Նարեկ Մինասյան

Մշտադիտարկման դադարեցումը հայ-ադրբեջանական սահմանին նոր ռիսկեր է ծնել

173
(Թարմացված է 15:38 22.04.2020)
Քաղաքագետ Նարեկ Մինասյանը Sputnik Արմենիայի եթերում անդրադարձել է նախօրեին կայացած Մնացականյան–Մամեդյարով– Մինսկի խմբի համանախագահներ– ԵԱՀԿ գործող նախագահի անձնական ներկայացուցիչ ձևաչափով առցանց բանակցություններին։
Մինասյան. «Հայաստանը պետք է հետևողականորեն առաջ տանի արցախյան կողմի լիարժեք մասնակցության գիծը»

Քաղաքագետ Նարեկ Մինասյանի փոխանցմամբ` հեռակա բանակցությունների գլխավոր թեման առնչվում էր հրադադարի պահպանմանն ու ռիսկերի նվազեցմանը, և ինչպես երևում է բանակցություններից հետո արված հայտարարության տեքստից, մասնավորապես կարևորվել ու ակտիվ քննարկման առարկա է դարձել հրադադարի պահպանման խնդիրը, ինչի մասին նախապես հայտարարել էին Մինսկի խմբի համանախագահներն ու ՄԱԿ–ի գլխավոր քարտուղարը, սակայն Ադրբեջանի կողմից այդ կոչերն անտեսվել էին։ 

«Հիշենք, որ Տավուշի մարզի հետ պետական սահմանին մարտ ամսվա ընթացքում գրանցվել էր բավական լուրջ լարվածություն, արդյունքում եղան նաև վիրավորներ։ Բացի դրանից, երեկ Արցախում անօդաչու ադրբեջանական թռչող սարք է խոցվել։ Բնական է, որ ադրբեջանական կողմի սադրանքները լուրջ քննարկման առարկա են դարձել վերոհիշյալ բանակցությունների ընթացքում։ Կարևոր է, որ համանախագահներն իրենց հայտարարության մեջ, ըստ էության, ընդգծում են հրադադարը պահպանելու և սադրիչ քայլերի չդիմելու անհրաժեշտությունը, ինչպես նաև կարևորում են շփման գծում և սահմաններին մոնիթորինգի շուտափույթ վերականգնումը։ Այն հանգամանքը, որ ԵԱՀԿ դիտորդների կողմից մշտադիտարկում նախկինի պես չի իրականացվում, ստեղծել է նոր ռիսկեր»,– նշում է քաղաքագետը։

Անդրադառնալով ՌԴ արտգործնախարար Սերգեյ Լավրովի տեսակետին, ըստ որի` բանակցությունների սեղանին այժմ դրված է փաստաթուղթ, որը ենթադրում է ղարաբաղյան կոնֆլիկտի փուլային կարգավորում, Նարեկ Մինասյանը նշում է, որ հայտարարություններն ուշադիր դիտարկելու դեպքում ունենում ենք մի իրավիճակ, ըստ որի` 2019թ.–ին համանախագահների կողմից կողմերին ներկայացվել է առաջարկ, որը տեղավորվում է հենց փուլային կարգավորման տրամաբանության շրջանակներում։

Արցախի օդային տարածք ներթափանցած ադրբեջանական անօդաչուն խոցվել է

«Ընդ որում` նման տրամաբանությամբ փաստաթղթեր համանախագահների կողմից ներկայացվել են 2014թ.–ից ի վեր։ Տարբեր տարիներին, տարբեր մոդիֆիկացիաներով նման առաջարկներ են ներկայացվել։ 2019թ.–ին Մոսկվայում կողմերին առաջարկվել է նույն տրամաբանությամբ առաջարկ, սակայն հայկական կողմը մերժել է, ինչը կարևոր արձանագրում է, և այդ մասին հայտարարել է նաև ՀՀ արտգործնախարարը` նշելով, որ մեզ համար չի կարող լինել այնպիսի զիջում, որը կասկածի տակ կդնի Արցախի ժողովրդի անվտանգությունը և կարգավիճակը։ Հայկական կողմն, ըստ էության, հստակեցրել է իր դիրքորոշումը, որն առնչվում է նաև Բրատիսլավայում կայացած հանդիպման հայտարարությանը»,– ասում է քաղաքագետը։

Մինասյանը վկայակոչում է ՀՀ արտգործնախարարի այն տեսակետը, ըստ որի` զիջումներ չեն կարող լինել, և հակամարտությունը հնարավոր է լուծել միայն համաչափ փոխզիջումների միջոցով, իսկ փուլային առաջարկը չի ենթադրում այդ տարբերակը ո՛չ զիջումների, ո՛չ էլ կողմերի ստանձնելիք պարտավորությունների մասով։ Հայկական կողմն, իր իսկ հայտարարությունների համաձայն, բանակցությունների գնում է հիմնական տարրերը քննարկելու համար, և եթե կողմերից մեկը մերժել է ներկայացված առաջարկը, բնականաբար, այն չի կարող լինել հիմք բանակցությունների համար։ 

Մնացականյանը մեկնաբանել է Լավրովի` Արցախի մասին հայտարարությունը

Քաղաքագետի կարծիքով` տեսանելի ապագայում բանակցություններին արցախյան կողմի լիարժեք մասնակցության առումով ադրբեջանական կողմի դիրքորոշման մեջ որևէ փոփոխություն չի լինի, որովհետև Ադրբեջանի մատուցմամբ` սա տարածքային խնդիր է Հայաստանի և Ադրբեջանի միջև, որ Հայաստանն, իբր, օկուպանտ է և օկուպացրել է այսպես կոչված ադրբեջանական տարածքները, հետևաբար, պաշտոնական Բաքուն կշարունակի կառչած մնալ այդ դիրքորոշումից և շատ դժվարությամբ կգնա որևէ փոփոխության։

Չնայած այդ հանգամանքին, Հայաստանն, ըստ Մինասյանի, պետք է հետևողականորեն առաջ տանի արցախյան կողմի լիարժեք մասնակցության գիծը, առավել ևս, որ Արցախի ժողովուրդը լեգիտիմ, ժողովրդավարական ընտրությունների միջոցով այդ մանդատը հանձնել է Արցախի Հանրապետության նորընտիր իշխանություններին, ընդ որում` վերջիններս, ըստ քաղաքագետի, պետք է մասնակցեն ոչ թե խաղաղ գործընթացին, ինչպես հայտարարվում էր նախապես, այլ հենց բուն բանակցություններին։  

Զոհրաբ Մնացականյանը խոսել է Արցախում կայացած ընտրությունների արդյունքների մասին

173
թեգերը:
ԵԱՀԿ Մինսկի Խումբ, Էլմար Մամեդյարով, Արցախ, Ադրբեջան, Հայաստան, Ղարաբաղյան հակամարտություն
թեմա:
Ղարաբաղյան հակամարտություն (348)
Ըստ թեմայի
Ղարաբաղյան հարցի նոր բովանդակություն է ձևավորվում. Փաշինյանը բացատրեց՝ ինչի մասին է խոսքը
Կարանտինն ու քաղաքականությունը. ինչո՞ւ Երևանն իրեն հեռու պահեց ղարաբաղյան ընտրություններից
Անկախ կորոնավիրուսից Ղարաբաղյան հակամարտության կարգավորման գործընթացը ընթանում է. Զախարովա
Վիկտոր Մանցականյան

Առանց հայեցակարգի ճիշտ չի լինի Կոնդում շինարարական շռայլություններ թույլ տալ. Մնացականյան

38
(Թարմացված է 23:27 26.05.2020)
Երևանի Կենտրոն վարչական շրջանի նախկին ղեկավար Վիկտոր Մնացականյանը Sputnik Արմենիայի եթերում անդրադարձել է մայրաքաղաքի Կոնդ թաղամասի կառուցապատման և ուրբանիզացիայի խնդիրներին, որոնք տարիներ շարունակ մնում են վիճահարույց։ 
Մնացականյան. «Կոնդ թաղամասը չհամակարգված շինարարության պատճառով դարձել է «տարածքային գետտո»»

Երևանի Կենտրոն վարչական շրջանի նախկին ղեկավար Վիկտոր Մնացականյանը դեմ չէ Կոնդում կառուցապատման աշխատանքներին, պարզապես ուզում է, որ թաղամասը շարունակի լինել կենտրոնի եզակի տարածքներից մեկը և կառուցապատման ու շինությունների առումով մնա անաղարտ։

«Հարցին պետք է մոտենալ ավելի հայեցողական, այսինքն` պետք է ունենանք մի հայեցակարգ, թե ինչ ենք ուզում լինի Կոնդում կամ ինչ տիպի շնարարություն պետք է ծավալվի։ Ուզու՞մ ենք արդյոք, որ այնտեղ լինեն բիզնես կենտրոններ, բազմաֆունկցիոնալ շենքեր, թե՞ ուզում ենք, որ ընդամենը մայրաքաղաքին օգնի տուրիզմի զարգացման մասով։ Լինելու՞ են արդյոք այնտեղ հյուրանոցներ, բնակելիներ, սրճարաններ ու ռեստորաններ։ Այս հարցի պատասխանը չունենալու դեպքում ճիշտ չի լինի Կոնդում թույլ տալ շինարարական շռայլություններ»,– Sputnik Արմենիայի հետ զրույցում ասաց նա:   

Մնացականյանը ողջունում է բոլոր այն մարդկանց, շինարարներին, կառուցապատողներին ու ներդրողներին, որոնք ուզում են Կոնդում շինարարություն սկսել, ուղղակի այդ ամենը պետք է համակարգել։ Նրա դիտարկմամբ` անհրաժեշտ է հայտարարել ժամանակավոր, մեկամյա դադար, որպեսզի կառավարության հետ մեկտեղ մշակվի վերոհիշյալ հայեցակարգը, իսկ հետո առանձին լոտերով, ըստ ներդրումների, հատկացվեն կամ վաճառվեն առանձին տարածքներ։ 

Տպարանը քանդած ընկերության նկատմամբ վարչական վարույթ է հարուցվել

«Այդուհանդերձ տեղային շինարարությունների ծավալումը սխալ է այն տեղերում, որոնք եզակի են. օրինակ` Սարյան–Լեո խաչմերուկին հարող տարածքը, որը տարբերվում է կանաչ զանգվածով և իր ինքնատիպությամբ։ Անկախությունից հետո կառուցվել են 5–6 շենքեր, որոնք չեն սազում ոչ միայն տեղանքին, այլև ողջ մայրաքաղաքին։ Այդ դիմապատկերն ուղղակի փչացնում է Կոնդի արտաքին տեսքը։ Բացի այդ, պետք է լինի թաղամաս տանող գոնե մեկ բարեկարգ մուտք։ Եթե քաղաքային իշխանությունն ունի ազատ հողեր, ավելի լավ է, որ դրանք անհատույց տրվեն ներդրողներին, որոնք կառաջադրեն լուծումներ»,– նշեց Մնացականյանը։ 

Նրա խոսքով` քանի որ Կոնդը բարձրադիր թաղամաս է, ապա պետք է այդտեղ հասնելու համար ավելի մատչելի լուծումներ գտնել. օրինակ՝ ինչ–որ ճոպանուղի կամ գեղեցիկ աստիճաններ կառուցել։  Ըստ Մնացականյանի` Կոնդը չհամակարգված շինարարության պատճառով վերածվել է «տարածքային գետտոյի». ժամանակին այդտեղ գործում էր ավտոբուսային երթուղի, մինչդեռ տարիների ընթացքում անկանոն շինարարության պատճառով փողոցները նեղացել են, տրանսպորտը բացակայում է, դեպի թաղամաս տանող մուտքերը փակվել են և Կոնդն այժմ չունի թաղամասին հարիր, ուրբանիստիկ առումով գրագետ մուտք։ 

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Կենտրոն վարչական շրջանի նախկին ղեկավարը նշում է, որ իր պաշտոնավարման տարիներին փորձել է խնդիրն ավելի խորքային արծարծել ու բարձրաձայնել է այդ մասին, սակայն շինարարական թույլտվությունների մանդատ չի ունեցել, ինչը բացառապես քաղաքապետարանի իրավասության շրջանակում է:

38
թեգերը:
Երևանի քաղաքապետարան, շինարարություն, Վիկտոր Մնացականյան, Կոնդ, Երևան
Ըստ թեմայի
Երևանում կասեցվել է հերթական ապօրինի շինարարությունը
Կոնդի բնակիչները արդարություն են փնտրում. նրանք հանդիպել են կառավարության ներկայացուցչին
Երևանում ապօրինի շինարարության համար կաշառել է պաշտոնատար անձի. հարուցվել է քրեական գործ
«Մեզ դեսուդեն են տշում, որ չարանանք Փաշինյանի դեմ». կոնդեցիների բողոքի ակցիան 1 ժամ տևեց
Կոնդը կարող է հայկական Մալագա դառնալ. Երևանի գլխավոր ճարտարապետ
Լիլիթ Մայիլյան

Բիզնեսի աշխարհում այլևս ոչինչ առաջվանը չէ. ի՞նչն է կարևոր նոր իրավիճակում

169
(Թարմացված է 20:53 26.05.2020)
«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանը Sputnik Արմենիայի եթերում անդրադարձել է այն հարցին, թե ինչ խնդիրների առջև են կանգնել այն կազմակերպությունները, որոնց բիզնեսը վերաբացվել է մայիսի կեսից։ 
Մայիլյան. «Բիզնեսը վերաբացվելով` առաջնահերթություն է տալիս զուտ իրավիճակային լուծումներին»

«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանի դիտարկմամբ` ճիշտ է, բիզնեսները վերաբացվում են, սակայն ղեկավարները բախվում են բավականին լուրջ խնդիրների և պետք է արագ կողմնորոշվեն, ճկուն լինեն, հարմարվեն իրենց աշխատակիցների, հաճախորդների ու մատակարարների փոփոխվող կարիքներին։ 

«Այն, ինչ նախկինում էր, բոլոր դեպքերում չէ, որ հիմա ճիշտ է ու կիրառելի։ Նրանք հիմա պետք է դիմակայեն նոր ֆինանսական, գործառնական մարտահրավերներին։ Ի դեպ` շուկայում արդեն գրանցվել են ճնշող մրցակցային մարտահրավերներ։ Բիզնեսը վերաբացվելով` առաջնահերթություն է տալիս իրավիճակային լուծումներին։ Մարդիկ հեռուն չեն նայում»,– նշում է «Պրոֆայնընս» ՍՊԸ–ի հիմնադիր տնօրենը։   

Մայիլյանի պնդմամբ` նման իրավիճակը ոչ միայն Հայաստանում է առկա, այլև ամբողջ աշխարհում։ Նրա փոխանցմամբ` վերջերս հետազոտություններ են իրականացվել արտերկրի բավականին մեծ կորպորացիաներում, թե կորոնավիրուսով պայմանավորված սահմանափակումներն ինչ ազդեցություն են ունեցել իրենց տնտեսական ակտիվության վրա, և պարզվել է, որ ֆինանսական ոլորտի աշխատողները, որոնք միշտ, յուրաքանչյուր տարի սեպտեմբեր–հոկտեմբեր ամիսներին կատարում էին կանխատեսումներ մեկ կամ հինգ տարվա կտրվածքով, այս տարի փետրվար–մարտ ամիսներին արդեն ստիպված էին նախապես արված իրենց կանխատեսումներում և հաստատված բյուջեներում մտցնել փոփոխություններ։

«Փոփոխվեցին նաև նախանշված ծախսերը, վերանայվեցին եկամուտները, արտադրության տեսականին ու ծավալները, ինչպես նաև առք ու վաճառքի պայմանները։ Կանխատեսումներն այժմ արվում են շատ կարճաժամկետ կտրվածքով, մինչև վեց ամիս ժամկետով»,– տեղեկացնում է «Պրոֆայնընս» ՍՊԸ հիմնադիր տնօրենը։

Լիլիթ Մայիլյանի կարծիքով` անորոշությունը շատ բարձր է, հետևաբար, ընկերությունների ղեկավարներն ուղղակի անիմաստ են համարում երկարաժամկետ կանխատեսումները։ Նրանց հիմնական խնդիրն ավելի սպոտան լինելն է, իրավիճակային խնդիրներ լուծելը, աշխատակիցների մասին  հոգ տանելը` շարունակ մտածելով եկամուտների կայունացման ու ձեռքբերումների շղթան պահպանելու ուղղությամբ։   

Օգոստոսին լրջագույն ճգնաժամը բախելու է մեր դուռը. Մելքումյան

169
թեգերը:
բիզնես, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Երբ ծախում ես մայրիկիդ թխած լահմաջոն կամ որոշում ես ճագար բուծել. բիզնեսի նոր կանոններ
Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից
Իրական օգնություն, թե միջազգային թրենդից հետ չմնալու փորձ. բիզնեսին կօգնի՞ պետության քայլը
 ՀՀ էկոնոմիկայի նախարար Տիգրան Խաչատրյան. արխիվային լուսանկար

Կառավարությունը հաստատեց կորոնավիրուսի տնտեսական հետևանքների չեզոքացման 19-րդ միջոցառումը

0
(Թարմացված է 13:22 27.05.2020)
Կառավարությունն արտոնյալ վարկեր կտրամադրի տնտեսության զարգացման նորարարական ծրագրեր ներկայացնող գործարարներին:

ԵՐԵՎԱՆ, 27 մայիսի – Sputnik. ՀՀ կառավարության այսօրվա նիստում գործադիրը հաստատեց կորոնավիրուսի տնտեսական հետևանքների չեզոքացման 19-րդ միջոցառումը:

Ինչպես հարցի ներկայացման ժամանակ հայտնեց ՀՀ էկոնոմիկայի նախարար Տիգրան Խաչատրյանը, այս միջոցառման նպատակն է օժանդակել ՀՀ քաղաքացիներին և առանձին տնտեսավարողներին իրագործելու մրցունակ գործարար ծրագրեր:

«Օժանդակության նպատակն է ձեռնարկատիրական գիտելիքների ընդլայնման և ֆինանսների հասանելիության բարձրացման միջոցով նպաստել շահառուների գործարար ծրագրերի նորարարական զարգացմանը, իսկ «զրոյից» բիզնես ստեղծելու ձգտում ունեցող շահառուներին՝ ձեռնարկատիրական գաղափարների իրագործմանը»,- ասաց Խաչատրյանը:

Միջոցառման շահառու կարող են դառնալ ՀՀ-ում գրանցված կազմակերպությունները կամ անհատ ձեռնարկատերերը, բացառությամբ մանրածախ և մեծածախ ոլորտում գործունեություն ծավալողների: Շահառուները պետք է նախորդ մեկ տարվա ընթացքում ունեցած լինեն բարվոք հարկային և վարկային պատմություն, գործունեությունն առավելապես իրականացրած լինեն ՀՀ մարզերում և չհանդիսանան «Ներդրումների աջակցման կենտրոն» հիմնադրամի շահառու:

Կառավարության կողմից տրամադրվող արտոնյալ վարկի 75%-ը տնտեսվարողներին կհատկացվի 8 տարվա մարման ժամկետով, անտոկոս, 25% ը՝ որպես դրամաշնորհ։

Վարկի մայր գումարի արտոնյալ ժամանակահատվածը կարող է կազմել առավելագույնը 6 ամիս` սկսնակ շահառուների համար. մեկ շահառուի վարկի առավելագույն չափը սահմանվում է 10 մլն դրամ սկսնակների համար, իսկ նորարարական զարգացման շահառուների համար՝ 20 մլն դրամ:

Վարկի տարեկան տոկոսադրույքը կկազմի 7- 10%:

Հիշեցնենք՝ կորոնավիրուսի համավարակով ու Հայաստանում մարտի 16-ից գործող արտակարգ դրության պատճառով առաջացած սոցիալ-տնտեսական ճգնաժամն ու դրա հետևանքները վեացնելու համար ՀՀ կառավարությունն առ այսօր 18 միջոցառում է հաստատել, որոնք նախատեսված են սոցիալական տարբեր խմբերի ու տնտեսական գործունեության տարբեր ոլորտներում աշխատող սուբյեկտների համար:

Տիգրան Խաչատրյանը հայտնել է` ինչու են մերժվում տնտեսական աջակցության հայտերը

0
թեմա:
Կորոնավիրուսը Հայաստանում և Արցախում