Սուրեն Սարգսյան

Սարգսյան. «Իմպիչմենտի գործընթացի հանգուցալուծումն ի սկզբանե կանխատեսելի էր»

26
(Թարմացված է 18:28 08.02.2020)
ԱՄՆ Սենատն արդարացրել է նախագահ Դոնալդ Թրամփին իմպիչմենտի գործով։ Նա մեղադրանքի 2 կետով էլ անմեղ է ճանաչվել՝ իշխանության չարաշահում և կոնգրեսի աշխատանքին խոչընդոտում։ Թեմայի վերաբերյալ Sputnik Արմենիայի եթերում իր դիտարկումներն է ներկայացրել քաղաքագետ Սուրեն Սարգսյանը: 

Քաղաքագետ Սուրեն Սարգսյանի կարծիքով՝ նախագահ Թրամփը երկար ժամանակ օգտագործում էր այն թեզը, որ Հանրապետական կուսակցությունը միասնական է, և որևէ ճեղքվածք լինել չի կարող, որովհետև Թրամփի աջակցության ցուցանիշը 98 տոկոս էր: Այդուհանդերձ, ստացվեց այնպես, որ բավականին հայտնի հանրապետական սենատորներից մեկը հոդվածներից մեկով կողմ քվերակեց իմպիչմենտին: Դրան հակառակ, Ներկայացուցիչների պալատում էլ կոնգրեսականներից մեկը նույնիսկ փոխեց կուսակցությունը, որպեսզի կողմ չքվեարկի ու դարձավ հանրապետական:

«Նախապես արդեն ասել էի, որ սա շատ հավանական սցենար էր, և Ներկայացուցիչների պալատում տեղի ունեցածը չէր կարող կրկնվել Սենատում, որտեղ մեծամասնությունը հանրապետականներ են: Փաստորեն, նախորդ շաբաթը բավականին հաջողված էր Թրամփի համար. նա լուրջ հաղթանակներ ունեցավ, այդ թվում նաև իմպիչմենտի հարցում»,- նշում է քաղաքագետը:

Սուրեն Սարգսյանի դիտարկմամբ՝ թեև փորձում էին հանրությանը ցույց տալ, որ Թրամփը խախտումներ է կատարել և պետք է ենթարկվի պատասխանատվության, սակայն նա մեծ հաշվով արդարացվեց, և նրա դեմ հարուցված գործընթացը չօգնեց ոչ միայն դեմոկրատական կուսակցությանը, այլև դեմոկրատ թեկնածուներին. Թրամփն ունի վերընտրվելու բոլոր հնարավորությունները: 

Նույնիսկ իմպիչմենտի ֆոնին Թրամփի վարկանիշը չի ընկել. Սուրեն Սարգսյան

«Կարծում եմ, որ Թրամփը նոյեմբերին կայանալիք նախագահական ընտրություններում կհաղթի մոտավորապես նույն հարաբերակցությամբ, ինչպես հաղթեց Հիլարի Քլինթոնին: Բայցևայնպես, շատ բան կախված է դեմոկրատ թեկնածուներից, նրանց ծրագրերից ու նախընտրական արշավից: Դեռ պրոցեսներ կան, և խմորումները շարունակվում են»,- նշում է քաղաքագետը:
Հիշեցնենք` Դոնալդ Թրամփի դեմ իմպիչմենտի գործով հետաքննություն հարուցվել է 2019 թվականի սեպտեմբերի 24-ին, երբ ԱՄՆ Ներկայացուցիչների պալատի խոսնակ Նենսի Փելոսին հեռուստատեսային ելույթում հայտարարել Է ԱՄՆ-ի 45-րդ նախագահ Դոնալդ Թրամփի պաշտոնազրկման պաշտոնական հետաքննության մեկնարկի մասին։

«Սա իմպիչմենտ չէ». Թրամփն իր դեմ սկսված գործընթացը հեղաշրջման փորձ է որակել

Հետաքննությունը հայտարարվել է անանուն հաղորդագրությունից հետո, որում նշվում էր, որ նախագահ Թրամփը խնդրել է Ուկրաինայի նախագահ Վլադիմիր Զելենսկուն հետաքննել ուկրաինական գործարար հարաբերությունները Ռոբերտ Հանթերի՝ 2020 թվականի նախկին փոխնախագահ և նախագահի թեկնածու Ջոզեֆ Բայդենի որդու հետ 2019 թվականի հուլիսին կայացած հեռախոսազրույցի ժամանակ։

Թրամփի վարչակազմը հրապարակել է այդ հեռախոսազանգի խմբագրված սղագրությունը, որը հաստատել է, որ Թրամփը խնդրել է Զելենսկուն լուծել Բայդենի շուրջ վեճը։

Քաղտեխնոլոգ. Թրամփը փորձում է խուսափել իմպիչմենտից

26
թեգերը:
Նախագահ, ԱՄՆ Կոնգրես, ԱՄՆ սենատ, ԱՄՆ, իմպիչմենտ, Դոնալդ Թրամփ, Սուրեն Սարգսյան
Ըստ թեմայի
Վրաստանի նախագահը սկանդալի մեջ է հայտնվել. նրան իմպիչմենտով են սպառնացել
Սարգսյան. «Անգամ իմպիչմենտի դեպքում Թրամփը կարող է մասնակցել նախագահական ընտրություններին»
Իմպիչմենտի գործընթացը մեկնարկեց. արդյո՞ք առաջին անգամ Ամերիկայի նախագահ կպաշտոնազրկվի

sys_stories