«Ոչ»–ի շտաբի ներկայացուցիչ, իրավաբան Ռոբերտ Հայրապետյանը վերահաստատում է իրենց մարտավարությունը, «Ոչ»–ի շտաբը ոչ դասական քարոզչություն է իրականացնելու։
««Ոչ»–ի ստեղծման հիմնական գաղափարախոսությունը շարունակում է մնալ վերահսկողական գործառույթի իրականացումը, ինչպես նաև ընտրական գործընթացի ընթացքում «Այո»–ից որևէ կերպ տարբերվող կարծիք ունեցող մարդկանց հարթակ տրամադրելու գործառույթը»,– Sputnik Արմենիայի հետ զրույցում ասաց նա։
Հայրապետյանի փոխանցմամբ`«Ոչ»–ի կողմնակիցներն իրականացնում են բազմաթիվ հանդիպումներ, պարտադիր քաննարկման առարկա են դարձնում «Այո»–ի շտաբի քարոզչության ընթացքում թույլ տրված օրինախախտումները, ընթացակարգային խախտումները։
Հայտնի է` ով է 1991–ի «Այո»–ի նկարի հեղինակը. «Երեկոյան Երևանի» խմբագիրը հիշեց նկարչին
«Մենք դրանք արձանագրում ենք և փորձում ուղղել պատկան մարմիններին, դրանց համար ստանալ իրավական գնահատականներ ու կանխել նման դեպքերի կրկնությունը։ Բայց ներկա պահին մենք դեռևս շարունակում ենք հավատարիմ մնալ այն դիրքորոշմանը, որ քարոզչություն դասական իմաստով կամ «ՈՉ»-ի քաղաքական քարոզչություն չենք իրականացնելու։ Ներկա պահին մեր ուղղությունը փոխելու քննարկում չկա»,– նշեց «Ոչ»–ի շտաբի ներկայացուցիչը։
«Այո» տարբերանշանի ստեղծողները տեղյակ են եղել հնի գոյության մասին. հայտարարություն
Իրավաբանի տեղեկացմամբ` իրազեկման համար իրենք օգտագործում են այն հարթակները, որոնք հասանելի են, օրինակ` հանրային հեռուստաընկերության անվճար եթերաժամանակը, ֆեյսբուքյան հարթակը, տարբեր լրատվամիջոցների կողմից հատկացված հարթակները, հետևաբար փորձում են հանրությանը առավելագույնս իրազեկել իրավախախտումների մասին, որոնք տեղի են ունենում քարոզչության ընթացքում, ինչպես նաև հանրությանը շարունակ ներկայացնել այս գործընթացի հակասահմանադրական էությունը։
Հայրապետյանը համոզված չէ, որ գործող իշխանությունը հանրաքվեի արդյունքում կստանա բավարար չափով քվեներ։ Նա հեռու է նաև այն մտքից, որ նույն չափով կլինեն «Ոչ»–ի քվեներ, այդուհանդերձ, հուսով է, որ հասարակությունը հանրաքվեին մասնակցելու իրավունքն իրացնելով կամ ձառնպահ մնալով, պետք է նպատակ ունենա իրավական պետության հիմքերն ամրապնդել և երկրի իրավական անվտանգությունը հետագայում ավելի ապահով դարձնել։
