Տաթևիկ Հայրապետյան

Կորոնավիրուսի իրական թվերը թաքցնելով` իրավիճակը չի շտկվի. պատգամավորի կոչն Ադրբեջանին

459
ՀՀ ԱԺ «Իմ քայլը» խմբակցության պատգամավոր, արտաքին հարաբերությունների հանձնաժողովի անդամ Տաթևիկ Հայրապետյանը Sputnik Արմենիայի եթերում անդրադարձել է իրենց հանձնաժողովի կազմակերպած հեռավար քննարկմանը։
Կորոնավիրուսի իրական թվերը թաքցնելով` իրավիճակը չի շտկվի. պատգամավորի կոչն Ադրբեջանին

«COVID-19. տարածաշրջանային իրավիճակ. դիմակայում և հնարավոր զարգացումներ» թեմայով քննարկմանը մասնակցել են նաև Վրաստանում և Իրանում ՀՀ դեսպաններ Ռուբեն Սադոյանն ու Արտաշես Թումանյանը, փորձագետներ ու դիվանագետներ։

Տաթևիկ Հայրապետյանի փոխանցմամբ` կարևոր էր հասկանալ, թե ընդհանուր առմամբ ինչ իրավիճակ է մեր տարածաշրջանում, ինչ է արվել քաղաքացիների տեղափոխման ուղղությամբ, և ինչպիսի դրություն է մասնավորապես Թուրքիայում և Ադրբեջանում։ Ըստ նրա` դիտարկումները բավականին հետաքրքիր էին, որոնց վերաբերյալ փորձագետները ներկայացրել են իրենց տեսակետները։

«Քննարկման թեմա էր դարձել օրինակ այն հանգամանքը, որ Ադրբեջանում և Նախիջևանում թաքցնում են կորոնավիրուսի հետ կապված իրական թվերը, իսկ Թուրքիայում փորձում են ստեղծել համավարակից զերծ տարածքներ։ Քննարկվեց նաև այն հարցը, թե համավարակով պայմանավորված գործընթացներն ինչ ազդեցություն են թողնում տարբեր երկրների ներքաղաքական իրավիճակի վրա և ինչ հետևանքներ կարող են հետագայում ունենալ ընդհանուր տարածաշրջանի առումով»,– տեղեկացրեց պատգամավորը։

Հայրապետյանի համոզմամբ` նման քննարկումները շարունակական կդառնան, որովհետև դրանք անհրաժեշտ են նաև մեր հետագա քաղաքականության մշակման և տարբեր հանգամանքներ հաշվի առնելու տեսանկյունից։

«Հայաստանի ու այն երկրների միջև, որոնց հետ ունենք բարիդրացիական հարաբերություններ ու բաց սահմաններ, կարգավորումները շատ կարևոր են նաև բեռնափոխադրումների, քաղաքացիների տեղափոխման առումով, և բնական է, որ այստեղ համալիր, համաձայնեցված գործողությունները շատ արդյունավետ են և օգտակար նախևառաջ քաղաքացիների տեսանկյունից»,– նշեց պատգամավորը։

Նրա կարծիքով` կարող են քննարկվել տարբեր մեթոդներ, թե որտեղ է պայքարն ավելի արդյունավետ, և այդ առումով վկայակոչվում է Վրաստանի օրինակը, որտեղ հիվանդացության դեպքերը համեմատաբար քիչ են։ Ըստ Հայրապետյանի` այս գործում պետք է հաշվի առնել պետությունների սպեցիֆիկան։ Անդրադառնալով այն հանգամանքին, որ որոշ երկրներ թաքցնում են կորոնավիրուսի հետ կապված իրական թվերը` պատգամավորը շեշտեց` դա անիմաստ է, որովհետև դրանով իրավիճակ չի փոխվում։

«Օրինակ` զբոսաշրջության առումով իրադրությունն ավելի քան ակնհայտ է. երկրները փակ են, չվերթեր չկան, իրավիճակն ամբողջ աշխարհում է կանգնել, հետևաբար թվերը թաքցնելով խնդիր չի լուծվում։ Ընդհակառակը` հետո ինչ–որ պահից սկսած` ստիպված կլինեն ավելի մեծ թվաքանակներով տվյալներ ներկայացնել, հետևաբար ավելի ճիշտ է հասարակության առջև հաշվետվողական, բաց ու թափանցիկ լինել, որպեսզի մարդիկ էլ իրենց հերթին առկա ռիսկերը ճիշտ գնահատեն և ըստ այդմ կազմակերպեն իրենց կենսագործունեությունը»,– ասաց նա։

Հայրապետյանի գնահատմամբ` դեսպանատներն ու հյուպատոսությունները կատարել են հսկայածավալ աշխատանք, որպեսզի մեր քաղաքացիներին վերադարձնեն Հայաստան, իսկ եթե կան որոշակի խնդիրներ, ապա դրանք շտկվում են, ավելին` Հայաստանը նույնպես նպաստում է այլ երկրների քաղաքացիների վերադարձին, և այդ առումով համագործակցությունն իսկապես շատ կարևոր է։

459
թեգերը:
Տաթևիկ Հայրապետյան, կորոնավիրուս, համավարակ, Թուրքիա, Ադրբեջան, Հայաստան
Ըստ թեմայի
Նմուշառում տանը. կորոնավիրուսի ախտորոշման համար ո՞ւմ են այցելում բժիշկները
ՌԴ քաղաքաշինության նախարարն ու փոխնախարարը կորոնավիրուսով են վարակվել
Աշխարհում կորոնավիրուսով վարակվածների թիվը հատել է 3.4 միլիոնի սահմանը
Հենրիխ Մխիթարյանը, Արթուր Աբրահամն ու Վիկ Դարչինյանը միացել են կորոնավիրուսի դեմ պայքարին
Հայաստանում կորոնավիրուսով վարակվածներից 28–ը ծայրահեղ ծանր վիճակում են. Արսեն Թորոսյան
Դավիթ Գյուրջյան

Ինչու է ՄԻԵԴ–ը մերժել Թովմասյանին ու մյուսներին. դիմումի ճակատագիրն ի սկզբանե վճռվա՞ծ էր

169
(Թարմացված է 21:51 09.07.2020)
Փաստաբան Դավիթ Գյուրջյանը Sputnik Արմենիայի եթերում անդրադարձել է Մարդու իրավունքների եվրոպական դատարանի որոշմանը, որն առնչվում է ՀՀ Սահմանադրական դատարանի նախկին նախագահին ու երեք դատավորներին:
Գյուրջյան. «ՄԻԵԴ-ի կողմից 39-րդ կանոնն առհասարակ կիրառվում է շատ բացառիկ դեպքերում»

Դավիթ Գյուրջյանը վստահեցնում է, որ ՄԻԵԴ-ի որոշման տակ քողարկված իրողություններ փնտրելու կարիք չկա։

ՄԻԵԴ–ը երեկ որոշել է մերժել ՍԴ նախկին նախագահ Հրայր Թովմասյանի և ՍԴ 3 նախկին դատավորների դիմումի այն պահանջը, ըստ որի` պետք է սառեցվեր Հայաստանում սահմանադրական փոփոխությունների իրագործումը։

Գյուրջյանի դիտարկմամբ՝ որոշումը շատ լայն մեկնաբանությունների տեղ չի տալիս, ամեն ինչ պարզ է, որովհետև դիմումատուները ՄԻԵԴ-ից խնդրել էին կիրառել 39-րդ կանոնը, մինչդեռ այդ դիմումի ճակատագիրն, ըստ փաստաբանի, ի սկզբանե վճռված էր:

«ՄԻԵԴ-ը 39-րդ կանոնն առհասարակ կիրառում է շատ բացառիկ դեպքերում, երբ խոսքը վերաբերում է այնպիսի իրավունքների խախտմանը, որը կարող է անդառնալի հետևանքներ առաջացնել, օրինակ՝ մահվան ելք, առողջության վնաս, ազատազրկման հետ կապված բացառիկ հարցեր: Նման դեպքերում է, որ ընդունելի է 39-րդ կանոնի կիրառումը, այսինքն՝ դա առնչվում է հրատապ միջանկյալ միջոցներին»,- նշեց փաստաբանը:

Վենետիկի հանձնաժողովի նախագահ Բուքիքիոն պատասխանել է Հրայր Թովմասյանի նամակին

Գյուրջյանի խոսքով՝ մեր ՍԴ-ի պարագայում չկար նման իրավիճակ, հետևաբար ՄԻԵԴ-ը շատ պարզ արձանագրում է արել, ըստ որի՝ չկա կոնվենցիայով պաշտպանվող առանցքային իրավունքի այնպիսի խախտում, որը կառաջացնի անդառնալի հետևանքներ դիմումատուների համար, ուստի մերժել է վերոհիշյալ կանոնի կիրառումը:

Հիշեցնենք, որ հունիսի 22-ին ԱԺ–ն ընդունեց Սահմանադրությունում փոփոխությունների փաթեթ, որն ուժի մեջ մտավ հունիսի 26-ին։

Փոփոխության համաձայն` ՍԴ գործող նախագահ Հրայր Թովմասյանը պաշտոնանկ է արվել, բայց նա շարունակում է աշխատել որպես ՍԴ անդամ, իսկ ՍԴ երեք անդամները` Ալվինա Գյուլումյանը, Հրանտ Նազարյանն ու Ֆելիքս Թոխյանը, որոնք այդ պաշտոնում աշխատել են 12 տարուց ավելի, դադարում են պաշտոնավարել:

169
թեգերը:
Մարդու Իրավունքների Եվրոպական դատարան (ՄԻԵԴ), Սահմանադրական դատարան, Հայաստան, Դավիթ Գյուրջյան
Ըստ թեմայի
Հրայր Թովմասյանի գործով ցուցմունք է տվել Տիգրան Մուկուչյանը. «Ժողովուրդ»
ՄԻԵԴ–ը չի մերժել Սահմանադրական փոփոխությունների գործընթացը կասեցնելու խնդրանքը. Սահակյան
Հրայր Թովմասյանն արձակուրդ է գնացել
Պողոս Շահինյան

Նոր առաջարկ. վարձով տրվող կամ վաճառվող մեքենաների համար ուզում են տարածքներ առանձնացնել

26
(Թարմացված է 17:59 09.07.2020)
«Ճանապարհային անվտանգության ազգային խորհուրդ» ՀԿ ղեկավար Պողոս Շահինյանը Sputnik Արմենիայի եթերում անդրադարձել է «Տեղական ինքնակառավարման մասին» օրենքում և Վարչական իրավախախտումների վերաբերյալ օրենսգրքում կատարված փոփոխությունների նախագծին:
Շահինյան. «Վարձու և վաճառքի մեքենաները չպետք է ցիրուցան լինեն քաղաքում՝ այն վերածելով կրպակի»

ԱԺ-ին ներկայացված փոփոխությունների նախագծով առաջարկվում է, որ ՏԻՄ ղեկավարները սահմանեն այն վայրերը, որտեղ թույլատրելի է կայանել վաճառվող կամ վարձույթով տրվող տրանսպորտային միջոցները, սահմանել մեկ ամսվա համար նախատեսված վճարը, որը պետք է մուտքագրվի ՏԻՄ բյուջե: 

Կարմիր գծերն իրենց սպառել են. փորձագետը` Երևանի վճարովի կայանատեղիներից հրաժարվելու մասին

Պողոս Շահինյանն այս նախաձեռնությունը միանաշանակ դրական է գնահատում՝ հաշվի առնելով այն հանգամանքը, որ մենք ունենք կայանատեղերի հետ կապված լուրջ խնդիր, նույնիսկ կարմիր գծերն են զբաղված, մինչդեռ վարձու և վաճառքի համար նախատեսված մեքենաների կայանատեղերից կարող են օգտվել նրանք, ովքեր կարճ ժամանակով գործ ունեն, բայց մեքենան կանգնեցնելու տեղ չունեն: 

«Եթե մարդն ուզում է իր մեքենան վարձով տալ կամ վաճառել, ապա դրա համար իրոք պետք է լինեն առանձին համապատասխան վայրեր, որոնք պետք է հատկացնի ՏԻՄ-ը և դրանով իսկ լուծի հարցը: Երթևեկության տեսանկյունից այս նախաձեռնությունը նույնպես կունենա դրական արդյունք»,- նշում է «Ճանապարհային անվտանգության ազգային խորհուրդ» ՀԿ–ի ղեկավարը:

Շահինյանը նման դեպքերում միշտ կողմ է եղել ապակենտրոնացված մոտեցմանը և ճիշտ է համարում, որ հարցի լուծմամբ անմիջականորեն զբաղվեն հենց տեղական ինքնակառավարման մարմինները, որովհետև ավելի քաջատեղյակ են իրենց տարածքներին և գիտեն իրենց հնարավորությունների սահմանը: 

«Արտասահմանում նույնիսկ հյուրանոցները, որոնք վարձով տրամադրում են մեքենաներ իրենց հաճախորդներին, ունեն կայանատեղիներ, որոնք սովորաբար գտնվում են կառույցների տակ, կան նաև վարձակալական հիմունքներով աշխատող մասնագիտացված կազմակերպություններ, որոնք նույնպես ունեն առանձին կայանատեղիներ, որոնք չեն խանգարում երթևեկությանը»,- նշում է «Ճանապարհային անվտանգության ազգային խորհուրդ» ՀԿ–ի ղեկավարը:

Պողոս Շահինյանի դիտարկմամբ՝ օրենքը պետք է այնպես մշակվի, որ բացառի չարաշահումները:

Եթե անհատը կամ կազմակերպությունն ունի սեփական տարածք, ապա այդտեղ, ըստ նրա, ՏԻՄ-ը չպետք է որոշի, թե ինչպես պետք է կայանվեն մեքենաները, իսկ եթե խոսքը վերաբերում է հանրային տարածքներին, ապա այստեղ ՏԻՄ-ի միջամտությունը տեղին է:

«Կարմիր գծերին» առնչվող օրենսդրական փոփոխությունը լիարժեք և վերջնական չէ. Ղահրամանյան

ՀԿ ղեկավարը, շատերի պես, քաղաքի տարբեր հատվածներում ականատես է լինում վարձու կամ վաճառքի համար նախատեսված և մայթեզրերին կայանված մեքենաների և կարծում է, որ դրանք չպետք է ցիրուցան լինեն քաղաքում՝ այն վերածելով կրպակի:

26
թեգերը:
ավտոմեքենա, Երևան, Ավտոկայանատեղի, վարձ
Ըստ թեմայի
Ո՞ւմ է հետևելու ոստիկանության ծածուկ ծառայությունը. պարզաբանում
Կայանատեղիներ չկան, երթևեկությունը ծանրաբեռնված է. ՃՈ պետը վիճակագրություն է ներկայացրել
Տուգանքներն ու կայանատեղիները կսպասեն, ԶԼՄ-ներն էլ կարող են շունչ քաշել
Գեղեցկության սրահ, արխիվային լուսանկար

Թուրքիայում վարսավիրանոցների հաճախորդներին հորդորում են քիչ խոսել. պատճառը COVID-19-ն է

0
Թուրքիայում առողջապահության ոլորտի մասնագետները հրահանագների ցանկ են կազմել վարսավիրանոցների և գեղեցկության սրահների աշխատանքի համար։

ԵՐԵՎԱՆ, 10 հուլիսի – Sputnik. Թուրքիայում վարսավիրանոցների և գեղեցկության սրահների այցելուներին և աշխատակիցներին խորհուրդ են տալիս զերծ մնալ բարձրաձայն խոսելուց և որքան հնարավոր է քիչ խոսել՝ կորոնավիրուսի համավարակի պատճառով։ Տեղեկությունը հաղորդում է ՌԻԱ Նովոստին՝ հղում անելով երկրի առողջապահության նախարարությանը։

Թուրքիայի ԱՆ-ում կարծում են, որ խոսելն ավելացնում է COVID-19-ով վարակման վտանգը, քանի որ այն տարածվում է օդակաթիլային ճանապարհով։

Նախարարության կայքում հրապարակվել են խորհուրդներ, որոնց համաձայն՝ վարսավիրանոցներում կարող են գտնվել միայն հաճախորդներն ու աշխատակիցները, իսկ կողմնակի անձանց մուտքն արգելվում է։ Նշվում է, որ դիմակները պարտադիր են բոլորի համար։

Խորհուրդ է տրվում նաև անպայման օգտագործել ախտահանիչներ և պահպանել սոցիալական հեռավորությունը։ Թուրքիայում գեղեցկության սրահներ կարելի է այցելել միայն նախապես գրանցվելով։

Բացի այդ, առողջապահության ոլորտի մասնագետները խորհուրդ են տալիս նվազագույնի հասցնել վարսահարդարիչների օգտագործումը։ Իսկ եթե այն անպայման պետք է միացնել, ապա հարկավոր է տաք օդի հոսանքն ուղղել այնպես, որ այն չդիպչի մյուս հաճախորդներին։

Ելքը գտնվե՞լ է․ COVID-19-ի դեմ ռուսական պատվաստանյութը նպաստում է իմունիտետի ձևավորմանը

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19-ի բռնկումը հայտարարել էր համավարակ։ Կազմակերպությունը բոլոր երկրներին կոչ էր արել միանալ վարակի դեմ ակտիվ պայքարին։

Համաշխարհային վիճակագրության Worldometer կայքի տվյալներով՝ հուլիսի 10-ի դրությամբ աշխարհում COVID-19-ով վարակման դեպքերի թիվը գերազանցում է 12,4 միլիոնը։

Սինգապուրցի գիտնականը կանխատեսում է, որ առաջիկայում նոր կորոնավիրուսի բռնկում է լինելու

Համավարակի զոհ է դարձել ավելի քան 557 հազար մարդ։ Թուրքիան վտանգավոր վարակի տարածման ցուցանիշով 15-րդ տեղում է։ Այս երկրում կորոնավիրուսի հայտնաբերված դեպքերի թիվը հասել է 209 962-ի, մահացել են 5300-ը։

0
թեմա:
Կորոնավիրուսը Չինաստանում և աշխարհում
Ըստ թեմայի
557 նոր դեպք` մեկ օրում. Հայաստանում կորոնավիրուսով վարակվածների թիվը հասավ 30 903-ի
Կիբեռհանցագործներն օգտվում են կորոնավիրուսային իրավիճակից. «ֆիշինգի» զոհերն ավելացել են
Կորոնավիրուսի հետևանքով 11 մահվան դեպք է գրանցվել. ամենաերիտասարդը 51 տարեկան է
Նիդեռլանդները Հայաստանին 200 000 եվրո է հատկացրել կորոնավիրուսի դեմ պայքարի համար