Սյուզաննա Սողոմոնյան

Ոչ թե Փաշինյանը, այլ ԱԺ–ն պետք է նշանակի. Սողոմոնյանը` Հակակոռուպցիոն կոմիտեի մասին

58
(Թարմացված է 13:26 03.02.2020)
Իրավաբան, հակակոռուպցիոն հարցերի փորձագետ Սյուզաննա Սողոմոնյանը Sputnik Արմենիայի եթերում անդրադարձել է Հայաստանում ստեղծվող Հակակոռուպցիոն կոմիտեի ձևավորման խնդիրներին:
Սողոմոնյան. «Կոռուպցիոն գործարքի սադրանքի ինստիտուտը չպետք է չարաշահումների տեղիք տա»

Սյուզաննա Սողոմոնյանի դիտարկմամբ՝ Հակակոռուպցիոն կոմիտեին վերաբերող առաջին և ամենակարևոր հարցն առնչվում է տվյալ մարմնի լիարժեք անկախությանը: Ըստ օրենքի նախագծի՝ վարչապետը մրցութային խորհրդի առաջարկով պետք է նշանակի նշված կոմիտեի ղեկավարին: 

«Ի տարբերություն կոռուպցիայի կանխարգելման հանձնաժողովի, որտեղ քաղաքական իշխանությունը նախատեսեց հանձնաժողովի անդամների առաջադրման ուղղակի կարգ, ողջունելի է, որ հակակոռուպցիոն կոմիտեի դեպքում վերանայվել է այդ մոտեցումը»,- Sputnik Արմենիայի հետ զրույցում ասաց փորձագետը:

Սողոմոնյանի կարծիքով՝ այդուհանդերձ այս կարևոր մարմնի նշանակումը պետք է իրականացնի ոչ թե գործադիր իշխանությունը, այլ օրենսդիր մարմինը՝ ունենալով պառլամենտական վերահսկողության իրականացնելու համապատասխան չափանիշներ:

Դանիելյան. «Հայաստանում տեղի է ունենում դատական համակարգի ոչնչացում»

«Թեև այս պահին տեսնում ենք կոռուպցիայի դեմ պայքարելու քաղաքական կամք, բայց այն մոդելը, որն ընտրվել է կոմիտեի ղեկավար նշանակելու համար, կարծում եմ` չի բխում հիմնական պահանջներից, որոնց առջև կանգնել ենք: Այսինքն՝ կարևոր է, որ խորհրդարանը նշանակի հակակոռուպցիոն կոմիտեի նախագահին, ոչ թե վարչապետը»,- նշեց փորձագետը:

Սողոմոնյանը կարևորեց նաև կոմիտեի հանրային հաշվետվողականության սկզբունքը: Ըստ նրա՝ թեև կոմիտեն նախորդ տարվա աշխատանքների վերաբերյալ հաղորդում է ներկայացնելու ԱԺ-ին, սակայն հաղորդումը չի կարող դիտվել որպես զեկուցում, որպես հրապարակային, թափանցիկ հաշվետվողականության տեսակ, որը ենթադրում է հարցուպատասխանի տարբերակ:

Փորձագետի կարծիքով՝ որքան էլ կոռուպցիոն գործարքի սադրանքի ինստիտուտը դրական միտումով է ներդրվում հակակոռուպցիոն համակարգում, այդուհանդերձ պետք է զգույշ լինել, որպեսզի հետագայում այդ գործիքը չօգտագործվի որոշակի նպատակների կամ հետապնդումների համար և տեղիք չտա չարաշահումների:

Հիշեցնենք, որ կոռուպցիոն հանցագործությունների բացահայտման և քննության միասնական մարմինը՝ Հակակոռուպցիոն կոմիտեն, նախատեսվում է ստեղծել 2021 թվականին: Սա նախատեսված է կառավարության հաստատած հակակոռուպցիոն ռազմավարությամբ և դրա իրականացման 2019-2022 թվականների միջոցառումների ծրագրով:

Հայաստանը ճանաչվել է տարածաշրջանի ամենաժողովրդավարական երկիր, բայց կոռուպցիան չի վերացել

58
թեգերը:
կոռուպցիա, Սյուզաննա Սողոմոնյան, Հայաստան
Ըստ թեմայի
Հակոբյան. «Որտեղի՞ց են թվերը, որոնք Փաշինյանը պարբերաբար ներկայացնում է հանրությանը»
Կոռուպցիոն դրսևորման բախված օտարերկրյա ներդրողները կարող են դիմել ԱԱԾ
ՊԵԿ աշխատակիցը պիտի այնքան վաստակի, որ կոռուպցիայի մասին չմտածի. Անանյան
Արմեն Բադալյան

«Փաշինյանը չի կարող վարչական ռեսուրսն օգտագործելով հաղթանակ ապահովել». քաղտեխնոլոգ

162
Քաղտեխնոլոգ Արմեն Բադալյանի հետ Sputnik Արմենիայի եթերում անդրադարձել ենք նախանշված ընտրությունների արդյունքներին։
«Վարչապետը չի կարող վարչական ռեսուրսն օգտագործելով հաղթանակ ապահովել». Բադալյան

Այս պահի դրությամբ Նիկոլ Փաշինյանը չունի այն վարչական ռեսուրսը, որ կարողանա «նկարչությամբ» իր հաղթանակն ապահովել, ավելին՝ վարչական ռեսուրսով Հայաստանում հաղթանակ երբեք չի ապահովվել։ Sputnik Արմենիայի հետ զրույցում նման կարծիք հայտնեց քաղտեխնոլոգ Արմեն Բադալյանը։

«Որոշակի տոկոս հնարավոր է ապահովել, բայց ոչ երբեք հաղթանակ։ Ծեծելով, բռնությամբ թվեր նկարել են, ինչպես 90-ականներին, կամ փող բաժանելով հաջողության հասել են` ինչպես 2000-ականներին և դրանից հետո ընկած ժամանակաշրջանում»,- ասաց նա։

Նրա դիտարկմամբ` առաջիկա ընտրություններում հիմնական պայքարը լինելու է ՔՊ կուսակցության և նրա ղեկավար Նիկոլ Փաշինյանի և Քոչարյանի շուրջ ձևավորվող դաշինքի և նրա ղեկավարի միջև, իսկ այդ պայքարի արդյունքը մեծապես կախված է նրանից, թե որքան գրագետ կկազմակերպվեն ընտրությունները։

Բադալյանի խոսքով` հիմնական մրցակիցներից բացի` ձայների որոշակի քանակ կհավաքեն նաև ԲՀԿ-ն, «Հայրենիք» կուսակցության առաջնորդը, որոշ արևմտամետ ուժեր, կլինեն նաև զուտ գաղափարական ուժերին կողմ քվեարկողներ։

Ինչ վերաբերում է մարդ-կուսակցություններին, ապա նրանք, ըստ քաղտեխնոլոգի, ընտրապայքարում լուրջ դերակատարում չեն ունենա։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Արտահերթ ընտրությունները երկիրը ճգնաժամից դուրս չեն բերի. Արմեն Սարգսյան

162
Ըստ թեմայի
ԼՀԿ–ն ընտրությունների ցուցակ չի կազմում. Անի Սամսոնյանն ասաց` ինչին են սպասում
Ո՞ր դեպքում Լևոն Տեր-Պետրոսյանի կուսակցությունը կմասնակցի ընտրություններին
Արա Զոհրաբյանն էլ կմասնակցի ընտրություններին. ո՞ւմ հետ կհամագործակցի նա
Արմեն Մանվելյան

Նոր ատոմակայանի կառուցումն իրատեսական չէ. Արմեն Մանվելյան

86
(Թարմացված է 15:25 11.04.2021)
Իրանագետ-էներգետիկ Արմեն Մանվելյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի` նոր ատոմակայան կառուցելու մասին հայտարարությանը։
«Նոր ատոմակայանի կառուցման հարցն իրատեսական չէ». Մանվելյան

Հայաստանում երկրորդ ատոմակայանի կառուցումն իրատեսական չէ։ Sputnik Արմենիայի հետ զրույցում նման կարծիք հայտնեց իրանագետ-էներգետիկ Արմեն Մանվելյանը։

«Ատոմակայանը բավականին թանկ արժե, օրինակ` մեկ ռեակտորի գինը մոտավոր 5.5 միլիարդ դոլար է, չեմ կարծում, որ Հայաստանն այդքան գումար ունի կամ էլ ինչ-որ մեկը Հայաստանին 5.5 միլիարդի վարկ կտա»,- ասաց նա։

Ատոմակայանի կառուցման հարցը հարցականի տակ դնող երկրորդ հիմնական պատճառը, ըստ Մանվելյանի, արտադրվող էներգիայի սպառման շուկայի բացակայությունն է։

«Հայաստանի տարեկան պահանջարկը 1300 մեգաբայթ է։ Գոնե այս պահին մնացած արտադրանքը սպառելու տեղ չունենք։ Հիմա ավելի իրատեսական և խելամիտ է գործող ատոմակայանը վերանորոգել և շահագործել, մանավանդ, որ օրինակներ կան, որ այդ կարգի ատոմակայանների գործունեության ժամկետը մինչև 50 տարով (5 անգամ 10 տարի) երկարաձգվել է»,- նշեց Մանվելյանը։

Նրա կարծիքով` նոր ատոմակայանի կառուցման մասին հայտարարություններն արվում են հայաստանյան լսարանի համար` ընտրություններին ընդառաջ։ 

Նշենք, որ ՀՀ վարչապետ Նիկոլ Փաշինյանը ապրիլի 7-ին կատարած մոսկովյան այցի ժամանակ ՌԴ նախագահ Վլադիմիր Պուտինի հետ զրույցում խոսել էր նաև նոր ատոմակայան կառուցելու մասին։

86
թեգերը:
Հայաստան, ատոմակայան
Ըստ թեմայի
Մեծամորի էներգետիկները կուսումնասիրեն ռուսական ատոմակայանների փորձը
Մոսկվայում կքննարկվի Հայաստանում նոր ատոմակայան կառուցելու հնարավորությունը
Հայաստանն ավելի արդյունավետ ատոմակայան կունենա
Արխիվային լուսանկար

Արցախում զոհերի մարմինների ու անհետ կորածների որոնողական աշխատանքները կրկին դադարեցվել են

0
(Թարմացված է 11:27 12.04.2021)
Զինադադարից հետո Ադրբեջանի վերահսկողության տակ անցած տարածքներից հայտնաբերվել և տարհանվել է ընդհանուր 1539 աճյուն:

ԵՐԵՎԱՆ, 12 ապրիլի - Sputnik. Ապրիլի 10-ին Հադրութի շրջանում իրականացված որոնումներն արդյունք չեն տվել, աշխատանքների ընթացքում հայ զինծառայողների աճյուններ կամ մասունքներ չեն հայտնաբերվել: Տեղեկությունը հայտնում է ԱՀ Արտակարգ իրավիճակների պետական ծառայությունը։

Նշվում է, նաև, որ այսօր որոնողական աշխատանքներ չեն կատարվի: Դրանք, ամենայն հավանականությամբ, կշարունակվեն վաղը` ապրիլի 13–ին:

Զինադադարից հետո Ադրբեջանի վերահսկողության տակ անցած տարածքներից հայտնաբերվել և տարհանվել է ընդհանուր 1539 աճյուն, որից 27-ը, նախնական տվյալներով, քաղաքացիական անձինք են:

Պատերազմից 6 ամիս անց գտնվել է Հայաստանի հավաքականի նախկին բասկետբոլիստի աճյունը

0
թեգերը:
աճյուն, Պատերազմ, Զոհ, Արցախ
Ըստ թեմայի
Զոհված զինծառայողների աճյուններ են փնտրում Ջրականի ու Վարանդայի շրջաններում
Արցախում զոհված դերասան Հովհաննես Խոդերյանի աճյունը գտնվել է
Զոհված զինծառայողների աճյուններն ու անհետ կորածներին որոնում են Կովսականի ուղղությամբ
Արցախի փրկարարները պատերազմում զոհվածների աճյուններ են որոնում Ասկերանի վերին ենթաշրջանում