Սամվել Ճզմաչյան

«Լավ է, որ համավարակի պայմաններում ավանդների նվազման ցուցանիշն ընդամենը 2,4 % է». Ճզմաչյան

221
(Թարմացված է 15:17 05.05.2020)
Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը Sputnik Արմենիայի եթերում անդրադարձել է ՀՀ քաղաքացիների դրամային վարկերի 2,4 տոկոսով նվազման ազդեցությանը բանկերի գործունեության վրա։
Ճզմաչյան. «Մեր բանկերում լիկվիդայնությունը շատ ավելի բարձր է, քան ավանդների նվազման ցուցանիշը»

Սամվել Ճզմաչյանի դիտարկմամբ` շրջանառվող ցուցանիշը չափազանց փոքր է, և ճիշտ չի լինի դրա հետ կապված կատարել խորը վերլուծություն։ Ըստ նրա` լավ է, որ համավարակի ազդեցության պայմաններում ավանդների նվազման ցուցանիշն ընդամենը 2,4 տոկոս է, թեև դա էլ ունի շատ պարզ բացատրություն։

«Փետրվարի, թե մարտի սկզբին, երբ դոլարի փոխարժեքը բավականին բարձրացավ ու տեղի ունեցավ դրամի անկում, այդ ընթացքում եղավ որոշակի արտահոսք, սակայն կարճ ժամանակամիջոցում մեր քաղաքացիները նորից բերեցին իրենց գումարներն ու ներդրեցին բանկերում։ Որոշ անձինք էլ նախկինում ներդրված դրամային ավանդները տեղաբաշխեցին դոլարով»,– նշում է մասնագետը։

Սամվել Ճզմաչյանի գնահատմամբ` տվյալ երևույթի բացատրությունները հիմնականում կրում են լոկալ բնույթ։ Ըստ նրա` վտանգ չկա, քանի որ բանկերում այսօր լիկվիդայնությունը շատ ավելի բարձր է, քան իրացությունը։ Ավանդների նվազման 2,4 տոկոսը, հետևաբար, որևէ ազդեցություն բանկերի գործունության վրա չի կարող ունենալ։

«Ընդհակառակը, հենց հիմա բանկերը կարող են շատ ավելի վարկեր տրամադրել` չնայած այն հանգամանքին, որ մեր տնտեսությունը ներկայումս բավականին լուրջ իրավիճակում է գտնվում և ունի օգնության կարիք։ Մոտ 700 հազար ֆիզիկական անձանց տրված է վարկային արձակուրդ, այսինքն` վարկերն ու տոկոսները մուծելու հետաձգում է տեղի ունեցել մոտ 22 միլիարդ դրամի չափով, իսկ 13 հազար իրավաբանական անձանց պարագայում ` մոտ 47 միլիարդ դրամի չափով»,– տեղեկացնում է Եվրասիական համագործակցության ֆինանսաբանկային ասոցիացիայի փոխնախագահը։

Կառավարությունը պատրաստ է աջակցել բոլորին, բացի բանկերից ու խաղատներից

Սամվել Ճզմաչյանի փոխանցմամբ` բանկային արձակուրդը բնականաբար բերում է նրան, որ քաղաքացիներն ու կազմակերպություններն օգտվում են առիթից և վճարումներ չեն կատարում։ Շատերն էլ իրենց ավանդները հանում են, որպեսզի հոգան առօրյա ծախսերը։

«Անկախ ամեն ինչից, բանկերը չեն կարող աչքերը փակ վարկեր տրամադրել, որովհետև բանկերում վարկերի տրամադրման համար նախատեսված միջոցների մեծ մասը ներգրավված են թե՛ ֆիզիկական, թե՛ իրավաբանական անձանցից, թե՛ միջազգային  կառույցներից, հետևաբար բանկերը կրում են մեծ պատասխանատվություն»,– ասում է մասնագետը։

Հայաստանի բանկերը սկսել են ավելի շատ ռուբլի գնել, բայց դեռ վաղ է գնահատականներ տալ․ ԿԲ

Անդրադառնալով այն հարցին, որ բանկերում գումարների մեծ մասը դոլարով է, իսկ տնտեսվարող սուբյեկտները հիմա դրամով են վարկեր վերցնում` Սամվել Ճզմաչյանը նշում  է, որ դոլարի պակասի դեպքում բանկը գործարքներում կարող է արտարժույթը վերածել դրամի, եթե առաջանա նման անհրաժեշտություն։ Ըստ նրա` գոյություն ունեն բանկային բազմաթիվ գործիքներ, որոնք թույլ են տալիս վարել այնպիսի քաղաքականություն, որն ի նպաստ կլինի թե՛ ֆիզիկական, թե՛ իրավաբանական անձանց։             

221
թեգերը:
ավանդ, համավարակ, կորոնավիրուս, Բանկ, Սամվել Ճզմաչյան
Ըստ թեմայի
Վարկ ստանալը հեշտացել է, վերադարձնելը` դժվարացել. ինչ է արվում ժամկետանց վարկերի համար
Ծխախոտը չօգնեց, ԱՄՀ-ն կօգնի. ինչու է Հայաստանը նորից վարկ վերցնում
Վերակառուցման և զարգացման բանկը Հայաստանին 13.4 մլն եվրոյի վարկ կտրամադրի, կշահեն մարզերը
Սուրեն Սարգսյան

Ովքեր են մեր բարեկամները, ովքեր` թշնամիները, կամ ինչու Վաշինգտոնից կարևոր մեսիջներ չկան

175
(Թարմացված է 21:47 19.10.2020)
Քաղաքագետ Սուրեն Սարգսյանը Sputnik Արմենիայի եթերում անդրադարձել է ԱՄՆ նախագահ Դոնալդ Թրամփի ելույթին, որում վերջինս նշել  էր, որ կաշխատեն Ղարաբաղյան հակամարտության վերաբերյալ որոշ ուղղություններով:
«Վաշինգտոնից կարևոր մեսիջներ չենք լսում, ինչը զարմանալի է». Սարգսյան

ԱՄՆ-ն մեր տարածաշրջանում այն ազդեցությունը չունի, ինչ որ ուներ ժամանակին: Sputnik Արմենիայի հետ զրույցում նման կարծիք հայտնեց քաղաքագետ Սուրեն Սարգսյանը՝ մեկնաբանելով արցախա-ադրբեջանական հակամարտության գոտում ընթացող պատերազմական գործողությունների վերաբերյալ ԱՄՆ նախագահ Դոնալդ Թրամփի հայտարարությունը:

«ԱՄՆ-ն չունի այն ազդեցությունը և ազդեցության այն մեխանիզմները, ինչը, օրինակ, ՌԴ-ն: Կարծում եմ՝ ԱՄՆ-ն որպես ՄԽ համանախագահ` իր հնարավորությունները կամ աջակցությունը փոխանցել է Մոսկվային, որպեսզի Մոսկվան ավելի ակտիվ զբաղվի խնդրի խաղաղ կարգավորմամբ կամ բանակցությունների սեղանի շուրջ կողմերին նստեցնելով»,- ասաց նա:

Քաղաքագետի խոսքով՝ ԱՄՆ պասիվությունը պայմանավորված է նաև առաջիկա  ընտրական գործընթացներով, որոնք բավականին լուրջ պայքար են ենթադրում:

Ինչ վերաբերում է այս օրերին ԱՄՆ տարբեր նահանգներում հայ համայնքի կողմից կազմակերպվող բազմահազարանոց բողոքի ակցիաներին, ապա դրանք, ըստ քաղաքագետի, միտված են ճնշում գործադրելու վարչակազմի վրա՝ Հայաստանի և Արցախի հարցում առավել բարենպաստ քաղաքական գիծ որդեգրելու համար, բայց չեն կարող էական ազդեցություն ունենալ հակամարտության վերաբերյալ ԱՄՆ դիրքորոշման հարցում:

«Համայնքն իր առջև խնդիր է դրել  նախ հանրային իրազեկման մեծ արշավներ իրականացնել և ստիպել, որ առաջադեմ լրատվամիջոցները հնարավորինս անդրադառնան խնդրին և օբյեկտիվորեն լուսաբանեն այն: Նաև յուրահատուկ ճնշում է գործադրվում օրենսդիր իշխանության ներկայացուցիչների վրա, որպեսզի նրանք  էլ իրենց հերթին ճնշում գործադրեն վարչակազմի վրա: Համայնքը մասքիմալ համախմբված է և բավականին ակտիվ աշխատում է, որ հայանպաստ բանաձևեր ընդունվեն Կոնգրեսում, որոնք էլ ինչ-որ ձևով կազդեն վարչակազմի քաղաքականության վրա»,- նշեց Սարգսյանը:

Կտրուկ բեկում մտցնել Արցախի իրադարձություններում. ՀՅԴ անդամները հանդիպել են ԼՂՀ նախագահին

Քաղաքագետի դիտարկմամբ՝ պատերազմական գործողությունների ֆոնին աշխարհի լռությունն ու անտարբերությունը տեղաշարժելու համար մեր դիվանագիտությունը պետք է ավելի ակտիվ գործի և նաև կողմնորոշվի, թե մենք ինչ ենք ուզում աշխարհից, ինչ է ուզում աշխարհը մեզանից, ովքեր են մեր ընկերներն ու բարեկամները, և ովքեր` մեր թշնամիները: Միայն այս ամենը հստակեցնելու  դեպքում աշխարհի հետ մեր շփումներն առավել քան երբևէ` կլինեն արդյունավետ: 

Նշենք, որ ԱՄՆ–ն ԵԱՀԿ Մինսկի խմբի 3 համանախագահող երկրներից մեկն է։

Հիշեցնենք՝ առավոտյան Նևադայում իր ընտրազանգվածի հետ հանդիպման ժամանակ ԱՄՆ նախագահ Դոնալդ Թրամփն անդրադարձել էր նաև արցախա-ադրբեջանական հակամարտությանը, նշել, որ ԱՄՆ-ն կաշխատի որոշ ուղղություններով և հավելել, որ նախանձում է հայերին, քանի որ նրանք հզոր ոգի ունեն և սիրում են իրենց երկիրը։

Լավրովը նշել է, որ փորձում են Ղարաբաղում կրակի դադարեցման վերահսկման մեխանիզմ ստեղծել

175
թեգերը:
Դոնալդ Թրամփ, ԱՄՆ, Ղարաբաղյան հակամարտություն, Սուրեն Սարգսյան
թեմա:
Ադրբեջանական ագրեսիան Արցախում - 2020
Ըստ թեմայի
Մերկելը խոսել է Փաշինյանի հետ, աջակցել Պուտինի, Մակրոնի և Թրամփի համատեղ հայտարարությանը
Թրամփն Ադրբեջանին պետք է ասի, որ չի հանդուրժի ռազմական գործողություններ Ղարաբաղում. Բայդեն
«Կաշխատենք ինչ-որ ուղղություններով». Թրամփն իր ելույթում անդրադարձել է հայերին
Կարեն Վերանյան

Ինչպես կավարտվեն Թուրքիային ՆԱՏՕ–ից հեռացնելու գործողությունները

399
Ռազմական փորձագետ Կարեն Վերանյանը Sputnik Արմենիայի եթերում անդրադարձել է ՆԱՏՕ–ից Թուրքիային դուրս մղելու խնդրին և այն հարցին, թե այդ երկրի ծավալապաշտական, ագրեսիվ քաղաքականությունն ինչպես կարող է ազդել դաշինքի անդամ երկրների հետ փոխհարաբերությունների վրա։
Վերանյան. «ՆԱՏՕ–ն խրախուսում է Էրդողանին, որ անկաշկանդ իրականացնի նեոօսմանյան հավակնությունները»

Հանրապետական Թալսի Գաբբարդի նախաձեռնությամբ ԱՄՆ–ի Կոնգրեսի ներկայացուցիչների պալատ է ներկայացվել բանաձև` Թուրքիային ՆԱՏՕ–ից հեռացնելու պահանջով, և կոչ է արվում այդ ուղղությամբ համապատասխան աշխատանքներ իրականացնել դաշնակիցների հետ։

   

Կարեն Վերանյանի դիտարկմամբ` առկա գործընթացները, որոնք ուղղված են Թուրքիայի և մասնավորապես Էրդողանի ապակառուցողական քաղաքականությունը զսպելուն կամ հակազդելուն, ըստ էության շատ կարևոր են և լավ կլինի, որ դրանցում ներգրավվեն առաջատար երկրները, միջազգային ասպարեզում գործող հիմնական խաղացողները։ Այդուհանդերձ Կարեն Վերանյանը համոզված չէ, որ այդ գործողությունները կհանգեցնեն կտրուկ փոփոխությունների, և առաջիկայում Թուրքիային կհեռացնեն ՆԱՏՕ–ից։

«Որքան էլ Թուրքիան փորձի այս կամ այն տարածաշրջանում զորքեր տեղակայել և խնդիրներ առաջացնի միջազգային անվտանգության համակարգում` փորձելով տարածել իր ազդեցության շրջանակներն ու ընդլայնել հնարավորությունները, այդուհանդերձ Արևմուտքում և հատկապես ԱՄՆ–ում փորձում են դեռևս շարժվել այն տրամաբանությամբ, որ կարելի է խաղարկել թուրքական խաղաթուղթը»,– նշում է ռազմական փորձագետը։

Կարեն Վերանյանի կարծիքով` ՆԱՏՕ–ն որպես միջազգային ռազմաքաղաքական կառույց, ըստ էության խրախուսում է Թուրքիային և անձամբ Էրդողանին, որպեսզի վերջինս շատ անկաշկանդ իրականացնի իր նեոօսմանյան հավակնությունները։ Այդուհանդերձ Վերանյանն ընդգծում է, որ հյուսիսատլանտյան  դաշինքում ոչ բոլորն են ոգևորված Էրդողանի ծրագրերից, բայցևայնպես թեկուզ կառույցի եվրոպական հատվածի կողմից սահմանված հատվածական իրավաքաղաքական կամ տնտեսական պատժամիջոցները բավարար չեն, որպեսզի Թուրքիան դառնա ավելի անվտանգ և վստահելի գործընկեր։ 

«Անհրաժեշտ են համակարգված, կոնսոլիդացված շահերի ներգրավմամբ շատ հստակ քայլեր` համաձայնեցված թե՛ եվրոպական, թե՛ ամերիկյան ճակատում, որպեսզի հնարավոր լինի Թուրքիային զսպել, հետևաբար հատվածական պատժամիջոցների սահմանումը որևէ կերպ էական ազդեցություն չի ունենա Էրդողանի վարքագծի վրա»,– նշում է ռազմական փորձագետը։

Լսելի չէ ՆԱՏՕ-ի ձայնը, բավականաչափ լսելի չէ Եվրամիության ձայնը. Սարգսյանը` պատերազմի մասին

Կարեն Վերանյանի գնահատմամբ` Արևմուտքը լուռ համաձայնությամբ հետևում է, թե Էրդողանն ինչպես է միջամտում տարբեր երկրների ներքին գործերին` խախտելով նրանց տարածքային ամբողջականությունն ու ռազմական գործողություններ հրահրելով։

399
թեգերը:
Թուրքիա, ՆԱՏՕ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Թուրքիան ունի՞ կանաչ լույս ՆԱՏՕ-ից. ՀՀ նախագահը հարց է հղում դաշինքի անդամ երկրներին
ՆԱՏՕ–ին անդամակցելու հարցն արդեն ռազմական տիրույթում չէ. Մելիքյանը` Վրաստանի մասին
Հունաստանն ու ՆԱՏՕ-ն դատապարտել են Արցախում պատերազմ հրահրող արտաքին ուժերի միջամտությունը
Առաջնագիծ

Առանձին հատվածներում շարունակվել են հրետանային մենամարտերը. ինչպես է անցել գիշերը սահմանին

118
(Թարմացված է 09:34 20.10.2020)
ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:

ԵՐԵՎԱՆ, 20 հոկտեմբերի – Sputnik. Գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը: Տեղեկությունը հայտնում է Արցախի պաշտպանության բանակի մամուլի ծառայությունը։

Տեղեկացվում է, որ հատկապես ինտենսիվ մարտեր են ընթացել հարավային ուղղությամբ:

ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

118
թեգերը:
առաջնագիծ, Սահման, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Ադրբեջանն արգելված զինատեսակներ է օգտագործում. ԱԳՆ-ում հանդիպում է կայացել դեսպանների հետ
Հույներն ու հայերը բողոքի ակցիա են իրականացրել Թուրքիա տանող միջպետական ճանապարհին
«Իսկական գազաններ են»․ վարձկանների չստացված «արձակուրդը» Ղարաբաղում