Էդուրադ Անտինյան

«Երկիրը բաժանված է նախկինների և ներկաների միջև, իսկ հասարակությունը դժգոհ է». Անտինյան

203
(Թարմացված է 12:35 12.02.2020)
Սահմանադրության փոփոխությունների նախագիծը հանրաքվեի դնելու որոշման մասին Sputnik Արմենիային իր կարծիքն է հայտնել «Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը:

 

Անտինյանի դիտարկմամբ՝ առաջարկվածը լավագույն  տարբերակը չէ։ Բայց պետք է նկատի ունենալ մի հանգամանք: Հատկապես նախկին իշխանությունների ներկայացուցիչները շատ են խոսում, որ սա հակասահմանադրական քայլ է։ «Սակայն չմոռանանք, որ նույն մարդիկ այն ժամանակ էլ խոսում էին, բայց Փաշինյանը հակասահմանադրական տարբերակով վերցրեց գործադիրը, հակասահմանադրական ճանապարհով ու ճնշում գործադրելով ԱԺ-ի վրա՝ Փաշինյանն ընտրվեց վարչապետ, հետո արձակեցին խորհրդարանը, և ձևավորվեց նորը: Եվ այդ մարդիկ այս ամենում մեղսակից եղան նրան»,–ասում է  Անտինյանը։

Քաղաքագետի խոսքով`միջազգային կառույցներն էլ նախկիններին մեղադրում են ՀՀ գործադիր և օրենսդիր իշխանություններում կատարվածի մեղսակցության մեջ։

«Նրանք էլ պատասխանում են՝ բա հո ժողովրդին դեմ չէի՞նք գնալու: Փաստորեն նախկինները նույնպես հենվում էին ոչ թե օրենքի, այլ ժողովրդի վրա: Նրանք հեշտությամբ հանձնեցին գործադիրն ու օրենսդիրը, կողմ քվեարկեցին Փաշինյանին և հիմա սկզբունքորեն պայքար են մղում ՍԴ-ի համար»,- նշում է քաղաքագետը:

Էդուարդ Անտինյանի կարծիքով՝ իշխանությունները վստահաբար առաջարկում  են գնալ հանրաքվեի, մինչդեռ հասարակությանը դրված հարցը գրեթե չի հետաքրքրում:  Ըստ նրա՝ մեր ժողովրդի դարդն ու ցավը հաստատ այն չէ, թե ով է ՍԴ նախագահը, որպեսզի մասնակցի հանրաքվեին, գնա ու քվեարկի: Իսկ իշխանությունը շատ վստահ է իր ուժերին:

«Մեզ մոտ առաջացել է մի աբսուրդ բան. ոչ թե ինստիտուտներն են իրար հակակշռում կամ փոխլրացնում, այլ գործադիրն ու օրենսդիրը գտնվում են նոր իշխանության ձեռքում, դատականը գտնվում է նախկին իշխանության ազդեցության տակ, չորրորդ իշխանության 90 տոկոսը` նույնպես: Մենք սա՞ ենք համարում հակակշիռ»,- տարակուսում է քաղաքագետը:

«Օպերա լսեք, հանգստացեք». Նիկոլ Փաշինյանը խոսեց նախագահի որոշման մասին

Էդուարդ Անտինյանի գնահատմամբ՝ երկիրը բաժանված է նախկին ու ներկա իշխանությունների միջև, իսկ հասարակության մեջ միայն նախկիններն ու ներկաները չեն: Հասարակությունը դժգոհ է այս իրավիճակից: Ըստ նրա՝ իշխանությունը ՍԴ-ի դեմ կիրառում է մտրակի ու քաղցրաբլիթի քաղաքականություն, մի կողմից ճնշում է գործադրում ՍԴ անդամների վրա, մյուս կողմից` առաջարկում շատ արտոնյալ թոշակ, որպեսզի իրենք որոշեն՝ մտրակն են ուզու՞մ, թե՞ քաղցրաբլիթը:

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։

Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահի և անդամների պաշտոնավարումը դադարում է»:

ՀՀ նախագահ Արմեն Սարգսյանը փետրվարի 9–ին ստորագրեց նախագիծը։ Սահմանադրական փոփոխությունների նախագիծը հանրաքվեի կդրվեի ապրիլի 5–ին։

 

203
թեգերը:
հանրաքվե, Սահմանադրական դատարան, ընդդիմություն, Իշխանություն
Ըստ թեմայի
«Այս օրերին ԱԺ-ում անկազմակերպ և խուճապային իրավիճակ էր». Սամսոնյան
«Սպառնալիքներ եմ ստանում». Էդմոն Մարուքյանն ահազանգում է
«Նա չի կարող ուղղակի ասել` ես չեմ ստորագրում». Արմեն Սարգսյանի վերջնաժամկետը երեքշաբթին է

sys_stories