Գրիգոր Բալասանյան

Բալասանյան. «Դաշնակիցների հետ լեզու չգտնող Թուրքիան ստիպված է լինելու գնալ զիջումների»

278
(Թարմացված է 22:05 08.02.2020)
Փորձագետ, ԵՊՀ Միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը Sputnik Արմենիայի եթերում խոսել է Իդլիբ քաղաքի շուրջ ծավալվող իրադարձությունների մասին:
Բալասանյան. «ՌԴ-ն պահն օգտագործում է՝ վերականգնելու Սիրիայի տարածքային ամբողջականությունը»

Թուրքիան իր մասով ստանձնած պարտավորությունները թերանում է կատարել. պայմանը, որ կար Սիրիայի հյուսիսարևմտյան հատվածից քրդական զինված խմբավորումները հետ քաշելու վերաբերյալ, չի պահպանվում: Ըստ այդ պայմանի` պետք է իրականացվեր համատեղ պարեկություն` ի նպաստ կարգուկանոնի հաստատման ու խաղաղության պահպանման։ Sputnik Արմենիայի հետ զրույցում նման տեսակետ հայտնեց փորձագետ, ԵՊՀ Միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը։ 

Սիրիայում հայ զինծառայող է զոհվել. լուսանկար

«Վերջին շրջանում շատացել են Իդլիբի կողմից հարձակումները Հալեպի, Դամասկոսի վրա և արդեն սկսել են սպառնալ նաև ռուսական ռազմաբազային, ինչը Ռուսաստանը բնավ չի կարող հանդուրժել: ՌԴ-ն իր հերթին շատ լավ օգտագործում է հնարավորությունը՝ քաջ գիտակցելով, որ այսօր իր դաշնակիցների հետ ընդհանուր լեզու չգտնող Թուրքիան ստիպված է լինելու գնալ զիջումների: ՌԴ-ն նաև օգտագործում է պահը, որպեսզի Ասադի հետ վերջնականապես վերականգնի Սիրիայի տարածքային ամբողջականությունն ու Իդլիբում այսպես կոչված պրոթուրքական ուժերին, բայց իրականում ահաբեկիչներին մաքրի Սիրիայի հողից»,- նշում է փորձագետը: 

Գրիգոր Բալասանյանի փոխանցմամբ՝ Թուրքիան չի թաքցնում իր նկրտումները և հայտարարել է, որ Հալեպի նահանգը ժամանակին պատկանել է Օսմանյան կայսրությանը, և ժամանակն է, որ այդ «պատմական արդարությունը» վերականգնվի: Այդ նպատակով էլ Թուրքիան վերջերս փորձեց բավականին ակտիվ դերակատարություն ունենալ մերձավորարևելյան տարածաշրջանում և Լիբիայում՝ քաջ գիտակցելով, որ Ասադի ու Սիրիայի դաշնակիցներից մեկն էլ Ռուսաստանն է:

Ապրելու նոր հնարավորություն. Իդլիբում ուժի է մեջ է մտել հրադադարի ռեժիմը

ՌԴ-ն, ըստ փորձագետի, բնականաբար, չի ներում Թուրքիային, հետևաբար, հնարավորություն է առաջանում Իդլիբի միջոցավ պատասխանել Թուրքիային ու տպավորություն ստեղծել միջազգային հանրության առջև, որ խոսքը ոչ թե ռուս-թուրքական բախման մասին է, այլ ահաբեկչության դեմ պայքարի շրջանակում Սիրիայի տարածքային ամբողջականության վերականգնում է: 

Գրիգոր Բալասանյանը չի կարծում, որ այս ամենը կատարվում է ԱՄՆ-ի լուռ համաձայնությամբ, որովհետև Միացյալ նահանգներն ամեն դեպքում նույնպես շահագրգռված է նրանում, որ Թուրքիան մերձավորարևելյան տարածաշրջանում չստանձնի ավելի մեծ դեր, քան պետք է ունենա այս պահին:

Թուրքիան չի կատարում իր պարտականությունները Սիրիայի մասով. Իդլիբ շրջանի ղեկավար

278
թեգերը:
քուրդ, Գրիգոր Բալասանյան, ԱՄՆ, Ռուսաստան, Սիրիա, Թուրքիա
Ըստ թեմայի
Սիրիական հանգույց․ ինչ հետևանքներ կունենա թուրքական զորքերի մուտքն Իդլիբ
Էրդողանն «արգելել է քննադատել». Թուրքիան գործողություններ է սկսել սիրիական Իդլիբում
Սիրիայի Իդլիբում հայ կնոջ են սպանել. նրա մասնատված դին գտել են ամայի դաշտում
«Իդլիբի գործընթացներում շատ կարևոր դեր ունի քարոզչական հարթությունը». Արմեն Պետրոսյան
Արմեն Քթոյան

Առաջատարների հարցում իրավիճակը փոխվում է. տնտեսագետը` խոշոր հարկատուների մասին

11
Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանը Sputnik Արմենիայի եթերում անդրադարձել է Հայաստանի 1000 խոշոր հարկատուների տասնյակում ընդգրկված ընկերությունների գործունեությանն ու ոլորտային նկարագրին։
Քթոյան. «Խոշոր հարկատուների տասնյակում թուլացել է բնական մենաշնորհների դերակատարումը»

Արմեն Քթոյանի դիտարկմամբ`  թեև 1000 խոշոր հարկատուների տասնյակի փոփոխությունն ընդգծված որակական տարբերություններ չի բնութագրում, բայց եթե համեմատենք 2018, 2019 թվականների միտումները, ապա զուտ տասնյակի կողմից վճարված հարկերի ընդհանուր մեծության առումով կա որոշակի աճ։ 

«Խոշոր հարկատուների առաջին տասնյակը վճարել է նույնքան հարկ, որքան նախորդ տարի, իսկ եթե փորձենք մասնակիցների առումով որակական տարբերություններ կամ տեղաշարժ տեսնել, ապա իմ կարծիքով ուշադրության է արժանի այն հանգամանքը, որ օրինակ վերջին տարիների ընթացքում տասնայկի մեջ որոշակիորեն թուլանում է ենթակառուցվածքային կազմակերպությունների կամ բնական մենաշնորհների դերակատարումը»,– նշեց տնտեսագետը։ 

Քթոյանը մատնանշեց այն իրողությունը, որ տարիներ շարունակ «Գազպրոմ Արմենիայի» և ՀԷՑ–երի սպառողների շրջանակն ամբողջ Հայաստանի Հանրապետության բնակչությունն է, ուստի նրանք ավանդաբար վճարում են շատ հարկեր և ցուցակի ակնհայտ առաջատարներից էին, բայց հիմա իրավիճակն աստիճանաբար փոխվում է։

«Նախկինում անվիճելի առաջատարներ էին հանդիսանում հանքարդյունաբերական ընկերությունները, բայց այստեղ վերջին տարիների ընթացքում նրանց հետ հաջողությամբ մրցակցում են նաև որոշ արտադրողներ, ինչպես օրինակ` «Գրանտ Տոբակոն», որն այս տարվա ցուցակում արդեն զբաղեցնում է առաջին հորիզոնականը։ Նախկինում անվերապահ առաջատարների մի բնորոշ գիծ կար. դրանք ենթակառուցվածքային կազմակերպություններ էին, առաջատարի համարում ունեին, որովհետև զբաղվում էին ներմուծմամբ և արտահանող կազմակերպություններ գրեթե չկային, կամ քիչ կային, մինչդեռ հիմա արտահանողների դերը փոքր ինչ ավելի ակնառու է»,– նշեց տնտեսագետը։

Հարկատուներից շատերն այս տարի չեն վճարել զինծառայողների հիմնադրամի 1000 դրամները

Քթոյանի գնահատմամբ` այդուհանդերձ խոշոր հարկատուների տասնյակն ընդհանուր առմամբ շատ խորքային պատկերացում չի կարող տալ մեր տնտեսության մեջ տեղի ունեցող գործընթացների մասին, թեև կարելի է որոշ ենթադրություններ անել, որոնք բնականաբար հետագա ճշգրտումների կամ ավելի խորը, բովանդակային հետազոտության կարիք ունեն։          

11
թեգերը:
տնտեսագետ, Հայաստան, հարկային օրենսգիրք, խոշոր հարկատու
Սերոբ Անտինյան

Ինչու են պրոֆեսիոնալները խուսափում պետական կառավարման համակարգում պաշտոն ստանձնելուց

103
(Թարմացված է 22:55 19.01.2021)
Հանրային կառավարման փորձագետ Սերոբ Անտինյանը Sputnik Արմենիայի եթերում անդրադարձել է իշխանական թևում իրականացվող կադրային փոփոխություններին և պարզաբանել, թե ինչու են պրոֆեսիոնալ կադրերը խուսափում որևէ պատասխանատու պաշտոնում նշանակվելուց։
Պրոֆեսիոնալները ձեռնպահ են մնում պետական համակարգում պաշտոն ստանձնելուց. Սերոբ Անտինյանը մեկնաբանում է` ինչու

Հանրային կառավարման տեսանկյունից հաճախակի պաշտոնանկություններն ու նշանակումները հատկապես քաղաքական և հայեցողական բարձր պաշտոններում, մեղմ ասած, ողջունելի չեն։ Սա խոսում է ներկայիս կառավարման համակարգի լրջագույն խնդիրների մասին։ Sputnik Արմենիայի հետ զրույցում նման կարծիք հայտնեց կառավարման փորձագետ Սերոբ Անտինյանը` մեկնաբանելով վերջին շրջանում պետական կառավարման համակարգում իրականացվող փոփոխությունները, երբ իշխող թիմի ներկայացուցիչների պաշտոնանկությանը հաջորդում է նրանց մեկ այլ պաշտոնում նշանակելու հրամանը։

«Մեր պետության համար տեղի է ունեցել պետական մասշտաբի աղետ` պատերազմ` պարտության ելքով։ Սա բնականաբար անդրադարձել է պետական կառավարման համակարգի վրա, և այն հայտնվել է լրջագույն ճգնաժամի մեջ»,- ասաց նա։

Լրջագույն ճգնաժամին զուգահեռ իշխող քաղաքական թիմում  նաև կադրային խնդիրներ կան. պրոֆեսիոնալների բացակայությունն ու վստահելի անձանց պակասը միախառնվել են, և ստեղծվել է մի իրավիճակ, որը հաղթահարելու ելքը գործող իշխանությունը տեսնում է միևնույն պաշտոնյային մեկ այլ պաշտոնի նշանակելու մեջ։

Այն, որ պատասխանատու պաշտոններում ոլորտային նեղ մասնագիտացումը պարտադիր է, դրա մասին անգամ խոսք լինել չի կարող, սակայն վերջին շրջանում մենք ականատես ենք լինում նաև քաղաքական կամ հայեցողական պաշտոններում, որոնք այդքան էլ մասնագիտական փորձառություն չեն պահանջում, տևական ժամանակ թափուր հաստիքների առկայությանը։

Պետական կառավարման համակարգը պետության ու պետականության ողնաշարն է և, ըստ Անտինյանի, այն պետք է անխափան աշխատի, նույնիսկ եթե երկիրը քաղաքական ցնցումների փուլում է։

Նա հիշեցնում է ոչ վաղ անցյալում մեր երկրում իրականացված թավշյա հեղափոխության օրինակը, երբ տեղի ունեցան քաղաքական խորքային գործընթացներ, սակայն կառավարման համակարգը կոլապսի առաջ չհայտնվեց։

«Այժմ համակարգը տևական տուրբուլենտության մեջ է։ Այն նաև իր պատճառներն ունի։ Վերջին տարիներին, այսպես կոչված, բարեփոխումների, օպտիմալացումների հետևանքով իրական մասնագետները դուրս մնացին, և համակարգը բախվեց մեկ այլ խնդրի, այն համալրվեց ոչ կոմպետենտ կադրերով. հատկապես բարձրաստիճան պաշտոնատար անձանց մասին է խոսքը, որոնք չէին տիրապետում ոլորտներին և ընդհանրապես պետական կառավարման համակարգում աշխատանքի փորձ չունեին»,- նշեց Անտինյանը։

Նրա խոսքով`օրենքների և ենթաօրենսդրական ակտերի չիմացությունը, փաստաթղթաշրջանառության հետ կապված խնդիրները, մասնագիտական գիտելիքների, կառավարչական տարրական հմտությունների և կարողությունների բացակայությունը խիստ բացասական հետագիծ են թողել համակարգի վրա, որի  մաս է կազմում նաև արտաքին քաղաքական ոլորտը, իսկ արտաքին քաղաքական առումով բազմաթիվ հարցեր անպատասխան են մնում։

Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը

«Մենք սահմանե՞լ ենք մեր անելիքները ԵԱՀԿ Մինսկի խմբի վերակենդանացման հարցում, Արցախի միջազգային ճանաչման հարց կա՞ օրակարգում, այս առումով որևէ բան արվու՞մ է, Պոպովի հայտարարության և Լավրովի ասուլիսի հետ կապված ի՞նչ արձագանքներ են հնչել պաշտոնական խողովակներից և, վերջապես, փետրվարին Թուրքիան Ադրբեջանի հետ լայնամասշտաբ զորավարժություններ է նախատեսում, մեր ռազմաքաղաքական ղեկավարությունն այս առումով ասելիք ունի՞»,- շեշտում է փորձագետը։

Անտինյանի դիտարկմամբ`անգամ ստեղծված իրավիճակում ամեն ինչ դեռ կորած չէ, պարզապես պետք է ամեն ինչ անել երկրում առկա քաղաքական ճգնաժամը օր առաջ վերացնելու և ներքաղաքական իրավիճակը կայունացնելու համար։

Նա համոզված է, որ մեր երկրում կան իրենց ոլորտներում պրոֆեսիոնալ մասնագետներ, որոնք քաղաքական անկայունության պայմաններում չեն ձգտում որևէ պաշտոն ստանձնել ու գերադասում են սպասել։

103
թեգերը:
փորձագետ, պաշտոն, Իշխանություն
Ըստ թեմայի
Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել
Կաշառք, խաբեություն, և սա դեռ ամենը չէ. Վերմիշյանի անհավանական արկածները նախկին պաշտոնում
Պատճառ չկա, որ Հայաստանի պաշտոնյաները չայցելեն Ղարաբաղ. Լավրով
Ռուս խաղաղապահները Լաչինի միջանցքում

Հայաստանի և Արցախի անվտանգային հարաբերություններում ոչինչ չի փոխվել. վարչապետ

0
(Թարմացված է 20:12 20.01.2021)
Նիկոլ Փաշինյանն ասաց, որ Հայաստանի և Արցախի անվտանգային հարաբերություններում ակնհայտորեն նոր գործոն է ավելացել։

ԵՐԵՎԱՆ, 20 հունվարի – Sputnik. Հայաստանի և Արցախի անվտանգային հարաբերություններում ոչինչ չի փոխվել։ Ազգային ժողովում կառավարության անդամների հետ հարցուպատասխանի ժամանակ հայտնեց վարչապետ Նիկոլ Փաշինյանը։

«Հայաստանի Հանրապետությունն իր ողջ պատմության ընթացքում եղել է ՀԱՊԿ–ի անդամ։ Ինչքան էլ մենք համարել ենք, որ ՀՀ անվտանգության երաշխավորն ինքը ՀՀ–ն է, նկատի ենք ունեցել նաև այն իրավապայմանագրային բազան, որը Հայաստանը ստեղծել է իր հարաբերությունների շնորհիվ։ Հայաստանի և Արցախի անվտանգային հարաբերություններում անկհայտորեն նոր գործոն է ավելացել` ռուս խաղաղապահների ներկայությունը ԼՂ–ում»,-ասաց Փաշինյանը։

Նրա խոսքով` ռուս խաղաղապահների ներկայությունն Արցախում դրական երևույթ է, և նրանց ներկայությունն անվտանգային խնդիրներ լուծելու համար է տեղի ունեցել։ Վարչապետը նշեց` ԼՂ–ում խաղաղապահները տեղակայվել են նաև ՀՀ որոշման վրա, որպեսզի Հայաստանը կարողանա լիարժեք կատարի իր գործառույթն Արցախի անվտանգության հարցով։

Փաշինյանը վստահեցրեց` եթե խաղաղապահներն Արցախում չլինեին, հնարավոր է` չկարողանար ՀՀ–ն այդ գործառույթն իրականացնել։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Նիկոլ Փաշինյան, խաղաղապահ, Արցախ, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո