Տեղեկատվության համար հիմք է հանդիսացել այն տեսակետը, որի համաձայն`ներմուծումը միշտ էլ ավելի շատ և ուժեղ է տուժում, քան ներքին սպառումը։ Այդ իսկ պատճառով ներմուծող երկրներն ավելի ծանր դրության մեջ կհայտնվեն, և գնաճը կարող է կտրուկ աճել։
Ատոմ Մարգարյանի կարծիքով` դա կարող է լինել իրադարձությունների զարգացման սցենարներից մեկը, բայց մեծ հաշվով` կան նաև հակազդող գործոններ։
Թրամփը կորոնավիրուսի թեմայով դիմել է մարդկանց ու արգելք սահմանել Եվրոպայի համար
«Բոլոր դեպքերում, միայն ռուսական շուկան չէ, որ այդ առումով ներմուծման աղբյուր է հանդիսանում ՀՀ–ի համար։ Կան նաև երրորդ երկրները։ Միշտ էլ բիզնեսը ձգտում է օգտագործել այլընտրանքային տարբերակներ։ Դիտարկումները ցույց են տալիս, որ միջազգային շուկաները մեծ անկումից հետո կարծես թե որոշակիորեն վերադառնում են եթե ոչ նախկին, ապա գոնե բարձրացման ուղղության։ Համենայն դեպս, նավթի գներն այդպիսի վարքագիծ են դրսևորում»,–նշում է տնտեսագետը։
Ատոմ Մարգարյանի համոզմամբ` խուճապային տրամադրությամբ պայմանավորված այն տեսակետը, որ կարող են լինել ներմուծման կրճատումներ կամ գնաճ, ուղղակի կարող է լինել զարգացումներից մեկը։
«Ի վերջո, դրամավարկային քաղաքականություն մշակող կառույցները նրա համար են, որ իրացնեն կայունացնող գործիքակազմ։ Այս իմաստով` Ռուսաստանը վերջին երկու–երեք տարիներին կարողացել է ստեղծել անվտանգության ֆինանսական բարձիկներ, ռեզերվային ֆոնդեր, որոնք կարող է այսպիսի ճգնաժամային իրավիճակներում օգտագործել`թույլ չտալով ռուբլու շատ մեծ չափերի անկում»,–նշում է տնտեսագետը։
Ատոմ Մարգարյանի դիտարկմամբ` ՌԴ–ն այդ գործիքն օգտագործում է, որպեսզի աջակցի իր արտադրող, արտահանող ընկերություններին և թույլ չտա բյուջեի եկամուտների շատ մեծ ու անցանկալի անկում։
Կորոնավիրուսը Հայաստանին արդեն միլիոնների վնաս է տվել. Նովրուզը գալիս է, իրանցիները` ոչ
