստանի ու Արևմուտքի հետ
Ադրբեջանցիներն ակտիվացել են. Արցախի սահմանին հակառակորդի կրակոցների թիվը կրկնապատկվել է
Արցախում ադրբեջանցիները դիվերսիոն ներթափանցման փորձ են արել
Պետական սահմանին ծառայությունը միշտ էլ բարդ է. Դավթյանը շնորհավորել է ռուս սահմանապահներին

Որ երկրները և երբ կբացեն սահմանները

0
Ճանապարհորդել սիրողներին այս օրերին մեկ հարց է հետաքրքրում` երբ կբացեն երկրներն իրենց սահմանները։ Sputnik Արմենիայի ինֆոգրաֆիկան ներկայացնում է, թե որ երկիրը երբ է մտադիր բացել իր սահմանները։
Երբ կբացվեն սահմանները
© Sputnik / Shushanik Sargsyan

Նոր տիպի կորոնավիրուսի` COVID-19-ի ստեղծած իրավիճակով պայմանավորված աշխարհի շատ երկրներ, ինչպես նաև Հայաստանը սահմանափակել են օտարերկրացիների մուտքն ու ելքը: Երկրների միջև դադարեցվել է նաև ավտոհաղորդակցությունը։  Հատուկ չվերթերը գործել  և գործում են միայն արտերկրում գտնվող քաղաքացիների համար, ովքեր այլ երկրներից ցանկացել են վերադառնալ հայրենիք։

Կորոնավիրուսը բուժող դեղ Հայաստանում չի փորձարկվում. ինչ է իրենից ներկայացնում «Հելթ թոնը»
Ճանապարհորդության սիրահարները, արտերկրում ուսում և աշխատանք ունեցողները անհամբեր սպասում համավարակի տեմպերի մարմանն ու սահմանների բացելուն։

Sputnik Արմենիան ամբողջացրել է շատ երկրների` սահմանները բացելու մասին տեղեկությունը և ինֆոգրաֆիկայի միջոցով ներկայացնում է, թե որ երկրները և երբ կբացեն սահմանները։

0
թեգերը:
զբոսաշրջություն, կորոնավիրուս, աշխարհ, Սահման
Ըստ թեմայի
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները
Ինչպես է COVID-19-ը ազդել Ռուսաստանից Հայաստան և այլ երկրներ դրամական փոխանցումների վրա
Թվերը շարունակում են աճել․ աշխարհում ավելի քան 6,2 միլիոն մարդ COVID-19–ով է վարակվել