Անի Սամսոնյան

Երևանի աղմկահարույց նվիրատվություններն ու Սամսոնյանի օրենսդրական առաջարկը

144
(Թարմացված է 16:09 24.03.2020)
ԱԺ «Լուսավոր Հայաստան» խմբակցության պատգամավոր Անի Սամսոնյանը Sputnik Արմենիայի եթերում անդրադարձել է իր օրենսդրական նախաձեռնությանը, որով առաջարկում են լրացում կատարել «Տեղական ինքնակառամարման մասին» ՀՀ օրենքում։
Սամսոնյան. «Կարևոր է, որ ավագանին կարողանա ժամանակին բացահայտել ապօրինի գործարքները»

Նոր նախագծի համաձայն` «Լուսավոր Հայաստան» խմբակցությունը համայնքի ավագանուն առաջարկում է հավանություն տալ նվիրատվության ընդունմանն այն դեպքում, երբ համայնքը նվիրառու է, իսկ նվիրատվությունը գերազանցում է նվազագույն աշխատավարձի 1000–ապատիկը։

Անի Սամսոնյանի փոխանցմամբ` վերջին ամիսների ընթացքում ակնառու դարձավ, որ համայնքը, մասնավորապես, Երևանը, նվիրատվություն և նվիրաբերություններ է վերցնում իրավաբանական անձանցից, և ավագանին, որպես համայնքին, քաղաքապետին վերահսկող մարմին, այդ մասին տեղեկանում է post-factum տարբերակով։

Աննա Հակոբյանը խոսեց նախկին օլիգարխների` իր հիմնադրամին նվիրատվություն տալու մասին

«Այդ դեպքում հնարավոր չի լինում կանխարգելել այն ռիսկերը, որոնք կարող են առաջանալ քաղաքապետարանի և իրավաբանական անձանց, տնտեսվարող սուբյեկտների միջև։ Մենք ասում ենք, որ եթե կա տնտեսվարող սուբյեկտ, որը համայնքին նվիրում է որևէ գույք, ապա պետք է վստահ լինենք, որ այդ սուբյեկտը համայնքից չի ստացել որևէ ծառայություն, օրինակ` շինարարության թույլատրություն կամ ինքնակամ վերցված որևէ տարածքի օրինականացում»,– նշում է պատգամավորը։ 

Քաղաքապետարանը նվիրատվություն է ստացել «Փարկինգ Սիթի Սերվիսը»

Սամսոնյանի դիտարկմամբ` շատ կարևոր է, որպեսզի ավագանին կարողանա ժամանակին բացահայտել նման կապերն ու դրանով կանխարգելել կոռուպցիոն ռիսկերը։ Պատգամավորը հիշատակում է այն ժամանակահատվածը, երբ ընդգրկված էր Երևանի ավագանու կազմում, և վերհիշում այն պրակտիկան, երբ քաղաքապետը մինչև գործարք կնքելն այն ներկայացրել է ավագանու հավանությանը։ Ըստ նրա` դա պետք է ամրագրվի օրենսդրորեն, որպեսզի համայնքի ղեկավարը հայեցողական մոտեցում չցուցաբերի որևէ հարցի նկատմամբ։ 

«Քննարկումն առաջին ընթերցմամբ անցավ։ «Իմ քայլը» խմբակցության որոշ պատգամավորներ «դեմ» քվեարկեցին, ոմանք` «կողմ»։ «Բարգավաճ Հայաստան» խմբակցությունն իր հերթին ներկայացրել էր առաջարկներ, որոնք ընդունեցինք։ Ընդհանուր առմամբ` կա բովանդակային քննարկում։ Բայց այստեղ շատ կարևոր է կամքը։ Արդյո՞ք այս նախագիծն ընդունելի է իշխանության համար, որովհետև այն մեծապես նպաստելու է և ստիպելու է համայնքի ղեկավարին, որպեսզի հաշվետու լինի ավագանուն, որպես կարևոր ինստիտուտի»,– նշում է պատգամավորը։ 

Պատգամավորի կարծիքով` եթե ուզում են, որ գործընթացը լինի թափանցիկ, ուրեմն պետք է կողմ քվերակեն իրենց նախագծին, հակառակ դեպքում՝ կստացվի, որ իշխող ուժը դեմ է այս նախաձեռնությանը, ինչը պատգամավորի համար կլինի տարօրինակ, քանի որ նախկինում Երևանի աղմկահարույց նվիրատվությունների ժամանակ իշխող ուժի ներկայացուցիչներն էին առաջարկում հարցին տալ ինստիտուցիոնալ լուծում։ Ըստ այդմ` պետք է թույլ տալ, որ ավագանին լիարժեքորեն կատարի իր աշխատանքը, որպեսզի մտահոգություններ չլինեն։ 

Տեր-Վարդանյան. «Անցած տարվա նվիրատվությունները քանակային և որակային առումով նշանակալի են»

144
թեգերը:
նախագիծ, Օրենք, ՀՀ Ազգային ժողով, ավագանի, Երևանի քաղաքապետարան, երևանցիներ, Երևան, Պատգամավոր, Անի Սամսոնյան
Ըստ թեմայի
Թող դիլերները նվիրատվության միջոցով չխուսափեն հարկերից, եկեք ազնիվ լինենք. Անանյան
Փաշինյանի կնոջ հիմնադրամի նվիրատուների ցանկը հրապարակվեց
Հրապարակվել է «Իմ քայլը» հիմնադրամի նվիրատուների ցուցակը. ովքեր են նրանք
Անահիտ Բախշյան

Բախշյան. «Մեր մասնագիտական խումբը կհետևի` ինչպես է իրականացվելու Լանզարոտեի կոնվենցիան»

14
(Թարմացված է 21:13 30.05.2020)
ՀՀ կրթության տեսչական մարմնի կառավարման խորհրդի անդամ, կրթության փորձագետ Անահիտ Բախշյանը Sputnik Արմենիայի եթերում իր մտահոգություններն է ներկայացրել Լանզարոտեի աղմկահարույց օրենքի վերաբերյալ` անդրադառնալով նաև ՀՀ նախագահի հետ հանդիպման ժամանակ արծարծված հարցերին։
Բախշյան. «Անկախ Լանզարոտեի կոնվենցիայից` ՀՀ պիտի ունենա կրթության իր ծրագիրը և չափորոշիչները»

Անահիտ Բախշյանը Լանզարոտեի օրենքի հետ կապված մտահոգությունների առնչությամբ ստորագրահավաք է կազմակերպել։

«Բայց մենք պայմանավորվեցինք, որ նախագահի հովանու ներքո ձևավորվի մասնագիտական խումբ, որը կհետևի այս կոնվենցիայի վավերացման հետագա գործընթացներին, որովհետև կոնվենցիայում գրված է, որ այն չի պարտադրում որևէ տարբերակ հատկապես կրթության 6-րդ հոդվածի առնչությամբ, չի տալիս որևէ հանձնարարական այն ընդունող պետությանը, ինչը նշանակում է, որ Հայաստանը պիտի սեփական ծրագիրն ու չափորոշիչներն ունենա կրթության ոլորտում` երեխաներին սեռական բռնությունից զերծ պահելու և կրթությունը կազմակերպելու համար»,– նշում է ՀՀ կրթության տեսչական մարմնի կառավարման խորհրդի անդամը։

Ստեղծվելիք մասնագիտական խմբում կլինեն տարբեր մասնագիտություններ ունեցող անձինք, և նրանք կհետևեն կառավարության ու ԱԺ–ի բոլոր քայլերին, որոնցով պիտի իրականացվի կոնվենցիան։

Ըստ Բախշյանի` օրենքի նախագծի տակ կա արդարադատության նախարարի եզրակացությունը, որում նշված նախադասություններից մեկը շատ է մտահոգել իրեն, այն է` կոնվենցիան հակասում է ՀՀ օրենքին, որում պետք է արվեն փոփոխություններ, սակայն հակասությունների վերաբերյալ չի տրվում հստակ բացատրություն։

«Ըստ էության, մենք կստեղծենք հանրային հարթակ, որը մասնագիտական գնահատական կտա, կկազմակերպի հանրային քննարկումներ։ Ի դեպ, Ազգային ժողովի պատգամավորներն իրենց հերթին նշում են, որ փողոցներում օրեր առաջ հայտնված գրքերը չեն, որ օգտագործվելու են հանրակրթական դպրոցներում, հետևաբար կրթության ոլորտում լինելու են նոր չափորոշիչներ, որոնցով առաջնորդվելու են ուսումնական հաստատությունները»,– հայտնեց կրթության փորձագետը։

Լանզարոտեի կոնվենցիան վավերացնելը քիչ է, այն պետք է համապատասխանի մեր արժեհամակարգին

Բախշյանը կարծում է, որ պետք է ակնդետ հետևել, թե ովքեր են սահմանելու չափորոշիչներն ու ինչպես են դրանք կյանքի կոչվելու։

Հիշեցնենք` մայիսի 11–ին հակառակ հասարակության շրջանում առկա դժգոհություններին, ՀՀ Ազգային ժողովն ընդունեց ընդունեց դեռևս 10 տարի առաջ ՀՀ այն ժամանակվա իշխանության ստորագրած ու չվավերացված «Սեռական շահագործումից և սեռական բնույթի բռնություններից երեխաների պաշտպանության մասին» եվրոպական կոնվենցիան:

ԱԺ-ն ընդունեց Լանզարոտեի կոնվենցիան. սեռական դաստիարակությունը կարող է սկսվել դպրոցից
Կոնվենցիայի նախագծին կողմ քվեարկեց նիստին ներկա 84 պատգամավորներից 79-ը: 

«Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան ստորագրվել է 2007թ. հոկտեմբերի 25-ին:

Հայաստանի Հանրապետությունը կոնվենցիան ստորագրել է 2010թ. սեպտեմբերի 29-ին, բայց չէր վավերացրել:

Վավերացնելով միջազգային այդ փաստաթուղթը, ՀՀ-ն պարտավորվում է ձեռնարկել օրենսդրական ու այլ փոփոխություններ՝ կյանքի տարբեր ոլորտներում երեխաների հետ շփում ունեցող անձանց հնարավոր ոտնձգություններից երեխաների պաշտպանությունն ու իրավունքների մասին իրազեկումն ապահովելու համար:

Կոնվենցիան նախատեսում է նաև երեխայի անձնական տվյալների պաշտպանության ազգային օրենսդրության ընդունում:

Անահիտ Բախշյանն ու ՀՀ նախագահը Լանզարոտեի կոնվենցիայի մասին խոսել են մայիսի 29-ին։

14
թեգերը:
Լանզարոտեի կոնվենցիա, Անահիտ Բախշյան, Հայաստան
Ըստ թեմայի
Հայաստանը պետք է բարելավի իրավիճակը երեխաների հետ կապված հատուկ հաստատություններում. ՅՈՒՆԻՍԵՖ
Երեխաները կսովորեն անկաշկանդ օգնություն խնդրել․ պատգամավորը՝ Լանզարոտեի կոնվենցիայի մասին
«Նորապսակները սեռական կյանքի մասին որտեղի՞ց են իմանում, բիսեդկեքի՞ց». Փաշինյան
Արմեն Քթոյան

17․2% տնտեսական անկում․ ինչ վիճակում է ՀՀ տնտեսությունը, և արդյոք կավելանա արտաքին պարտքը

52
(Թարմացված է 20:27 29.05.2020)
Հանրային քաղաքականության հետազոտությունների ազգային կենտրոնի փորձագետ Արմեն Քթոյանը Sputnik Արմենիայի եթերում անդրադարձել է այն հարցին, թե ինչ ազդեցություն կունենա բյուջեի վրա ապրիլին Հայաստանում գրանցված 17,2 տոկոս տնտեսական անկումը և որքանով կմեծանա դեֆիցիտը։ 
Քթոյան. «Մեր աննախադեպ պահուսները կչեզոքացնեն արտաքին աղբյուներից միջոցներ ներգրավելու կարիքը»

Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանի դիտարկմամբ` տնտեսական անկումը սպասելի էր և որևէ մեկի համար անակնկալ չէ։ Ըստ նրա` գրեթե բոլոր ոլորտները փակվեցին, և տնտեսությունն ըստ էության գտնվում էր փակ վիճակում, բնականաբար նախորդ տարվա նույն ժամանակահատվածի համեմատությամբ տնտեսական ակտիվության նվազումն էլ կանխատեսելի էր։

«Դրան համապատասխան կնվազեն նաև բյուջեի եկամուտները։ Հիմա դժվար կլինի ասել, թե դա ինչպես կանդրադառնա ընդհանուր իրավիճակի վրա, որովհետև տնտեսական ակտիվության ցուցանիշի անկումն ուղղակիորեն ազդում է բյուջեի վրա եկամուտների կրճատման առումով, բայց ավելի հստակ գնահատականներ հնարավոր կլինի տալ այն ժամանակ, երբ տարին կամփոփվի։ Համենայնդեպս տնտեսական անկման պայմաններում բյուջեն կունենա զգալի ռեսուրսների ներգրավման անհրաժեշտություն, ինչպես ցանկացած այլ ճգնաժամի պարագայում»,– Sputnik Արմենիայի հետ զրույցում ասաց նա։ 

Քթոյանը հիշեցրեց, որ՝ 2008թ–ի ճգնաժամի հետևանքները հաղթահարելու համար կարիք եղավ էական միջոցներ ներգրավելու, սակայն նրա կարծիքով՝ այս անգամ ավելի հեշտ կլինի։ 

Գևորգյան. «Թանկարժեք բնակարանատերերը շատ կվճարեն, դղյակ ունեցողները՝ ավելի շատ»

«Պետք է ուշադրություն դարձնել, թե մեզ մոտ որոնք են եկամուտ գեներացնող ուղղությունները։ Դեֆիցիտի մեծանակու առումով առկա թվերի վրա հիմնվելն ու գնահատականներ տալը դժվար է, բայց եթե նայենք զուտ մեկ ամսվա կտրվածքով, ապա այդ ժամանակահատվածում տնտեսության փակ լինելը հաշվի առնելով` կարելի է ասել, որ նույնչափ եկամուտներ մեկ ամսվա կտրվածքով ստանալ չենք կարող։ Հստակ է մի բան, որ ֆինանսների նախարարությունն ունի համապատասխան մոդելներ, որոնց շնորհիվ յուրաքանչյուր ոլորտի ազդեցությունը դիտարկված է տնտեսական աճի ու ՀՆԱ–ի ձևավորման վրա»,– նշեց Քթոյանը։

Տնտեսագետի խոսքով` կարելի է դիտարկել տարբեր սցենարներ, որովհետև այս պահին մենք դեռ հեռու ենք ճգնաժամը հաղթահարելուց, բայց մյուս կողմից՝ նույնիսկ կորոնավիրուսով վարակվածների թվաքանակի ավելացման պայմաններում կայացվեց սահամանփակումների դյուրացման որոշում, ինչը ևս կնպաստի տնտեսական խնդիրների լուծմանը։ 

Անդրադառնալով այն հարցին, թե որքան կարող է մեծանալ մեր արտաքին պարտքը, եթե առկա իրավիճակում պետությունը նոր վարկեր վերցնի, Քթոյանը նշեց, որ մենք արտաքին պահուստների մասով ավելի բարվոք վիճակում ենք, ունենք անվտանգության բարձիկ, եթե համեմատենք 10 տարի առաջվա իրավիճակի հետ։ Ըստ նրա` եթե հայտարարվում է, որ ունենք պահուստների աննախադեպ ծավալներ, ինչն իրականում այդպես է, ապա դա թույլ կտա որոշակիորեն չեզոքացնել արտաքին աղբյուներից միջոցներ ներգրավելու կարիքը, բայց եթե հաշվի առնենք, որ 2008թ. ճգնաժամի ընթացքում 1.5-2 միլիարդ դոլարի չափով ավելացրինք արտաքին պարտքը, ապա այժմ այդչափ լրացուցիչ միջոցներ ներգրավելու անհրաժեշտություն չենք ունենա։ 

Օգոստոսին լրջագույն ճգնաժամը բախելու է մեր դուռը. Մելքումյան

52
թեգերը:
ՀՀ արտաքին պարտք, տնտեսություն, Արմեն Քթոյան, Հայաստան
Ըստ թեմայի
Տնտեսությունն անկողնային հիվա՞նդ է. Փաշինյանի պատասխանը
Փաշինյանն այցելել է Էռնեկյանին պատկանող տնտեսություն
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
«ՀՀ–ի տնտեսությունը լավագույնն է ԵԱՏՄ-ում, բայց ես մտահոգություններ ունեմ». նախկին նախարար
Արսեն Թորոսյան

Կորոնավիրուսի բուժման մեթոդները պետք է նույնականացնել. Արսեն Թորոսյան

0
(Թարմացված է 22:51 30.05.2020)
Հանդիպման ընթացքում ընդգծվել է, որ անեսթեզիոլոգ-ռեանիմատոլոգները հիմա առավել քան պահանջված են, լրացուցիչ մասնագետների ներգրավման անհրաժեշտություն կա։

ԵՐԵՎԱՆ, 30 մայիսի – Sputnik. ՀՀ առողջապահության նախարար Արսեն Թորոսյանը հանդիպել է հանրապետության մի շարք բժշկական կազմակերպությունների վերակենդանացման բաժանմունքների ղեկավարների հետ։ Տեղեկությունը հայտնում է նախարարության մամուլի ծառայությունը։

Նախարարը հանդիպման սկզբում ասել է, որ կորոնավիրուսային հիվանդության բուժման մեթոդները պետք է նույնականացնել և կիրառել միանման մոտեցումներ` իհարկե հաշվի առնելով հիվանդի բժշկական պատմությունը։

«Ուզում եմ նաև լսել, թե ինչ պետք է անել այլ կերպ, քան հիմա արվում է»,- նշել է Արսեն Թորոսյանը։

Ներկաները քննարկել են կիրառվող գործելակարգերը, ընդհանուր մոտեցումները և ներկայացրել են իրենց դիտարկումները պացիենտների վարման վերաբերյալ։

Հանդիպման ընթացքում ընդգծվել է, որ անեսթեզիոլոգ-ռեանիմատոլոգներն այսօր առավել քան պահանջված են, և լրացուցիչ մասնագետների ներգրավման անհրաժեշտություն կա։

Ոլորտի պատասխանատուներն առաջարկել են ստեղծել ներհիվանդանոցային բազա և ըստ անհրաժեշտության ու պացիենտների կուտակումների՝ անեսթեզիոլոգ-ռեանիմատոլոգներին գործուղել կորոնավիրուսային հիվանդության բուժմամբ զբաղվող բժշկական հաստատություններ։

Ծառայության պատասխանատուներն առաջարկել են ստեղծել նաև մշտադիտարկում իրականացնող մասնագիտական խումբ, որը բժշկական կազմակերպություններում կուսումնասիրի բուժական գործընթացը, կիրառվող մեթոդները և այլն։

Քննարկվել է նաև հանրապետության առաջատար մասնագետների ներգրավմամբ կազմակերպել տեսակապով քննարկումներ, այդ թվում մասնագիտական խորհրդատվություններ և առանձին դեպքերով կոնսիլիումներ։

Նախարարը հավանության է արժանացրել առաջարկը և հանձնարարել է ձեռնարկել միջոցառումներ առաջիկայում իրագործելու համար։

Ամփոփելով հանդիպումը` որոշվել է ևս մեկ անգամ քննարկել արդեն իսկ հաստատված բուժման սկզբունքները, համապատասխանեցնել նոր մոտեցումներին՝ դիտարկելով բոլոր կողմերի մասնագիտական կարծիքները։

Թորոսյանը, կարևորելով մասնագետների հետ քննարկումը, հույս է հայտնել, որ այս ձևաչափով հանդիպումները շարունակական են լինելու։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 251-ով և հասել 8927–ի։ Այսօր գրանցվել է մահվան 7 դեպք։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով լինեն։ Դիմակների առկայությունը պարտադիր է նաև բոլոր փակ տարածություններում։

Հիշեցնենք նաև, որ օրեր առաջ ԵՊԲՀ ռեկտոր, առողջապահության նախկին նախարար Արմեն Մուրադյանը Facebook-ում դիմել էր անեսթեզիոլոգիա և ռեանիմատոլոգիա մասնագիտությունն ընտրած կլինիկական օրդինատորներին։ Նրա խնդրանքն ու հորդորն էր միանալ այն բուժաշխատողներին, որոնք օր ու գիշեր պայքարում են նաև մեր երկրին պատուհասած կորոնավիրուսի համավարակի դեմ։

0
թեգերը:
կորոնավիրուս, Արսեն Թորոսյան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Աշխարհում կորոնավիրուսով վարակվածների թիվը հատել է 6 միլիոնի սահմանագիծը
Կորոնավիրուսից մահացել է ԱԺ պատգամավորի հայրը
Չինաստանում ասել են` երբ պատրաստ կլինի կորոնավիրուսի դեմ պատվաստանյութը