Հովհաննես Ավետիսյան

Ավետիսյան. «Հանրաքվեն «Իմ քայլի» համար պատասխանատվությունից խուսափելու պատրվակ է»

223
(Թարմացված է 19:09 10.02.2020)
Հանրային կառավարման հարցերի փորձագետ Հովհաննես Ավետիսյանը կարծում է, որ իշխանությունն ապագայի առումով գնահատականներ ստանալու պահանջ և ինչ-որ գործընթացների հանդեպ վախեր ունի:
Ավետիսյան. «Հանրաքվեն «Իմ քայլի» համար պատասխանատվությունից հեռանալու պատրվակ է»

ը վստահեցրեց, որ երբ մարդիկ ընտրում էին «Իմ քայլը» դաշինքին, ակնկալում էին, որ այդ քաղաքական միավորը պետք է զբաղվի իրենց խնդիրներով, ոչ թե ամեն անգամ դիմի ժողովրդին ու առաջարկի հանրաքվեի միջոցով լուծել խնդիրը: Նա իր դիտարկումները ներկայացրեց Sputnik Արմենիային` անդրադառնալով Հայաստանում հանրաքվե անցկացնելու թեմային։

«Ի սկզբանե սա «Իմ քայլի» համար պատասխանատվությունից հեռանալու պատրվակ է, պատասխանատվություն չստանձնելու քայլ է իր իսկ նախաձեռնած գործողությունների հանդեպ, որ եթե ապագայում նույնիսկ հարց առաջանա, թե արդյո՞ք քայլն արդարացված էր իրավական, քաղաքական և այլ տեսանկյուններից, ոտնձգություն չէ՞ր իշխանության մյուս թևի հանդեպ, և որպեսզի նման կասկածները փարատվեն, ԱԺ-ն ինքնուրույն որոշում չի կայացնում և պատասխանատվություն չի ստանձնում»,- նշեց փորձագետը:

Հովհաննես Ավետիսյանի դիտարկմամբ՝ իշխանության մյուս երկու թևերում էլ գործում են նախկին իշխանության ներկայացուցիչները, ու քանի դեռ չեն հակադրվում իշխանությանը, հանգիստ նստած են իրենց տեղում, մինչդեռ ՍԴ-ն որոշ դրվագներով հակադրվեց, հետևաբար դարձավ շեշտված հակառակորդ: Այսինքն՝ հեղափոխությունն, ըստ Ավետիսյանի, երբ պետք է, նախկինների դեմ աշխատում է, երբ պետք չէ, չի աշխատում, հետևաբար հեղափոխություն տեղի ունեցավ միայն իշխանության մասով, բայց համակարգը պահպանվեց, Սահմանադրությունն ու Ընտրական օրենսգիրքն էլ նույնն են:

«Իմ քայլը» խախտել է մի շարք օրենքներ. Անի Սամսոնյանը`ՍԴ փոփոխությունների նախագծի մասին

«Այս պահին ձեռնտու է հանրաքվեն ներկայացնել որպես ուղիղ ժողովրդավարության կիրառում, բայց իրականում իշխանությունը տեսնում է ռիսկեր, որովհետև այստեղ ի սկզբանե կար միջամտություն դատական թևի գործերին»,- նշում է փորձագետը:

Ավետիսյանին հետաքրքրում է` նախապես խոսում էին վեթինգի մասին, ինչո՞ւ կասեցրին այդ գործընթացը և այժմ չեն կիրառում ՍԴ անդամների և առհասարակ դատական համակարգի հանդեպ:

Ըստ նրա՝ եթե մաքրման գործընթացը կայանար, ժողովուրդը կհամոզվեր, որ հետայսու իշխանության թևերը կներկայացնեին արդար, անաչառ ու չկոռումպացված անհատները: Իսկ նման խնդիրների լուծման ձգձգումը կամ ի շահ իրենց պատեհ առիթի դեպքում լուծելն արդար չէ առաջին հերթին ժողովրդի հանդեպ և պետության հանդեպ ընդհանրապես:

Նշենք, որ Հայաստանում այս տարվա ապրիլի 5-ին սահմանադրական բարեփոխումների հանրաքվե կանցկացվի։ Հանրաքվեն, ըստ էության, ՀՀ քաղաքացիներին առաջարկում է պատասխանել այն հարցին` արժե՞ արդյոք դադարեցնել մինչև 2015 թվականի սահմանադրական բարեփոխումները, այսինքն` նախկին իշխանության օրոք նշանակված ՍԴ նախագահի և նրա անդամների լիազորությունները։ Այս փոփոխությունները չեն առնչվում ՍԴ գործող 9 դատավորներից միայն երկուսին` Վահե Գրիգորյանին և Արմեն Դիլանյանին։ Մյուս 7-ը, այդ թվում ՍԴ նախագահ Հրայր Թովմասյանը, ՍԴ անդամ են դարձել մայր օրենքի 1995 և 2005 թվականներին խմբագրված դրույթների համաձայն։

Բադասյանը հանրաքվեի թեմայով խոսել է Վենետիկի հանձնաժողովի նախագահի հետ

223
թեգերը:
Հովհաննես Ավետիսյան, «Իմ քայլը» խմբակցություն, հանրաքվե, Հայաստան
Ըստ թեմայի
«Սպառնալիքներ եմ ստանում». Էդմոն Մարուքյանն ահազանգում է
«Երկիրը բաժանված է նախկինների և ներկաների միջև, իսկ հասարակությունը դժգոհ է». Անտինյան
«ԵԽԽՎ-ն կարող է Հայաստանի դեմ բանաձև ընդունել». Դանիելյանը` ՍԴ–իշխանություն վեճի մասին
Թաթուլ Մանասերյան

Գնաճը Հայաստանում դուրս է եկել վերահսկողությունից. տնտեսագետ     

102
(Թարմացված է 23:43 26.07.2021)
«Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը Sputnik Արմենիայի եթերում անդրադարձել է տնտեսական միտումներին և երկնիշ տնտեսական աճի հավանականությանը։ 

 

Մանասերյան. «Գնաճը Հայաստանում դուրս է եկել վերահսկողությունից»

Թաթուլ Մանասերյանի դիտարկմամբ` տնտեսական աճն իհարկե ցանկալի է, բայց դրա համար պետք է լինեն հիմնավոր նախադրյալներ, իսկ միտումները` հուսադրող, մինչդեռ այն, ինչ ունենք մինչ օրս` իներցիոն տնտեսության, այսինքն` իներցիոն զարգացման արդյունքն է, իսկ իշխանությունները փորձում են իրենց վերագրել գյուղացու, բանվորի, մասնավոր ձեռներեցի հաջողությունները` ասելով, որ որոշակի արդյունքներ են գրանցել։  

 

«Անգամ սկսել են խոսել աննախադեպ աշխատատեղերի մասին, ինչն ամոթ է, քանզի չկա որևէ ուղղություն, որտեղ լինի տնտեսական քաղաքականություն և մենք ասենք, որ մշակվել է համապատասխան հայեցակարգ և իրականացվել կյանքում։ Ամենակարևորն այն է, որ մեր ազգաբնակչության կեսից ավելին գյուղական բնակավայրերում է ապրում և աշխատում, բայց գյուղատնտեսության ոլորտն այնքան է արհամարված, որ չկա գյուղնախարարություն, չկա ագրարային քաղաքականություն, և եթե այս ամբողջ համապատկերում գյուղացին կարողանում է նույնիսկ նման բնակլիմայական պայմաններում ինչ–ինչ արդյունքներ ստանալ, ապա պետությունը չի զլանում դա իրեն վերագրել»,– ասաց տնտեսագետը։

Մանասերյանը կասկածանքով արտահայտվեց երկնիշ տնտեսական աճի հեռանկարի մասին` նշելով, որ բարոյական չէ նման կանխատեսումներ անել, երբ տնտեսությունը գտնվում է անկազմակերպ վիճակում։ Տնտեսագետը վկայակոչեց երկու հիմնական հանգամանք։

Նախ` անցյալ տարի մենք ունեցանք բավականին լուրջ տնտեսական անկում և այդ ֆոնին ինչ–որ գրանցվում է, դա նույնիսկ չի բերել վերականգնողական մակարդակին, ինչ որ եղել է մինչև անկումը։

Գնաճը Հայաստանում միջազգայինից կրկնակի բարձր տեմպ ունի. ինչ է փորձում կոծկել իշխանությունը

Եվ երկրորդ` համավարակը հարվածեց հենց աշխատատեղերին և շփումը նվազագույնի հասցնելու համար բազմաթիվ աշխատատեղեր փակվեցին։ 

«Այժմ մենք ունենք մտահոգիչ մակարդակի վրա գտնվող գնաճ, մինչդեռ բնակչության եկամուտներն այդ գնաճին ուղղակի անհամադրելի են, գնաճը կրկնակի անգամ ավելի շատ է, քան եկամուտների աճը, ուստի նման պայմաններում մի կողմից պրոֆեսիոնալ չեմ համարում երկնիշ տնտեսական աճին վերաբերող արտահայտությունները, մյուս կողմից բարոյական չեմ համարում»– ասաց տնտեսագետը։

Մանասերյանի խոսքով`գնաճը Հայաստանում դուրս է եկել վերահսկողությունից, սակայն միջազգային պրակտիկայում այն կառավարելի է, եթե պետությունն իր տեղում է, իրականացնում է մոնիթորինգ, իսկ հետո օգտագործում վերահսկողական գործառույթներ։ Ըստ նրա` մեզանում նման բան չկա և միայն  ԿԲ–ի վրա գների կայունության ապահովման խնդիրը թողնելն արդարացի չէ։

Տնտեսագետի խոսքով` երբ տարեսկզբին միլիարդավոր դոլարի ներդրումների մասին էին խոսում, մինչև այս տարեվերջ գոնե մի քանի միլիոն դոլարի ներդրումներ արդեն իսկ պետք է եղած լինեին, մինչդեռ հիմա ունենք բացասական հաշվեկշիռ, այսինքն` փողը ոչ թե մտնում, այլ դուրս է գալիս Հայաստանից։  

Նշենք, որ Ազգային վիճակագրական ծառայության տվյալների համաձայն` 2021 թվականի հունվար-հունիս ամիսներին 2020 թվականի նույն ժամանակահատվածի համեմատ միջին գները (ՍԳԻ) աճել են 5,7 տոկոսով, իսկ տնտեսական ակտիվության ցուցանիշը (ՏԱՑ)՝ 5 տոկոսով։

Արդյունաբերական արտադրանքի միջին գներն աճել են 10 տոկոսով, իսկ արդյունաբերական արտադրանքի ծավալը (ընթացիկ գներով արտահայտված) աճել է ընդամենը 2,1 տոկոսով։

Սննդամթերքի միջին գներն աճել են 8 տոկոսով, իսկ ընթացիկ գներով արտահայտված ծառայությունների ծավալն աճել է ընդամենը 2,7 տոկոսով, առևտրի շրջանառությունը՝ 8 տոկոսով:

«Միտումները ցույց են տալիս, որ գործ կունենանք գնաճային լուրջ ալիքի հետ». տնտեսագետ

102
թեգերը:
Թաթուլ Մանասերյան, տնտեսություն, Հայաստան, գնաճ
Ըստ թեմայի
Հետընտրական շոու, կամ ինչի մասին է խոսում Հայաստանում Ադրբեջանի դրոշով ապրանքի հայտնվելը
Հայաստանը պետք է օգտագործի վետոյի իրավունքը. ԵԱՏՄ–ին Ադրբեջանի անդամակցելը մեզ ոչինչ չի տա
Կենտրոնական բանկում կստեղծվի ՀՀ բոլոր բանկային հաշիվների կենտրոնացված ռեեստր
Արա Ղազարյան

Ընտրովի արդարադատությո՞ւն. ինչո՞ւ է ԱԱԾ-ն առգրավել Վերաքննիչի համակարգիչները

62
(Թարմացված է 22:33 26.07.2021)
ՍԴ աշխատակազմի նախկին ղեկավար, փաստաբան Արա Ղազարյանը Sputnik Արմենիայի եթերում նշել է, որ չնայած դիմադրությանը` վերջին 1-2 տարվա ընթացքում դատական համակարգի նկատմամբ ճնշումները մեծանում են։
ԱԱԾ-ն պետք է շուտ վերադրաձնի համակարգիչները. Ղազարյանը` Վերաքննիչից առգրավված համակարգիչների մասին

ԱԱԾ-ն օր առաջ պետք է վերադարձնի Վերաքննիչ քրեական դատարանից առգրաված համակարգիչները։ Sputnik Արմենիայի հետ զրույցում նման կարծիք հայտնեց ՍԴ աշխատակազմի նախկին ղեկավար, փաստաբան Արա Ղազարյանը։

«Ընդհանրապես համակարգիչ առգրավելն արդեն իսկ խնդիր է։ Հնարավորինս պետք է զերծ մնալ նման գործողություններից, այլ միջոցներ ձեռնարկել, ոչ թե գալ, համակարգիչը վարդակից անջատել, ամբողջությամբ վերցնել, տանել»,- ասաց նա։ 

Ղազարյանի խոսքով` քրեական դատավարության մեջ գորյություն ունի համարժեքության սկզբունք. եթե կարելի է այլ միջոցներով իմֆորմացիա ստանալ, պետք է առաջին հերթին դա անել, մանավանդ, երբ խոսքը վերաբերում է իշխանությունների տարանջատման սկզբունքին։ 

«Գործադիրը չպետք է տրվի գայթակղությանը, որ ինքն ուժ ունի, իսկ դատական համակարգը չունի ուժ։ Ինֆորմացիայի համար ԱԱԾ-ն կարող է դիմել և այդ իմֆորմացիան ստանալ։ Անհամարժեք կոշտ միջոց է սա`ուղղակի մտնել համակարգիչներ վերցնել, տանելը։ Դրա համար կարելի էր դիմել դատական համակարգին, խնդրել տեղեկություններ տրամադրել, ասենք` ԲԴԽ-ի միջոցով»,- նշեց նա։

Ղազարյանն ասում է`դատական գործերը, կալանավորումների բողոքարկման դիմումները ոչ համակարգչային համակարգով մակագրելու մեխանիզմը կիրառելի է, սակայն դատարաններում համակարգչային տեխնիկայով մակագրումների պրակտիկան ներդրվել է, որ մակագրումներն արվեն ըստ գործերի հաջորդականության, և ոչ թե կոնկրետ գործով կոնկրետ դատավոր «ընտրեն»։

ԱԱԾ-ն ներխուժել է վերաքննիչ դատարան. ԶԼՄ

Փաստաբանի կարծիքով`այստեղ բախվում են դատարանի անաչառության, անկողմնակալության խնդրի հետ։ 

Նրա համոզմամբ` 2004 թվականից սկսած, երբ դատական համակարգն առանձնացվեց արդարադատության նախարարությունից, դատարաններն սկսեցին անկախանալ և չենթարկվել գործադիրի ճնշումներին։ Նրա խոսքով` չնայած դիմադրությանը` վերջին 1-2 տարիներին ճնշումներն էլ դատական համակարգի նկատմամբ մեծանում են։

Հիշեցնենք` հուլիսի 22-ին տեղեկություն տարածվեց, որ ներազգային անվտանգության ծառայության աշխատակիցները մտել են Վերաքննիչ քրեական դատարանի շենք և մի քանի համակարգիչներ առգրավել։ 

Պատճառը, ըստ տեղեկությունների, ԱԱԾ-ում հարուցված քրեական գործն է, որը վերաբերում է դատական գործերի մակագրմանը: Ստացված տեղեկությունների համաձայն՝ ԱԱԾ աշխատակիցներն առգրավել են նաև համակարգիչը, որով գործերն ավտոմատ համակարգի միջոցով մակագրվում էին դատավորներին։

Դատավորները վախեցան ասֆալտին փռվելուց. դաշինքները՝ ՍԴ որոշման մասին

62
թեգերը:
Արա Ղազարյան (սահմանադրագետ), Դատարան, համակարգիչ, ՀՀ ազգային անվտանգության ծառայություն. ԱԱԾ
Ըստ թեմայի
Փաստաբանների պալատը պատրաստ է իրավաբանական օգնություն տրամադրել հայ ռազմագերիներին
Քաղաքական բում, թե ձայների փոշիացում. ՀՀ–ում շուրջ 2 տասնյակ նոր կուսակցություն կստեղծվի
Ո՞րը կլիներ Արա Այվազյանի ճիշտ քայլը. Ղազարյանը` ԱԳՆ–ում ստեղծված ճգնաժամի մասին
Մանվել Փարամազյան

Քաջարանի համայնքապետը կմնա կալանքի տակ. դատարանը որոշում է կայացրել

18
(Թարմացված է 13:51 27.07.2021)
Դատավոր Արմեն Դանիելյանը Մանվել Փարամազյանի կալանքի վերաբերյալ որոշումը հրապարակել է առանց փաստաբանների ներկայության։

ԵՐԵՎԱՆ, 27 հուլիսի – Sputnik. Քաջարանի համայնքապետ Մանվել Փարամազյանը կմնա կալանքի տակ։ Sputnik Արմենիայի հետ զրույցում տեղեկությունը հայտնեց Փարամազյանի պաշտպան Երվանդ Վարոսյանը։

«Վերաքննիչ դատարանի դատավոր Արմեն Դանիելյանը երեկ մերժեց մեր կողմից ներկայացրած` դատավորի ինքնաբացարկի միջնորդությունը։ Դրանից հետո մենք`  պաշտպաններս, լքեցինք դատարանի դահլիճը, իսկ  հետո դատավորը շարունակեց նիստը և հրապարակեց որոշումը: Եթե մեզ համար սպասելի չլիներ այս որոշումը, դահլիճից դուրս չէինք գա»,–ասաց Վարոսյանը։

Նրա խոսքով` դատավոր Արմեն Դանիելյանի պարագայում օրինական որոշում ակնկալելը միամտություն կլիներ։

Նշենք, որ Քաջարանի քաղաքապետ Մանվել Փարամազյանը կալանավորվել է հուլիսի 10-ին՝ երկու ամիս ժամկետով։ Նրան մեղադրանք է առաջադրվել ՀՀ քրեական օրենսգրքի 38-178-րդ հոդվածի (խարդախության օժանդակելը կամ կազմակերպելը), 311-րդ հոդվածի (կաշառք ստանալը) և 154.2-րդ հոդվածի (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը) հատկանիշներով։

Փարամազյանն առաջադրված մեղադրանքները չի ընդունում. գտնում է, որ այս ամենն իր նկատմամբ սանձազերծված քաղաքական հետապնդման շղթայի մի մասն է:

18
թեգերը:
կալանք, Դատարան, Մանվել Փարամազյան, համայնքի ղեկավար, Քաջարան
Ըստ թեմայի
Խոտ էր, սահմանը չէր երևում. Սյունիքի Տեղ գյուղում 2 կմ–անոց սահման է գծվել
ՀՀ Սյունիքի մարզպետ Մելիքսեթ Պողոսյանի որդու նկատմամբ հետախուզում է հայտարարվել. ՔԿ
Եթե Սյունիքի համայնքապետներին ազատ չարձակեն, «Հայաստան» դաշինքը միջոցներ կձեռնարկի