Կորոնավիրուսի կանխարգելման հանձնաժողովի նիստում այսօր որոշվել է երկու շաբաթով դադարեցնել ցամաքային հաղորդակցությունը Իրանի Իսլամական Հանրապետության հետ:
Մոլորակի բնակչության 66%–ը կարող է կորոնավիրուսով վարակվել. ԱՀԿ փորձագետ
Տնտեսագետ Վահագն Խաչատրյանի կարծիքով` տուրիստական կամ գործնական այցելությունների առումով տվյալ որոշումն անկասկած կունենա որոշակի հետևանքներ` անմիջականորեն ազդելով մեր տնտեսության վրա, առավել ևս, որ զբոսաշրջիկների հոսքի ակտիվացում սովորաբար նկատվում է իրանական տոների կապակցությամբ։
«Հուսանք, որ մինչև մարտի 20-ը որոշակի հստակություն կլինի, բայց այն, ինչ տեսնում ենք, օրինակ, Չինաստանի հետ կապված, մինչև տարվա կեսը տնտեսական առումով դժվար թե վերականգնվի տարվա սկզբի իրավիճակը։ Այդուհանդերձ, ավելի մեծ բարդություններից խուսափելու նպատակով Իրանի հետ սահմանի փակումը տեղին ու ժամանակին ընդունված որոշում է»,– նշում տնտեսագետը։
Վահագն Խաչատրյանի գնահատամամբ` եթե այս որոշումը չլիներ, ասեկոսեներն ու խուճապային տրամադրություններն ավելի վատ ազդեցություն կունենային, բայց մյուս կողմից էլ` տնտեսագետը կարծում է, որ որոշումը հետագայում երկու երկրների միջև խնդիրներ չի առաջացնի։
Հիշեցնենք` վերջին տվյալներով` Չինաստանում գրանցվել է կորոնավիրուսով վարակի մոտ 77.100 դեպք, վարակվածներից 24.700-ը առողջացել են։ Զոհերի թիվը հասել է 2592-ի։ Իրանում գրանցվել է կորոնավիրուսով վարակման 43 դեպք։ Զոհերի թիվը հասել է 8-ի։
Իրանում ՀՀ դեսպանության հյուպատոսական բաժինը փետրվարի 23–ից ժամանակավորապես դադարեցրել է աշխատանքը՝ քաղաքացիների մուտքն ու ընդունելությունը:
ՀՀ վարչապետ Նիկոլ Փաշինյանը հայտարարել է, որ 2 շաբաթով կդադարեցվի Իրան-Հայաստան օդային հաղորդակցությունն ու Մեղրիի սահմանային անցակետով անձանց մուտքը Հայաստան։
Հայաստանի ԱԳՆ–ն կորոնավիրուսի հետ կապված նոր հայտարարություն է տարածել