Սերոբ Խաչատրյան

Խաչատրյան. «Նախադպրոցական հաստատություններում «յոլա» տանելու ռեժիմ է»

24
(Թարմացված է 01:35 12.02.2020)
Կրթության հարցերի փորձագետ Սերոբ Խաչատրյանը Sputnik Արմենիայի եթերում խոսել է նախադպրոցական կրթության նախագծի որոշ դրույթների մասին և անդրադարձել ծրագրի իրականացման ռեսուրսի համաչափության խնդրին։

Կրթության հարցերի փորձագետ Սերոբ Խաչատրյանը կարծում է, որ այս պահին ՀՀ կրթության, գիտության, մշակույթի և սպորտի նախարարության ներկայացրած՝ «Նախադպրոցական կրթության մասին» ՀՀ օրենքում փոփոխություն կատարելու մասին նախագծի և դրա իրականացման համար նախատեսված ռեսուրսի համաչափություն չի տեսնում։ Ըստ նրա` քայլը դրական է, բայց որպեսզի ծրագիրը նորմալ իրականացվի, մանկապարտեզները համապատասխան հաստիքներ պետք է ունենան։ 

«Եթե օրինակ անցնում ենք ներառական կրթության, բայց չենք ունենալու նորմալ հոգեբաններ, սոցիալական մանկավարժներ, լոգոպետներ, մասնագետներ, որոնք կաշխատեն խնդիրներ ունեցող երեխաների հետ, ապա այդ դեպքում չենք հաջողի»,– ասաց փորձագետը։ 

Խաչատրյանի դիտարկմամբ` եթե դպրոցներում որակի հարց է դրվում, բայց մանկավարժներին չեն աջակցում, նոր խնդիրներն անխուսափելի են, մինչդեռ նախադպրոցական կրթության վրա չպետք է միջոցներ ափսոսալ։

Ըստ նրա` եթե մի քանի միլիարդ դրամ կարողանում ենք հատկացնել հանրաքվեի ու նմանատիպ գործընթացների համար, ապա ինչու չենք կարող ներդրում կատարել մեր երեխաների ապագայի համար։ 

«Եթե ամեն օր դասեր են տեղի ունենում, դեռ չի նշանակում, որ ունենք համակարգ». Խաչատրյան

«Հատուկ եմ շեշտում ներդրում բառը, քանզի ապացուցված է, որ նախադպրոցական կրթության վրա ծախսված յուրաքանչյուր դոլարը երկրի տնտեսությանն ապագայում բերում է տասը դոլար»,– պարզաբանեց փորձագետը։ 

Խաչատրյանի խոսքով` եթե ուզում ենք 10-20 տարի հետո լավ տնտեսություն ունենալ, պետք է անպայման մանկապարտեզների վրա ներդրում անենք, մինչդեռ նախադպրոցական կրթության առումով այն, ինչ ունենք այսօր, «յոլա» տանելու ռեժիմ է` ցածր վարձատրվող աշխատանք, որը մարդիկ անում են նվիրումով, ոմանք էլ տանից դուրս գալու համար։ Ունենք պրոֆեսիոնալիզմի պակաս, իսկ համակարգը չի աջակցում մարդկանց։

   

Նշենք, որ կառավարությունը հավանություն է տվել ՀՀ կրթության, գիտության, մշակույթի և սպորտի նախարարության ներկայացրած՝ «Նախադպրոցական կրթության մասին» ՀՀ օրենքում փոփոխություն կատարելու մասին առաջարկությանը:

Կանգնել «տաբուրետկայի՞ն», թե՞ համբերել. Անափիոսյանը` կրթական համակարգի բարեփոխման մասին

Նախարար Արայիկ Հարությունյանը, ներկայացնելով առաջարկվող փոփոխությունները, նշել է, որ նախադպրոցական կրթությունը երեխաների զարգացման գործընթացում առաջնային օղակ է ու նաև երկարաժամկետ դրական ազդեցություն է ունենում հասարակության և տնտեսության վրա:

24
թեգերը:
Սերոբ Խաչատրյան, Արայիկ Հարությունյան, Կրթության, գիտության, մշակույթի և սպորտի նախարարություն (ԿԳՄՍ), Հայաստան
Ըստ թեմայի
Թամադաներ պատրաստող կրթական համակարգը փոխարինել ինժեներներ պատրաստող համակարգով. Փաշինյան
Երևանի դպրոցներում նոր կանոններ կգործեն. կհսկվեն հաճախումները և ոչ միայն
Առաջինը Հայաստանում. «ապագայի ինտերնետի» թեստային կենտրոն կբացվի Երևանում
Լինել թափանցիկ ու վստահելի. իշխանությունը որոշել է` ինչպես ծախսել բյուջեն մինչև 2023թ.–ը

sys_stories