Վիգեն Հակոբյանը ենթադրում է, որ «ոչ»–ի շտաբ այնուամենայնիվ կձևավորվի։ Օրվա ընդդիմությունն, ըստ նրա, կարող է ցուցաբերել մի քանի մոտեցում, քանի որ ընդդիմության մեջ կան նախկիններ, ներկաներ, ապագայի ուժեր։
««Ոչ»–ին հասնելու համար կդիմեն տարբեր քայլերի` սկսած բոյկոտից, վերջացրած ակտիվ մասնակցությամբ և «ոչ» քվեարկելով։ Տակտիկական լուծումների ու հնարքների սպեկտորը բավականին լայն է։ Ամենայն հավանականությամբ, պետք է, որ տարբեր քաղաքական ուժերը, նույնիսկ անհատները փորձեն քաղաքական կոնսուլտացիաներ սկսել, ընդ որում` բավականին արագ»,– նշում է քաղտեխնոլոգը։
Վիգեն Հակոբյանի կարծիքով` ընդդիմադիրները պետք է հասկանան, թե իրենցից ով ինչ դերակատարություն կունենա կամ ինչ մարտավարության կողմնակից կլինի։ Քաղտեխնոլոգը չի բացառում, որ հարցի առթիվ նույնիսկ կարող է ձևավորվել ընդհանուր պլատֆորմ կամ ընդհանուր ձևաչափ։
«Այլ հարց է, թե ինչ մարտավարություն կընտրեն, ինչ հաշվարկներ կդնեն «ոչ»–ի մարտավարության հիմքում, ինչ ռեսուրսներ կհամախմբեն ընդդիմադիրները»,– նշում է քաղտեխնոլոգը։
Քոչարյան. «Նիկոլ Փաշինյանը «Այո»–ի համար գտել է շահագրգռելու տարբերակը»
Այդուհանդերձ Վիգեն Հակոբյանը կասկածում է, որ «ոչ»–ի հանգամանքը կհամախմբի ամբողջ ընդդիմությանը, սակայն չի բացառում, որ առանձին սեգմենտներ կհամագործակցեն ու կմիավորվեն։ Պարզապես նախկին իշխանության ներկայացուցիչները, ըստ Հակոբյանի, պետք է նույն շտաբում չլինեն նախկինների հետ որևէ առնչություն չունեցած ուժերի հետ։
