Գևորգ Պետրոսյան

Պետրոսյան. «Գիշերօթիկների խնամքին հանձնված երեխաների ճակատագիրը մնում է անորոշ»

65
(Թարմացված է 11:43 23.02.2020)
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը Sputnik Արմենիայի եթերում անդրադարձել է գիշերօթիկ դպրոցների խնդրին` հայտնելով իր մտահոգությունն այդ հաստատությունների ճակատագրի վերաբերյալ։
Պետրոսյան. «Գիշերօթիկների խնամքին հանձնված երեխաների ճակատագիրը թողնում են անորոշ»

Գևորգ Պետրոսյանի կարծիքով` մի բան վերացնելուց առաջ, պետք է ունենալ դրա հուսալի հակակշիռը, մինչդեռ, գիշերօթիկների դեպքում, չունենալով դա` զբաղված են միայն լուծարմամբ։

«Երբ խոսում ենք այդ մասին, իշխանության որոշ ներկայացուցիչներ դա որակում են որպես պոպուլիզմ, ամբոխահաճություն։ Բայց եթե խնդիրը կա, ինչպե՞ս չբարձրաձայնենք, դեռ այն ժամանակ էինք ասում, որ գիշերօթիկները պետք է մնան։ Եթե իշխանությունն ունի հակակշիռ, մրցակցող նախաձեռնություն, թող հանձնի հանրության դատին, և նա էլ պատասխանի, թե արդյո՞ք այդ առաջարկով հնարավոր է մեկ քայլ առաջ անցնել առկա մակարդակից»,– Sputnik Արմենիայի հետ զրույցում ասաց նա։

Պետրոսյանի խոսքով` մարդիկ լավ օրից չէ, որ իրենց երեխաներին ուղարկում են գիշերօթիկ դպրոցներ, կարիքն է ստիպում դիմել այդ քայլին։ Ըստ նրա` այդ կարիքները վերացնելու փոխարեն գիշերօթիկների խնամքին հանձնված երեխաների ճակատագիրը թողնում են անորոշ։

Ի՞նչ ճակատագիր է սպասում Գյումրու «Թռչունյան տուն» կենտրոնի երեխաներին ու աշխատակիցներին

«Լավ կլիներ, որ գիշերօթիկներ չլինեին, բոլոր երեխաները ծնվեին, մեծանային իրենց կենսաբանական ընտանիքներում, բայց գիշերօթիկները պահանջված կազմակերպություններ են, որտեղ մեծացել են արժանավոր հայեր և աշխարհին ներկայացրել հայությանը։ Առանց հակակշիռ ունենալու` նման կառույցների լուծարումը անտնտեսվար, անհեռատես ու անհայրենասեր մոտեցում է երեխաների ապագայի նկատմամբ»,– նշեց պատգամավորը։

Անդրադառնալով ցերեկային կենտրոնների հարցին, որոնք կարող են փոխարինել գիշերօթիկ դպրոցներին` Պետրոսյանն ասաց, որ իրենց դեռ չեն ներկայացրել ցերեկային դպրոցների օրակարգը, որպեսզի հասկական, թե ինչի մասին է խոսքը։ Ըստ պատգամավորի` այսօր լուծարվում են մանկապարտեզները, մանկատները, ինչը մեր դժբախտությունն է, լուծարվում են ծննդատները, ինչն արդեն ազգային անվտանգության սպառնալիք է, ինչի պատասխանատուն, նրա խոսքով, գործող իշխանությունն է։

Գիշերօթիկների փակվելուց հետո 194 երեխա ընտանիք է վերադարձել. քանի՞սը նման շանս չունի

Նշենք, որ նախատեսված փոփոխությունների համաձայն` 2020 թվականի հունվարի 1-ից պետք է գործեին գիշօթիկներին փոխարինող ցերեկային կենտրոնները, բայց մինչև հիմա նույնիսկ բոլոր պայմանագրերը կնքված չեն, բավարար աշխատակազմ չունեն, շահառու երեխաներ էլ չկան։

65
թեգերը:
դպրոց, Գևորգ Պետրոսյան, գիշերօթիկ, Հայաստան
Ըստ թեմայի
«Հազիվ էի ինձ զսպում, որ այդ ծնողներին գտնելուց հետո չապտակեմ»․ Տիգրանուհի Կարապետյան
Նախարարն ասել է` ինչպես օգնել երեխաներին և մեկնաբանել է գիշերօթիկների փակման հարցը
Քանի երեխա կա Հայաստանի գիշերօթիկներում ու մանկատներում
Փակվող գիշերօթիկներում մի քանի տասնյակ երեխաներ կան, որոնց ընտանիք վերադարձնելը ռիսկային է
Դավիթ Հարությունով

Մենք զիջում էինք Ադրբեջանին. փորձագետը` պատերազմի ժամանակ ունեցած սպառազինության մասին

139
Ե՞րբ և ո՞վ պետք է պատասխան տա պատերազմի հետևանքների համար. հետպատերազմյան շրջանում բոլորին հուզող կարևորագույն հարցերից մեկը մնում է օդում կախված։

Ռազմական փորձագետ Դավիթ Հարությունովը Դավիթ Գալստյանի, նույն ինքը «Պատրոն Դավիթի» վերաբերյալ կազմված քրեական գործերը մեկնաբանել չի ցանկանում։ Ասում է` տեղեկությունները շատ են, այս պահին դժվար է բոլորը վերլուծել։ Իսկ ահա նախապատերազմյան շրջանում զենք-զինամթերքի և ռազմական տեխնիկայի ձեռքբերման առումով ասելիք կա։ Նրա դիտարկմամբ, այն բավականին բարդ խնդիր է և ամենևին էլ մեծ աղմուկ հանած ՍՈւ-30-երով չի սահմանափակվում։

«Մի շարք ուղղություններով կան բավականին լուրջ բացթողումներ, որոնք եղել են մինչև պատերազմը և ձևավորվել են վերջին 10-15 տարվա ընթացքում»,- Sputnik Արմենիայի հետ զրույցում ասաց նա։

Նրա խոսքով`պատերազմը ցույց տվեց, որ օդուժը, որը ժամանակակից պատերազմների կարևորագույն բաղադրիչներից է, Հայաստանը չի զարգացրել։ Թեպետ 2018-ից այդ բացը լրացնելու փորձեր արվել են, սակայն, փաստ է, որ այդ հարցում Հայաստանը զիջում էր Ադրբեջանին։ 

Իսկ թե որքանով էր ճիշտ այդքան թանկարժեք ՍՈւ-30-եր գնել այն դեպքում, երբ կոնֆլիկտը շատ մոտ էր, ըստ փորձագետի, այն բավականին լուրջ հարցեր է առաջացնում։ Բայց պատերազմը ցույց տվեց, որ բանակը նաև էժանագին ու պարզունակ միջոցների խնդիր ուներ, որոնք պատերազմի շեմին կանգնած երկրում պետք է առաջնահերթ լուծում ստանային։

«Անհատական պաշտպանության միջոցներ, քնապարկերի հայտնի պատմությունը, հակատանկային միջոցներ. ցանկը բավականին երկար է, էլի կարելի է թվարկել։ Տրամաբանական կլիներ այդ լոկալ ու ավելի էժան հարցերը լուծել, հետո ամբիզցիոզ ՍՈւ-30-երին անցնել»,- նշեց Հարությունովը։

Հետպատերազմյան շրջանում բոլորին հուզող կարևորագույն հարցերից մեկը`երբ և ով պետք է պատասխան տա, մնում է օդում կախված. այն ենթադրում է որոշակի հետաքննություն, մինչդեռ ո՛չ գործողները, ոչ էլ ընդդիմադիրները իշխանության գալու դեպքում ի զորու չեն օբյեկտիվ քննություն անցկացնել։

Ուզում եք լսել, ուրեմն բռնվեք... բանակի սպառազինությունների թեման բորբոքվում է նոր թափով

Փորձագետի դիտարկմամբ` մի դեպքում գործ կունենանք կողմնակալության, երկրորդ դեպքում`հաշվեհարդարի հետ, մինչդեռ այդ հետաքննությունը ոչ այնքան պատասխանատվության առումով է կարևոր, որքան խնդիրների վերհանման, դրանք շտկելու ճանապարհները նախանշելու համար։

Նշենք, որ ՀՀ պաշտպանության նախկին նախարար Դավիթ Տոնոյանը «Մեդիամաքսին» տված հարցազրույցում մեկնաբանել է հանրային ու քաղաքական շրջանակներում բուռն քննարկման առարկա դարձած բազմաթիվ հարցեր, խոսել պատերազմում կրած պարտության, դրա հետևանքների ու մեղավորներին պատասխանատվության ենթարկելու մասին։

139
թեգերը:
Դավիթ Հարությունով (ռազմական փորձագետ), սպառազինություն, Ադրբեջան, Հայաստան, Արցախյան պատերազմ
Ըստ թեմայի
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ով ինչ ստացավ պատերազմից հետո. նախկին փոխվարչապետը վերլուծել է պատճառներն ու հետևանքները
Սոցիալական աջակցության ինչ տարբերակներ կան պատերազմից տուժածների համար
Սուրեն Պարսյան

Հնարավոր է՝ ՀՀ-ի պետական պարտքը հատի 10 միլիարդ դոլարի սահմանը. Սուրեն Պարսյան

48
(Թարմացված է 23:09 25.01.2021)
ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը Sputnik Արմենիայի եթերում անդրադարձել է այն տեղեկությանը, ըստ որի` Հայաստանը ծրագրում է 10-ամյա եվրապարտատոմսեր տեղաբաշխել դոլարով։
Պարսյան. «Մեր կառավարությունը, ըստ էության, նստած է «պարտքային ասեղի» վրա»

Սուրեն Պարսյանի դիտարկմամբ` եվրապարտատոմսերի հիմնական նպատակը պետական բյուջեն լրացուցիչ գումարներով ապահովելն է, ինչի միջոցով կֆինանսավորվեն ընթացիկ ծախսերը։ Ըստ նրա` մենք թռիչքաձև զարգացում կամ տնտեսական աճ չենք ունենալու այդ պարտատոմսերով, քանի որ դրանց շնորհիվ կհատկացվեն թոշակներ, աշխատավարձեր, պարգևատրումներ, պետական ապարատի պահպանման համար նախատեսված գումարներ։

«Ակնհայտ է, որ մենք տնտեսական աճ ապահովող գործոններ այս պահին չենք նախատեսում, հետևաբար հաջորդ տարիների ընթացքում չենք կարողանալու տնտեսությունը զարգացնել, որպեսզի գան լրացուցիչ եկամուտներ և դրա շնորհիվ պարտքերը փակենք։ Արդեն պաշտոնական վիճակագրության համաձայն` 2020 թվականի դեկտեմբերի 31-ի դրությամբ մեր պետական պարտքը հասել է 8 միլիարդ դոլարի, այս տարի պետական բյուջեի շրջանակներում լրացուցիչ 1 միլիարդի չափով պարտք ևս կավելանա, ինչին գումարվելու է նաև պատերազմի ընթացքում զենքի ձեռքբերման համար նախատեսված վարկը, ուստի հնարավոր է, որ այս տարվա ընթացքում անցնենք նույնիսկ 10 միլիարդի սահմանը»,– նշեց տնտեսագետը։

Պարսյանի կարծիքով` այս իրավիճակում պետք է լուրջ վերանայենք մեր ֆինանսական քաղաքականությունը, այդ շրջանակներում կարողանանք ներքին ֆինանսական աղբյուրները բացահայտել։ Ըստ նրա` հնարավոր է անցնել պրոգրեսիվ հարկման, որի պայմաններում պետք է գործի «շատից շատ, քչից քիչ» սկզբունքը։ 

«Գործող իշխանությունները դրան հակառակ քայլեր են ձեռնարկում, բարձր եկամտաբեր ոլորտների, հարուստների, բարձր աշխատավարձ ստացողների հարկերը նվազեցրին, բայց դրա հաշվին ավելացրին պետական պարտքը, ինչը սխալ քաղաքականություն է։ Սա տանելու է նրան, որ Հայաստանը պարտադրված ընդունելու է Արժույթի համաշխարհային կազմակերպության, Համաշխարհային բանկի պարտադիր պայմանները, ինչի արդյունքում առողջապահությունը, կրթությունը անցնելու են ավելացված արժեքի լրացուցիչ հարկման»,– նշեց տնտեսագետը։

Նրա գնահատմամբ` գները կավելանան, ծառայությունները կթանկանան, կրթությունն ու առողջապահությունը կդառնան անմատչելի, հետևաբար Հայաստանը գնալով մտնում է ֆինանսատնտեսական լուրջ ճգնաժամի մեջ, կառավարությունն ըստ էության նստած է պարտքային ասեղի վրա, օր օրի պետական պարտքն ավելանում է և դառնում անկառավարելի ու բարձր ռիսկային, և այս կերպ շարունակվելու դեպքում Արժույթի միջազգային կազմակերպությունը կվերանայի մեր նկատմամբ բոլոր պահանջները, վարկանիշները, ինչի արդյունքում վարկային միջոցները մեզ համար կդառնան ավելի թանկ, Հայաստանի վարկունակությունը կնվազի։

Հայաստանի պետական պարտքը 2026 թվականին կրկին կնվազի ՀՆԱ–ի 60%-ից․ ԱՄՀ

48
թեգերը:
Հայաստան, պետական պարտք, Սուրեն Պարսյան
Ըստ թեմայի
Ինչպես Բայդենի քաղաքականությունը կազդի աշխարհի, այդ թվում` Հայաստանի տնտեսության վրա
Հայաստանի պետական պարտքը պատերազմի օրերին էլ շարունակում է սպասարկվել
«Հայաստան» հիմնադրամից կառավարությանը տված գումարը պետք է լինի պարտքի տեսքով. ՀՀ նախագահ
Թուրքական ոստիկանություն

Ստամբուլում հարձակվել են Ռուսաստանի քաղաքացիների վրա․ մանրամասներ

0
(Թարմացված է 13:16 26.01.2021)
Ձերբակալվածը 26 հանցանք է գործել, այդ թվում՝ կանխամտածված վիրավորում, ունեցվածքի վնասում, զենքի ապօրինի պահում ու գողություններ։

ԵՐԵՎԱՆ, 26 հունվարի — Sputnik. Ստամբուլում Ռուսաստանի երեք քաղաքացիների վրա հարձակում գործած քաղաքացին ցուցմունք տալիս ասել է, որ նրանց «սատանայի ավետաբերների» տեղ է դրել։ Տեղեկությունը հայտնում է ՌԻԱ Նովոստին՝ հղում անելով իրավապահ մարմիններում ունեցած աղբյուրին։

Ավելի վաղ հայտնի էր դարձել, որ աղբ հավաքող Հասան Հուսեյնը դանակով հարձակվել է ՌԴ երեք քաղաքացիների՝ մեկ տղամարդու ու երկու կանանց վրա։ Հարձակման հետևանքով ռուսաստանցիները վնասվածքներ են ստացել ու հիվանդանոց տեղափոխվել։

«Հարձակվողը հոգեկան խանգարումներ ունի։ Նրա խոսքով՝ ինքը ռուսաստանցիներից գումար չի խնդրել ու այդ նպատակով չէ, որ հարձակվել է», - ասել է գործակալության զրուցակիցը։

Արդեն հայտնի է, որ ձերբակալվածը 26 հանցանք է գործել, այդ թվում՝ կանխամտածված վիրավորում, ունեցվածքի վնասում, զենքի ապօրինի պահում ու գողություններ։

Թուրքիայում հարձակվել են հայ երիտասարդի վրա ու ծեծել նրան

Ռուսաստանի քաղաքացիների վրա հարձակում գործելուց հետո նա ինչ-որ տեղ թաքնվել է, հետո սնունդ գտնելու համար գնացել մզկիթի մոտ, որտեղ էլ նրան ձերբակալել են։

0
թեգերը:
ոստիկան, Ստամբուլ, Ռուսաստան, Թուրքիա
թեմա:
Վթար, պատահար, սպանություն, գողություն
Ըստ թեմայի
Ստամբուլի Թուզլայի հայկական որբանոցը կվերածվի «Քամփ Արմեն» ճամբարի երիտասարդական կենտրոնի
Ստամբուլի հայկական հաստատությունների մոտ անվտանգության աշխատակիցներ են հերթապահում
Ստամբուլում հայամետ թուրք գործիչ Օսման Քավալան կալանքից ազատ է արձակվել