Արմեն Բաղդասարյան

«Լավ կլիներ, որ մեր քաղաքական ուժերը հետևեին Սերժ Սարգսյանի օրինակին». Բաղդասարյան

248
(Թարմացված է 16:26 29.03.2020)
Քաղաքագետ Արմեն Բաղդասարյանը Sputnik Արմենիայի եթերում անդրադարձել է ՀՀ երրորդ նախագահ Սերժ Սարգսյանի կողմից արցախցիներին ուղղված հայտնի ուղերձին, որը հրապարակվել է նրա գրասենյակի ֆեյսբուքյան էջում։
Բաղդասարյան. «Լավ կլիներ, որ մեր քաղաքական ուժերը հետևեին Սերժ Սարգսյանի օրինակին»

Արմեն Բաղդասարյանը դրական է գնահատում Հայաստանի երրորդ նախագահի նախաձեռնությունն ու ուղերձի բովանդակությունը։

«Սերժ Սարգսյանն իր մեսիջով ընդգծում է, որ այս պահին շատ ավելի կարևոր հարցեր կան, որոնց շուրջ պետք է համախմբվել։ Լավ կլիներ, որ Հայաստանի քաղաքական ուժերը հետևեին Սերժ Սարգսյանի օրինակին և ցուցաբերեին այդպիսի լուրջ մոտեցում»,– նշում է քաղաքագետը։

Ինչ վերաբերում է զուտ քաղաքական հարցին և այն ակնարկներին, թե ում պետք է ընտրել, ապա Արմեն Բաղդասարյանը կարծում է, որ դա ներքաղաքական խնդիր է և այդ հարցում որոշողն արցախցիներն են լինելու։ Այդուհանդերձ ուղերձն, ըստ քաղաքագետի, իր բովանդակությամբ կառուցողական է, միասնության ու այլ կարևոր հարցերի շուրջ համախմբվելու կոչ է պարունակում։

«Իմ կարծիքով` այս իրավիճակում ցանկալի է Արցախում համապետական ընտրություններ չանցկացնել, և խնդիրը միայն վարակի տարածումը չէ։ Կարելի է ինչ–որ կանխարգելիչ միջոցառումներ ձեռնարկել, բայց շատ ավելի կարևոր է այն, որ ընտրություններն իրենց մեջ վտանգ են պարունակում հետընտրական անցանկալի զարգացումների առումով։ Հետևաբար, հաշվի առնելով նաև այդ ռիսկերը, նախընտրելի է, որ հիմա Արցախում ընտրություններ չանցկացվեն»,– նշում է քաղաքագետը։ 

Արցախում նախընտրական տրամադրությունները փոխվում են. կորոնավիրուսը մտորելու առիթ է տալիս

Արմեն Բաղդասարյանի համոզմամբ` Սերժ Սարգսյանի ուղերձից ակնհայտ է դառնում, որ ՀՀ երրորդ նախագահն արցախցիներին կոչ է անում և հորդորում ընտրել Վիտալի Բալասանյանին։     

Թեև նա ընտրությունների ելքի վերաբերյալ քաղաքագետը կանխատեսումներ չի կարող անել, բայց վստահ է, որ ինչպիսին էլ լինեն արդյունքները, արցախցիներն այնքան ողջամտություն կունենան, որ հետընտրական առճակատման չեն գնա և բաժանարար ճեղքեր չեն ստեղծի այն հարցում, որտեղ դա պարզապես անթույլատրելի է։     

Հիշեցնենք, որ մարտի 31–ին Արցախում նախատեսված են համապետական ընտրություններ։

248
թեգերը:
Սերժ Սարգսյան, Ընտրություններ, Լեռնային Ղարաբաղ, Արցախ
Ըստ թեմայի
Ով կշահի Արցախում համապետական ընտրությունները հետաձգելուց. քաղտեխնոլոգի կարծիքը
Արցախի սահմանին այս շաբաթ համեմատաբար քիչ են կրակել. 7 օր առաջնագծում
Նախապես պետք է մշակել Արցախի սահմանին իրադարձությունների զարգացման բոլոր սցենարները
Հովիկ Աղազարյան

Աղազարյան. «5-6 տարի հետո ԲՏԱ շրջանառության ծավալները կլինեն ավելի մեծ, քան հիմա»

47
(Թարմացված է 13:03 31.05.2020)
ԱԺ «Իմ քայլը»  խմբակցության պատգամավոր, տնտեսական հարցերի մշտական հանձնաժողովի նախագահի տեղակալ Հովիկ Աղազարյանը Sputnik Արմենիայի եթերում խոսել է Հայաստանում բարձր տեխնոլոգիական արդյունաբերության հեռանկարների մասին և նշել, թե ինչ ազդեցություն կունենա տնտեսության վրա:
Աղազարյան. «5-6 տարի հետո ԲՏԱ շրջանառության ծավալները կլինեն ավելի մեծ, քան հիմա է»

ԱԺ «Իմ քայլը»  խմբակցության պատգամավոր, տնտեսական հարցերի մշտական հանձնաժողովի նախագահի տեղակալ Հովիկ Աղազարյանի դիտարկմամբ` վերջին տարիներին բարձր տեխնոլոգիաների ոլորտը Հայաստանում զարգանում է բավականին լավ տեմպերով և այսօր էլ գտնվում է կառավարության ուշադրության կենտրոնում, քանի որ բավականին լուրջ գումարներ են ծախսվում ստարտափ ծրագրերի համար, որպեսզի մեր երիտասարդ գիտնականները, տվյալ ոլորտի լավագույն մասնագետները, հնարավորություն ունենան իրենց նախնական աշխատանքների արդյունքների համար ունենալ համապատասխան գումար ու ավելի առաջ գնալ իրենց նախընտրած գործունեության բնագավառում։ 

«Կարևորելով նաև մեր երիտասարդ հայրենակիցների մոտ այդ ուղղության նկատմամբ ցուցաբերվող ընդգծված վերաբերմունքը` համոզված եմ, որ առաջիկա 5-6 տարիների ընթացքում բարձր տեխնոլոգիաների արդյունաբերության շրջանառությունը ՀՆԱ–ում զբաղեցնելու է շատ ավելի էական տեղ` դառնալով ավելի լուրջ գործոն, քան հիմա է, որովհետև աճի տեմպերը ցածր բազային տվյալներից սկսած իրոք հուսադրող են»,– Sputnik Արմենիայի հետ զրույցում ասաց նա։ 

Աղազարյանի փոխանցմամբ` թեև ներկա համակարգն այնուամենայնիվ չի հասցնում սպասարկել անհրաժեշտ կադրերի, մասնագետների պահանջարկը, բայց իրավիճակի շտկման ուղղությամբ աշխատում է երկու նախարարություն` իրականացնելով համատեղ ծրագրեր, որպեսզի հնարավորինս շուտ բավարարեն այդ պահանջարկը։ 

«Ցավոք, շատ երիտասարդներ գնում են արտերկիր` հայրենիքից դուրս բախտ որոնելու, սակայն մենք արդեն ընդունել ենք մի շարք օրենքներ, որպեսզի փոխվի քաղաքականությունը` հնարավորություն ստեղծելով մեր երիտասարդների համար, որպեսզի մնան այստեղ և իրենց ծրագրերն առավելագույնս իրականացնեն Հայաստանում»,– ընդգծեց պատգամավորը։

Հայաստանում արտադրվող թոքերի արհեստական շնչառական ապարատները շուկայական գնից էժան կլինեն

Պետք է նշել, որ տնտեսության այդ ճյուղը սկսել էր զարգանալ նաև մինչև հեղափոխությունը, բայց հեղափոխությունից հետո կառավարության գործունեությանն, ըստ Աղազարյանի, այդ առումով ավելի շատ է միտված ապագային։

Պաշտոնական տեղեկատվության համաձայն` 2019 թ. բարձր տեխնոլոգիական արդյունաբերության շրջանառության մասնաբաժինը ՀՆԱ-ում աճել է 2.4 տոկոսով, իսկ ոլորտի ընկերությունների թիվն աճել է 25 տոկոսով, ինչը պայմանավորված է նորաստեղծ ընկերություններին արտոնությունների և դրամաշնորհների տրամադրմամբ։ 

Արշակյանը հավանեց Sputnik Արմենիայի առաջարկը. ռոբոտն ընդդեմ կորոնավիրուսի ու մանկական վախի

47
թեգերը:
Տեղեկատվական տեխնոլոգիաներ, Պատգամավոր, Հայաստան
Ըստ թեմայի
Վարդանյան. «Բարձր տեխնոլոգիական զենք արտադրելու համար բանակի կառուցվածքը պետք է փոխել»
Բարձր տեխնոլոգիաների նախարարության պաշտոնյաները պետությանը 10 մլն դրամի վնաս են հասցրել
Տեխնոլոգիաների ոլորտում Հայաստանը կարող է ոչ միայն ստանալ, այլև տալ. Հակոբ Արշակյան
Խելացի ավտոմեքենաներ. հայ մասնագետների ստեղծած տեխնոլոգիան կօգտագործեն Ռուսաստանում
Անահիտ Բախշյան

Բախշյան. «Մեր մասնագիտական խումբը կհետևի` ինչպես է իրականացվելու Լանզարոտեի կոնվենցիան»

42
(Թարմացված է 21:13 30.05.2020)
ՀՀ կրթության տեսչական մարմնի կառավարման խորհրդի անդամ, կրթության փորձագետ Անահիտ Բախշյանը Sputnik Արմենիայի եթերում իր մտահոգություններն է ներկայացրել Լանզարոտեի աղմկահարույց օրենքի վերաբերյալ` անդրադառնալով նաև ՀՀ նախագահի հետ հանդիպման ժամանակ արծարծված հարցերին։
Բախշյան. «Անկախ Լանզարոտեի կոնվենցիայից` ՀՀ պիտի ունենա կրթության իր ծրագիրը և չափորոշիչները»

Անահիտ Բախշյանը Լանզարոտեի օրենքի հետ կապված մտահոգությունների առնչությամբ ստորագրահավաք է կազմակերպել։

«Բայց մենք պայմանավորվեցինք, որ նախագահի հովանու ներքո ձևավորվի մասնագիտական խումբ, որը կհետևի այս կոնվենցիայի վավերացման հետագա գործընթացներին, որովհետև կոնվենցիայում գրված է, որ այն չի պարտադրում որևէ տարբերակ հատկապես կրթության 6-րդ հոդվածի առնչությամբ, չի տալիս որևէ հանձնարարական այն ընդունող պետությանը, ինչը նշանակում է, որ Հայաստանը պիտի սեփական ծրագիրն ու չափորոշիչներն ունենա կրթության ոլորտում` երեխաներին սեռական բռնությունից զերծ պահելու և կրթությունը կազմակերպելու համար»,– նշում է ՀՀ կրթության տեսչական մարմնի կառավարման խորհրդի անդամը։

Ստեղծվելիք մասնագիտական խմբում կլինեն տարբեր մասնագիտություններ ունեցող անձինք, և նրանք կհետևեն կառավարության ու ԱԺ–ի բոլոր քայլերին, որոնցով պիտի իրականացվի կոնվենցիան։

Ըստ Բախշյանի` օրենքի նախագծի տակ կա արդարադատության նախարարի եզրակացությունը, որում նշված նախադասություններից մեկը շատ է մտահոգել իրեն, այն է` կոնվենցիան հակասում է ՀՀ օրենքին, որում պետք է արվեն փոփոխություններ, սակայն հակասությունների վերաբերյալ չի տրվում հստակ բացատրություն։

«Ըստ էության, մենք կստեղծենք հանրային հարթակ, որը մասնագիտական գնահատական կտա, կկազմակերպի հանրային քննարկումներ։ Ի դեպ, Ազգային ժողովի պատգամավորներն իրենց հերթին նշում են, որ փողոցներում օրեր առաջ հայտնված գրքերը չեն, որ օգտագործվելու են հանրակրթական դպրոցներում, հետևաբար կրթության ոլորտում լինելու են նոր չափորոշիչներ, որոնցով առաջնորդվելու են ուսումնական հաստատությունները»,– հայտնեց կրթության փորձագետը։

Լանզարոտեի կոնվենցիան վավերացնելը քիչ է, այն պետք է համապատասխանի մեր արժեհամակարգին

Բախշյանը կարծում է, որ պետք է ակնդետ հետևել, թե ովքեր են սահմանելու չափորոշիչներն ու ինչպես են դրանք կյանքի կոչվելու։

Հիշեցնենք` մայիսի 11–ին հակառակ հասարակության շրջանում առկա դժգոհություններին, ՀՀ Ազգային ժողովն ընդունեց ընդունեց դեռևս 10 տարի առաջ ՀՀ այն ժամանակվա իշխանության ստորագրած ու չվավերացված «Սեռական շահագործումից և սեռական բնույթի բռնություններից երեխաների պաշտպանության մասին» եվրոպական կոնվենցիան:

ԱԺ-ն ընդունեց Լանզարոտեի կոնվենցիան. սեռական դաստիարակությունը կարող է սկսվել դպրոցից
Կոնվենցիայի նախագծին կողմ քվեարկեց նիստին ներկա 84 պատգամավորներից 79-ը: 

«Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան ստորագրվել է 2007թ. հոկտեմբերի 25-ին:

Հայաստանի Հանրապետությունը կոնվենցիան ստորագրել է 2010թ. սեպտեմբերի 29-ին, բայց չէր վավերացրել:

Վավերացնելով միջազգային այդ փաստաթուղթը, ՀՀ-ն պարտավորվում է ձեռնարկել օրենսդրական ու այլ փոփոխություններ՝ կյանքի տարբեր ոլորտներում երեխաների հետ շփում ունեցող անձանց հնարավոր ոտնձգություններից երեխաների պաշտպանությունն ու իրավունքների մասին իրազեկումն ապահովելու համար:

Կոնվենցիան նախատեսում է նաև երեխայի անձնական տվյալների պաշտպանության ազգային օրենսդրության ընդունում:

Անահիտ Բախշյանն ու ՀՀ նախագահը Լանզարոտեի կոնվենցիայի մասին խոսել են մայիսի 29-ին։

42
թեգերը:
Լանզարոտեի կոնվենցիա, Անահիտ Բախշյան, Հայաստան
Ըստ թեմայի
Հայաստանը պետք է բարելավի իրավիճակը երեխաների հետ կապված հատուկ հաստատություններում. ՅՈՒՆԻՍԵՖ
Երեխաները կսովորեն անկաշկանդ օգնություն խնդրել․ պատգամավորը՝ Լանզարոտեի կոնվենցիայի մասին
«Նորապսակները սեռական կյանքի մասին որտեղի՞ց են իմանում, բիսեդկեքի՞ց». Փաշինյան

«Լավագույն միջոցը սթրեսի դեմ». բուժաշխատողների զգացմունքային տանգոն հուզել է օգտատերերին

0
Համացանցում մի տեսանյութ է տարածվել, որում պաշտպանիչ հանդերձանքով և դիմակներով բուժաշխատողները շատ գեղեցիկ տանգո են պարում հիվանդանոցում։

Համավարակով տարված չպետք է մոռանալ պարը։ Այս մասին է փաստում երկու բուժաշխատողների զգացմունքային տանգոն հայտնի Historia de un amor («Սիրո պատմություն») երգի ներքո։

Նրանք պարում են հիվանդանոցում, թեև գեղեցիկ զգեստը ստիպված են փոխարինել պաշտպանիչ հանդերձանքով, իսկ կոշիկները, ռետինե սապոգներով։ Անգամ նրանց դեմքերը չեն երևում. դրանք թաքնված են դիմակների տակ։

Սակայն այդ ամենը չի խանգարում, որպեսզի տեսանյութը համացանցում լայնորեն տարածվի։ Օգտատերերի մեծ մասը կարողացել է ըստ արժանվույն գնահատել գեղեցիկ պարը։

«Բրավո», «հիանալի է», «պարզապես հիասքանչ է, նույնիսկ այդ անհեթեթ դեղին սապոգներով», «լավագույն դեղամիջոցը սթրեսի դեմ», «հուսով եմ՝ նրանք նույնքան վիրտուոզ են բուժում». այսպիսի մեկնաբանություններ են գրել օգտատերերը:

Շերամն ու կորոնավիրուսը. Գյումրիում բժիշկները ոչ միայն բուժում են, այլև երգում. տեսանյութ

0
թեգերը:
օգտատեր, կորոնավիրուս, Պար, բժիշկ
թեմա:
Կորոնավիրուսը Հայաստանում և Արցախում
Ըստ թեմայի
Բելգիայում բժիշկները մեջքով են թեքվել վարչապետին` բողոքի ակցիա իրականացնելով. տեսանյութ
Հայաստանում բժիշկները ծափերով են ճանապարհում կորոնավիրուսից բուժվածներին. տեսանյութ
Կորոնավիրուսի հետ կռիվ տվող հայ բժիշկները. բացառիկ տեսանյութ
Իրանցի բժիշկները պարում են կորոնավիրուսով վարակվածներին ուրախացնելու համար. տեսանյութ