Մանվել Սարգսյան

Ինչու են թուրքերն Արցախի հարցում անհանգիստ շարժումներ անում, և որն է Ռուսաստանի խաղաքարտը

196
(Թարմացված է 19:27 03.03.2020)
Քաղաքագետ Մանվել Սարգսյանը Sputnik Արմենիայի եթերում անդրադարձել է Թուրքիայի արտգործնախարարի և ԵԱՀԿ Մինսկի խմբի համանախագահների հանդիպմանն ու Թուրքիայի կողմից իրականացվող քաղաքականության որոշ դրույթներին, որոնք առնչվում են արցախյան հիմնահարցին և սիրիական ճգնաժամին։
Սարգսյան. «Թուրքիան ՆԱՏՕ–ից աջակցություն չի ստացել, ինչը խաղաքարտ է տվել ՌԴ–ին»

Այս պահին Թուրքիան հայտնվել է բարդ վիճակում, սպասվում է Պուտին–Էրդողան հանդիպումը։ Թուրքիան այդ հանդիպմանն ընդառաջ պարզապես դիմում է հնարքների։ Sputnik Արմենիայի հետ զրույցում նման տեսակետ հայտնեց քաղաքագետ Մանվել Սարգսյանը։

«Անկարայի հիմնական խնդիրը կապված է Ռուսաստանի հետ, հետևաբար, ինչ ունեն–չունեն` փորձում են օգտագործել տպավորություն ստեղծելու նպատակով։ Մինչ այդ էլ Էրդողանը մեկնեց Բաքու։ Սակայն դժվար է կոնկրետ որևէ բան ասել ապագայի հետ կապված, առավել ևս, որ Չավուշօղլուի հետ հանդիպումից հետո Մինսկի խմբի համանախագահները հանդես չեկան հայտարարությամբ»,– նշում է քաղաքագետը։ 

Հիշեցնենք` Թուրքիայի արտգործնախարարը մարտի 2–ին հանդիպել էր ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտինի (Ֆրանսիա), Էնդրյու Շեֆերի (ԱՄՆ) և ԵԱՀԿ նախագահի անձնական ներկայացուցիչ Անջեյ Կասպշիկի հետ:

Հանդիպման ժամանակ նա ասել էր, որ ԵԱՀԿ Մինսկի խումբը պետք է բարձրացնի ղարաբաղյան հակամարտության կարգավորման ուղղությամբ աշխատանքի արդյունավետությունը և որոշում ընդունի ի օգուտ Ադրբեջանի։

Չավուշօղլուն ԵԱՀԿ ՄԽ համանախագահներից պահանջել է ավելի արդյունավետ աշխատել

Մանվել Սարգսյանի կարծիքով` Թուրքիայի ջղաձգումներն ազդում են նաև Ադրբեջանի վրա, որովհետև վերջինս իր հերթին գտնվում է Իրանի ու Ռուսաստանի հսկողության ներքո։ Ըստ նրա` Թուրքիային չօգնեց նույնիսկ Բաքվում թուրքալեզու պետությունների հավաք կազմակերպելու հանգամանքը, որովհետև այդ նախաձեռնությունից ոչինչ չստացվեց։ 

Քաղաքագետը հիշեցնում է` երբ ԵՄ–ում երկու տարի առաջ արցախյան խնդրի վերաբերյալ արտահայտվում էին տեսակետներ, այդ կապակցությամբ Թուրքիան կրկին անցկացնում էր առանձին հանդիպումներ։ 

«Սիրիական հակամարտության համատեքստում Թուրքիան նույնպես ցանկանում է ազդեցություն ունենալ Ռուսաստանի վրա, որպեսզի վերջինս չաջակցի Ասադի իշխանությանը, նույնիսկ դիմեց ՆԱՏՕ–ին, սակայն համարժեք աջակցություն չստացավ, ինչը խաղաքարտ է տվել ՌԴ–ին։ Ռուսաստանն իր դիրքորոշումներում շատ կոշտ է, ինչը երևում է և՛ հայտարարություններից, և՛ պահվածքից, առավել ևս, որ Թուրքիան ՆԱՏՕ–ից առարկայական աջակցություն չի ստացել։ Դրանով է պատճառաբանվում նաև թուրքական սահմանի բացումը և սպառնալիքները, որ փախստականներին Թուրքիայից կուղարկեն Եվրոպա»,– նշում է քաղաքագետը։ 

Մանվել Սարգսյանի կարծիքով`Թուրքիան ջղաձիգ վիճակում է և ցանկանում է, որ Ռուսաստանը Իդլիբում հետ կանգնի իր ծրագրերից։

«Բժի՛շկ, բժշկեա՛ զանձն քո». Զոհրաբ Մնացականյանը պատասխանել է Չավուշօղլուին

196
թեգերը:
Վլադիմիր Պուտին, Մևլութ Չավուշօղլու, ԵԱՀԿ Մինսկի Խումբ, Ղարաբաղյան հակամարտություն, Լեռնային Ղարաբաղ, Արցախ, Թուրքիա, Մանվել Սարգսյան (քաղաքագետ)
Ըստ թեմայի
Պուտինը հայտարարել է Ռուսաստանի կողմից «ապագայի զենքի» ստեղծման մասին
Սիրիայում թուրք զինվորականների մահից հետո Էրդողանը զանգել է Պուտինին
Պուտինը Սիրիայի հարցով անվտանգության խորհրդի նիստ է անցկացրել
Երվանդ Բոզոյան

Քաղաքական ձախողումն ակնհայտ է. ո՞ր դեպքում Փաշինյանը կթողնի իշխանությունը

94
(Թարմացված է 20:28 04.06.2020)
Քաղաքագետ Երվանդ Բոզոյանը Sputnik Արմենիայի եթերում անդրադարձել է վերջին օրերին Հայաստանում առկա ներքաղաքական իրողություններին ու այդ համատեքստում հնարավոր քաղաքական զարգացումներին։
Բոզոյան. «Կորոնավիրուսի ճգնաժամն ավելի ակնհայտ դարձրեց քաղաքական ձախողումը շատ ոլորտներում»

Քաղաքագետ Երվանդ Բոզոյանի դիտարկմամբ` այն, որ Նիկոլ Փաշինյանը նախորդ երկու տարվա ընթացքում ձախողվել է բոլոր բնագավառներում, ակներև է բոլորի համար, պարզապես կորոնավիրուսով պայմանավորված ճգնաժամը բացահայտ դարձրեց այդ իրողությունը, և եթե այլ ոլորտներում  ցուցանիշներն այդքան ակնհայտ չէին, ապա համավարակի դեմ պայքարում միանշանակ պարզվեց, թե ինչ աստիճանի անպիտան է իշխանությունը, որովհետև պոստ–կոմունիստական երկրների շարքում Հայաստանը փաստացի առաջին տեղն է գրավում կորոնավիրուսի տարածման ցուցանիշներով` չհաշված Բելառուսի տվյալները։

«Սա նաև ցուցիչ է, թե ինչ տիպի կառավարում ու կառավարողներ ունենք։ Ցանկացած նորմալ, քաղաքակիրթ երկրում իշխանությունը նման դեպքերում ինքնակամ հրաժարական է տալիս։ Կոնկրետ մեր պարագայում` թեև Արթուր Վանեցյանի հայտարարությունները ցանկալի են, սակայն թերահավատորեն եմ մոտենում այն հարցին, որ Փաշինյանն ինքնակամ հրաժարական կտա, քանի որ իշխանությունը նրա համար դարձել է ինքնանպատակ։ Թեև համավարակի պայմաններում դժվար է մարդկանց հոծ զանգվածներ ապահովել դրսում, բայց մինչև չլինի փողոցի ճնշումը, Փաշինյանը չի թողնի իշխանությունը։ Հասարակությունն արդեն արթնացել է ու հասկացել, որ իրեն երկու տարի առաջ խաբել են, մեծ մասն արդեն հետևություններ արել է, բայց մյուս կողմից կա հումանիտար աղետի խնդիրը, և մարդիկ այդ պատճառով չեն կարողանում իրենց բողոքն արտահայտել փողոցում»,– նշում է քաղաքագետը։

«Անհրաժեշտ է նոր՝ հակաճգնաժամային կառավարություն». Արթուր Վանեցյանի առաջարկը

Երվանդ Բոզոյանի կարծիքով` ԱՄՆ–ում Ջորջ Ֆլոյդի սպանությունը ցույց տվեց, որ անկախ ամեն ինչից` կարող է հասարակության մեջ լինել սոցիալական պայթյուն, և մարդիկ նույնիսկ իրենց առողջությունը վտանգելու գնով կգնան ծայրահեղ քայլերի, որպեսզի վերականգնեն արդարությունը։ 

Անդրադառնալով Արթուր Վանեցյանի հորդորին, որ ԱԺ–ն պետք է նախաձեռնի ազգային համաձայնության կառավարության ստեղծում, Երվանդ Բոզոյանն ընգծում է, որ դրա համար իշխող ուժն ինքը պետք է գիտակցի, որ անհրաժեշտ է այդկերպ դուրս գալ առկա իրավիճակից, մինչդեռ Փաշինյանի թիմն ԱԺ–ում բաղկացած է 80 հոգուց, ու եթե այն չտրոհվի, ապա անիրական կլինի ազգային համաձայնության կառավարության կյանքի կոչումը։ Ըստ այդմ` քաղաքական թիմը պետք է իր թիկունքում զգա հանրության շունչը, իսկ դրա համար պետք է գործընթացներ ծավալվեն փողոցում։

«Քաղաքագիտական ու բնական օրենք է` մինչև չի լինում փողոցի ճնշումը, իշխանությունը չի գնում զիջումների։ Երբ Հայաստանում հումանիտար ճգնաժամը գրանցի որոշակի անկում, այդ ժամանակ հնարավոր կլինի փողոցի ճնշման արդյունքում լուծել առկա ներքաղաքական խնդիրները»,– համոզված է քաղաքագետը։ 

Այդուհանդերձ, Երվանդ Բոզոյանը նման գործընթացի համար այս պահին նախադրյալներ չի տեսնում և չի հավատում, որ Նիկոլ Փաշինյանը ինքնակամորեն հրաժարական կտա, իսկ նրա թիմակիցներն էլ այնքան խիզախ չեն գտնվի, որ դուրս գան առաջնորդի դեմ։       

Ինչու է Արթուր Վանեցյանը որոշել մտնել քաղաքականություն. նա ներկայացրել է իր դիրքորոշումը

94
թեգերը:
Ճգնաժամ, Իշխանություն, Հայաստան, կորոնավիրուս, Երվանդ Բոզոյան
Ըստ թեմայի
Բոզոյան. «Վազգեն Մանուկյանը փորձում է քաղաքական նոր միտք գեներացնել»
«Կարևոր է, որ 1 անձի հանդեպ հիասթափությունը չբերի հեղափոխությունից հիասթափվելուն». Բոզոյան
Բոզոյան. «Մադրիդյան սկզբունքները սառեցնում են կոնֆլիկտը և մրցակցության շանս տալիս»
Արման Հակոբյան

Միշտ չէ, որ «յուղ վառելը» դատավճիռ է

129
(Թարմացված է 19:54 04.06.2020)
«Յուղ վառել» խոսակցական տերմինի ծագումնաբանությունը շատերին ծանոթ չէ, հատկապես մեքենա չունեցողներին։ Իսկ մեքենա ունեցողների համար «յուղ ա վառում» արտահայտությունը մտահոգություն է և քաշքշուկի ու անհարմարությունների հետ է ասոցացվում։
Միշտ չէ, որ «յուղ վառելը» դատավճիռ է

Sputnik Արմենիան վարորդ ունկնդիրների համար արդեն մեկ տարի է թողարկում է «Ավտոսերվիս» հաղորդաշարը. ոլորտի մասնագետ Արման Հակոբյանը և հաղորդավար Վարդան Ալոյանը, բացի հաղորդաշարի հերթական թեմաները, պատասխանում են նաև ունկնդիրների հարցերին։ Եվ ահա` «Ավտոսերվիս» ռադիոհաղորդաշարի ամենապահանջված թեմաների մասին կարդացեք և ունկնդրեք նաև մեր կայքում։

Ղազախստանում լուծում են գտել Հայաստանից տարած մեքենաների գրանցման համար

Հայ վարորդների շրջանում խորին համոզմունք կա, թե երբ մեքենան «յուղ է վառում», ապա մեքենայի վերջը եկել է` ժամանակն է առնվազն թանկ վերանորոգման կանգնեցնել ավտոմեքենան կամ ընդհանրապես փոխել շարժիչը։

Սակայն այդպե՞ս է իրականում, հատկապես երբ խոսքը համեմատաբար սակավ վազքով մեքենայի մասին է։
Ինչո՞ւ է ձեր շարժիչն սկսել «յուղ վառել»։ Ի՞նչ անել` փոխե՞լ խցուկը (սալնիկները), մխոցի օղակները, կապիտալ վերանորոգե՞լ մեքենայի շարժիչը, թե՞ կարելի է հեշտ պրծնել։ Այս ամենի մասին կպատմի ավտոմեքենաների փորձագետ Արման Հակոբյանը։

Ինչպես կփոխվի ներկրողների կյանքը Հայաստանի և Իրանի միջև վիզային ռեժիմ մտցնելուց հետո

129
թեգերը:
վարորդ, ավտոմեքենա, Հայաստան
Ըստ թեմայի
Ավտոներկրողների հույսը Ղազախստանն է. ինչ կանի ՀՀ կառավարությունը նրանց փրկելու համար
ԲՀԿ–ն առաջարկում է ավտոներկրողներին 1 տարի ժամանակ տալ` պատրաստվելու նոր վիճակին
Փաշինյանը հարցը կլուծի՞. ավտոներկրողներն իրենց բողոքը ներկայացրին ՊԵԿ փոխնախագահին
Նիկոլ Փաշինյան

Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին

513
(Թարմացված է 00:18 05.06.2020)
SARS-CoV-2 –ի հետ կապված` Հայաստանի վարչապետ Նիկոլ Փաշինյանի կոչը Թբիլիսի է հասել։

ԵՐԵՎԱՆ, 4 հունիսի –Sputnik. UWC Dilijan միջազգային քոլեջի շրջանավարտ Սանդրո Չումաշվիլին արձագանքել է երկրում կորոնավիրուսային վարակի հետ կապված տագնապալի իրավիճակի մասին` ՀՀ վարչապետ Նիկոլ Փաշինյանի խոսքին։ Sputnik Արմենիայի թղթակցի հետ զրույցում տղան պատմել է, որ հարևանների վիճակը թեթևացնելու համար ստորագրահավաք է կազմակերպել` կոչ անելով Վրաստանի կառավարությանը օգնել բարեկամական երկրին։ 

ՀՀ վարչապետ Նիկոլ Փաշինյանն այսօր առավոտյան կորոնավիրուսային վարակի հետ կապված իրավիճակը մտահոգիչ էր անվանել։ Երկրում անցած մեկ օրվա ընթացքում ռեկորդային թվով վարակվածներ են բացահայտվել։

«Այսօր լսել եմ ՀՀ վարչապետ Նիկոլ Փաշինյանի ուղերձն այն մասին, որ Հայաստանում անցած մեկ օրվա ընթացքում SARS-CoV-2 կորոնավիրուսային վարակի շուրջ 700 նոր դեպք է գրանցվել։ Վրաստանում կորոնավիրուսի հետ կապված իրավիճակն ավելի լավ է»,–ասել է Սանդրոն։

Նրա խոսքով` դա է առիթ դարձել, որ ինքը ստորագրահավաք կազմակերպի։ Սանդրոն նշել է, որ Վրաստանը կարող է և ինչ–որ առումով` պետք է օգնի եղբայրական Հայաստանին։

Կորոնավիրուսի տարածման դինամիկան Հայաստանում

Սանդրոն 18 տարեկան է, ծնվել և մեծացել է Թբիլիսիում։ Հայաստանը նրան հոգեհարազատ է, քանի որ վերջին երկու տարին սովորել է UWC Dilijan միջազգային քոլեջում։ Այդ քոլեջը նա համարում է տարածաշրջանում լավագույնը։ Սանդրոն այն ավարտել է 2020 թվականի մայիսին և արդեն ընդունվել ԱՄՆ–ի բուհերից մեկի տնտեսագիտության ֆակուլտետը։

«Դրանք իմ կյանքի լավագույն տարիներն էին։ Ես եղել եմ Տաթևում, շատ ընկերներ ունեմ Վանաձորից, ինչպես նաև բազմաթիվ ընկերներ եմ ձեռք բերել աշխարհի տարբեր երկրներից», – պատմել է Սանդրոն։

Այս տարիների ընթացքում բազմաթիվ իրադարձություններ են եղել, սակայն տղայի համար ամենահիշվողը Երևանում Ֆրանկոֆոնիայի գագաթնաժողովին նվիրված համերգն է եղել։

Ավելի վաղ Վրաստանի ԱԳՆ–ն հայտարարել էր կորոնավիրուսի դեմ պայքարում Հայաստանին օգնելու պատրաստակամության մասին։ Նշվում էր, որ համավարակի շրջանում Վրաստանի իշխանությունները մշտական կապի մեջ են հայկական կողմի հետ։

«Մի քանի օր առաջ հեռախոսազրույց է տեղի ունեցել երկու երկրների վարչապետների միջև։ Շփումները շարունակվում են նաև առանձին նախարարների մակարդակով։ Այսօր Վրաստանի և Հայաստանի արտգործնախարարները (Դավիթ Զալկալիանին և Զոհրաբ Մնացականյանը, – խմբ.) տեղեկություն են փոխանակել երկրում տիրող իրավիճակի մասին», – գրված է Վրաստանի ԱԳՆ–ի հայտարարության մեջ։

Մասնավորապես, Զալկալիանին համերաշխություն է հայտնել հայկական կողմին և Վրաստանի իշխանությունների անունից ևս մեկ անգամ պատրաստակամութուն հայտնել աջակցելու COVID-19–ի դեմ պայքարում։

Նշենք, որ հունիսի 4-ի դրությամբ Հայաստանում SARS-CoV-2 կորոնավիրուսի նոր տիպի 11221 դեպք է բացահայտվել, Վրաստանում` 801։

Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի

513
թեգերը:
Վրաստանի Հանրապետություն, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Փաշինյանը զայրացել է. մի քանի տատիկ, պապիկ կմահանան միջոցառման պատճառով
Ինչ պետք է անի Փաշինյանը, որ հասարակությունը նորից հավատա իրեն
Օրվա կադր. Փաշինյանը ցույց է տվել` ինչպես է վարակակիրների թիվը ռեկորդային դառնում
Հայաստանում ևս 12 մարդ է մահացել կորոնավիրուսից
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները