Ատոմ Մարգարյան

Նոր օրենքն ավելի կծանրաբեռնի դատարանները. Մարգարյանը մտահոգ է

45
(Թարմացված է 17:00 05.03.2020)
Տնտեսագետ Ատոմ Մարգարյանը Sputnik Արմենիայի եթերում անդրադարձել է «Ապօրինի ծագում ունեցող գույքի բռնագանձման մասին» օրենքի փոփոխությունների ու լրացումների նախագծին։
Նոր օրենքն ավելի կծանրաբեռնի դատարանները. Մարգարյանը մտահոգ է

Տնտեսագետ Ատոմ Մարգարյանը կարծում է, որ կառավարության տնտեսական կանխատեսումները, որոնք կապված են «Ապօրինի ծագում ունեցող գույքի բռնագանձման մասին» օրենքի ընդունման ու կիրառման հետ, կարող են ինչ-որ առումով իրականանալ։ Նոր օրենքը կարող է արդյունավետ լինել կոռուպցիայի, ստվերի դեմ պայքարում, բայց, ընդհանուր առմամբ, կարճաժամկետ էֆեկտը կարող է լինել բացասական։

«Բայց կա նաև այլընտրանքային, համաներման տարբերակը, ինչը նախատեսում է որոշակի միջոցներ, օրինակ` գնահատված ակտիվների պետության օգտին բռնագանձումը կամ կամավոր հանձնումը։ Բայց դա այս տարբերակի շրջանակների մեջ չի մտնում»,- Sputnik Արմենիայի հետ զրույցում ասաց նա։ 

Այդուհանդերձ, տնտեսագետը կարծում է, որ պետք է ողջունել նման փոփոխությունները, որովհետև մեծ հաշվով տասնամյակների կապիտալի սկզբնական կուտակման ժամանակահատվածում մեր տնտեսության զգալի հատվածն ունեցել է անօրինական ծագում։

«Սեփականաշնորհումը հենց սկզբից հանդիսացել է այդ բազան։ Հետագայում նաև եղել են պետական բյուջեի միջոցների ատկատների համակարգը, կաշառակերությունը, շորթումներից գոյացած հսկայական միջոցները»,– նշեց տնտեսագետը։ 

Մարգարյանի տեղեկացմամբ` մարդիկ օֆշորներում պահ են տվել գումարներ հետո դրանք ներդրել են տարբեր օբյեկտներում ինչպես արտասահմանում, այնպես էլ Հայաստանում։

Ըստ տնտեսագետի` եթե առնվազն 10 հազար պաշտոնյայի կամ գործարարի նկատմամբ իրականացվեն նման հետապնդումներ, դատական ու իրավական համակարգերի վրա կընկնի հսկայական ծանրաբեռնվածություն։ Առանց այդ էլ դատարանները գերծանրաբեռնված են քաղաքացիական հայցերով։

Անփորձ երիտասարդ դատավորներ ու կախյալ համակարգ. ընդդիմությունը չի վստահում նոր օրենքին

Նշված օրինագծի հիմնական լեյտմոտիվն, ըստ Մարգարյանի, ոչ թե քրեական, այլ քաղաքացիական քննությամբ գնահատական տալն է, թեև չի բացառվում քրեական գործերի հարուցումը։ Մեծ հաշվով սա ոչ թե անձին պատասխանատվության կանչելու, այլ զուտ ապօրինի ծագմամբ գույքը բռնագանձելու միջոց է։ Բոլոր դեպքերում պետք է փաստաթղթային հիմքերով ապացուցված լինի, որ այս կամ այն գույքը, ակտիվը, արժեթուղթը ձեռք է բերվել օրինական ճանապարհով։

Տնտեսագետը համոզված է, որ զուտ ընթացակարգային առումով, որպես գաղտնազերծման, բացահայտման կամ երևակման գործընթաց, այն լինելու է բարդ, ժամանակատար ու ծախսատար։

Հիշեցնենք, որ ԱԺ-ն այսօր առաջին ընթերցմամբ ընդունեց «Ապօրինի ծագում ունեցող գույքի բռնագանձման մասին» օրենքի նախագիծը։

Նշենք, որ արդարադատության նախարար Ռուստամ Բադասյանը երեկ՝ մարտի 4-ին, ԱԺ-ում «Ապօրինի ծագում ունեցող գույքի բռնագանձման մասին» օրենքի նախագիծը ներկայացնելիս նշել էր, որ նախագծի ընդունումից հետո ՀՀ ներկա ու նախկին (1990թ-ից սկսած) պաշտոնյաների` 25 մլն դրամը կամ 50 000 դոլարը գերազանցող գույքը կհամարվի պոտենցիալ ապօրինի ձեռք բերված։

Պաշտոնյաները ստիպված կլինեն հիմնավորել իրենց ձեռք բերած թանկարժեք գույքի օրինական ծագումը։

Օրենքը կիրառելի չէ ՀՀ շարքային քաղաքացիների նկատմամբ, դրա շահառուները լինելու են բացառապես նախկին ու ներկա պաշտոնյաները։

45
թեգերը:
կառավարություն, տնտեսություն, Դատարան, Դատավոր, տնտեսագետ, Ատոմ Մարգարյան, Հայաստան
Ըստ թեմայի
Կոռուպցիայի դեմ պայքար. ինչ կարևոր պահ է սպրդել Փաշինյանի կառավարության ուշադրությունից
Ինչպե՞ս է հարստացել Ռոբերտ Քոչարյանը. Վանեցյանի սենսացիոն բացահայտումը
Ինչ փոխվեց Հայաստանի կյանքում մեկ տարվա մեջ. վարչապետն ո՞ւր է թաքցնում կախարդական փայտիկը
Կոշտ պայքար կոռուպցիայի դեմ. նախարարի խոստումն ու Խաչիկյանին ներում շնորհելը
Նժդեհ Հովսեփյան

Փողոցային գործողությունները կակտիվանա՞ն. Հովսեփյանը` արտակարգ դրության մեղմացումների մասին

20
(Թարմացված է 16:30 13.08.2020)
«Օրբելի» կենտրոնի վերլուծաբան Նժդեհ Հովսեփյանը Sputnik Արմենիայի եթերում անդրադարձել է արտակարգ դրության պայմաններում որոշ սահմանափակումների չեղարկման հարցին` մասնավորապես անդրադառնալով հանրավաքներ ու զանգվածային միջոցառումներ անցկացնելու խնդրին։
Հովսեփյան. «Առաջիկայում փողոցային գործողությունների ակտիվացումն արժանահավատ չէ»

Նժդեհ Հովսեփյանի դիտարկմամբ` երբ հայտնի շրջանակները հայտարարում էին, որ ՀՀ–ում հավաքների ազատության իրավունքը` պայմանավորված արտակարգ դրությամբ, ընդամենը քաղաքական հարց է լուծում, դա ըստ էության քաղաքական դիվիդենտներ վաստակելու համար էր արվում, որովհետև նրանք համավարակից առաջ էլ էին խոսում թեժ աշունների, գարունների, փողոցային ակտիվ պայքարի մասին, սակայն պրակտիկայում դա տեղի չէր ունենում։

«Չկարողանալով արդարացնել փողոցներում պայքար մղելու անգործությունը` այդ ուժերը համավարակի պայմաններում արտակարգ դրության ռեժիմն օգտագործում էին` մեղքը բարդելով իշխանությունների վրա։ Այդուհանդերձ պետք է նշել, որ նույնիսկ համավարակի պայմաններում լոկալ բնույթի մի շարք հավաքներ ու բողոքի ակցիաներ են տեղի ունեցել, ինչն ապացուցում է, որ հանրահավաքների ազատությունը սահմանափակող իրավական ռեժիմը չէր ազդում մարդկանց վրա, կաշկանդող հանգամանք չէր հանդիսանում»,– Sputnik Արմենիային ասաց վերլուծաբանը։

Հովսեփյանի կարծիքով`արժանահավատ չէ, որ առաջիկայում փողոցային գործողությունները կարող են ակտիվանալ, որովհետև հիշյալ շրջանակների կողմից փողոցային գործողություններ ձեռնարկելն ամենևին կապված չի եղել և այժմ էլ կապված չէ արտակարգ դրության իրավական ռեժիմի հետ։

«Այստեղ առաջին հերթին գործ ունենք իշխանության նկատմամբ հանրային տրամադրությունների դրական բնույթի հետ, դրանք այնքան էլ բացասական չեն, որպեսզի հանգեն փողոցային լուրջ գործողությունների։ Նշյալ շրջանակները, որոնք խոսում են փողոցային պայքարից, ամբողջապես զուրկ են փողոցային պայքար կազմակերպելու քաղաքական կարողություններից և առհասարակ խնդիր ունեն քաղաքական տեքստի հետ»,– նշեց վերլուծաբանը։

Հովսեփյանը համոզված է` այսօր քաղաքական իշխանության լեգիտիմության դեֆիցիտ չկա, որովհետև վարչապետն իր թիմի հետ շարունակում է վայելել հանրային բարձր վստահություն, իշխանությունը վերջին շրջանում կոնցեպտուալ սխալներ չի գործել, ուստի նրա նկատմամբ տոտալ ատելություն գոյություն չունի։ Ըստ Հովսեփյանի` հանրային տրամադրությունների փոփոխություն կարող ենք տեսնել խորհրդարանական առաջիկա ընտրությունների նախաշեմին։

Հիշեցնենք` երեկ հայտնի դարձավ, որ վերացվել է ՀՀ տարածքում հանրահավաքների ու զանգվածային միջոցառումների արգելքը, որը փոխարինվում է թույլտվությամբ ու որոշակի կանոնների պահպանման կարգով, այն է` դիմակների պարտադիր կրում ու սոցիալական հեռավորության պահպանում։

Զբոսաշրջության ոլորտը մեռնում է. կոմիտեն պատասխանել է տուրօպերատորների կոշտ քննադատությանը

20
թեգերը:
Նժդեհ Հովսեփյան, Հայաստան
Ըստ թեմայի
Կառավարությունն աջակցություն կտրամադրի զբոսաշրջային ոլորտի կազմակերպություններին
ՀՀ կառավարությունը որոշեց նորից երկարացնել արտակարգ դրության ժամկետը
Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել
Տիգրան Աբրահամյան

Հարևանների զորավարժություններն արդեն դուրս են եկել ռազմական հարթությունից. Աբրահամյան

40
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում անդրադարձել է թուրք–ադրբեջանական զորավարժությունների երկարաձգման փաստին և Թուրքիայի ռազմական ղեկավարների՝ Բաքու կատարելիք այցին։
Աբրահամյան. «Հարևանների զորավարժություններն արդեն դուրս են եկել ռազմական հարթություներից»

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը վկայակոչում է ադրբեջանական կողմի տարածած պաշտոնական տեղեկությանը, որի համաձայն` Թուրքիայի պաշտպանության նախարարն ու գլխավոր շտաբի պետը ժամանել են Բաքու, որպեսզի ներկա գտնվեն զորավարժությունների առաջին փուլի եզրափակիչ մի քանի դրվագներին, ըստ էության` կրակային փուլին, ինչը ցույց է տալիս, որ զորավարժությունների՝ նախապես հայտարարված ժամկետները չեն պահպանվել։

«Թուրք ռազմական գործիչների ժամանումը Բաքու վկայում է այն մասին, որ եթե անցկացվում է նման մասշտաբի զորավարժություն, որին մասնակցում է առնվազն երկու պետություն, ապա զորավարժությունները ռազմական հարթությունից դուրս են եկել, հետևաբար պարունակում են նաև քաղաքական բաղադրիչ։ Խնդիրն այն է, որ այդ երկկողմ զորավարժությունները տեղի են ունենում մի փուլում, երբ տավուշյան մարտական գործողությունները վերջնականապես չեն հանգուցալուծվել, քանզի պարզ չէ` դրանք կվերսկվե՞ն, թե՞ կստանան այլ դրսևորումներ»,– Sputnik Արմենիայի հետ զրույցում ասաց նա։

Աբրահամյանի դիտարկմամբ` երկրորդ հանգամանքն այն է, որ եթե զորավարժությունները դիտարկվեն որպես բանակցային գործընթացում փակուղու առաջացման պատճառ, ապա պետք է արձանագրել, որ դեռևս բանակցային գործընթացի վերսկսմանն ուղղված աշխատանքները տեսանելի չեն։ Ըստ նրա` զորավարժություններն ինքնին համընկնում են այնպիսի ռազմաքաղաքական իրադրության հետ, երբ բանակցային գործընթացը փակուղում է, ուստի բնական է, որ թուրք–ադրբեջանական զորավարժությունների անցկացումը ռազմական, քաղաքական, տարածաշրջանային առումով ստանում է այլ ֆոն։ 

Սևրի պայմանագիրը պատմական փաստ է, այն մնում է այդպիսին մինչ այսօր. Նիկոլ Փաշինյան

«Քանի որ Տավուշի մարտական գործողություններից հետո Ադրբեջանի դիրքերն էապես թուլացել են, և քանի որ Թուրքիան մեր տարածաշրջանում իր շահերը ներկայացնում է Ադրբեջանի միջոցով, ապա բնական է, որ պետք է ձեռնարկեր գործուն միջոցներ, որպեսզի իրավիճակը վերցներ իր ձեռքը։ Մինսկի խմբի համանախագահող երկրները մեր տարածաշրջանում նույնպես հետապնդում են իրենց շահերը, ուստի տարբեր իրավիճակներով պայմանավորված` միշտ չէ, որ նպաստավոր են համարում Թուրքիայի գերակտիվացումը, թեև վերջինս արդեն իսկ սահմանել է իր առաջնահերթությունները մեր տարածաշրջանում և չպետք է ակնկալել, որ հետքայլ կանի կամ կթուլացնի գործողություններն այս ուղղությամբ»,–նշեց «Հենակետ» վերլուծական կենտրոնի ղեկավարը։

Աբրահամյանի կարծիքով` Մինսկի խմբի համանախագահները պետք է ավելի մեծ եռանդով ջանքեր գործադրեն Թուրքիայի հնարավոր ակտիվացումը կանխելու համար, ինչը տարածաշրջանին բերում է միայն անկայունություն` վտանգելով ընդհանուր անվտանգությունը։

Հիշեցնենք՝ օգոստոսի 11-ին Չավուշօղլուն ադրբեջանցի նորանշանակ գործընկերոջ հետ համատեղ ասուլիսի ժամանակ նշել է. «Չնայած միջազգային կառույցների` Լեռնային Ղարաբաղի հակամարտության կարգավորմանն ուղղված որոշումներին, հակամարտությունը լուծում չի գտնում։ ԵԱՀԿ Մինսկի խմբի համանախագահներն անկեղծ ջանքեր չեն ներդնում հակամարտության կարգավորման գործում»։ 

Չավուշօղլուի հայտարարությանն անդրադարձել է նաև ՀՀ ԱԳՆ մամուլի խոսնակ Աննա Նաղդալյանը: Նա ընդգծել է, որ Թուրքիան այդկերպ ևս մեկ անգամ ի ցույց է դնում իր անկարողությունը:

40
թեգերը:
Զորավարժություններ, Թուրքիա, Ադրբեջան, Հայաստան, Տիգրան Աբրահամյան
Ըստ թեմայի
Հող հանձնելը կամ գրավելը լինում է միայն մարտական գործողություների ընթացքում
«Հրամանատարական հավաք Արցախում». մարտական գործողությունները կարող են տեղափոխվել Ադրբեջան
Հայ զինվորականները վերլուծել են ապրիլյան մարտական գործողությունները
Ի՞նչ «տվեցին» Տավուշում ընթացող մարտական գործողությունները ՀՀ ԶՈւ–ին
Հրավառություն

Հրավառությունների հարցը կլուծվի՞․Ավինյանը զբաղվում է քաղաքացիներին անհանգստացնող հարցով

0
(Թարմացված է 18:09 13.08.2020)
Բացառությամբ որոշ տոնական օրերին նախորդող ժամանակաշրջանի, հրավառություն ապահովող ապրանքների վաճառքը երկրում սահմանափակ կլինի։

ԵՐԵՎԱՆ, 13 օգոստոսի - Sputnik. Հրավառությունների համար օգտագործվող արտադրանքի ներկրումը և վաճառքը կսահմանափակվի։ Տեղեկությունը գրել է փոխվարչապետ Տիգրան Ավինյանը Facebook-ի իր էջում։

«Ցանկանում եմ նշել, որ համապատասխան գերատեսչությունների հանձնարարվել է նաև քննարկել ու ներկայացնել իրավական ակտերի առաջարկություններ, որոնց միջոցով Հայաստանի Հանրապետության տարածքում հրավառությունների կազմակերպման համար օգտագործվող արտադրանքի ներմուծումն ու վաճառքը հնարավորինս կսահմանափակվի՝ բացառությամբ որոշ տոնական օրերին նախորդող ժամանակաշրջանի», - գրել է փոխվարչապետը։

Նա հիշեցրել է, որ օրեր առաջ համապատասխան գերատեսչություններին հանձնարարել է ուժեղացնել հսկողությունը գիշերային ժամերին հրավառությունների, ՃԵԿ կանոնները չարամտորեն խախտողների, մեքենաների ազդանշանային համակարգերի կիրառման հարցերում։

Նշենք, որ ըստ Հայաստանի վարչական իրավախախտումների օրենսգրքի՝ ժամը 23:00-ից մինչև 07:00-ը լռությունը խախտելը, այսինքն` բարձրաձայն երգելը, երաժշտական գործիքներ նվագելը, ձայնային ազդանշաններ տալը առաջացնում են նախազգուշացում, իսկ հրագործական արտադրատեսակներ օգտագործելն առաջացնում է տուգանքի նշանակում` 100 հազար դրամի չափով։

0
թեգերը:
Հայաստան, Երևան, հրավառություն, Տիգրան Ավինյան
Ըստ թեմայի
Ոստիկանությունը 3 ամսում կվերադարձնի քաղաքացիներից գանձած տուգանքները
Տուգանքը նույնիսկ գյումրեցիներին է ստիպել կարգապահ դառնալ
Դիմակ չկրելու համար տուգանքներն առայժմ չեն բարձրանա. նախագիծը հանվեց