Արտաշես Եփրեմյան

Եփրեմյան. «Արցախի օդանավակայանի հարցը պետք է լուծեն բացառապես Արցախն ու Հայաստանը»

90
(Թարմացված է 23:41 13.02.2020)
«Հայկական ավիաուղիների» արհմիության վերջին նախագահ, բարձրակարգ օդաչու Արտաշես Եփրեմյանը Sputnik Արմենիայի եթերում անդրադարձել է Քաղավիացիայի կոմիտեի ղեկավար Տաթևիկ Ռևազյանի հայտարարությանն ու խոսել Ստեփանակերտի օդանավակայանի շահագործման հեռանկարի մասին։

Ստեփանակերտի օդանավակայանը պետք է շահագործվի։ Դա տեխնիկապես հնարավոր է, ինչն անհրաժեշտ է մեր պետության ու ժողովրդի համար։ Sputnik Արմենիայի հետ զրույցում նման տեսակետ հայտնեց «Հայկական ավիաուղիների» արհմիության վերջին նախագահ, բարձրակարգ օդաչու Արտաշես Եփրեմյանը։ 

Քաղավիացիայի կոմիտեի նախագահ Տաթևիկ Ռևազյանն ասել էր, որ Ստեփանակերտի օդանավակայանի փակ լինելը քաղաքական հարց է. Ադրբեջանն Արցախի օդային տարածքը փակել է, մենք իրավունք չունենք իրագործել թռիչքներ։ 

Արտաշես Եփրեմյանի կարծիքով` Տաթևիկ Ռևազյանը չպետք է հենվի ադրբեջանցիների դիրքորոշման վրա։ 

Սու-30–ի թևերը կբարձրացնե՞ն Հայաստանի պաշտպանունակությունը

«Չեմ հասկանում, որոշ գործիչներ կամ չինովնիկներ ուզում են հաստատել այն թեզը, թե Արցախն Ադրբեջանի մա՞ս է կազմում։ Ի՞նչ են ուզում ապացուցել։ Եթե առաջնորդվում ենք այն տեսակետով, որ Արցախն անկախ հանրապետություն է, ուրեմն վերջինս Հայաստանի հետ պետք է որոշի այդ հարցը։ Եթե վարչապետը դուխով հայտարարում է, որ Արցախը Հայաստան է և վերջ, ուրեմն էլ ի՞նչ խնդիր կա այստեղ։ Մնացածը բառախաղեր են, արդարանալու միջոց»,– նշում է մասնագետը։ 

Արտաշես Եփրեմյանի համոզմամբ` Ստեփանակերտի օդանավակայանը ոչ միայն հնարավոր է շահագործել, այլև մենք պարտավոր ենք դա անել։ Ըստ նրա` մենք լսում ենք բոլորին, բայց ոչ ինքներս մեզ։ 

«Խոսքը տեղական թռիչքների մասին է, որոնց չափանիշները սահմանում են Հայաստանի ու Արցախի կառավարությունները, հարցերը կարգավորվում են ներքին փաստաթղթերով։ Ճիշտ է, ներքին թռիչքուղիները պետք է ԻԿԱՕ–ի քարտեզներում տեղ գտնեն, սակայն ո՞վ է արգելում թռչել։ Իսկ ո՞վ կարող է խոցել մեր ինքնաթիռները, ի՞նչ հեքիաթներ են դրանք։ Բա ադրբեջանցիները չե՞ն մտածում, որ Նախիջևանը, որպես պլատֆորմ, մեր ափի վրա է, կարող ենք խոցել իրենց «բոյինգները»։ Ինչու՞ ենք վախենալով ապրում»,– տարակուսում է օդաչուն։ 

Նա համոզված է, որ պետք է ադրբեջանցիներին հասկացնել, որ ամեն անգամ իրենց ասելով չի լինելու։ Ըստ Եփրեմյանի` անհրաժեշտ է առավել ևս հիմա` գործել ու առաջ տանել մեր շահը, որովհետև Ադրբեջանում կայացան խայտառակ ընտրություններ, և ամբողջ աշխարհը ծիծաղում է նրանց վրա։ 

Ադրբեջանի արարքները պետք է միջազգային հակազդեցության արժանանան. Արցախի ԱԳՆ

90
թեգերը:
Հայաստան, Օդաչու, Արտաշես Եփրեմյան, Տաթևիկ Ռևազյան, օդանավակայան, Արցախ
Ըստ թեմայի
Քաղավիացիան խորհուրդ է տալիս շրջանցել Իրաքի և Իրանի օդային տարածքները
Ռևիզոր է գալիս. եվրոպացիները խիստ աուդիտ կանցկացնեն Հայաստանի քաղավիացիայի կոմիտեում
Քաղավիացիան հրապարակել է Ryanair–ի նոր չվացուցակը
Կասեցվել է «Մարս Ավիայի» շահագործողի վկայականը. Քաղավիացիայի կոմիտե

sys_stories