Դավիթ Ափոյան

Կառավարությունը թիրախային ճիշտ խումբ չի ընտրել. Ափոյանը` ուսանողներին առնչվող ծրագրի մասին

151
(Թարմացված է 15:53 20.04.2020)
Երևանի պետական համալսարանի ուսխորհրդի նախագահ Դավիթ Ափոյանը Sputnik Արմենիայի եթերում անդրադարձել է արտակարգ դրության պայմաններում ՀՀ կառավարության կողմից նախատեսված օժանդակության 14–րդ ծրագրին, որն առնչվում է ուսանողներին։
Ափոյան. «15000 ուսանողից կառավարության ծրագրով աջակցություն կստանա լավագույն դեպքում 500-ը»

Դավիթ Ափոյանի դիտարկմամբ` նախ պետք է հասկանալ, թե ինչին է ուղղված այս ծրագիրը։ Ըստ այդմ` կառավարությունն իր որոշման հիմքում դրել է բարձր առաջադիմություն ունեցող ուսանողներին խրախուսելը, բայց իրականում, ըստ Ափոյանի, տվյալ ծրագրի պահանջն այլ է։

«Մենք պահանջում էինք, որպեսզի աջակցություն ցուցաբերվի այն ուսանողներին, ովքեր անձամբ կամ նրանց ընտանիքի անդամները տուժել էին կորոնավիրուսով պայմանավորված իրավիճակից, մինչդեռ կառավարությունն իր ծրագրով աջակցում է այն ուսանողներին, ովքեր ունեն բարձր առաջադիմություն, թեև սա շատ վիճելի է»,–ասում է նա։

Դավիթ Ափոյանը համամիտ է այն կարծիքին, որ բարձր առաջադիմությամբ ուսանողներին անշուշտ պետք է աջակցել, քանի որ Հայաստանում կրթությունը պետք է լինի առաջնահերթություն, բայցևայնպես խնդրի լուծման նպատակն այս պարագայում բոլորովին այլ է։ Ափոյանի փոխանցմամբ` ծրագրից այնուամենայնիվ օգտվելու են փոքր թվով ուսանողներ` 15000–ից լավագույն դեպքում 500-ը։

«Եթե չլիներ կարանտինային վիճակը, անձամբ կդիմեի կառավարությանը, սակայն իրավիճակից ելնելով` համացանցում ֆեյսբուքյան իմ էջում տեղադրեցի բաց նամակ` ուղղված ՀՀ կառավարությանն ու վարչապետին։ Հարցն ԱԺ–ում բարձրացրեց նաև պատգամավոր Նաիրա Զոհրաբյանը։ Նամակին միացան բազմաթիվ ուսանողներ, այն գտավ մեծ տարածում։ Ցավոք պատասխան չստացա։ Մի քանի օր անց ԿԳՄՍ նախարարը դիմեց ԲՈՒՀ–երին, որպեսզի հնարավորինս ընդառաջեն ուսանողներին»,–ասաց նա։

Ինչպես խուսափել կոլապսից. Մարուքյանի խմբակցությունը բնակչությանն օգնելու իր նախագիծն ունի

Դավիթ Ափոյանի փոխանցմամբ` թեև վարչապետի և ԿԳՄՍ նախարարության պաշտոնական կայքէջերում եղել է անդրադարձ, սակայն դա բավարար չէ։ ԵՊՀ ուսորհրդի նախագահը կառավարության ծրագրի առաջին կետի` ուսանողների վարձերին առնչվող խնդրի առթիվ ունի վերապահումներ` նշելով, որ այդտեղ ճիշտ ֆիլտրում չեն կատարել, սակայն դրվատանքով է վերաբերվում ծրագրի երկրորդ կետին, որն առնչվում է ուսանողական վարկերին։ Մոտեցումն այստեղ ամբողջությամբ ընդունելի է։     

Նշենք, որ ծրագրի համաձայն` ավարտական կուրսի ուսանողները, ովքեր ունեն 90+ՄՈԳ (միջին որակավորման գնահատական), կստանան ուսման վարձի 100 տոկոսի չափով փոխհատուցում, ոչ ավարտական կուրսի ուսանողները, ովքեր ունեն 90+ՄՈԳ, կստանան ուսման վարձի 75 տոկոսի չափով փոխհատուցում, 80+ՄՈԳ ուսանողների համար ուսանողական վարկերի տոկոսները կզրոյացվեն, իսկ 80-ից ցածր ՄՈԳ ունեցողների համար ուսանողական վարկերը հասանելի կլինեն 4 տոկոսով։ 

151
թեգերը:
Դավիթ Ափոյան, վարկ, ՀՀ կառավարություն, Ուսանող, Հայաստան
Ըստ թեմայի
Կօգնեն մինչև 30 հազար դրամի գազ և 10 հազար դրամի էլեկտրաէներգիա սպառած քաղաքացիներին
ՀՀ 85 000 անապահով ընտանիք ֆինանսական աջակցություն կստանան. 13-րդ ծրագիրը հաստատվեց
«Մեր վարչապետն էլ է լրագրող»․ 10-ամյա Հակոբն ուզում է՝ մայրն այլևս չլացի, չոր բարձին քնեն
Վիգեն Հակոբյան

Կրակոցները բնակչությանը նոր զիջումների պատրաստելու համար են. քաղտեխնոլոգ

22
Քաղտեխնոլոգ Վիգեն Հակոբյանը Sputnik Արմենիայի եթերում նշել է, որ Ադրբեջանի նախահարձակ գործողությունները նպատակ ունեն բնակչության շրջանում տագնապային տրամադրություններ հարուցել` դրանով իշխանությունների հետագա գործողությունները լեգիտիմացնելու համար։
«Կրակոցները բնակչությանը նոր զիջումների պատրաստելու համար են». Հակոբյան

Գեղարքունիքի մարզում ադրբեջանական զինուժի նախահարձակ գործողությունները նախապատրաստական ֆոն են ստեղծում դեմարկացիայի և դելիմիտացիայի գործընթացների հետևանքով որոշակի տարածքային զիջումները լեգիտիմացնելու, ինչպես նաև բնակչությանը դրան նախապատրաստելու համար։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

«Կարող են լինել զիջումներ և գուցե այդկերպ գործընթացն ավելի սահուն անցնի իշխանությունների համար։ Ցանկացած զիջում, մանավանդ տարածքային, կապված է կոնկրետ մարդկանց, բնակավայրերի հետ, ի վերջո նման գործընթացները բավականին ցավոտ են, քաղաքական վարկանիշի տեսակետից` բավականին վտանգավոր, ռիսկային»,- ասաց նա։ 

Նրա խոսքով` թշնամու ձեռագիրը չի փոխվել. հայ-ադրբեջանական սահմանին Ադրբեջանը շարունակում է նույն սցենարով առաջնորդվել, ինչպես Արցախում։ Միակ տարբերությունն այն է, որ թշնամին փորձում է նույնկերպ տեղային  բնույթի խնդիրներ լուծել։

«Ադրբեջանը միշտ էլ որոշակի խնդիրներ է ստեղծում բանակցություններից առաջ, որ սեփական բանակցային ռեսուրսն ավելացնի և, ըստ էության, նոր իրավիճակ ստեղծի, որը հետո կդրվի բանակցային սակարկության»,- ընդգծեց Հակոբյանը։

Քաղտեխնոլոգի խոսքով` պարզ է, որ այդ բանակցությունների սեղանին արդեն իսկ ինչ-որ փաստաթուղթ է դրված, որն ավելի վաղ պատրաստել են Հայաստանի և Ադրբեջանի քաղաքական ղեկավարները, պաշտպանական ղեկավարները քննարկելու են այդ համապարփակ փաստաթղթի դետալները։

Իսկ բանակցությունների մասին հայտնի դարձավ այսօր առավոտյան, երբ  պաշտպանության նախարարությունը հաղորդագրություն տարածեց հակառակորդի նախահարձակ գործողությունների մասին։ Նույն հաղորդագրության մեջ պաշտպանական գերատեսչության մամուլի ծառայությունը հայտնում էր նաև Ռուսաստանի մայրաքաղաք Մոսկվայում նախատեսվող բանակցությունների մասին։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

22
թեգերը:
Սյունիք, Գեղարքունիքի մարզ, Սահման, կրակոց
Ըստ թեմայի
Ալիևի ուզածը մեկն է. Հովհաննիսյանը` հայ–ադրբեջանական սահմանի լարվածության մասին
Երասխում այս պահին իրավիճակը հանգիստ է
Հայ-ադրբեջանական սահմանային գոտու լարվածության օջախները
Տարոն Հովհաննիսյան

Ալիևի ուզածը մեկն է. Հովհաննիսյանը` հայ–ադրբեջանական սահմանի լարվածության մասին

168
(Թարմացված է 14:58 28.07.2021)
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է հայ–ադրբեջանական սահմանին առաջացած լարվածությանը, Ադրբեջանի հրահրած սադրանքների դրդապատճառներին և միջնորդական խաղաղարար առաքելությունները ձախողելու վարքագծին։
Տարոն Հովհաննիսյան. «Ադրբեջանը տորպեդահարում է Ռուսաստանի միջնորդական նախաձեռնությունը»

Ադրբեջանցիներն ամեն կերպ ուզում են կնքել մի պայմանագիր, որում կամրագրվեն իրենց բոլոր պահանջները, և որով դե ֆակտո կլեգալացվի Հայաստանի սուվերեն տարածքի օկուպացիան։ Sputnik Արմենիայի հետ զրույցում նման կարծիք հայտնեց Տարոն Հովհաննիսյանը։

«Այսինքն` Իլհամ Ալիևի ուզածը Հայաստանի միակողմանի զիջումների փաստաթղթային ամրագրումն է, ինչի ուղղությամբ էլ ադրբեջանցիները շարունակ ձգտում են ճնշում գործադրել»,– նշեց վերլուծաբանը։

Ադրբեջանական կողմը, մայիսից սկսած, անընդհատ լարում է իրավիճակը և շարունակաբար իրականացնում ագրեսիվ գործողություններ ո՛չ միայն հայկական դիրքերի, այլև խաղաղ բնակավայրերի նկատմամբ, իսկ վերջին տասն օրվա ընթացքում ակտիվացել է նաև Երասխի հատվածում` փորձելով գրավել հայկական ուժերի վերահսկողության ներքո գտնվող մի քանի դիրքեր և առաջխաղացում ապահովել ՀՀ սուվերեն տարածքի հաշվին։ Հովհաննիսյանի խոսքով` կողմերի միջև նախապես պետք է լիներ հանդիպում, քննարկում ՌԴ միջնորդությամբ, մինչդեռ Ադրբեջանը փաստացի տորպեդահարում է Ռուսաստանի միջնորդական նախաձեռնությունը։

«Հետևաբար Բաքվի քաղաքականությունը վկայում է այն մասին, որ ամեն կերպ փորձում է խուսափել, խափանել խաղաղ բանակցություններ սկսելու համանախագահների ջանքերը և այդ գործընթացից դուրս մնալու համար ստեղծում է լարվածություն»,– ավելացրեց նա։

Հովհաննիսյանի կարծիքով` ադրբեջանական կողմն ագրեսիվ գործողություններով փորձում է նաև ճնշում գործադրել Հայաստանի վրա դելիմիտացիայի, դեմարկացիայի հարցերում զիջումների գնալու համար։ Ըստ նրա` թեև Բաքվից հնչող հայտարարություններում նշվում է խաղաղության պայմանագիր կնքելու մասին, բայց այնպիսի նախապայմաններ են առաջադրվում, ինչն անհնարին է դարձնում գործընթացը։

Ըստ վերլուծաբանի` խաղաղության պայմանագիրն իր բաղադրիչներով աշխատատար և ծավալուն գործընթաց է, ուստի պետք է կայանան հանդիպումներ, որոնց ընթացքում հնարավոր կլինի գալ փոխզիջումային տարբերակի, այսինքն` անհրաժեշտ է ձևավորել ընդհանուր տեսլական, նոր հետո իրականացնել քայլեր, իսկ այդ դեպքում Ադրբեջանը պետք է հրաժարվի ագրեսիվ քաղաքականությունից, զորքերը հետ քաշի ՀՀ տարածքից, ստեղծի խաղաղ պայմաններ հետագա քննարկումների համար, ինչը թույլ կտա տեսականորեն ինչ–որ արդյունքի գալ խաղաղության պայմանագրի տեսքով։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

168
թեգերը:
Իլհամ Ալիև, Ադրբեջան, Տարոն Հովհաննիսյան, Հայաստան
Ըստ թեմայի
Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը
Ադրբեջանը պատասխանատվություն է կրում 3 հայ զինծառայողի սպանության համար. ՄԻՊ
Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ