Թևան Պողոսյան

Նախապես պետք է մշակել Արցախի սահմանին իրադարձությունների զարգացման բոլոր սցենարները

105
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է հարցին, թե կորոնավիրուսի խնդիրը կարո՞ղ է արդյոք թուլացնել դիմակայությունը ղարաբաղյան հակամարտության գոտում, առավել ևս, որ ներկայում բանակցություններ չեն ընթանում։
Պողոսյան. «Նախապես պետք է մշակել իրադարձությունների զարգացման բոլոր հնարավոր սցենարները»

Թևան Պողոսյանը նախընտրում է խոսել ոչ թե կոնկերտ հարցի վերաբերյալ և անել որոշակի ենթադրություններ, այլ առաջարկում է մշակել իրադարձությունների զարգացման բոլոր հնարավոր սցենարները և դրանից ելնելով` կատարել ճիշտ քայլեր ու գործողություններ։ 

«Պետք է պատրաստ լինենք զարգացումներին` հասկանալով, որ միջազգային հանրության համար առանց այդ էլ արցախյան խնդիրը համար մեկ հարցը չէր, և հիմա էլ ուշադրության կենտրոնից դուրս է մնալու, հետևաբար, մեր անվտանգության խնդիրները լուծելու հարցում մնում ենք միայնակ։ Հենց այդ պատճառով էլ պետք է նստենք ու հաշվարկենք բոլոր սցենարները` լավ, վատ և միջին, գուցե ընկալենք, որ ստեղծված իրավիճակը նույնիսկ հնարավորություն է մեզ համար ու շարժվենք առաջ»,– նշում է «Մարդկային զարգացման միջազգային կենտրոնի» ղեկավարը։     

Անդրադառնալով ԵԱՀԿ վերջին հայտարարությանը, որի համաձայն կազմակերպությունը կորոնավիրուսի առթիվ ժամանակավորապես դադարեցնում է մշտադիտարկումները շփման գծում, Թևան Պողոսյանը հռետորական հարցադրում է անում` «իսկ նախկինում մշտադիտարկումները որևէ արդյունք տվե՞լ են, որ մտահոգվենք դրանց բացակայությամբ»։ 

Մշտադիտարկում. ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր

Նա հիշեցնում է` մեկ անգամ չի եղել, որ ադրբեջանական կողմն իր դիտորդներին նույնիսկ չի ուղարկել շփման կետ, որտեղ իրականացվում էր մշտադիտարկում։ Եվ, առհասարակ, նա կարծում է, որ կողմերից երեքական դիտորդներն մեծ բան չեն կարող են անել սահմանի ամբողջ երկայնքով։

Պողոսյանը նշում է, որ նախկինում էլ, երբ կար այդ մոնիթորինգը, այն որևէ ազդեցություն չէր ունենում իրավիճակի վրա։ 

Նրա կարծիքով` եթե անգամ քննարկվի այն հարցը, որ մշտադիտարկումների թիվը պետք է ավելանա, ապա անհրաժեշտ է հասկանալ, թե դրա հետ մեկտեղ ինչ սանկցիաներ կկիրառվեն խախտումների դեպքում, և ինչ արդյունք կտան այդ սանկցիաները։

ԵԱՀԿ ՄԽ համանախագահների հետ Չավուշօղլուի հանդիպումը Հայաստանին չի մտահոգել

105
թեգերը:
Ղարաբաղյան հակամարտություն, Թևան Պողոսյան
թեմա:
Ղարաբաղյան հակամարտություն (348)
Ըստ թեմայի
«Իրականում». Ղարաբաղյան բանակցություններում հայերի նկատմամբ խաբուսիկ հնա՞րք են գործածում
Ղարաբաղյան հարցի նոր բովանդակություն է ձևավորվում. Փաշինյանը բացատրեց՝ ինչի մասին է խոսքը
Ղարաբաղյան հակամարտության գոտում ԵԱՀԿ մշտադիտարկումը կդադարեցվի կորոնավիրուսի պատճառով
Վիկտոր Մանցականյան

Առանց հայեցակարգի ճիշտ չի լինի Կոնդում շինարարական շռայլություններ թույլ տալ. Մնացականյան

40
(Թարմացված է 23:27 26.05.2020)
Երևանի Կենտրոն վարչական շրջանի նախկին ղեկավար Վիկտոր Մնացականյանը Sputnik Արմենիայի եթերում անդրադարձել է մայրաքաղաքի Կոնդ թաղամասի կառուցապատման և ուրբանիզացիայի խնդիրներին, որոնք տարիներ շարունակ մնում են վիճահարույց։ 
Մնացականյան. «Կոնդ թաղամասը չհամակարգված շինարարության պատճառով դարձել է «տարածքային գետտո»»

Երևանի Կենտրոն վարչական շրջանի նախկին ղեկավար Վիկտոր Մնացականյանը դեմ չէ Կոնդում կառուցապատման աշխատանքներին, պարզապես ուզում է, որ թաղամասը շարունակի լինել կենտրոնի եզակի տարածքներից մեկը և կառուցապատման ու շինությունների առումով մնա անաղարտ։

«Հարցին պետք է մոտենալ ավելի հայեցողական, այսինքն` պետք է ունենանք մի հայեցակարգ, թե ինչ ենք ուզում լինի Կոնդում կամ ինչ տիպի շնարարություն պետք է ծավալվի։ Ուզու՞մ ենք արդյոք, որ այնտեղ լինեն բիզնես կենտրոններ, բազմաֆունկցիոնալ շենքեր, թե՞ ուզում ենք, որ ընդամենը մայրաքաղաքին օգնի տուրիզմի զարգացման մասով։ Լինելու՞ են արդյոք այնտեղ հյուրանոցներ, բնակելիներ, սրճարաններ ու ռեստորաններ։ Այս հարցի պատասխանը չունենալու դեպքում ճիշտ չի լինի Կոնդում թույլ տալ շինարարական շռայլություններ»,– Sputnik Արմենիայի հետ զրույցում ասաց նա:   

Մնացականյանը ողջունում է բոլոր այն մարդկանց, շինարարներին, կառուցապատողներին ու ներդրողներին, որոնք ուզում են Կոնդում շինարարություն սկսել, ուղղակի այդ ամենը պետք է համակարգել։ Նրա դիտարկմամբ` անհրաժեշտ է հայտարարել ժամանակավոր, մեկամյա դադար, որպեսզի կառավարության հետ մեկտեղ մշակվի վերոհիշյալ հայեցակարգը, իսկ հետո առանձին լոտերով, ըստ ներդրումների, հատկացվեն կամ վաճառվեն առանձին տարածքներ։ 

Տպարանը քանդած ընկերության նկատմամբ վարչական վարույթ է հարուցվել

«Այդուհանդերձ տեղային շինարարությունների ծավալումը սխալ է այն տեղերում, որոնք եզակի են. օրինակ` Սարյան–Լեո խաչմերուկին հարող տարածքը, որը տարբերվում է կանաչ զանգվածով և իր ինքնատիպությամբ։ Անկախությունից հետո կառուցվել են 5–6 շենքեր, որոնք չեն սազում ոչ միայն տեղանքին, այլև ողջ մայրաքաղաքին։ Այդ դիմապատկերն ուղղակի փչացնում է Կոնդի արտաքին տեսքը։ Բացի այդ, պետք է լինի թաղամաս տանող գոնե մեկ բարեկարգ մուտք։ Եթե քաղաքային իշխանությունն ունի ազատ հողեր, ավելի լավ է, որ դրանք անհատույց տրվեն ներդրողներին, որոնք կառաջադրեն լուծումներ»,– նշեց Մնացականյանը։ 

Նրա խոսքով` քանի որ Կոնդը բարձրադիր թաղամաս է, ապա պետք է այդտեղ հասնելու համար ավելի մատչելի լուծումներ գտնել. օրինակ՝ ինչ–որ ճոպանուղի կամ գեղեցիկ աստիճաններ կառուցել։  Ըստ Մնացականյանի` Կոնդը չհամակարգված շինարարության պատճառով վերածվել է «տարածքային գետտոյի». ժամանակին այդտեղ գործում էր ավտոբուսային երթուղի, մինչդեռ տարիների ընթացքում անկանոն շինարարության պատճառով փողոցները նեղացել են, տրանսպորտը բացակայում է, դեպի թաղամաս տանող մուտքերը փակվել են և Կոնդն այժմ չունի թաղամասին հարիր, ուրբանիստիկ առումով գրագետ մուտք։ 

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Կենտրոն վարչական շրջանի նախկին ղեկավարը նշում է, որ իր պաշտոնավարման տարիներին փորձել է խնդիրն ավելի խորքային արծարծել ու բարձրաձայնել է այդ մասին, սակայն շինարարական թույլտվությունների մանդատ չի ունեցել, ինչը բացառապես քաղաքապետարանի իրավասության շրջանակում է:

40
թեգերը:
Երևանի քաղաքապետարան, շինարարություն, Վիկտոր Մնացականյան, Կոնդ, Երևան
Ըստ թեմայի
Երևանում կասեցվել է հերթական ապօրինի շինարարությունը
Կոնդի բնակիչները արդարություն են փնտրում. նրանք հանդիպել են կառավարության ներկայացուցչին
Երևանում ապօրինի շինարարության համար կաշառել է պաշտոնատար անձի. հարուցվել է քրեական գործ
«Մեզ դեսուդեն են տշում, որ չարանանք Փաշինյանի դեմ». կոնդեցիների բողոքի ակցիան 1 ժամ տևեց
Կոնդը կարող է հայկական Մալագա դառնալ. Երևանի գլխավոր ճարտարապետ
Լիլիթ Մայիլյան

Բիզնեսի աշխարհում այլևս ոչինչ առաջվանը չէ. ի՞նչն է կարևոր նոր իրավիճակում

170
(Թարմացված է 20:53 26.05.2020)
«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանը Sputnik Արմենիայի եթերում անդրադարձել է այն հարցին, թե ինչ խնդիրների առջև են կանգնել այն կազմակերպությունները, որոնց բիզնեսը վերաբացվել է մայիսի կեսից։ 
Մայիլյան. «Բիզնեսը վերաբացվելով` առաջնահերթություն է տալիս զուտ իրավիճակային լուծումներին»

«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանի դիտարկմամբ` ճիշտ է, բիզնեսները վերաբացվում են, սակայն ղեկավարները բախվում են բավականին լուրջ խնդիրների և պետք է արագ կողմնորոշվեն, ճկուն լինեն, հարմարվեն իրենց աշխատակիցների, հաճախորդների ու մատակարարների փոփոխվող կարիքներին։ 

«Այն, ինչ նախկինում էր, բոլոր դեպքերում չէ, որ հիմա ճիշտ է ու կիրառելի։ Նրանք հիմա պետք է դիմակայեն նոր ֆինանսական, գործառնական մարտահրավերներին։ Ի դեպ` շուկայում արդեն գրանցվել են ճնշող մրցակցային մարտահրավերներ։ Բիզնեսը վերաբացվելով` առաջնահերթություն է տալիս իրավիճակային լուծումներին։ Մարդիկ հեռուն չեն նայում»,– նշում է «Պրոֆայնընս» ՍՊԸ–ի հիմնադիր տնօրենը։   

Մայիլյանի պնդմամբ` նման իրավիճակը ոչ միայն Հայաստանում է առկա, այլև ամբողջ աշխարհում։ Նրա փոխանցմամբ` վերջերս հետազոտություններ են իրականացվել արտերկրի բավականին մեծ կորպորացիաներում, թե կորոնավիրուսով պայմանավորված սահմանափակումներն ինչ ազդեցություն են ունեցել իրենց տնտեսական ակտիվության վրա, և պարզվել է, որ ֆինանսական ոլորտի աշխատողները, որոնք միշտ, յուրաքանչյուր տարի սեպտեմբեր–հոկտեմբեր ամիսներին կատարում էին կանխատեսումներ մեկ կամ հինգ տարվա կտրվածքով, այս տարի փետրվար–մարտ ամիսներին արդեն ստիպված էին նախապես արված իրենց կանխատեսումներում և հաստատված բյուջեներում մտցնել փոփոխություններ։

«Փոփոխվեցին նաև նախանշված ծախսերը, վերանայվեցին եկամուտները, արտադրության տեսականին ու ծավալները, ինչպես նաև առք ու վաճառքի պայմանները։ Կանխատեսումներն այժմ արվում են շատ կարճաժամկետ կտրվածքով, մինչև վեց ամիս ժամկետով»,– տեղեկացնում է «Պրոֆայնընս» ՍՊԸ հիմնադիր տնօրենը։

Լիլիթ Մայիլյանի կարծիքով` անորոշությունը շատ բարձր է, հետևաբար, ընկերությունների ղեկավարներն ուղղակի անիմաստ են համարում երկարաժամկետ կանխատեսումները։ Նրանց հիմնական խնդիրն ավելի սպոտան լինելն է, իրավիճակային խնդիրներ լուծելը, աշխատակիցների մասին  հոգ տանելը` շարունակ մտածելով եկամուտների կայունացման ու ձեռքբերումների շղթան պահպանելու ուղղությամբ։   

Օգոստոսին լրջագույն ճգնաժամը բախելու է մեր դուռը. Մելքումյան

170
թեգերը:
բիզնես, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Երբ ծախում ես մայրիկիդ թխած լահմաջոն կամ որոշում ես ճագար բուծել. բիզնեսի նոր կանոններ
Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից
Իրական օգնություն, թե միջազգային թրենդից հետ չմնալու փորձ. բիզնեսին կօգնի՞ պետության քայլը
Особняк Сурена Хачатряна

Ճոխության հարկ. դղյակների տերերը կզրկվեն սիմվոլիկ հարկեր վճարելու հնարավորությունից

0
ՀՀ կառավարությունը հաստատեց «Հարկային օրենսգրքում փոփոխություններ և լրացումներ կատարելու» նախագիծը: Ֆինանսների նախարարն առաջարկեց այն ԱԺ-ում քննարկել անհետաձգելի կարգով:

ԵՐԵՎԱՆ, 27 մայիսի — Sputnik. ՀՀ կառավարության այսօրվա նիստում ՀՀ ֆինանսների նախարար Ատոմ Ջանջուղազյանը ներկայացրեց «Հարկային օրենսգրքում փոփոխություններ և լրացումներ կատարելու» մասին օրենքի նախագիծը, որով նախատեսվում է անշարժ գույքի հարկը հաշվառել շուկայական արժեքին մոտարկված արժեքների հիման վրա:  «Այս համակարգին անցում կատարելը թույլ կտա ապահովել տեսանելի հարստության կամ ունեցվածքի համարժեք հարկումը»,- ասաց նախարարը:

ՀՀ վարչապետ Նիկոլ Փաշինյանը նշեց, որ օրենքի փոփոխությունը հատկապես կարևոր է քաղաքացիական գիտակցության և պետության նկատմամբ վերաբերմունքի փոփոխության տեսակետից:

«Գույքահարկն ավելանալու է այն գույքերի համար, որոնք մենք պայմանականորեն անվանում ենք «դղյակներ», «ապարանքներ» և այլն: Որովհետև եթե նայենք այսօր, թե այդ մեծադղիրդ առանձնատներն ինչ գույքահարկ են վճարում, ըստ էության՝ սիմվոլիկ: Երկար տարիներ Հայաստանում այն բանավեճն է տեղի ունեցել, որ պետք է կիրառել ճոխության հարկ, բայց ճոխության հարկը կիրառվել է այնպես, որ հետո ստիպված ենք եղել վերացնել, որովհետև երբ արդյունքներին ենք նայել, տեսել ենք, որ գումար չի հավաքվում»,- ասաց Փաշինյանը:

Ներկայացրած նոր նախագիծը, Փաշինյանի համոզմամբ, այդ բախտին չի արժանանա և կտա ցանկալի արդյունք՝ ճոխ գույքի տերերը կվճարեն ավելի, հասարակ քաղաքացիները՝ պակաս:

«Այս օրենքի ընդունումից հետո առաջին տարում մոտավորապես 490 - 500 հազար քաղաքացիների գույքահարկը կպակասի, հետո կսկսի կամաց-կամաց ավելանալ»,- ասաց Փաշինյանը:

ՀՀ կառավարությունը հաստատեց «Հարկային օրենսգրքում փոփոխություններ և լրացումներ կատարելու» նախագիծը: Ֆինանսների նախարարն առաջարկեց այն ԱԺ-ում քննարկել անհետաձգելի կարգով, որպեսզի նոր օրենքը սկսի գործել արդեն 2021 թ-ի հունվարի 1-ից:

0
թեգերը:
ՀՀ կառավարություն, Ատոմ Ջանջուղազյան, Նիկոլ Փաշինյան, հարկեր, Հայաստան