Արա Գալոյան

Սոցիալական բնակարանաշինությունը մեծ կոռուպցիոն ռիսկե՞ր է պարունակում

95
(Թարմացված է 22:36 06.03.2020)
Տնտեսագետ Արա Գալոյանը Sputnik Արմենիայի եթերում անդրադարձել է հիփոթեքով բնակարան ձեռք բերելու համար եկամտահարկի վերադարձը հանելու և սոցիալական բնակարաններ կառուցելու թեմային։
Գալոյան. Եկամտահարկի վերադարձը հանելու դիմաց կառավարությունը տալիս է պոպուլիստական խոստումներ

Տնտեսագետ, «Պոլիտէկոնոմիա» հետազոտական կենտրոնի տնտեսական մեկնաբան Արա Գալոյանը կարծում է, որ ՀՀ կառավարության` հիփոթեքով բնակարան ձեռք բերելու համար եկամտահարկի վերադարձը հանելու և սոցիալական բնակարաններ կառուցելու նախաձեռնությունը տարօրինակ է, քանի որ կառավարությունն առաջարկում է չեղարկել «մեկ դրական բան և դրա փոխարեն` սկսել մեկ այլ դրական բան»։

Ըստ նրա` սա նշանակում է, որ կառավարությունն ի վիճակի չի կատարել օրենքով պարտադրված պայմանը, այսինքն` եկամտահարկի վերադարձը։

«Ամենայն հավանականությամբ` վերջին շրջանում դա բյուջեի համար դառնում է բեռ, որովհետև իսկապես շատերը ոգևորված հեիփոթեքային միջոցներով բնակարաններ են գնել, և դա ծանրացել է բյուջեի վրա։ Ենթադրում եմ, որ կառավարությունը զուտ այդ պատճառով փորձում է բյուջեն ազատել նշված ծախսերից`դրա փոխարեն տալով պոպուլիստական խոստումներ»,– ասաց նա։ 

Ըստ Գալոյանի` սոցիալական բնակարանաշինության մեկնարկին դժվար է հավատալ, որովհետև այն կունենա շատ փոքր ծավալներ, եթե, իհարկե, ընդհանրապես ունենա։ Նման կերպ ժամանակին Երևանում խոստանում էին կառուցել ճոպանուղի, մետրոյի նոր կայարաններ։ Խոստումներն, ըստ տնտեսագետի, պոպուլիզմ են։ 

Խաչատրյան. «Կմտածեն՝ ինչո՞ւ եկամտահարկը գնա պետբյուջե, եթե կարող են ևս մեկ դիպլոմ ստանալ»

«Սոցիալական բնակարանաշինության սպասումն իսկապես շատ մեծ է, որովհետև Հայաստանում նման շինարարություն չի եղել 1990-ական թվականներից ի վեր։ Որքան հիշում եմ, այդ ծրագրով Երևանում ընդամենը մեկ շենք է կառուցվել։ Սոցիալական բնակարանաշինությունից ավելի մեծ կոռուպցիոն ռիսկ պարունակող բան չեմ տեսնում»,– նշեց տնտեսագետը։

Հիփոթեքային վարկը մարելու համար քանի՞ մարդ է օգտվում եկամտահարկի վերադարձվող գումարից

Գալոյանի տեղեկացմամբ` պետական միջոցներով մասշտաբային սոցիալական բնակարանաշինություն ավելի քան 30 տարի չի իրականացվել։ Եղել են հասարակական, բարեգործական կազմակերպություններ, որոնք, ինչպես նաև Հայ առաքելական եկեղեցին, իրականացրել են այդօրինակ փոքրիկ ծրագրեր, սակայն խնդիրն արմատապես չի լուծվել։

95
թեգերը:
եկամտահարկ, բնակարանաշինություն, տնտեսագետ, ՀՀ կառավարություն, կառավարություն, Արա Գալոյան, Հայաստան
Ըստ թեմայի
Հարկային բարեփոխումները Հայաստանում․ ինչ սպասել նոր տարում
Ինչպիսին է 2020թ.–ի բյուջեն ըստ վարչապետի
Որոնք են Արարատ Միրզոյանի «սրտի օրենքները». ԱԺ նախագահն ամփոփեց տարին
Ի՞նչ է կատարվել իրականում. Կարապետյանը բացատրում է աշխատավարձերի գաղտնի բարձրացումը
Կարեն Սիմոնյան

Ինչ կլինի, եթե Ադրբեջանն անտեսի եվրոպական կառույցների կոչերն ու հորդորները

8
(Թարմացված է 18:24 03.08.2020)
Աժ «Լուսավոր Հայաստան» խմբակցության պատգամավոր, Եվրոպական ինտեգրման հարցերի մշտական հանձնաժողովի նախագահի տեղակալ Կարեն Սիմոնյանը Sputnik Արմենիայի եթերում անդրադարձել է Եվրամիության կողմից Ադրբեջանի նկատմամբ կիրառվելիք հնարավոր պատժամիջոցների հարցին։  
Սիմոնյան. «Ադրբեջանին պատժամիջոցների ենթարկելու Եվրախորհրդարանի կոչը թեև ուշացած, բայց տեղին է»

Եվրոպական խորհրդարանում մեծությամբ երկրորդ խմբակցությունը` «Սոցիալիստների և դեմոկրատների առաջադեմ ալյանսը» կոչ է արել Եվրամիությանը պատժամիջոցներ կիրառել ադրբեջանցի որոշ պաշտոնյաների նկատմամբ, որոնք պատասխանատու են Ադրբեջանում ընդդիմության և քաղաքացիական հասարակության դեմ բռնաճնշումների համար։

«Ադրբեջանի՝ Մեծամորին հարվածելու սպառնալիքը հանցագործություն է»․ Արծրուն Հովհաննիսյան

Կարեն Սիմոնյանի դիտարկմամբ` թեև հայտարարությունը բավականին ուշացած էր, սակայն տեղին էր ու պետք է լիներ, հետևաբար, ինքը սպասում է Եվրոպական խորհրդարանում առկա մյուս ուժերի արձագանքներին նույն հարցի վերաբերյալ, քանի որ ամենօրյա ռեժիմով ականատես ենք լինում, թե ինչպես են Ադրբեջանում խախտվում մարդու իրավունքները, ականատես ենք լինում նաև Ադրբեջանի` որպես ահաբեկիչ երկրի վարքին, քանզի նա վերջերս պաշտոնական մակարդակով հայտարարում էր Մեծամորի ատոմակայանին հարվածելու մասին։ Այս ամենը պետք է ստանա համարժեք պատասխան։ 

«Ողջունում եմ Եվրոպական խորհրդարանի թվով երկրորդ ուժի մոտեցումը և հույս ունեմ, որ եվրոպական կառույցն ականջալուր կլինի հայտարարությանն ու քայլեր կձեռնարկի` Ադրբեջանին ստիպելու չխախտել մարդու իրավունքներն իր ներսում ու չանել ահաբեկչական բնույթի հայտարարություններ»,– նշում է ԱԺ պատգամավորը։ 

Սիմոնյանի կարծիքով` հիշյալ հայտարարությունը նաև հայկական խորհրդարանական դիվանագիտության արդյունքն է, որովհետև ՀՀ ԱԺ պատգամավորները ներգրավված են եվրոպական կառույցներում, ակտիվ աշխատում են և փորձում բարձրաձայնել հիմնահարցերը։

Նրա փոխանցմամբ` հայ–ադրբեջանական սահմանի վերջին դեէսկալացիային առնչվող հայտարարությունների և օբյեկտիվ տեղեկատվության մատուցման միջոցով հայ պատգամավորները կարողացան եվրոպացի գործընկերներին ներկայացնել առկա խնդիրները, որոնք վերաբերում են ինչպես Ադրբեջանի ներքաղաքական իրավիճակին, աղաղակող իրավախախտումներին, այնպես էլ այդ երկրի ռազմատենչ հռետորաբանությանը։ 

«Ադրբեջանն, իհարկե, ցանկացած տարբերակով, այդ թվում` խավիարային և սովորական դիվանագիտությամբ, փորձելու է ամեն ինչ անել, որպեսզի հայտարարությունը մնա լոկ որպես այդպիսին և չդառնա իրականություն, սակայն հույս ունեմ, որ եվրոպացի գործընկերները ողջախոհ կգտնվեն, ճիշտ որոշում կկայացնեն` հասկանալով, որ Ադրբեջանում կատարվող իրավախախտումների դեմ չպայքարելու դեպքում ճգնաժամն ավելի կխորանա ու վտանգավոր կդառնա հենց Ադրբեջանի հասարակության համար, էլ չասեմ, որ Ադրբեջանի խեղկատակ քաղաքականության արդյունքում վտանգվում է նաև մեր զինվորների կյանքը»,– նշում է ԱԺ պատգամավորը։ 

Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել

Պատգամավորի կարծիքով` եթե Ադրբեջանն անտեսի եվրոպական կառույցների կոչերն ու հորդորները, դա իր հետևանքը կունենա միջազգային ասպարեզում, քանզի կարգելվի որոշ պաշտոնյաների մուտքը Եվրամիության տարածք, իսկ Ադրբեջանը, որպես պետություն, չի ընկալվի հուսալի, համարժեք գործընկեր, հետևաբար, կառաջանանան խնդիրներ կապված Ադրբեջանի միջազգային վարկի ու հեղինակության հետ, նա պարզապես կընկալվի որպես անլուրջ և անպարկեշտ գործընկեր։ 

Ադրբեջանի սպառնալիքի կշիռը. պաշտպանվա՞ծ է Մեծամորի ատոմակայանը հարվածներից

8
թեգերը:
Կարեն Սիմոնյան, պատժամիջոցներ, Եվրախորհուրդ, Եվրոպա, Հայաստան, Ադրբեջան
Ըստ թեմայի
Պատրիարք Կիրիլը Երևանին և Բաքվին խաղաղության կոչ է արել
ԵԱՀԿ Մինսկի խումբը Երևանին և Բաքվին կոչ է արել պատրաստվել բանակցությունների
«Մահաբեր բիզնես»․ Մնացականյանն Իսրայելին կոչ է արել դադարեցնել զենքի մատակարարումը Բաքվին
Նիկիտա Սիմոնյանը խաղաղության կոչ է արել հայերին և ադրբեջանցիներին. տեսանյութ
Բաբկեն Պիպոյան

Շուկայում գյուղմթերքի իրացումը կազմակերպելու առումով լուրջ խնդիրներ կան․ ինչ պետք է անել

54
(Թարմացված է 13:03 02.08.2020)
«Իրազեկ և պաշտպանված սպառող» ՀԿ նախագահ Բաբկեն Պիպոյանը Sputnik Արմենիայի եթերում անդրադարձել է գյուղմթերքի իրացման գործընթացում առկա խնդիրներին։
Շուկաներում գյուղմթերքի իրացումը կազմակերպելու առումով լուրջ խնդիրներ կան․ ինչ պետք է անել

«Իրազեկ և պաշտպանված սպառող» ՀԿ նախագահ Բաբկեն Պիպոյանի դիտարկմամբ` շրջանառվող լուրերը, թե գյուղացին իր աճեցրած բերքի հասույթից 30 տոկոս եկամուտ է ստանում, հարաբերական են, քանի որ այդ տվյալը ֆիքսված չէ։ Ինչ վերաբերում է չվերամշակվող մթերքին, այսինքն՝ պատրաստի հումքի իրացմանը, ապա, ըստ Պիպոյանի` թեև մեծածախ շուկայում իրացվում է բնամթերքը, սակայն հիմնականում գյուղացին չի զբաղվում ամբողջական գործընթացով։

«Այստեղ ի հայտ են գալիս միջնորդները, որոնք մեծածախ շուկայում ապրանքը վաճառում են առանձին տաղավարներից կամ սեղաններից։ Ընդ որում` նրանք հաշվի են առնում, որ ամբողջ քանակի որոշ մասը չեն կարողանալու վաճառել, ուստի կատարում  են սորտավորում` առանձնացնելով բարձր, միջին և ցածր դասի ապրանքը, և այդ դեպքում գներն էլ բնականաբար տարբեր են։ Այս ամենով հանդերձ մենք շուկայում իսկապես ունենք գյուղմթերքի իրացումը կազմակերպելու հետ կապված լուրջ խնդիրներ»,– Sputnik Արմենիայի հետ զրույցում ասաց «Իրազեկ և պաշտպանված սպառող» ՀԿ նախագահը։

Պիպոյանը հիշեցրեց, որ 2013 թվականից ի վեր խոսում են իրատեսական գների սահմանման, գների կարգավորման մեխանիզմների կիրառման մասին, սակայն դա որպես համակարգ չի ներդրվում շուկաներում, ինչի պատճառով էլ առաջանում են կազմակերպչական բնույթի խնդիրներ։ Անդրադառնալով Երևանի Կասյան փողոցի գյուղմթերքի տոնավաճառը փակելու հարցին` Պիպոյանն ընդգծեց, որ այն պետք է մտահոգի գյուղատնտեսության ոլորտում քաղաքականություն մշակողներին։

Վնասատուներ, եղանակ, թե գյուղացու սխալ մոտեցում. ինչու է ծիրանի բերքը քիչ ու անորակ

«Բայց եթե մի կողմ թողնենք այն զգացումը, որ սպառողները մթերքը գնում էին առաջին ձեռքից՝ հենց գյուղացուց, ապա զուտ գնային առումով այնպես չէ, որ այդ շուկան էականորեն տարբերվում էր մյուսներից։ Այդուհանդերձ քաղաքականություն մշակող և վարող Էկոնոմիկայի նախարարության տեսանկյունից Կասյանի շուկան շատ խնդրահարույց էր, որովհետև այն գյուղացին, որն օբյեկտիվորեն ասում էր, թե իրեն ձեռնտու չէ ապրանքը տալ միջնորդին կամ վերավաճառողին, որպեսզի մարդիկ հետո այդ ապրանքը գնեն երկրորդ կամ երրորդ ձեռքից, իր ժամանակի մի մասն էլ հատկացնում էր իրացումը կազմակերպելուն և ինքնուրույն սահմանում գներ, հետևաբար այդ գյուղացին ընկալվում էր որպես ռեալ խոչընդոտ»,– նշեց «Իրազեկ և պաշտպանված սպառող» ՀԿ նախագահը։

Պիպոյանը վկայակոչում է արտասահմանյան երկրների պրակտիկան, որտեղ քաղաքակիրթ մակարդակով կազմակերպվում է ամբողջական գործընթացը, և յուրաքանչյուր օղակ զբաղվում է իր գործով` գյուղացին աճեցնում է բերքը, տեղափոխողն ու իրացնողն էլ իրենց աշխատանքն են կատարում, հետևաբար մեզ մոտ էլ պետք է գործի նույն սխեման, ամեն ոք պետք է շահագրգռված լինի կատարել միայն իր գործը։ Ըստ այդմ` եթե գյուղացին ինքն է ցանկանում զբաղվել մթերքի իրացմամբ, նշանակում է՝ այդ գործընթացի կազմակերպումը վատ վիճակում է։ Պիպոյանի համոզմամբ` գյուղացիներին խնդիրը հանգամանորեն բացատրելու համար նախ պետք է հանգամանորեն հասկանալ այն։

Հայաստանի արևահամ այցեքարտը. ծիրանի բերքահավաքը` լուսանկարներով

Նշենք, որ մամուլում շրջանառվող լուրերի  համաձայն` գյուղացին իր աճեցրած բերքի հասույթից լավագույն դեպքում ստանում է 30 տոկոս եկամուտ, մյուս մասը բաժին է ընկնում միջնորդներին ու վերավաճառողներին, այսինքն` գործը լավ չի կազմակերպվում, մրցակցային իրացում բացարձակապես չկա։

54
թեգերը:
Շուկա, գյուղմթերք, Բաբկեն Պիպոյան, Հայաստան
Ըստ թեմայի
Կորոնավիրուսը կխանգարի՞ գյուղմթերքի արտահանմանը. ինչ է արել ՀՀ կառավարությունը
Առաջին արձագանքը կարկտահարությանը. գյուղմթերքը թանկացավ
Ռուսական շուկան սիրում է հայկական գյուղմթերքը. ՌԴ–ն` արտահանման գերակա ուղղություն
Գյուղմթերքի վաճառողները պահանջում են իրենց վերադարձնել Մհեր Մկրտչյանի հրապարակը
Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

11
(Թարմացված է 18:42 03.08.2020)
Գեներալ-լեյտենանտը համապատասխան հանձնարարականներ է տվել ստորաբաժանումների հրամանատարներին։

ԵՐԵՎԱՆ, 3 հուլիսի – Sputnik. ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանն օգոստոսի 1-ին շրջայց է կատարել 4-րդ և 5-րդ զորամիավորումներ: Տեղեկությունը հայտնում է ՀՀ պաշտպանության նախարարության մամուլի ծառայությունը։

Շրջայցի ընթացքում ստուգվել են զորամիավորումների զորամասերի պատրաստության և պատրաստականության աստիճանը, իրականացված միջոցառումները, տարբեր իրադրություններում հրամանատարների գործելու և ստորաբաժանումների գործողությունները ղեկավարելու կարողությունները։

ՀՀ պաշտպանության նախարարությունը հերքում է թուրքական կործանիչների մասին լուրերը

Զորամիավորումների հրամանատարները ԶՈւ գլխավոր շտաբի պետին զեկուցել են սահմանագոտում տիրող իրավիճակի, անձնակազմի ֆիզիկական, մարտական ու բարոյահոգեբանական պատրաստության մակարդակի և ստորաբաժանումներին առաջադրված խնդիրների մասին: Այցի ավարտին գեներալ-լեյտենանտ Օնիկ Գասպարյանը համապատասխան հանձնարարականներ է տվել ստորաբաժանումների հրամանատարներին:

Ինչպես է անցել գիշերը Տավուշի սահմանին. ՀՀ ՊՆ խոսնակը տեղեկություններ է հայտնել

11
թեգերը:
Օնիկ Գասպարյան, Հայաստան
Ըստ թեմայի
Խոցված դրոնների ուժեղ և թույլ կողմերը. արժե՞ վախենալ թուրքական ԱԹՍ-ներից
ՀՀ զինված ուժերում հանկարծակի ստուգումներ են անցկացվել. ՊՆ
«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ