Ռոմանոս Պետրոսյան, արխիվային լուսանկար

Ինչո՞ւ են Սևաբերդում ձկները սատկել․ պարզաբանում է մարզպետը

1635
(Թարմացված է 20:28 28.03.2020)
Կոտայքի մարզպետ Ռոմանոս Պետրոսյանը Sputnik Արմենիայի եթերում անդրադարձել է Սևաբերդի ջրամբարի մեծաքանակ ձկների անկման խնդրին։ 
Ինչո՞ւ են Սևաբերդում ձկները սատկել․ պարզաբանում է մարզպետը

Կոտայքի մարզպետ Ռոմանոս Պետրոսյանի խոսքով` Սևաբերդի ջրամբարում ձկների զանգվածային անկման մասին տեսանյութն արդեն ուղարկվել է Բնապահպանության և ընդերքի տեսչական մարմնի Կոտայքի տարածքային բաժնի աշխատակիցներին, որոնք տեղում ջրի նմուշառում կանեն կատարվածի պատճառները բացահայտելու համար․ արդյունքները պարզ կլինեն երկու օրից:

Ֆեյսբուքյան օգտատեր Տիգրան Առաքելյանը օրերս տեսանյութ է հրապարակել, որի համաձայն՝ Սևաբերդի ջրամբարում ձկների զանգվածային անկում է տեղի ունեցել: Տեսանյութում մեծ քանակությամբ սատկած ձկներ են կուտակված ջրամբարի ափամերձ հատվածում:

«Պարզապես ուշադրություն հրավիրեմ այն փաստին, որ Սևաբերդի ջրամբարը շահագործվող չէ և մի քանի խոշոր անցքեր ունի հատակում։ Սեզոնի ընթացքում այնտեղ ջրի կուտակումներ չեն լինում։ Տեսանյութից երևում է, որ այդ կուտակումը շատ փոքր ջրափոսի տեսքով է, որտեղ իմ կարծիքով, կարասիկներ են, որոնք ապրում և բազմանում են նույնիսկ տիղմաջրերում։ Այդ պատճառով էլ մեզ նույնպես զարմացրեց ձկների քանակն այդ փոքրիկ տարածքում, ինչպես նաև նրանց մեծաքանակ անկումը»,– Sputnik Արմենիայի հետ զրույցում ասաց նա։ 

Մարզպետը սպասում է փորձաքննության արդյունքներին, որոնք անպայման կհրապարակվեն, բայց կարծում է, որ կատարվածը թթվածնային քաղցի սահմանազատման հետևանք է։

«Եկանք, տեսանք` ձկները սատկել են». ձկնաբուծարանի տիրոջը միայն մի բան է կասկածելի թվացել

«Թեև ջրամբարը չի շահագործվում, վթարային է և մեր ջրային ռեսուրսների պահպանման ռեեստրում գրանցված չէ, սակայն այնտեղ գործում է ոստիկանական պարեկախումբ, տարածքն այդուհանդերձ համարվում է ռազմավարական օբյեկտ և գտնվում է պետական պահպանության ներքո, հետևաբար ջրամբարի ձկների անկման գործում բացառում եմ մարդկային գործոնը»,– նշեց Պետրոսյանը։ 

Նա հավելեց նաև, որ մարզպետարանը փնտրում է հովանավորներ ու համապատասխան միջոցներ, որպեսզի Սևաբերդի ջրամբարը վերականգնվի ու վերագործարկվի։

1635
թեգերը:
ձուկ, Կոտայք, Մարզպետ, Ռոմանոս Պետրոսյան, Հայաստան
Ըստ թեմայի
Լոռու մարզի ջրամբարի տարածքում ձկները սատկել են. տեսանյութ
Հայաստանում սատկած ձկներ են հայտնաբերվել. ՍԱՏՄ–ն զբաղվում է խնդրով
Կենսաբանները պարզել են, թե ինչու են ձկներն անտեսանելի դառնում բաց օվկիանոսում
Վիկտոր Մանցականյան

Առանց հայեցակարգի ճիշտ չի լինի Կոնդում շինարարական շռայլություններ թույլ տալ. Մնացականյան

39
(Թարմացված է 23:27 26.05.2020)
Երևանի Կենտրոն վարչական շրջանի նախկին ղեկավար Վիկտոր Մնացականյանը Sputnik Արմենիայի եթերում անդրադարձել է մայրաքաղաքի Կոնդ թաղամասի կառուցապատման և ուրբանիզացիայի խնդիրներին, որոնք տարիներ շարունակ մնում են վիճահարույց։ 
Մնացականյան. «Կոնդ թաղամասը չհամակարգված շինարարության պատճառով դարձել է «տարածքային գետտո»»

Երևանի Կենտրոն վարչական շրջանի նախկին ղեկավար Վիկտոր Մնացականյանը դեմ չէ Կոնդում կառուցապատման աշխատանքներին, պարզապես ուզում է, որ թաղամասը շարունակի լինել կենտրոնի եզակի տարածքներից մեկը և կառուցապատման ու շինությունների առումով մնա անաղարտ։

«Հարցին պետք է մոտենալ ավելի հայեցողական, այսինքն` պետք է ունենանք մի հայեցակարգ, թե ինչ ենք ուզում լինի Կոնդում կամ ինչ տիպի շնարարություն պետք է ծավալվի։ Ուզու՞մ ենք արդյոք, որ այնտեղ լինեն բիզնես կենտրոններ, բազմաֆունկցիոնալ շենքեր, թե՞ ուզում ենք, որ ընդամենը մայրաքաղաքին օգնի տուրիզմի զարգացման մասով։ Լինելու՞ են արդյոք այնտեղ հյուրանոցներ, բնակելիներ, սրճարաններ ու ռեստորաններ։ Այս հարցի պատասխանը չունենալու դեպքում ճիշտ չի լինի Կոնդում թույլ տալ շինարարական շռայլություններ»,– Sputnik Արմենիայի հետ զրույցում ասաց նա:   

Մնացականյանը ողջունում է բոլոր այն մարդկանց, շինարարներին, կառուցապատողներին ու ներդրողներին, որոնք ուզում են Կոնդում շինարարություն սկսել, ուղղակի այդ ամենը պետք է համակարգել։ Նրա դիտարկմամբ` անհրաժեշտ է հայտարարել ժամանակավոր, մեկամյա դադար, որպեսզի կառավարության հետ մեկտեղ մշակվի վերոհիշյալ հայեցակարգը, իսկ հետո առանձին լոտերով, ըստ ներդրումների, հատկացվեն կամ վաճառվեն առանձին տարածքներ։ 

Տպարանը քանդած ընկերության նկատմամբ վարչական վարույթ է հարուցվել

«Այդուհանդերձ տեղային շինարարությունների ծավալումը սխալ է այն տեղերում, որոնք եզակի են. օրինակ` Սարյան–Լեո խաչմերուկին հարող տարածքը, որը տարբերվում է կանաչ զանգվածով և իր ինքնատիպությամբ։ Անկախությունից հետո կառուցվել են 5–6 շենքեր, որոնք չեն սազում ոչ միայն տեղանքին, այլև ողջ մայրաքաղաքին։ Այդ դիմապատկերն ուղղակի փչացնում է Կոնդի արտաքին տեսքը։ Բացի այդ, պետք է լինի թաղամաս տանող գոնե մեկ բարեկարգ մուտք։ Եթե քաղաքային իշխանությունն ունի ազատ հողեր, ավելի լավ է, որ դրանք անհատույց տրվեն ներդրողներին, որոնք կառաջադրեն լուծումներ»,– նշեց Մնացականյանը։ 

Նրա խոսքով` քանի որ Կոնդը բարձրադիր թաղամաս է, ապա պետք է այդտեղ հասնելու համար ավելի մատչելի լուծումներ գտնել. օրինակ՝ ինչ–որ ճոպանուղի կամ գեղեցիկ աստիճաններ կառուցել։  Ըստ Մնացականյանի` Կոնդը չհամակարգված շինարարության պատճառով վերածվել է «տարածքային գետտոյի». ժամանակին այդտեղ գործում էր ավտոբուսային երթուղի, մինչդեռ տարիների ընթացքում անկանոն շինարարության պատճառով փողոցները նեղացել են, տրանսպորտը բացակայում է, դեպի թաղամաս տանող մուտքերը փակվել են և Կոնդն այժմ չունի թաղամասին հարիր, ուրբանիստիկ առումով գրագետ մուտք։ 

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Կենտրոն վարչական շրջանի նախկին ղեկավարը նշում է, որ իր պաշտոնավարման տարիներին փորձել է խնդիրն ավելի խորքային արծարծել ու բարձրաձայնել է այդ մասին, սակայն շինարարական թույլտվությունների մանդատ չի ունեցել, ինչը բացառապես քաղաքապետարանի իրավասության շրջանակում է:

39
թեգերը:
Երևանի քաղաքապետարան, շինարարություն, Վիկտոր Մնացականյան, Կոնդ, Երևան
Ըստ թեմայի
Երևանում կասեցվել է հերթական ապօրինի շինարարությունը
Կոնդի բնակիչները արդարություն են փնտրում. նրանք հանդիպել են կառավարության ներկայացուցչին
Երևանում ապօրինի շինարարության համար կաշառել է պաշտոնատար անձի. հարուցվել է քրեական գործ
«Մեզ դեսուդեն են տշում, որ չարանանք Փաշինյանի դեմ». կոնդեցիների բողոքի ակցիան 1 ժամ տևեց
Կոնդը կարող է հայկական Մալագա դառնալ. Երևանի գլխավոր ճարտարապետ
Լիլիթ Մայիլյան

Բիզնեսի աշխարհում այլևս ոչինչ առաջվանը չէ. ի՞նչն է կարևոր նոր իրավիճակում

169
(Թարմացված է 20:53 26.05.2020)
«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանը Sputnik Արմենիայի եթերում անդրադարձել է այն հարցին, թե ինչ խնդիրների առջև են կանգնել այն կազմակերպությունները, որոնց բիզնեսը վերաբացվել է մայիսի կեսից։ 
Մայիլյան. «Բիզնեսը վերաբացվելով` առաջնահերթություն է տալիս զուտ իրավիճակային լուծումներին»

«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանի դիտարկմամբ` ճիշտ է, բիզնեսները վերաբացվում են, սակայն ղեկավարները բախվում են բավականին լուրջ խնդիրների և պետք է արագ կողմնորոշվեն, ճկուն լինեն, հարմարվեն իրենց աշխատակիցների, հաճախորդների ու մատակարարների փոփոխվող կարիքներին։ 

«Այն, ինչ նախկինում էր, բոլոր դեպքերում չէ, որ հիմա ճիշտ է ու կիրառելի։ Նրանք հիմա պետք է դիմակայեն նոր ֆինանսական, գործառնական մարտահրավերներին։ Ի դեպ` շուկայում արդեն գրանցվել են ճնշող մրցակցային մարտահրավերներ։ Բիզնեսը վերաբացվելով` առաջնահերթություն է տալիս իրավիճակային լուծումներին։ Մարդիկ հեռուն չեն նայում»,– նշում է «Պրոֆայնընս» ՍՊԸ–ի հիմնադիր տնօրենը։   

Մայիլյանի պնդմամբ` նման իրավիճակը ոչ միայն Հայաստանում է առկա, այլև ամբողջ աշխարհում։ Նրա փոխանցմամբ` վերջերս հետազոտություններ են իրականացվել արտերկրի բավականին մեծ կորպորացիաներում, թե կորոնավիրուսով պայմանավորված սահմանափակումներն ինչ ազդեցություն են ունեցել իրենց տնտեսական ակտիվության վրա, և պարզվել է, որ ֆինանսական ոլորտի աշխատողները, որոնք միշտ, յուրաքանչյուր տարի սեպտեմբեր–հոկտեմբեր ամիսներին կատարում էին կանխատեսումներ մեկ կամ հինգ տարվա կտրվածքով, այս տարի փետրվար–մարտ ամիսներին արդեն ստիպված էին նախապես արված իրենց կանխատեսումներում և հաստատված բյուջեներում մտցնել փոփոխություններ։

«Փոփոխվեցին նաև նախանշված ծախսերը, վերանայվեցին եկամուտները, արտադրության տեսականին ու ծավալները, ինչպես նաև առք ու վաճառքի պայմանները։ Կանխատեսումներն այժմ արվում են շատ կարճաժամկետ կտրվածքով, մինչև վեց ամիս ժամկետով»,– տեղեկացնում է «Պրոֆայնընս» ՍՊԸ հիմնադիր տնօրենը։

Լիլիթ Մայիլյանի կարծիքով` անորոշությունը շատ բարձր է, հետևաբար, ընկերությունների ղեկավարներն ուղղակի անիմաստ են համարում երկարաժամկետ կանխատեսումները։ Նրանց հիմնական խնդիրն ավելի սպոտան լինելն է, իրավիճակային խնդիրներ լուծելը, աշխատակիցների մասին  հոգ տանելը` շարունակ մտածելով եկամուտների կայունացման ու ձեռքբերումների շղթան պահպանելու ուղղությամբ։   

Օգոստոսին լրջագույն ճգնաժամը բախելու է մեր դուռը. Մելքումյան

169
թեգերը:
բիզնես, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Երբ ծախում ես մայրիկիդ թխած լահմաջոն կամ որոշում ես ճագար բուծել. բիզնեսի նոր կանոններ
Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից
Իրական օգնություն, թե միջազգային թրենդից հետ չմնալու փորձ. բիզնեսին կօգնի՞ պետության քայլը
 ՀՀ էկոնոմիկայի նախարար Տիգրան Խաչատրյան. արխիվային լուսանկար

Կառավարությունը հաստատեց կորոնավիրուսի տնտեսական հետևանքների չեզոքացման 19-րդ միջոցառումը

0
(Թարմացված է 13:22 27.05.2020)
Կառավարությունն արտոնյալ վարկեր կտրամադրի տնտեսության զարգացման նորարարական ծրագրեր ներկայացնող գործարարներին:

ԵՐԵՎԱՆ, 27 մայիսի – Sputnik. ՀՀ կառավարության այսօրվա նիստում գործադիրը հաստատեց կորոնավիրուսի տնտեսական հետևանքների չեզոքացման 19-րդ միջոցառումը:

Ինչպես հարցի ներկայացման ժամանակ հայտնեց ՀՀ էկոնոմիկայի նախարար Տիգրան Խաչատրյանը, այս միջոցառման նպատակն է օժանդակել ՀՀ քաղաքացիներին և առանձին տնտեսավարողներին իրագործելու մրցունակ գործարար ծրագրեր:

«Օժանդակության նպատակն է ձեռնարկատիրական գիտելիքների ընդլայնման և ֆինանսների հասանելիության բարձրացման միջոցով նպաստել շահառուների գործարար ծրագրերի նորարարական զարգացմանը, իսկ «զրոյից» բիզնես ստեղծելու ձգտում ունեցող շահառուներին՝ ձեռնարկատիրական գաղափարների իրագործմանը»,- ասաց Խաչատրյանը:

Միջոցառման շահառու կարող են դառնալ ՀՀ-ում գրանցված կազմակերպությունները կամ անհատ ձեռնարկատերերը, բացառությամբ մանրածախ և մեծածախ ոլորտում գործունեություն ծավալողների: Շահառուները պետք է նախորդ մեկ տարվա ընթացքում ունեցած լինեն բարվոք հարկային և վարկային պատմություն, գործունեությունն առավելապես իրականացրած լինեն ՀՀ մարզերում և չհանդիսանան «Ներդրումների աջակցման կենտրոն» հիմնադրամի շահառու:

Կառավարության կողմից տրամադրվող արտոնյալ վարկի 75%-ը տնտեսվարողներին կհատկացվի 8 տարվա մարման ժամկետով, անտոկոս, 25% ը՝ որպես դրամաշնորհ։

Վարկի մայր գումարի արտոնյալ ժամանակահատվածը կարող է կազմել առավելագույնը 6 ամիս` սկսնակ շահառուների համար. մեկ շահառուի վարկի առավելագույն չափը սահմանվում է 10 մլն դրամ սկսնակների համար, իսկ նորարարական զարգացման շահառուների համար՝ 20 մլն դրամ:

Վարկի տարեկան տոկոսադրույքը կկազմի 7- 10%:

Հիշեցնենք՝ կորոնավիրուսի համավարակով ու Հայաստանում մարտի 16-ից գործող արտակարգ դրության պատճառով առաջացած սոցիալ-տնտեսական ճգնաժամն ու դրա հետևանքները վեացնելու համար ՀՀ կառավարությունն առ այսօր 18 միջոցառում է հաստատել, որոնք նախատեսված են սոցիալական տարբեր խմբերի ու տնտեսական գործունեության տարբեր ոլորտներում աշխատող սուբյեկտների համար:

Տիգրան Խաչատրյանը հայտնել է` ինչու են մերժվում տնտեսական աջակցության հայտերը

0
թեմա:
Կորոնավիրուսը Հայաստանում և Արցախում