Սամվել Մարտիրոսյան

Մարտիրոսյան. «Առաջնագծից բոլոր զանգերը կարող են գաղտնալսվել, ինչը վտանգավոր է»

184
(Թարմացված է 14:46 02.03.2020)
Սամվել Մարտիրոսյանը Sputnik Արմենիայի եթերում անդրադարձել է ՀՀ ՊՆ խոսնակ Արծրուն Հովհաննիսյանի գրառմանը, ըստ որի`ՊՆ ՌՈ պրոֆիլակտիկ աշխատանքների ընթացքում զորքի մոտ հայտնաբերվել են մի քանի հարյուր միավոր սմարթֆոններ, որոնք կհանձնեն զինծառայողների ծնողներին։
Մարտիրոսյան. «Առաջնագծից բոլոր զանգերը կարող են գաղտնալսվել, ինչը վտանգավոր է»

Տեղեկատվական անվտանգության փորձագետ Սամվել Մարտիրոսյանն առանձնանցում է անվտանգության հետ կապված երեք հիմնական նկատառում։ Առաջինը զինվորների անզգուշությունն է, որոնք սոցիալական ցանցերում ազատորեն կարող են տեղադրել լուսանկարներ, որոնցում երևում է տեղանքը։ Զինվորականը կարող է տեղյակ չլինել և օրինակ, Ինստագրամում տեղադրել լուսանկարներ, որոնք կարող է տեսնել նաև հակառակորդը և իմանալ, թե տվյալ պատկերները որ հատվածներն են ընդգրկում, կամ որտեղ են այդ լուսանկարներն արված։

«Երկրորդ խնդիրը կապված է կոմունիկացիաների հետ։ Ըստ այդմ` մարդու հետ կարելի է հազար ու մի միջոցով, կեղծ անունով զրույցի բռնվել` ներկայանալով որպես բարեկամ։ Դիրքերում սմարթֆոն օգտագործելը նույնն է, թե ամեն ինչ բաց պատմել հակառակորդին, հետևաբար զինվորներին նախ պետք է բացատրել սմարթֆոններից եկող վտանգը»,– ասաց փորձագետը։

Մարտիրոսյանը ներկայացրեց նաև երրորդ կարևոր նկատառումը. հակառակորդը կարող է սմարթֆոնների դեմ հակերային հարձակում իրականացնել և հատուկ ծառայությունների միջոցով ամբողջ տեղեկությանը տիրապետել։ Սա, իհարկե, փաստ չէ, սակայն ամբողջ աշխարհում բավականին տարածված երևույթ է։ Այդ պարագայում հնարավոր է նաև գաղտնալսել շրջակա միջավայրը, գաղտնի պայմաններում լուսանկարներ կամ ձայնագրություններ անել, տեղանքի մասին տեղեկություններ փոխանցել։ 

«Ծնողները մեզ չեն լսում». ՊՆ փոխնախարարը խոսել է բանակի լրջագույն խնդիրների մասին

Մարտիրոսյանն անդրադառնում է նաև ժողովրդի մեջ լայն տարածում գտած, այսպես կոչված, «ՊՆ Նոկիա» հեռախոսների գործածությանը, որոնց վերաբերյալ մարդիկ ասում են, թե դրանցում առանձնապես ոչինչ չկա, դրանք չունեն տեսախցիկ և անվտանգ են, սակայն իրականում այդպես չէ։

Հայկական բանակում մահվան դեպքերը հնարավոր է կանխել. ինչի՞ց է պետք սկսել

Ըստ փորձագետի`նշված հեռախոսներով առաջնագծից կատարված զանգերը հակառակորդն ամբողջությամբ կարող է գաղտնալսել, առավելևս, որ սահմանին երկուստեք տեղադրված են գաղտնալսման աշտարակներ, հետևաբար, զանգերը երկու կողմերին էլ հասանելի են։

184
թեգերը:
սմարթֆոն, հեռախոս, զանգ, զինծառայող, Սամվել Մարտիրոսյան, Հայաստան
Ըստ թեմայի
Բանակում հաշվառում են «արտոնյալներին», սպաներին և՛ պատժում են, և՛ խրախուսում. ԳՇ պետ
Իշխանյան. «Բանակում արատավոր բարքերի հիմնական պատճառները չորսն են»
Բանակի գործերին չափից շատ միջամտելը կխանգարի. Սեյրան Օհանյանը` դժբախտ դեպքերի մասին
Բանակում պաշտոնանկություններ կլինե՞ն. Փաշինյանը գրառում է արել
Անդրեյ Ղուկասյան

Համավարակը խանգարել է տուրքերի հավաքագրմանը. Լոռու մարզպետը` սուբվենցիոն ծրագրերի մասին

45
(Թարմացված է 13:42 24.05.2020)
Լոռու մարզպետ Անդրեյ Ղուկասյանը Sputnik Արմենիայի եթերում անդրադարձել է մարզերում տեղական տուրքերի հավաքագրումների հետ կապված խնդրին։ Հայաստանում կորոնավիրուսի համավարակով և տնտեսական դժվարություններով պայմանավորված` տուրքերն ամբողջությամբ չեն հավաքագրվում։
Ղուկասյան. «Այս տարվա 2-րդ կիսամյակին համավարակի պատճառով նվազել է տուրքերի հավաքագրումը»

Լոռու մարզպետ Անդրեյ Ղուկասյանի փոխանցմամբ` 2019թ.–ին Լոռու մարզում տեղական տուրքերի ու սեփական եկամուտների մասով 100 տոկոսից ավելի ցուցանիշ է գրանցվել։ 2020թ.–ի առաջին եռամսյակում նույնպես գրանցվել են բարձր ցուցանիշներ, սակայն երկրորդ կիսամյակի կտրվածքով իսկապես կա ցուցանիշների նվազում, ինչը պայմանավորված է համաճարակով։ 

«Բայց մինչև հունիսի ավարտը հնարավորություն կա այդ ցուցանիշները շտկելու։ Նախորդ տարվա ցուցանիշներին գուցե չհասնենք այս փուլում, սակայն պետք է ամեն ինչ անենք, որպեսզի տարվա կտրվածքով կրկին ունենանք բարձր հավաքագրում, որովհետև դրանից է կախված և՛ այս տարվա, և՛ հաջորդ տարվա ծրագրերի իրականացումը, համայնքային հիմնարկների աշխատողների աշխատավարձերի հատկացումները»,– նշում է Լոռու մարզպետը։

Անդրեյ Ղուկասյանի տեղեկացմամբ` համայնքների բյուջեն ձևավորվում է ոչ միայն հավաքագրումների, այլև դոտացիաների շնորհիվ, և այդ առումով Լոռու մարզում համայնքներն ըստ ժամանակացույցի ստանում են դոտացիաների գումարները, սակայն շատ կարևոր է, որ հավաքագրումները նույնպես լինեն բարձր մակարդակի։ Անդրեյ Ղուկասյանի պնդմամբ` Լոռու մարզի համայնքներն այս պահի դրությամբ ֆինանսական լուրջ խնդիրներ չունեն։

«Տուրքերի հավաքագրման հարցում քաղաքների ու գյուղերի բաժանում չէի անի, քանի որ ունենք համայնքներ, որտեղ հավաքագրումն ավանդաբար գրանցում է բարձր ցուցանիշներ, և կան համայնքներ, որտեղ այս խնդիրը միշտ առկա է, ինչը կապված է շատ գործոնների հետ։ Մենք այս պահին ունենք ֆիքսած մի փոքր աշնանացան գարու և ցորենի ցանքատարածքների խնդիր, որի պատճառը եղել է չորային եղանակը։ Թեև ունենք վնասված ցանքատարածություններ, բայց դրանք մեծ ծավալի չեն և ոչ բոլոր համայնքներում են, իսկ ընդհանուր առմամբ գարնանացան հողատարածքների ավելի քան 650 հեկտարն է մշակվել Լոռու մարզում, ինչը շատ դրական ցուցանիշ եմ համարում։ Բավականին մեծացել  են նաև ոռոգելի վարելահողերի ծավալները` կապված սուբվենցիոն պետական միջոցներով իրականացվող ոռոգման համակարգի ներդրման հետ»,– նշում է Լոռու մարզպետը։

2020թ-ը հայտարարում ենք օձի պորտից ջուր խմելու տարի. Նիկոլ Փաշինյանը Լոռու մարզում է

Անդրեյ Ղուկասյանի փոխանցմամբ` սուբվենցիոն ծրագրերի ծավալը նույնպես աճել է, և 2020 թ.–ին նախատեսվում է 4,5 միլիարդ դրամի չափով ծրագրերի իրականացում։ Օրինակ` 2019 թվականին սուբվենցիոն ծրագրերի թվաքանակը եղել է 56, իսկ 2020թ.–ի համար նախատեսված է 98 ծրագիր, որոնք ընդգրկում են տարբեր ոլորտներ` սկսած ճանապարհաշինությունից, ոռոգման և խմելու ջրի համակարգերից մինչև հակակարկտային կայաններ, բնակելի շենքերի տանքիների վերանորոգում, մանկապարտեզների ու համայնքային շինությունների վերակառուցում։ Մարզպետի դիտարկմամբ` այդ ծրագրերն անշուշտ կապահովեն համապատասխան աշխատատեղեր, առավել ևս, որ Լոռու մարզի շատ բնակիչներ հայտնի պատճառներով չեն կարող մեկնել արտագնա աշխատանքի, հետևաբար նրանց զբաղվածության հարցը կլուծվի տեղում։ 

45
թեգերը:
Տեղական տուրք, Անդրեյ Ղուկասյան (Լոռու մարզպետ), Լոռի, կորոնավիրուս
Միքայել Մելքումյան

Դիմակ ներկրողները, արտադրողները և վաճառողները կօգտվեն մեզ պարտադրված վիճակից. Մելքումյան

93
(Թարմացված է 23:38 23.05.2020)
ԱԺ «Բարգավաճ Հայաստան» խմբակցության պատգամավոր Միքայել Մելքումյանը Sputnik Արմենիայի եթերում անդրադարձել է բժշկական դիմակների գնագոյացման խնդրին և այն հարցին, թե որքան գումար պետք է ծախսի միջին վիճակագրական ընտանիքն այդ դիմակները ձեռք բերելու համար։ 
Մելքումյան. «Զարմանալի է դիմակների գնագոյացումը, երբ ներկրման մաքսատուրքերը զրոյացված են»

ԱԺ «Բարգավաճ Հայաստան» խմբակցության պատգամավոր Միքայել Մելքումյանի դիտարկմամբ` հարցը բավականին հրատապ է, ուստի պետք է հասկանալ, թե դիմակի ծախսը մեկ միջին վիճակագրական ընտանիքի համար ինչ է արժենալու ամսական կտրվածքով։

Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում

Ըստ նրա` եթե վերցնենք, որ մեկ դիմակն այժմ արժե 200-250 դրամ, և մեկ հոգին մեկ օրվա ընթացքում առնվազն երեք անգամ պետք է փոխի դիմակը, այլապես այն կդառնա ոչ պիտանի, ապա մեկ մարդու ծախսը մեկ ամսվա կտրվածքով կկազմի 20 000 դրամ, երեք հոգանոց ընտանիքի համար` 60 000 և այսպես շարունակ։ 

«Սա նվազագույն աշխատավարձի սահմաններում գտնվող թիվ է, և այդ առումով լինելու են շատ բարդություններ։ Դիմակ կրելու պարտադիր պահանջը չենք վիճարկում, բայց դիմակի գնային ռեժիմը պետք է լրջագույնս վերլուծվի։ Առկա գինն ու պահանջարկը չի ձևավորվել դասական շուկայական հարաբերություններով կամ տնտեսության մեթոդներով, այլ արտակարգ ռեժիմի պայմաններով, այսինքն` պահանջարկը թեկուզ օբյեկտիվորեն, բայց պարտադրվել է։ Մինչդեռ եթե նայեք մինչ համաճարակային ժամանակահատվածը, ապա մեկ դիմակն արժեր 25-30 դրամ»,– ասում է պատգամավորը։

Միքայել Մելքումյանի կարծիքով` մի դեպքում դիմակ ներկրողները, մյուս դեպքում` դիմակ արտադրողները, երրորդ դեպքում էլ դիմակ վաճառողները, յուրաքանչյուրն իր հերթին որոշակի շահութաբերության բազմապատիկ ռեժիմով է աշխատում, հետևաբար ճիշտ չէ, որ նրանք օգտվեն բնակչությանը պարտադրված վիճակից` ստանալով գերշահույթ` մեկը տասի հարաբերությամբ։ 

«Պետությունն այստեղ անելիք ունի։ Եթե ունենք դիմակի արտադրություն, ապա նախևառաջ պետք է հաշվարկել ինքնարժեքը։ Թող առավելագույնը լինի 30 դրամ, և եթե դրան գումարենք հարկերն ու այլ վերադիր ծախսերը, միևնույն  է, գումարը չի անցնի 40 դրամից։ Առավելագույն շեմը դա է` անկախ այն հանգամանքից, թե ինչ կտորից է կարվում դիմակը։ Ու կարիք էլ չկա, որ լինի թանկարժեք գործվածքից։ Ի դեպ` Հայաստանում դիմակներ արտադրում են 2-3 խոշոր կարի ձեռնարկություններ, հետևաբար, Էկոնոմիկայի նախարարությունը կամ իրավասու այլ կառույց պետք է հաշվարկի ու հասկանա դիմակի ինքնարժեքն ու շահույթի մակարդակը, թե ինչ գնով են դեղատները վերցնում և ինչ գնով վաճառում»,– նշում է «Բարգավաճ Հայաստան» խմբակցության պատգամավորը։ 

Մելքումյանի գնահատմամբ` որպեսզի սոցիալական կոլապսային տրամադրություններ չձևավորվեն, գոնե պետք է մարդիկ խնայեն դրա վրա, չծախսեն 50-60 հազար դրամ, այլ գոնե ընտանիքը ծախսի 15 հազար դրամ։ Պատգամավորն առաջարկում է նաև սոցիալական անապահով խավերի ներկայացուցիչներին, նպաստառուներին, թոշակառուներին կամ հաշմանդամներին որոշակի խմբաքանակ հատկացնել անվճար` փոխհատուցելով նվազագույն աշխատավարձի և ստացած նպաստի տարբերությունը։

Ինչպես են դիմակներ արտադրում Տավուշի մարզում․ լուսանկարներ

Մելքումյանի տեղեկացմամբ` կառավարությունը նախնական բացասաբար է արձագանքել իրենց առաջարկին։   

ԱԺ պատգամավորի համար առհասարակ զարմանալի է դիմակի նման գնագոյացումն այն պայմաններում, երբ ԵԱՏՄ խորհրդի որոշմամբ երրորդ երկրից ներկրված դիմակների մաքսատուրքերը զրոյացված են։

Բացի այդ, Մելքումյանն օրենսդրական նախաձեռնությամբ առաջարկել է սահմանին դեղորայքի և առաջին անհրաժեշտության պարենային ապրանքների ավելացված արժեքի հարկի գանձումները հետաձգել, որ օրինակ ներկրվող դիմակների գինը ներսի շուկայում լինի մատչելի։ 

Հիշեցնենք, որ ՀՀ կառավարությունը մայիսի 14–ի նիստում Հայաստանում արտակարգ դրությունը երկարարցրեց ևս մեկ ամսով։ Այն կտևի մինչև հունիսի 13–ը, ժամը 17։00–ը ներառյալ։ Բայց տնտեսական գործունեության շատ տեսակներ թույլատրելի է` որոշակի կանոնների պահպանմամբ։ Մայիսի 18-ից թույլատրվել է նաև հանրային տրանսպորտի գործունեությունը, սակայն հատուկ ռեժիմով։

Մասնավորապես` տրանսպորտային միջոցում պարտադիր պետք է գտնվել դիմակով: 

Դիմակը կարևոր է. կառավարությունում քննարկել են կորոնավիրուսի կանխարգելման աշխատանքները

93
թեգերը:
կորոնավիրուս, Հայաստան, դիմակ, Միքայել Մելքումյան
թեմա:
Կորոնավիրուսը Հայաստանում և Արցախում
Ըստ թեմայի
Արմեն Սարգսյանը ստորագրել է դիմակ չունեցողներին տուգանելու օրենքը
Տարածաշրջանում դիմակների ամենամեծ արտադրամասը Տավուշում է. խոստանում են` գինը կիջնի
Պարսյան. «Դիմակ կրելու պարտադիր պահանջից որոշ տնտեսվարողներ գերշահույթ են ստանում»
Խանութ

Երևանում և մարզերում հայտնի սննդի օբյեկտներից 46-ը 24 ժամով չեն աշխատի․ պարետի որոշումը

16
(Թարմացված է 17:36 25.05.2020)
Վարչապետ Նիկոլ Փաշինյանը նախորդ կիրակի նախազգուշացրել էր, որ կկիրառվեն խիստ միջոցներ ՝ սանիտարական ռեժիմը խախտողների համար:

ԵՐԵՎԱՆ, 25 մայիսի — Sputnik. ՀՀ պարետի որոշման համաձայն` 1 օրով չեն աշխատի Հայաստանում գործող հանրային սննդի 46 օբյեկտներ։ Տեղեկությունը հայտնում են Հայկական միասնական տեղեկատվական կենտրոնից։

«ՀՀ պարետի որոշումների համաձայն՝ այսօր՝ 25.05.2020թ, 24 ժամով կասեցվել է հանրային սննդի 46 օբյեկտների աշխատանքը»,-ասված է հաղորդագրության մեջ։

Օբյեկտներից 16-ը գտնվում են Երևանում ,իսկ 30-ը Սյունիքի և Վայոց Ձորի մարզերում։

Երևանում կասեցված օբյեկտների թվում կան և շատ ճանաչվածները, ինչպիսիք են «Դռագոն Գարդենը»,  «Կասկադ Շոկոլատերիան»,«Վայն Ռեփաբլիկը» և այլն։

Սննդի անվտանգության տեսչական մարմնի Երևանի կենտրոնի պետի տեղակալ Մանվել Մելիքյանի խոսքով՝ նման միջոցներ ձեռնարկվել են այն պատճառով, որ օբյեկտները խախտել են համաճարակային անվտանգության կանոնները:

Կորոնավիրուսի տարածումը կզորայացնենք դիմակ կրելով. Փաշինյանը նոր որոշման մասին հայտնեց

Կան մի քանի խախտումներ. կամ աշխատակիցները դիմակներ չեն կրել, չեն օգտագործել սանիտարահիգիենիկ միջոցներ, կամ հաճախորդների ջերմաչափում չի իրականացվել կամ հատուկ արկղեր նախատեսված չեն եղել, որպեսզի հաճախորդներն իրենց դիմակն ու ձեռնոցն այնտեղ գցեն։

Համավարակը խանգարել է տուրքերի հավաքագրմանը. Լոռու մարզպետը` սուբվենցիոն ծրագրերի մասին

Հիշեցնենք, որ կիրակի օրը, ֆեյսբուքյան հերթական ուղիղ միացման ժամանակ վարչապետ Նիկոլ Փաշինյանն ասաց, որ սանիտարական ռեժիմի ցանկացած խախտում  խստորեն պատժվելու է:

16
թեգերը:
կարանտին, խանութ, պարետ, Հայաստան
Ըստ թեմայի
ՀՀ–ում ևս 6 մարդ է մահացել կորոնավիրուսից. մայրական մահվան առաջին դեպքն է գրանցվել
Արցախում կորոնավիրուսի նոր դեպք է գրանցվել
Մարի Իզմիրլյանի անվան մանկատան երեխաներից 9-ը վարակվել են կորոնավիրուսով