Կարեն Քոչարյան

Քոչարյան. «Նիկոլ Փաշինյանը «Այո»–ի համար գտել է շահագրգռելու տարբերակը»

125
(Թարմացված է 15:46 12.02.2020)
Քաղտեխնոլոգ Կարեն Քոչարյանը Sputnik Արմենիայի եթերում անդրադարձել է ապրիլի 5-ին նախատեսված հանրաքվեին, դրա նախապատրաստական աշխատանքներին ու քարոզչական առանձնահատկություններին։
Քոչարյան. «Նիկոլ Փաշինյանը «Այո»–ի համար գտել է շահագրգռելու տարբերակը»

Քաղտեխնոլոգ Կարեն Քոչարյանի կարծիքով` 1995թ.–ից ի վեր, երբ անցկացվեց առաջին հանրաքվեն, բոլորն էլ ականատես են եղել, որ այն համաժողովրդական ընտրական գործընթաց է, որն ամենաքիչ մասնակցությունն է ունենում, քանի որ Ազգային ժողովի և նախագահի ընտրություններին հետաքրքրությունը միշտ անհամեմատ մեծ է լինում:

«Այլ խնդիր է, որ արդյունքները բոլոր ժամանակներում նկարվել են` թե՛ Տեր–Պետրոսյանի, թե՛ Ռոբերտ Քոչարյանի, թե՛ Սերժ Սարգսյանի պաշտոնավարման օրոք։ Իրական մասնակցությունն ավելի քիչ է եղել»,– ասաց քաղտեխնոլոգը։

Նրա խոսքով` եթե հանրաքվեն անցկացվեր 2018թ–ի ամռանը կամ թեկուզ աշնանն ու ձմռանը, երբ կար էյֆորիա և մարդիկ Փաշինյանի ամեն խոսքից ոգևորված պատրաստ էին յուրաքանչյուր քայլի, հաջողությունն էլ մեծ կլիներ, իսկ հիմա այդպես չէ, ապացույցը` կառավարության դիմաց տարբեր սոցիալական խմբերի ներկայացուցիչների գրեթե ամենօրյա բողոքի ակցիաներն են։

Խաչատրյան. «Երբ կա ընդամենը «այո»–ի և «ոչ»–ի խնդիր, մարդիկ ավելի քիչ են գնում ընտրության»

«Մարդկանց առաջնային խնդիրը ՍԴ–ն չէ։ Եթե անկեղծ լինենք, ապա շատերը նույնիսկ չգիտեն, թե ինչ ֆունկցիաներ ունի ՍԴ–ն կամ ինչի համար է Սահմանադրությունը։ Նիկոլ Փաշինյանը «Այո»–ի համար գտել է շահագրգռելու տարբերակը` օգտագործելով «եթե չեք ուզում, որ նախկինները» գան բանաձևը, իսկ թե դա ինչպես կաշխատի այս անգամ, ցույց կտա ժամանակը։

Եթե «Ոչ»–ի կողմանկիցները լինեն նախկին իշխանության ներկայացուցիչները, ապա նրանց հաջողությունը կհասնի նվազագույնի, իսկ եթե «Ոչ»–ի կողմնակիցները լինեն նոր քաղաքական ուժերը, ապա հնարավորություններն այլ կլինեն»,– նշեց Քոչարյանը։

Որքան արժե Թովմասյանի հրաժարականը. հանրաքվեի ծախսերը հաշվարկվում են

Քաղտեխնոլոգի դիտարկմամբ` այս անգամ կարող է հաղթել ոչ «Այո»–ն, ոչ էլ «Ոչ»–ը, այլ բոյկոտը։ Ըստ նրա` միևնույն է, ամենաշատը ընտրատեղամասեր չգնացողներն են լինելու, իսկ թե ով կշահի դրանից, պարզ կլինի հետագա զարգացումներից։

125
թեգերը:
Ընտրություններ, հանրաքվե, Կարեն Քոչարյան (քաղտեխնոլոգ), Հայաստան
Ըստ թեմայի
Իշխանությունը վստահո՞ւմ է Մուկուչյանին. պատասխանում է ԿԸՀ նախագահը
Հայտնի է հանրաքվեի օրը. ՀՀ նախագահը ստորագրեց աղմկահարույց նախագիծը
Հայտնի են սահմանադրական բարեփոխումների հանրաքվեի քարոզարշավի ժամկետները. ԿԸՀ
«Մենք վստահության խնդիր ունե՞նք». ԱԺ փոխնախագահը հանրաքվեի այլ ենթատեքստը չի ընդունում
Արմեն Բադալյան

Այստեղ նաև քաղաքական տարր կա. քաղտեխնոլոգը` Վազգեն Մանուկյանի դեմ քրգործ հարուցելու մասին

38
(Թարմացված է 22:58 03.03.2021)
Քաղտեխնոլոգ Արմեն Բադալյանի հետ Sputnik Արմենիայի եթերում զրուցել ենք Հայրենիքի փրկության շարժման վարչապետի միասնական թեկնածու Վազգեն Մանուկյանի դեմ քրեական գործ հարուցելու և դրա իրավաչափության մասին։

 

Ընդդիմության ղեկավարները իշխող ուժի կողմից միշտ էլ ենթարկվել են քրեական հալածանքների. Բադալյան

Վազգեն Մանուկյանն այս պահի դրությամբ իշխող քաղաքական թիմի, մասնավորապես Նիկոլ Փաշինյանի թիվ մեկ մրցակիցն է, և բնական է, որ այս ընթացքում վարչապետը պետք է փորձի, քրեական գործ հարուցելով, չեզոքացնել նրան։ Sputnik Արմենիայի հետ զրույցում նման կարծիք հայտնեց քաղտեխնոլոգ Արմեն Բադալյանը։

«Սա նորություն չէ, եթե հիշում եք վերջին 30 տարվա ընթացքում Հայաստանում բազմիցս ընդդիմության ղեկավարներն իշխող քաղաքական ուժերի կողմից ենթարկվել են քրեական հալածանքների»,- ասաց նա։

Թե որքանով է իրավաչափ Հայրենիքի փրկության շարժման վարչապետի թեկնածուի նկատմամբ քրեական գործ  հարուցելը, Բադալյանը դժվարանում է պատասխանել, բայց որ դրանում նաև քաղաքական բաղադրիչ կա, ակնհայտ է։

«Այստեղ նաև քաղաքական տարր կա, որովհետև հիմնական խնդիրն այսօր Հայաստանում ներքաղաքական բարդ գործընթացն է, որտեղ Վազգեն Մանուկյանը 10-րդ կամ 20-րդ նշանակության գործիչը չէ»,- նշեց քաղտեխնոլոգը։

Դիտարկմանը, թե այսկերպ իշխանությունը փորձում է զսպել կամ լռեցնել ընդդիմությանը, Բադալյանը ընդգծեց, որ փողոցային պայքարի դուրս ելած ընդդիմությունն այսօր իրեն այնքան լավ է զսպում, որ իշխանության զսպելու անհրաժեշտություն բոլորովին էլ չի զգացվում։

Հիշեցնենք, որ այսօր` մարտի 3-ին, Բաղրամյան պողոտայում ընթացող հանրահավաքի ժամանակ ՀՅԴ–ական Գեղամ Մանուկյանը հայտնեց, որ շարժման վարչապետի թեկնածու Վազգեն Մանուկյանը ծանուցագիր է ստացել, որում նշված է, որ փետրվարի 20-ին քննչական կոմիտեն Քրեական օրենսգրքի 301–րդ հոդվածը քրեական գործ է հարուցել Մանուկյանի դեմ։

«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին

301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:

38
թեգերը:
Հայրենիքի փրկության շարժում, Նիկոլ Փաշինյան, Քրեական գործ, Վազգեն Մանուկյան, Իշխանություն, ընդդիմություն, Հայաստան
Тигран Кеян

Վարորդները դարձել են «տուգանքի ենթակա իրական մատերիալ». Քեյան

46
(Թարմացված է 15:24 03.03.2021)
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է ԱԺ պատգամավորների կողմից «Պետական տուրքի մասին» ՀՀ օրենքում փոփոխություններ կատարելու առաջարկին, ըստ որի` վարորդները ՃԵԿ խախտումների բողոքարկման համար ստիպված կլինեն պետտուրք վճարել։ 
Քեյան. «Վարորդները դարձել են տուգանքի ենթակա իրական մատերիալ»

Տիգրան Քեյանի դիտարկմամբ` տվյալ պետտուրքի առթիվ իրենք նախկինում էլ առիթ ունեցել են հայտնելու, որ այն հակասահմանադրական քայլ է։ 

«Փորձը ցույց տվեց, որ քաղաքապետարանի ու ՃՈ–ի կողմից բողոքների քննությունը կատարվում է ոչ օբյեկտիվ և ոչ պատշաճ։ Այսինքն կան խնդիրներ, գրվում են նամակներ քաղաքապետարանին, որպեսզի որոշ գործողությունների վերաբերյալ տրամադրեն նյութեր, սակայն պատճառաբանում են, որ համապատասխան նյութեր չունեն կամ էլ տալիս են այնպիսի պատասխան, որը կոնկրետ հարցի հետ կապ չունի»,– ասաց «Վարորդի ընկեր» ՀԿ նախագահը։

Քեյանի համոզմամբ` պետտուրքի սահմանումը վարորդներին զրկել է պաշտպանվելու իրավունքից, և երբ քաղաքացին լսում է, որ 5000 դրամի չափով տուգանքի որոշումը բողոքարկելու համար պետք է վճարի 4000 դրամ պետտուրք, ապա հրաժարվում է բողոքարկումից ու նախընտրում վճարել տուգանքը, հետևաբար չի օգտվում բողոքարկելու իրավունքից։

«Քանի որ պետտուրքի սահմանումից հետո դատական գործերի ծավալները նվազել են, մենք հստակ պատկերն ունենալու նպատակով երկու ամիս առաջ նամակ ենք գրել ոստիկանությանը, որպեսզի ստանանք վիճակագարական վերջին տվյալները։ Այդուհանդերձ կարծում եմ, որ բողոքարկումների թիվը շատ մեծ չէ, կրկնակի նվազած կլինի։ Փաստորեն վարորդների մեծ մասը տուգանքների հետ կապված որոշումները չի բողոքարկում, ինչը պայմանավորված է հենց պետտուրքի առկայության հանգամանքով»,– նշեց «Վարորդի ընկեր» ՀԿ նախագահը։

Քեյանի տեղեկացմամբ՝ եղել են շատ դեպքեր, երբ դատարան դիմած վարորդներն այնուամենայնիվ չեն շահել դատը, բայց և կան դեպքեր, երբ առաջին երկու ատյանների որոշումները բողոքարկելուց հետո վարորդները վճռաբեկ դատարանում շահել են դատը։ Ըստ նրա` նախկինում բողոքների 60 տոկոսից ավելին բեկանվել է, իսկ բողոքներն ընդհանուր կայացված դատական որոշումների մեջ կազմել են մոտ 5 տոկոսը։ 

«Վարորդի ընկեր» ՀԿ նախագահի խոսքով` թեև ասում են, որ վարչարարությունը փոփոխվել է, բայց օրինակ քաղաքապետարանում, ըստ նրա, շարունակում են մասնագիտական որոշումներ կայացնել մակերեսային գիտելիքներով, և զարմանալի է, որ հաշվի չեն նստում Վճռաբեկ դատարանի կոողմից ընդունված որոշումների հետ։ Քեյանի կարծիքով` վարորդները դարձել են տուգանքի ենթակա իրական «մատերիալ», միայն պատժիչ միջոցներ են կիրառվում։ Ըստ նրա` չարժե մարդկանց ծանրաբեռնել անհիմն վարչական ակտերով, հետո պայքարել, որ չբողոքեն դրա դեմ։ 

Տարաները դեռ լիքն են. արտադրողներն այս տարվա համար գյուղացուն մեծ խոստումներ չեն տալիս

Նշենք, որ նոր դրույքաչափերի մասին նախագծերի փաթեթն ընդունվելու դեպքում ուժի մեջ կմտնի պաշտոնական հրապարակման հաջորդ օրը:

46
թեգերը:
Օրենք, Տիգրան Քեյան, վարորդ
Ըստ թեմայի
Գյումրի-Երևան գնացքը հարվածել է գծերի վրա հայտնված մեքենային. վարորդը հիվանդանոցում է
Գյումրիում դանակահարել են շտապօգնության վարորդի. վիճակը ծանր է
Երևանի թիվ 20 պոլիկլինիկայի մոտ ավտոմեքենաներ են բախվել. վարորդներից մեկի վիճակը ծանր է
«Թավշյա հեղափոխության» օրերին

Ինչո՞ւ եղավ «թավշյա հեղափոխությունը». պատասխանում է Ռոբերտ Քոչարյանը

54
(Թարմացված է 13:29 04.03.2021)
ՀՀ երկրորդ նախագահը կարծում է, որ ՀՀԿ-ն կառավարման հարցում սխալներ թույլ է տվել, սակայն «թավշյա հեղափոխությունն» առաջին հերթին պայմանավորված է եղել այլ գործոններով։

ԵՐԵՎԱՆ, 4 մարտի - Sputnik. ՀՀ 3–րդ նախագահ Սերժ Սարգսյանի հետ համագործակցության մասին առանձին բանակցություններ չեն եղել։ Այս մասին այսօր ռուսական լրատվամիջոցների հետ հանդիպմանն ասել է Հայաստանի երկրորդ նախագահ Ռոբերտ Քոչարյանը՝ պատասխանելով Sputnik Արմենիայի հարցին:

Ռոբերտ Քոչարյանը հայտնել է, որ ՀՀԿ-ն մասնակցում է բողոքի ակցիաներին, ընդդիմադիր շարժման մի մասն է, որին ինքն էլ աջակցում է: Այլ ձևաչափով համագործակցության քննարկումներ չեն եղել։

«Առայժմ մենք նման քննարկումներ չենք ունեցել։ Բոլոր կուսակցությունների հետ այդպիսի քննարկումներից զերծ եմ մնում, որպեսզի չընկալվի որպես զուգահեռ գործընթաց»,-նշեց Քոչարյանը։

Ինչ վերաբերում է ՀՀ երրորդ նախագահ Սերժ Սարգսյանի հասցեին հնչած մեղադրանքներին, թե նա Նիկոլ Փաշինյանի իշխանության գալու մեղավորներից մեկն է՝ Քոչարյանը ձեռնպահ մնաց գնահատականներից։

«Մենք միշտ փորձում ենք մեղավորներ փնտրել։ Ինձ համար 2018-ի իրադարձություններն անհասկանալի են։ Չէի  կարծում, որ մեր ժողովրդին հնարավոր է այդպես մանիպուլացնել։ Որ տեխնոլոգիաների կիրառումը կարող է այդքան արդյունավետ ազդել հայ հասարակության վրա»,-ասաց Քոչարյանը։

Մյուս կողմից, նրա խոսքով, ինքը քննադատել է ՀՀԿ-ն այն ժամանակ, երբ այն իշխող կուսակցությունն էր։

Գեներալներն իրենց շատ զուսպ են պահում. Ռոբերտ Քոչարյան

«Կային խնդիրներ, որոնք հանգեցրին այդ գործընթացներին։ Բայց այստեղ ակնհայտ էր նաև տեխնոլոգիաների կիրառումը, աշխարհաքաղաքական բաղկացուցչի առկայությունը, արտաքին, ոչ հայկական ուժերի ակտիվ միջամտությունը»,-նշեց Քոչարյանը։

Հիշեցնենք նաև, որ 2015 թ.-ի դեկտեմբերի 6-ի հանրաքվեի արդյունքով Հայաստանը 2016թ.–ի ապրիլի 9-ին կիսանախագահական կառավարման համակարգից անցում կատարեց խորհրդարանականի: 2008թ.–ից ՀՀ նախագահի պաշտոնը ստանձնած Սերժ Սարգսյանը 2018–ի ապրիլի 17–ին ընտրվեց վարչապետ։ Դրան հաջորդեցին արդեն «թավշյա հեղափոխության» հայտնի իրադարձությունները։

54
թեգերը:
«Թավշյա հեղափոխություն», Նիկոլ Փաշինյան, Սերժ Սարգսյան, Հայաստան, Ռոբերտ Քոչարյան
Ըստ թեմայի
ՀՀ ԶՈւ վերականգնման համար մոտ 3 միլիարդ դոլար է հարկավոր․ Քոչարյան
Սորոսի արժեքները Հայաստանին տանում են ինքնաոչնչացման. ՀՀ երկրորդ նախագահ
Քոչարյանը կարծում է`իր կորոնավիրուսի թեստի պատասխանը կեղծել են, որպեսզի Մոսկվա չմեկնի