Լոենիդ Ներսիսյան

Ներսիսյան. «Կարևոր է, թե որքան շուտ ՀՀ-ն կկարողանա նոր ստացած 4 կործանիչները շահագործել»

98
(Թարմացված է 19:52 29.01.2020)
Ռազմական փորձագետ Լեոնիդ Ներսիսյանը Sputnik Արմենիայի եթերում խոսել է հայկական բանակը նոր սպառազինությամբ համալրելու մասին:
Ներսիսյան. «Պետք է իրավիճակը փոխվի, որ Ադրբեջանն այլևս չմտածի խնդրի ռազմական լուծման մասին»

Լեոնիդ Ներսիսյանի դիտարկմամբ՝ շատ կարևոր է, թե որքան շուտ ՀՀ-ն կկարողանա նոր ստացած չորս կործանիչները շահագործել՝ դրանց համար նախապատրաստելով համապատասխան ենթակառուցվածքներ ու դնելով մարտական հերթապահության. դրա համար կպահանջվի որոշակի ժամանակ:

«Մինչև չկատարվեն նշված աշխատանքները, իմաստ չկա մտածել նոր խմբաքանակ ձեռք բերու մասին: Բայց, քանի որ նշված գործընթացը պետք է ենթադրաբար նախապես պլանավորված լիներ, հետևաբար, ՊՆ-ում գիտեն, թե որքան ժամկետներով կկնքեն մյուս խմբաքանակի ձեռքբերման համաձայնագրերը: Դա կարող է լինել, օրինակ, 2020 թվականի վերջը, կամ 2021 թվականը: Ամենայն հավանականությամբ, խոսք կգնա ևս ութ կործանիչ ձեռք բերելու մասին»,- նշում է փորձագետը:

Լեոնիդ Ներսիսյանի գնահատմամբ՝ 12 հատ կործանիչը քիչ խմբաքանակ չէ, առավել ևս, որ Հայաստանի տարածքը փոքր է, իսկ մեր հակառակորդն իր հերթին չունի այդքան կործանիչներ: Նրա հաշվեկշռում ՄԻԳ-29 կործանիչներ են, որոնք ի տարբերություն ՍՈՒ-30-ի, բազմաֆունկցիոնալ չեն, օդային պայքարում լավ կիրառվում են, սակայն ցամաքային թիրախները խոցելիս այդքան էլ էֆեկտիվ չեն:

Լեոնիդ Ներսիսյանի տեղեկացմամբ՝ Հայաստանի սպառազինության ծավալներն իսկապես աճում են: 2016թ.-ից սկսած՝ մեծ ծավալի ռազմական տեխնիկա է ներկրվել Հայաստան: Օրինակ՝ ՍՈւ-30-ների գործարքը Հայաստանի պատմության մեջ ամենաթանկն է:

Մեր երկիրը պետք է շարունակի մյուս տարի էլ այս տեմպերը պահպանել ու չդանդաղեցնել, որովհետև Ադրբեջանը 2007-14թթ. միջակայքում մեծ ծավալի ռազմատեխնիկա էր գնել՝ առաջացնելով դիսբալանս, ինչը նրան դրդեց ապրիլյան քառօրյա պատերազմի: Ըստ Ներսիսյանի՝ անշուշտ պետք է իրավիճակը փոխվի, որպեսզի Ադրբեջանն այլևս չմտածի խնդրի ռազմական լուծման մասին: 

Մինասյան. «Հավատում էինք հաղթանակին, որովհետև մեր հողից ուրիշ տեղ չենք կարող գնալ»

Նշենք, որ ՀՀ պաշտպանության նախարար Դավիթ Տոնոյանը հունվարի 28-ին Հայոց բանակի կազմավորման հերթական տարեդարձի առթիվ Եռաբլուր պանթեոն կատարած այցի ժամանակ վստահեցրել է` ՀՀ զինված ուժերը ՍՈՒ-30-ների նոր խմբաքանակ կստանա առաջիկայում։

98
թեգերը:
հայ-ադրբեջանական, Ադրբեջան, Զենք, Սու-30ՍՄ կործանիչ, Ղարաբաղյան հակամարտություն, Լեռնային Ղարաբաղ, Հայաստան
Ըստ թեմայի
Հայաստանը կրճատում է սպառազինության՝ Ադրբեջանի հետ ունեցած տարբերությունը. Հարությունով
Ռազմական անակնկալներ են լինելու. Տոնոյանը խոսեց Սու-30 ինքնաթիռների և սպառազինության մասին
Ռուսաստանը չպետք է ներքաշվի ԱՄՆ–ի տիեզերական սպառազինության մրցավազքում
Վարդան Այվազյան

«ՍԴ–ի շուրջ ողջ գործընթացը պետության և հասարակության հանդեպ անգրագետ փորձ է». Այվազյան

11
(Թարմացված է 23:55 01.06.2020)
Երևանի պետական համալսարանի իրավագիտության ֆակուլտետի սահմանադրական իրավունքի ամբիոնի վարիչ Վարդան Այվազյանը Sputnik Արմենիայի եթերում անդրադարձել է ԱԺ-ի կողմից առաջին ընթերցմամբ ընդունված հանրաքվեն չեղարկելու մասին նախագծին։
Այվազյան. «Ներկայումս չկա ԱԺ–ի կողմից սահմանադրական հանրաքվեն թույլատրող կամ էլ արգելող նորմ»

Սահմանադրագետ Վարդան Այվազյանի դիտարկմամբ` ԱԺ–ի լիազորությունների մեջ մտնում էր սահմանադրական փոփոխությունների նկատառումով հանրաքվեի նախաձեռնումը, թեև այդ հանրաքվեն, ըստ նրա, սահմանադրական խախտումով էր, քանի որ շրջանցվել էր ՍԴ որոշման ընթացակարգը։ 

«Սակայն որևէ տեղ գրված չէ, որ հանրաքվեի նշանակումից հետո ԱԺ–ն իրավունք ունի հետ կանչել իր նախագիծը, բայց միևնույն ժամանակ նման արգելք նույնպես չկա։ Հետևաբար, ենթադրվում է, որ եթե ԱԺ–ն կայացրել է հանրաքվե նախաձեռնելու որոշում, կարող է նաև չեղարկել այդ որոշումը։ Չկա ո՛չ թույլատրող, ո՛չ արգելող նորմ»,– նշում է իրավագետը։  

Վարդան Այվազյանի համոզմամբ` սա օրենսդրական բաց չէ և նույնիսկ այն լրացնելու անհրաժեշտություն չկա, որովհետև նման ցանկացած խնդիր, եթե դիտարկվի որպես օրենսդրական բաց, և գնանք դա լրացնելու ուղղությամբ, ապա մեր երևակայությունը չի բավարարի, որ այդ բացերը փակենք։ Իրավագետը ևս մեկ անգամ շեշտում է այն հանգամանքը, որ Սահմանադրությունն ու օրենքները գրվում են ոչ թե խելագարության, այլ խելամտության կանխավարկածով, և եթե կա հանրաքվեի նշանակման ընթացակարգ, չպետք է առաջանա հետկանչի խնդիր։ 

«Տվյալ պարագայում ունենք արտակարգ դրության վիճակ, որը մեխանիկորեն կասեցնում է հանրաքվեի գործընթացը, բայց դա պետք է այնքան ժամանակ մնար կասեցված, մինչև վերանար արտակարգ դրությունը, և հանրաքվեն կայանար։ Ենթադրում եմ, որ ԱԺ–ն հիմա շտապում է և ցանկանում իր առջև դրված խնդիրը լուծել մեկ օր, մեկ ժամ շուտ։ Այդ նպատակով էլ չեղարկվում է հանրաքվեի գործընթացը, որից հետո հաջորդ քայլը կլինի խնդրի լուծումը ԱԺ պատգամավորների ձայների  ընդհանուր թվի 2/3-ով»,– նշում է ԵՊՀ-ի իրավագիտության ֆակուլտետի սահմանադրական իրավունքի ամբիոնի վարիչը։

Պետական արդյունավետ կառավարման թիվ մեկ նախադրյալն, ըստ Այվազյանի, պետք է համարել կառավարողների գրագիտության և իրավագիտության բարձր մակարդակը։ Ըստ նրա` եթե կա իրավագիտության և պետականագիտության մեծ պակաս, ապա տվյալ պարագայում կունենանք հազարավոր օրենսդրական բացեր, նույնն  է, թե անգրագետ կառավարիչների մտքով մի հիմարություն անցնի, և մենք կանգնենք փաստի առջև ու ասենք` հիմարությունն օրենսդրական ամրագրում չունի ու համարենք օրենսդրական բաց։

Այվազյան. «Դրվագային փոփոխություններով Սահմանադրությունը երկար կյանք չի ունենա»

Անդրադառնալով ԱԺ–ում «Իմ քայլը» խմբակցության ղեկավարի դիտարկմանը, ըստ որի` ՍԴ–ի գործունեությունը պետք է համապատասխանեցվի 2015թ.–ի Սահմանադրությանը, Վարդան Այվազյանը շեշտում է, որ ՍԴ–ի շուրջ ողջ գործընթացը պետության և հասարակության հանդեպ անգրագետ փորձարարություն է, իսկ դա ամենամեծ հանցագործությունն է, քանի որ պետության ու հանրության նկատմամբ կատարել են անպատասխանատու փորձարկումներ, մինչդեռ տվյալ հարցը երբեք չպետք է լինի փորձարկման առարկա։  

Հիշեցնենք` հունիսի 1–ին Ազգային ժողովը 83 կողմ ձայնով առաջին ընթերցմամբ ընդունեց սահմանադրական փոփոխությունների հանրաքվեն չեղարկելու մասին օրենքը:
Սահմանադրության փոփոխությունների հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ արտակարգ դրության հայտարարման պատճառով:

11
թեգերը:
հանրաքվե, Հայաստան, ԱԺ, Վարդան Այվազյան (սահմանադրագետ), Սահմանադրական դատարան, Սահմանադրական փոփոխությունների նախագիծ
Փայլակ Թադևոսյան

Թադևոսյան. «Հարկային սահմանափակումները խոչընդոտում են ձեռնարկատերերին»

13
«Հարկ վճարողների պաշտպանություն» ՀԿ ղեկավար Փայլակ Թադևոսյանը Sputnik Արմենիայի եթերում անդրադարձել է ԱԺ–ի կողմից երկրորդ ընթերցմամբ և ամբողջությամբ ընդունված Հարկային օրենսգրքում լրացում կատարելու մասին նախագծին։ 
Թադևոսյան. Հարկային սահմանափակումները գործող օրենսգրքով խոչընդոտում են ձեռնարկատերերին։

«Հարկ վճարողների պաշտպանություն» ՀԿ ղեկավար Փայլակ Թադևոսյանի դիտարկմամբ` բոլոր հարկ վճարողներին հնարավորություն է տրվում ըստ հայեցողության ընտրել ամորտիզացիոն ժամկետները: Թեև դժվար է ասել՝ կավելանան արդյոք ներդրումները կորոնավիրուսի հետ կապված պայմաններում, սակայն, ըստ մեր զրուցակցի, ամորտիզացիոն մասհանումների ժամկետներն ու կարգն ամբողջությամբ վերանայելու անհրաժեշտություն կա, որովհետև նույն ամորտիզացիոն մասհանումների մասով սահմանափակումները գործող օրենսգրքով ոչ միայն չեն խրախուսում, այլ խոչընդոտում են ձեռնարկատերերին։ 

«Հարցին պետք է տալ ընդհանրական լուծում և ամբողջությամբ վերանայել ամորտիզացիոն մասհանումների ներկայիս կարգավորումները, և դա պետք է արվի բոլորի համար։ Հիմնական որոշակի միջոցների համար պետք է սահմանվի կոնկրետ ժամկետ, այլ ոչ թե այն միջոցների, որոնք ընտրված են ըստ ցուցակի։ Ըստ այդմ` տեղին չէ, որ, օրինակ, շենք–շինությունների և տրանսպորտային միջոցների համար սահմանվում է ժամկետ, իսկ մյուս միջոցների պարագայում հարցը թողնվում է հարկ վճարողների հայեցողությանը։ Գործող հաշվապահական ստանդարտներին համահունչ` ձեռներեցը պետք է որոշի, թե բիզնես գործունեությունից ելնելով` որ հիմնական միջոցն ինչ ժամկետում ամորտիզացիա անի»,– Sputnik Արմենիայի հետ զրույցում ասաց նա։ 

Թադևոսյանի խոսքով` շատ խնդիրներ կան նաև կապիտալ ընթացիկ ծախսերի դասակարգման հետ կապված։ Ըստ նրա` եթե ինչ–որ բան արվում է, ապա պետք է արվի ամբողջական, և ոչ թե մասնակի։ 

Կորոնավիրուսի պատճառով հարկերը չվճարած գործարարների տույժ-տուգանքները կնվազեցվեն

«Օրինակ՝ կան սարքավորումներ, որոնց համար թեև նվազագույն ամորտիզացիոն ժամկետն ութ տարի է, բայց այս կարգավորումը հնարավորություն է տալիս այդ հիմնական միջոցները շահագործող հարկ վճարողներին մինչև տարեվերջ ներդրում անելու դեպքում ժամկետն ընտրել ըստ հայեցողության, այսինքն` ավելի կարճ ժամկետում»,– նշեց Թադևոսյանը։ 

Թադևոսյանի գնահատմամբ` շատ գործոններ կարող են ազդել ներդրումների աճի վրա` սկսած կորոնավիրուսից, վերջացրած տնտեսական ճգնաժամով, հետևաբար նոր ներդրումներ անելու առումով գործարարների մոտ դեռ սպասողական վիճակ է։

Նշենք, որ Հարկային օրենսգրքում լրացում կատարելու մասին նախագծի հեղինակը ԱԺ տնտեսական հարցերի մշտական հանձնաժողովի նախագահ Բաբկեն Թունյանն է: Փոփոխություններով  մինչև այս տարվա վերջ կատարվող ներդրումների դեպքում տնտեսվարողները կարող են օգտվել արագացված ամորտիզացիայի հնարավորությունից։

Պետությունը հարկ վճարողներին նոր գործիք է առաջարկում. ի՞նչ կտա օրենքի փոփոխությունը

13
թեգերը:
տնտեսություն, ԱԺ, Ներդրում, հարկային օրենսգիրք, Հայաստան
Ըստ թեմայի
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
Հարկային օրենսգրքում դեռևս շատ խնդրահարույց դրույթներ կան. Սամսոն Գրիգորյան
Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ
«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

0
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

0
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան