Վիգեն Հակոբյան. արխիվային լուսանկար

«Անլուրջ մունետիկներն» ու ներքաղաքական ճգնաժամը. ինչի՞ մասին է պարտավոր լռել Վանեցյանը

209
(Թարմացված է 18:02 04.05.2020)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ԱԱԾ նախկին տնօրեն Արթուր Վանեցյանի հայտարարությանը, ըստ որի` Հայաստանում սպասվում են քաղաքական խոշոր իրադարձություններ։  
Հակոբյան. «Սկսվել է կոմպրոմատային շատ լուրջ պատերազմ»

Քաղտեխնոլոգ Վիգեն Հակոբյանի դիտարկմամբ` առկա ճգնաժամի հետ կապված ստեղծվել է այնպիսի իրավիճակ, որ կարող են առաջանալ բավականին լուրջ հասարակական դժգոհություններ, ինչը նախևառաջ կապված է մարդկանց սոցիալական վիճակի, սպասվող գործազրկության և այլ գործոնների հետ։ 

Վարչապետի մամուլի խոսնակը խոստացել է մեկնաբանել իրեն դատի տալու՝ Վանեցյանի որոշումը 

«Կարող է ստեղծվել բավականին ծանր ֆոն, որը նախևառաջ զգայուն հարց է իշխանության համար, քանզի այն պետք է լուծի կուտակված խնդիրները, հետևաբար, հնարավոր չէ այլևս բոլորին ուղարկել նախկին իշխանությունների մոտ այն հորդորով, որ նրանցից պահանջեն օրվա հացը։ Նման պայմաններում ստեղծվում են նոր իրավիճակներ, առավել ևս, որ ակնառու է ընդդիմության տարբեր թևերի ակտիվացումը»,– նշում է քաղտեխնոլոգը։

Հակոբյանի կարծիքով` թեև ընդդիմությունը բազմաբևեռ է` սկսած քաղաքական ուժերի ծագումնաբանությունից, վերջացրած աշխարհաքաղաքական նախասիրություններով, բայցևայնպես, գալիս է մի պահ, երբ բոլորը կարող են միավորվել ընդհանուր նպատակի շուրջ։ Ըստ այդմ, կարող է լինել ինչպես գլոբալ նպատակ` իշխանափոխություն, հեղափոխություն կամ արտահերթ ընտրություն, այնպես էլ լոկալ բնույթի քաղաքական խնդիրների լուծում։ 

«Հիմա ականատես ենք մի պահի, երբ սկսվել է տեղեկատվական կամ գուցե կոմպրոմատային շատ լուրջ պատերազմ։ Տեսնում ենք, որ ԱԱԾ նախկին տնօրեն Արթուր Վանեցյանը որոշակի ակնարկներ է անում, տրվում են ինչ–որ պարզաբանումներ, ասում են, թե իբր ՌԴ ղեկավարությունն է ձևավորում ՀՀ քաղաքական օրակարգը, և եթե նման լարումները շարունակվեն, ապա կարող են իսկապես աղմկահարույց բացահայտումներ լինել»,– նշում է քաղտեխնոլոգը։ 

Վիգեն Հակոբյանի փոխանցմամբ` եթե որևէ մեկը մյուսին մեղադրում է արտասահմանյան գործակալ լինելու մեջ, ապա դա էլ պետք է հստակեցվի և ունենա վերջակետ։ Եթե պատգամավորներից մեկն ասում է, որ Վանեցյանը երկրներից մեկի կողմից հավաքագրված է, ուրեմն պետք է նաև ասի, թե որտեղից է այդ ինֆորմացիան, և հատկապես որ երկրի ծառայության մասին է խոսքը։ Հետևաբար, նման տեղեկատվություն տարածողներն, ըստ Հակոբյանի, անլուրջ մունետիկների դեր են կատարում։ 

Երբ Վանեցյանն ասում է, որ սպասվում են խոշոր իրադարձություններ, հենց դա նկատի ունի` շեշտելով այն հանգամանքը, որ արդեն իսկ կան քաղաքական կոնկրետ գործընթացներ, որոնք իսկապես ունեն զարգացման միտումներ։  

Քաղտեխնոլոգի համոզմամբ` կան գաղտնիք պարունակող տեղեկություններ, որոնք Վանեցյանը երբեք չի բացահայտի, առավել ևս, երբ խոսքը վերաբերում է պետական գաղտնիքին, բայց կան թեմաներ, որոնք պարունակում են այնպիսի ինֆորմացիա, որի շնորհիվ կարելի է լույս սփռել ներքաղաքական որոշ երևույթների վրա` սկսած իշխանափոխության տեխնոլոգիաներից, վերջացրած նախկին իշխանությունների հետ ունեցած կոնտակտներով։

Ըստ Հակոբյանի` ԱԱԾ նախկին տնօրենը ակնարկներ է անում որոշ թեմաների շուրջ, որոնք հրահրվում են հենց գործող իշխանության կողմից։        

«Ես էլ իմ հերթին եմ ուզում հարց տալ Արթուր Վանեցյանին». Հրաչյա Հակոբյան

209
թեգերը:
ընդդիմություն, Իշխանություն, ՀՀ ազգային անվտանգության ծառայություն. ԱԱԾ, Արթուր Վանեցյան, քաղտեխնոլոգ, Հայաստան, Վիգեն Հակոբյան
Ըստ թեմայի
Վանեցյանի փաստաբանները պատասխանել են Փաշինյանի խոսնակին
Ալեն Սիմոնյանը պատասխանել է Վատիկանում Հայաստանի նախկին դեսպան Միքայել Մինասյանին
Միքայել Մինասյանի տեսանյութի վերաբերյալ նյութերը ուղարկվել են ՀՔԾ
Տիգրան Աբրահամյան

«Սցենարները կարող են լինել տարբեր». Աբրահամյանը՝ ադրբեջանական հայտարարությունների մասին

62
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում անդրադարձել է Ադրբեջանի նախագահի և պաշտպանության նախարարի ռազմատենչ հայտարարություններին, ինչպես նաև սահմանային իրավիճակին։
«Սցենարները կարող են լինել տարբեր». Աբրահամյանը՝ ադրբեջանական հայտարարությունների մասին

«Հենակետ» վերլուծական կենտրոնի ղեկավար, Արցախի նախկին նախագահի անվտանգության հարցերով խորհրդական Տիգրան Աբրահամյանի դիտարկմամբ` վերջին մեկ շաբաթվա կտրվածքով  իրավիճակն առաջնագծում ընդհանուր առմամբ գնահատվում է հանգիստ, ինչն առաջին հերթին արտահայտված է Արցախի Պաշտպանության բանակի ամենշաբաթյա ամփոփիչ տեղեկագրով և ցույց է տալիս, որ հրադադարի ռեժիմի խախտումները բավականին քիչ են եղել։ Ըստ նրա` Ադրբեջանը շաբաթվա ընթացքում տարբեր կերպ տեղեկատվություն է ներկայացրել առաջնագծի մի քանի ուղղություններով տեղի ունեցող միջադեպերի մասին, ինչը չի համապատասխանում իրականությանը։ 

«Վերջին տասնօրյակում ունեցել ենք ոչ սովորական ընդամենը երկու միջադեպ, մեկը Նախիջևանի ուղղությամբ, երբ ադրբեջանցիները խոցեցին հայկական զինվորական մեքենան, բայց բարեբախտաբար զոհեր չունեցանք, և երկրորդ միջադեպը, որը գրանցվեց ադրբեջանական կողմի զորավարժություններից հետո, երբ տեղի ունեցավ դիվերսիոն ներթափանցման փորձ Պաշտպանական բանակի դիրքերից մեկի ուղղությամբ, որը ժամանակին կանխվեց»,– Sputnik Արմենիայի հետ զրույցում ասաց նա։

Ինչ վերաբերում է Ադրբեջանի ռազմատենչ հայտարարություններին, ապա, ըստ Աբրահամյանի, դեռ պարզ չէ, թե ինչ զարգացումներ կլինեն մոտ ապագայում, սակայն կարելի է արձանագրել, որ Ադրբեջանը գոնե հայտարարությունների մակարդակով բավականին կոշտացրել է իր հռետորաբանությունը։ 

«Իրավիճակի լարվածության առումով սցենարները կարող են շատ տարբեր լինել, կարող են լինել, օրինակ, տարբեր ուղղություններով լոկալ միջադեպեր, կարող է լինել դիպուկահար խմբերի ակտիվացում, չի բացառվում նաև տարբեր ուղղություններով խոշոր տրամաչափի զինատեսակների կիրառում։ Ամեն դեպքում՝ կարճ ժամանակացույցի համար դժվար է լայնամասշտաբ գործողություններ կանխատեսել։ Առաջնագծում լարվածության աստիճանը պարզ կլինի ադրբեջանցիների հետագա քայլերից, բայց հայկական կողմն ամեն ինչ վերահսկում է»,– նշեց Արցախի  նախկին նախագահի խորհրդականը։ 

Նա պատասխան է տալու ցանկացած բառի, որոշման և զինծառայողների թափված արյան համար. ՊՆ

Աբրահամյանի դիտարկմամբ` չի բացառվում, որ սա ֆոնային մի փուլ է, որը հատուկ է Ադրբեջանում որոշակի ներքաղաքական զարգացումների պարագայում, երբ դրանց կարգավորման կամ լիցքաթափման նպատակով կիրառվում է նման հռետորաբանություն։ Նրա խոսքով` վերջին երեք տասնամյակների ընթացքում եղել են նման հռետորաբանության բազմաթիվ դրսևորումներ, բայց եթե Ադրբեջանը պլանավորում է գնալ այդ ճանապարհով, նրան չի սթափեցնի նույնիսկ Արցախի նորընտիր նախագահ Արայիկ Հարությունյանի համարժեք պատասխանը, ըստ որի` Արցախը պատրաստ է պատերազմական գործողություններին, եթե Ադրբեջանը գնա այդ ճանապարհով։

Աբրահամյանի համոզմամբ` ադրբեջանական կողմը նենգաբար ընտրել է մի ժամանակաշրջան, երբ բոլոր երկրները, այդ թվում նաև Մինսկի խմբի համանախագահող պետությունները պայքարում են կորոնավիրուսի տարածման դեմ, հետևաբար նրանց աշխատանքը կազմակերպվում է տեսակապով, ինչը չի կարող լիարժեքորեն ապահովել բանակցային գործընթացում նրանց միջնորդության ողջ գործառույթները, և միջնորդները նման պայմաններում բնականաբար չեն կարող իրականացնել իրենց իրական դերակատարությունը։ 

ԱՊՀ ձևաչափով հանդիպումները չի կարելի օգտագործել Արցախի թեման շահարկելու համար․ փոխվարչապետ

Հիշեցնենք՝ Իլհամ Ալիևի` ուժի կիրառման հարցի օրակարգային լինելու մասին հարցազրույցին հաջորդեց Ադրբեջանի պաշտպանության նախարարի ընդլայնված կազմով խորհրդակցությունը, որի ընթացքում Զաքիր Հասանովը նույնպես նույնաբովանդակ հայտարարություններ հնչեցրեց։

62
թեգերը:
Սահման, Արայիկ Հարությունյան, Իլհամ Ալիև, Ադրբեջան, Արցախ, Տիգրան Աբրահամյան
Ըստ թեմայի
Ադրբեջանը հանուն ՀԱՊԿ–ի քաղաքական առևտուր կսկսի՞ Ռուսաստանի ու Արևմուտքի հետ
Ադրբեջանցիներն ակտիվացել են. Արցախի սահմանին հակառակորդի կրակոցների թիվը կրկնապատկվել է
Արցախում ադրբեջանցիները դիվերսիոն ներթափանցման փորձ են արել
Պետական սահմանին ծառայությունը միշտ էլ բարդ է. Դավթյանը շնորհավորել է ռուս սահմանապահներին
Հովիկ Աղազարյան

Աղազարյան. «5-6 տարի հետո ԲՏԱ շրջանառության ծավալները կլինեն ավելի մեծ, քան հիմա»

63
(Թարմացված է 13:03 31.05.2020)
ԱԺ «Իմ քայլը»  խմբակցության պատգամավոր, տնտեսական հարցերի մշտական հանձնաժողովի նախագահի տեղակալ Հովիկ Աղազարյանը Sputnik Արմենիայի եթերում խոսել է Հայաստանում բարձր տեխնոլոգիական արդյունաբերության հեռանկարների մասին և նշել, թե ինչ ազդեցություն կունենա տնտեսության վրա:
Աղազարյան. «5-6 տարի հետո ԲՏԱ շրջանառության ծավալները կլինեն ավելի մեծ, քան հիմա է»

ԱԺ «Իմ քայլը»  խմբակցության պատգամավոր, տնտեսական հարցերի մշտական հանձնաժողովի նախագահի տեղակալ Հովիկ Աղազարյանի դիտարկմամբ` վերջին տարիներին բարձր տեխնոլոգիաների ոլորտը Հայաստանում զարգանում է բավականին լավ տեմպերով և այսօր էլ գտնվում է կառավարության ուշադրության կենտրոնում, քանի որ բավականին լուրջ գումարներ են ծախսվում ստարտափ ծրագրերի համար, որպեսզի մեր երիտասարդ գիտնականները, տվյալ ոլորտի լավագույն մասնագետները, հնարավորություն ունենան իրենց նախնական աշխատանքների արդյունքների համար ունենալ համապատասխան գումար ու ավելի առաջ գնալ իրենց նախընտրած գործունեության բնագավառում։ 

«Կարևորելով նաև մեր երիտասարդ հայրենակիցների մոտ այդ ուղղության նկատմամբ ցուցաբերվող ընդգծված վերաբերմունքը` համոզված եմ, որ առաջիկա 5-6 տարիների ընթացքում բարձր տեխնոլոգիաների արդյունաբերության շրջանառությունը ՀՆԱ–ում զբաղեցնելու է շատ ավելի էական տեղ` դառնալով ավելի լուրջ գործոն, քան հիմա է, որովհետև աճի տեմպերը ցածր բազային տվյալներից սկսած իրոք հուսադրող են»,– Sputnik Արմենիայի հետ զրույցում ասաց նա։ 

Աղազարյանի փոխանցմամբ` թեև ներկա համակարգն այնուամենայնիվ չի հասցնում սպասարկել անհրաժեշտ կադրերի, մասնագետների պահանջարկը, բայց իրավիճակի շտկման ուղղությամբ աշխատում է երկու նախարարություն` իրականացնելով համատեղ ծրագրեր, որպեսզի հնարավորինս շուտ բավարարեն այդ պահանջարկը։ 

«Ցավոք, շատ երիտասարդներ գնում են արտերկիր` հայրենիքից դուրս բախտ որոնելու, սակայն մենք արդեն ընդունել ենք մի շարք օրենքներ, որպեսզի փոխվի քաղաքականությունը` հնարավորություն ստեղծելով մեր երիտասարդների համար, որպեսզի մնան այստեղ և իրենց ծրագրերն առավելագույնս իրականացնեն Հայաստանում»,– ընդգծեց պատգամավորը։

Հայաստանում արտադրվող թոքերի արհեստական շնչառական ապարատները շուկայական գնից էժան կլինեն

Պետք է նշել, որ տնտեսության այդ ճյուղը սկսել էր զարգանալ նաև մինչև հեղափոխությունը, բայց հեղափոխությունից հետո կառավարության գործունեությանն, ըստ Աղազարյանի, այդ առումով ավելի շատ է միտված ապագային։

Պաշտոնական տեղեկատվության համաձայն` 2019 թ. բարձր տեխնոլոգիական արդյունաբերության շրջանառության մասնաբաժինը ՀՆԱ-ում աճել է 2.4 տոկոսով, իսկ ոլորտի ընկերությունների թիվն աճել է 25 տոկոսով, ինչը պայմանավորված է նորաստեղծ ընկերություններին արտոնությունների և դրամաշնորհների տրամադրմամբ։ 

Արշակյանը հավանեց Sputnik Արմենիայի առաջարկը. ռոբոտն ընդդեմ կորոնավիրուսի ու մանկական վախի

63
թեգերը:
Տեղեկատվական տեխնոլոգիաներ, Պատգամավոր, Հայաստան
Ըստ թեմայի
Վարդանյան. «Բարձր տեխնոլոգիական զենք արտադրելու համար բանակի կառուցվածքը պետք է փոխել»
Բարձր տեխնոլոգիաների նախարարության պաշտոնյաները պետությանը 10 մլն դրամի վնաս են հասցրել
Տեխնոլոգիաների ոլորտում Հայաստանը կարող է ոչ միայն ստանալ, այլև տալ. Հակոբ Արշակյան
Խելացի ավտոմեքենաներ. հայ մասնագետների ստեղծած տեխնոլոգիան կօգտագործեն Ռուսաստանում
Մարգարիտա Սիմոնյան

«Տիգրանն ինձ հետ համամիտ է». ինչպես է Մարգարիտա Սիմոնյանը դաստիարակում երեխաներին

0
(Թարմացված է 22:29 01.06.2020)
Սիմոնյանը երկու տեսանյութ է հրապարակել և ցույց տվել 3 երեխաներին` 6 տարեկան Մարիաննային, 5 տարեկան Բագրատին ու 6 ամսական Մարոյին։

ԵՐԵՎԱՆ, 1 հունիսի – Sputnik. «Ռոսիա սեգոդնյա» ՄՏԳ–ի և RT հեռուստաալիքի գլխավոր խմբագիր Մարգարիտա Սիմոնյանը Երեխաների պաշտպանության օրը տեսանյութ է հրապարակել և խոսել երեխաների դաստիարակության մասին։ Տեսանյութերից մեկում 6 տարեկան Մարիաննան ու 5 տարեկան Բագրատը խաղում են ու ֆրանսերեն խոսում։

«Կանոն առաջին` ֆիզիկական որևէ պատժի մասին խոսք անգամ լինել չի կարող։ Ոչ մի ապտակ, անկյուն կանգնեցնել և այլն։ Փոքր տարիքում իմ ամենասարսափելի պատիժն այն էր, երբ մայր ասում էր. «Մարգարիտա, դու ինձ հիասթափեցրիր»։ Այդ ժամանակ ես 8 տարեկան էի», – խոստովանել է Սիմոնյանը։

Посмотреть эту публикацию в Instagram

Публикация от Маргарита Симоньян (@_m_simonyan_)

Նա նշել է, որ ցանկացած ֆիզիկական պատժամիջոց նվաստացնում է երեխային և ազդում նրա հոգեբանության վրա։ Սիմոնյանի կարծիքով` ամուսինը` Տիգրան Քեոսայանը, երեխաների դաստիարակման հարցում նույն կարծիքն ունի։

Ինչպես է Մարգարիտա Սիմոնյանի մեծ ընտանիքն անցկացնում ժամանակը մեկուսացման ընթացքում

Այդ գրառումից մի քանի ժամ առաջ Սիմոնյանը հուզիչ տեսագրություն էր հրապարակել և ցույց տվել կրտսեր դստերը` 6 ամսական Մարոյին։ Փոքրիկը խաղում է տատիկի` հայտնի դերասանուհի Լաուրա Քեոսայանի հետ։

Посмотреть эту публикацию в Instagram

Публикация от Маргарита Симоньян (@_m_simonyan_)

Նշենք, որ Սիմոնյանը միշտ երեխաների դեմքը փակում է սթիքերներով, սակայն այս անգամ մի պահ սմայլիկն իջնում է, և մենք կարողանում ենք տեսնել հիասքանչ Մարոյին իր սև ու խիտ հոնքերով և կլոր թշիկներով։

Մարգարիտա Սիմոնյանը երրորդ անգամ մայրացավ 2019 թվականի հոկտեմբերի 19-ին։

Մարգարիտա Սիմոնյանի ամուսինն ու դուստրը նարդի են խաղում. տեսանյութ

0
թեգերը:
երեխա, Տիգրան Քեոսայան, Մարգարիտա Սիմոնյան
Ըստ թեմայի
«Գիտեմ, որ ծեր ժամանակ այսպիսի տեսք եմ ունենալու». ի՞նչ է ակնարկել Մարգարիտա Սիմոնյանը
Մարգարիտա Սիմոնյանը հայտնել է նորածին դստեր անունը
Տիգրան Քեոսայանն ու Մարգարիտա Սիմոնյանը «Զարթիր, լաո» են երգում. վերադարձ դեպի արմատներ