Դավիթ Հախվերդյան

Հախվերդյան. «Արմեն Սարգսյանը Դավոսում փորձել էր հաճելին համադրել օգտակարի հետ»

160
ՀՊՏՀ «Ամբերդ» հետազոտական կենտրոնի տնօրեն, տնտեսագիտության դոկտոր, պրոֆեսոր Դավիթ Հախվերդյանը Sputnik Արմենիայի եթերում անդրադարձել է շվեյցարական Դավոս քաղաքում կայացած տնտեսական համաշխարհային համաժողովում ՀՀ նախագահ Արմեն Սարգսյանի ելույթի կարևոր դրույթներին:
Հախվերդյան. «Արմեն Սարգսյանը Դավոսում փորձել էր հաճելին համադրել օգտակարի հետ»

ՀՀ նախագահ Արմեն Սարգսյանը, որը մասնագիտությամբ ֆիզիկոս է և բավականին փորձառու դիվանագետ՝ Դավոսում ներկայացրել է շատ հետաքրքիր զեկույց: Նա փորձել է համաշխարհային տնտեսությունը կապել քվանտային ֆիզիկայի հետ` փոքրագույն մասնիկների, որոնք փոխազդեցություն ունեն միմյանց վրա, և դրանց վարքագծի այս կամ այն արժեվորման, այս կամ այն ձևի փիլիսոփայությունը փոխելու միջոցով հնարավոր է ստանալ դրական արդյունք: ՀՀ նախագահը վկայակոչել է հայտնի ֆիզիկոսներին, օրինակ` Էյնշտեյնին, ովքեր ոչ թե նոր գյուտ արեցին, այլ փոխեցին ֆիզիկայի փիլիսոփայությունը: Sputnik Արմենիայի հետ զրույցում նման տեսակետ հայտնեց ՀՊՏՀ «Ամբերդ» հետազոտական կենտրոնի տնօրեն, տնտեսագիտության դոկտոր, պրոֆեսոր Դավիթ Հախվերդյանը։

«Արմեն Սարգսյանն անդրադարձել է նաև ամբողջ աշխարհին հուզող շատ կարևոր խնդրին՝ գլոբալ անհաշվեկշռվածությանն ի դեմս ավելցուկային պարտքի:Գաղտնիք չէ, որ մոտ 250 տրիլիոն դոլարի համախառն պարտք կա ամբողջ աշխարհում: Արմեն Սարգսյանն իր առաջարկով փորձում է փոքր երկրի ղեկավարի տեսակետից համադրել օգտակարը հաճելիի հետ: Նա, օրինակ, ասում է` եթե ես փոքր եմ և 5մլն դոլարի չափով պարտք եմ մեծ երկրին` այդ գումարը խոշոր հաշվով մեծ երկրին էապես ոչինչ չի տա, սակայն մեծ երկիրը փոքրին կարող է առաջարկել նշված գումարի ծառ տնկել և դրանով համարել, որ փոքր երկիրն աշխարհի մարդկության համար մեծ ներդրում է ունեցել, ուստի կփորձեն լուծել պարտքային հարաբերությունները»,- ասում է «Ամբերդ» հետազոտական կենտրոնի տնօրենը:  

Դավիթ Հախվերդայնը նշում է, որ ՀՀ նախագահը, լինելով տեխնիկական գիտությունների մասնագետ՝ ելույթի վերջում չէր կարող չանդրադառնալ չորրորդ արդյունաբերական հեղափոխությանը, այդ թվում՝ արհեստական բանականությանը: Ըստ նախագահի՝ բոլոր երկրների առջև բացվում են նոր հորիզոններ, նույնիսկ հավասարվում են մեկնարկային պայմանները: Ունենալով տեխնիկական, բնագիտական կադրերի ներուժ՝ մենք ի վիճակի կլինենք այդ ասպարեզում թռիչք գործել: Արմեն Սարգսյանը նույնիսկ խորհրդանշական համեմատություն է արել, որ մենք թեև չունենք ելք դեպի ծով, սակայն ցանկանում ենք դառնալ գաղափարների ու տեխնիկական լուծումների նավահանգիստ:  

Արմեն Սարգսյանը Իսրայելի Քնեսեթում բարձրացրել է Հայոց ցեղասպանության ճանաչման հարցը

Հիշեցնենք, որ հիմնադրման 50 տարիների ընթացքում Դավոսի ամենամյա հանդիպումը դարձել է աշխարհի ամենաազդեցիկ բարձր մակարդակի հավաքը, որը միավորում է պետությունների, կառավարությունների, միջազգային կազմակերպությունների, գործարար և քաղաքացիական հասարակության առաջնորդներին՝ տարեսկզբին ձևավորելու գլոբալ, տարածաշրջանային և արդյունաբերական օրակարգերը։

Հիշեցնենք` դեռևս 2019թ.–ի հոկտեմբերի 7-ին Ժնևում ՀՀ նախագահի հետ հանդիպմանը հիշյալ ֆորումի հիմնադիր և նախագահ Կլաուս Շվաբն ասել էր, որ հետաքրքրված են ապագայի, գլոբալ աշխարհի զարգացման վերաբերյալ նախագահ Արմեն Սարգսյանի տեսլականով և ուրախ կլինեն Դավոսի ֆորումի շրջանակում լսել նրա տեսակետները նոր քվանտային տեխնոլոգիաների, քվանտային համակարգերի, քվանտային քաղաքականության և ժամանակակից աշխարհի զարգացման ուղղությունների ու միտումների վերաբերյալ։

Տեսակամուրջ. «Ի՞նչ են պայմանավորվել Փաշինյանն ու Տիտովը Դավոսում»

160
թեգերը:
Դավիթ Հախվերդյան, Հայաստան, Նախագահ, Դավոս, Արմեն Սարգսյան
Ըստ թեմայի
Արմեն Սարգսյանին հրավիրել են Դավոս
Արմեն Սարգսյանը կմասնակցի Դավոսի ֆորումի 50-րդ ամենամյա հանդիպմանը
Դավոս՝ միջոցների անիմաստ վատնո՞ւմ, թե արժեքավոր գաղափարներ. արժե՞ր հասնել Շվեյցարիա
Արմեն Բաղդասարյան

Ո՞ր դեպքում Ռոբերտ Քոչարյանը չէր մտածի քաղաքականություն վերադառնալու մասին

71
(Թարմացված է 21:44 08.05.2021)
Քաղաքագետ Արմեն Բաղդասարյանը Sputnik Արմենիայի հետ զրույցում անդրադարձել է մայիսի 9-ին Ռոբերտ Քոչարյանի նախաձեռնած հանրահավաքին և քաղաքական պայքարի դուրս գալու որոշմանը։
Արմեն Բաղդասարյան. Ո՞ր դեպքում Քոչարյանը չէր մտածի քաղաքականություն վերադառնալու մասին

Մայիսի 9-ին նախատեսված հանրահավաքի ժամանակ Ռոբերտ Քոչարյանի ելույթից պարզ կդառնա, թե ինչպիսի ճանապարհային քարտեզ է առաջարկում ՀՀ երկրորդ նախագահը գալիք ընտրություններում։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը։

«Ես ավելի շատ ակնկալում եմ ծրագրային ելույթ և հստակ ճանապարհային քարտեզ։ Կարծում եմ, որ այդ հանրահավաքի մասնակիցները, անկախ նրանից, թե որքան կլինի նրանց թիվը, շատ ուշադիր կլսեն այդ ծրագիրը և կփորձեն հասկանալ` դա իրատեսական է, թե ընդամենը կենացների, ցանկությունների շարք»,- ասաց նա։

Նրա խոսքով` Հայաստանում այնպիսի իրավիճակ է ստեղծվել, որ ցանկացած գործիչ կարող է քաղաքականություն վերադառնալ, ինչու ոչ` նաև հաղթել։

«Նիկոլ Փաշինյանի փոխարեն ցանկացած այլ իշխանություն լիներ` Ռոբերտ Քոչարյանը չէր էլ կարող մտածել, որ կարող է վերադառնալու փորձ անել, բայց այս իշխանություններն այնքան ձախողումներ են ունեցել, այնքան կործանարար քաղաքականություն են վարել, որ նույնիսկ Քոչարյանն իր այդ բացասական ընկալմամբ գտնում է, որ շանս ունի հաղթելու և մասնակցում է ընտրություններին»,- նշեց քաղաքագետը։

Նշենք, որ վաղը` մայիսի 9-ին, ժամը 16։00-ին Երևանի Ազատության հրապարակում նախատեսված հանրահավաքում Ռոբերտ Քոչարյանը հանդես կգա ելույթով։

Ավելի վաղ ՀՀ երկրորդ նախագահը հայտնել էր, որ մասնակցելու է արտահերթ խորհրդարանական ընտրություններին։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց հրաժարական տալու մասին։ ՀՀ նախագահը ընդունեց վարչապետի և կառավարության հրաժարականը։

Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին

71
թեգերը:
Արմեն Բաղդասարյան (քաղաքական մեկնաբան), Նիկոլ Փաշինյան, Ռոբերտ Քոչարյան, Հայաստան
Ըստ թեմայի
Սերժ Սարգսյանը ասել է, թե ինչու է մերժել Լևոն Տեր–Պետրոսյանին
Չենք գնդակահարի. Շարմազանովը խոսել է Վանեցյանի հետ դաշինքի և երկրում տիրող իրավիճակի մասին
«Անտինիկոլ». Միքայել Մինասյանը նոր «ազատագրական շարժում» է սկսում
Գևորգ Թադևոսյան

Մենք ո՛չ սև ենք, ո՛չ սպիտակ, մեր գույնը Եռաբլուրի հողի գույնն է. միասնության երթ Երևանում

174
(Թարմացված է 16:30 08.05.2021)
«Միասին» նախաձեռնության համահիմնադիր Գևորգ Թադևոսյանը Sputnik Արմենիայի եթերում անդրադարձել է մայիսի 9-ին նախատեսված միասնության երթին ու հետպատերազմական իրողություններին։
Գևորգ Թադևոսյան. Մենք ո՛չ սև ենք, ո՛չ սպիտակ, մեր գույնը Եռաբլուրի հողի գույնն է. միասնության երթ դեպի նահատակների մոտ.

Շուշիի ազատագրման օրը Շուշին մերը չէ, շատերի արյամբ ու կյանքի գնով կերտած հաղթանակի օրը մենք չենք հաղթել ու այսօր խնդիր ունենք պահպանելու մայիսյան Եռատոնի իմաստը` որպես ազդակ ու հիշեցում բոլորիս, որ դեռ կիսատ գործ ունենք ու դեռ պետք է հաղթենք։ Sputnik Արմենիայի հետ զրույցում ասաց «Միասին» նախաձեռնության համահիմնադիր Գևորգ Թադևոսյանը։

«Շուշին մեր հաղթանակի մարմնացումն է, մինչև Շուշին ու Շուշիից հետո մեր ինքնագնահատականը, մեր տեսակը բոլորովին այլ էր, իսկ Շուշիից հետո մենք դարձանք ավելի հաղթական ու թոթափեցինք զոհի կերպարը։ Այսօր ունենք նոր իրողություն, բավականին լուրջ կորուստներ` շուրջ 5000 զոհ, մոտ 10.000 վիրավոր, տասնյակ հազարներով տեղահանվածներ, մասնակի կորուսյալ հայրենիք»,- նշեց նա։

Նրա կարծիքով` նոր իրողության պայմաններում ոչ ոք կարծես թե չի ուզում պատասխանատվություն կրել և սեփական մեղքի բաժինն ընդունել, փոխարենը բոլորը զբաղված են աջուձախ մեղավորներ ու պատասխանատուներ փնտրելով, մինչդեռ համախմբվելու ժամանակն է, պետք չէ հապաղել։

«Այս նպատակով մենք մայիսի 9-ին` Շուշիի ազատագրման օրը, նախաձեռնել ենք միասնության երթ դեպի Եռաբլուր` առերեսվելու իրականության հետ, ընդունելու մեր սխալը ու հետագայում բացառելու նմանատիպ երևույթների կրկնությունը։ Հաղթանակի օրը մենք Եռաբլուրում պետք է նայենք միմյանց աչքերի մեջ ու շշնջանք, որ միասին ենք, շշնջանք ինքներս մեզ` աղոթքի պես, գտնենք մեր միասնությունն ու շարժվենք դեպի հաղթանակ։ Մենք ո՛չ սև ենք, ո՛չ սպիտակ, մեր գույնը Եռաբլուրի հողի գույնն է»,- հավելեց Թադևոսյանը։

«Պետք է ստուգվի` զեկույցներն ինչքանով են ճշմարտացի եղել». Փաշինյանը` Շուշիի անկման մասին

Նշենք, որ երթը մեկնարկելու է Շառլ Ազնավուրի հրապարակից ժամը 15։00-ին։ «Միասին» նախաձեռնությունը ձևավորվել է հետպատերազմական շրջանում, նախաձեռնության հիմնական անդամները պատերազմի օրերին եղել են առաջնագծում, իսկ պատերազմից հետո համախմբվել են գալիք հաղթանակներին պատրաստվելու մարտավարությամբ։

Չի բացառվում, որ ադրբեջանցիները Շուշիի եկեղեցին հետագայում մզկիթ դարձնեն. Բաբայան

174
թեգերը:
Եռաբլուր պանթեոն, Արցախ

Փաշինյանի «չընտրությունից» մինչև Լավրով և պատվաստում․ անցնող շաբաթվա ամենավառ կադրերը

0
(Թարմացված է 00:24 09.05.2021)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
  • Խարբերդի մասնագիտացված մանկատան սաներ
  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
  • Արցախի հերոս, գեներալ-մայոր Վիտալի Բալասանյանը ժամերգության ժամանակ
  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
Այս շաբաթը սկսվեց ԱԺ արտահերթ նիստով․ ներքին պայմանավորվածությունը խախտողներ չեղան, խորհրդարանն էլ չընտրեց վարչապետի՝ առաջադրված միակ թեկնածուին։ Թե ինչ իրադարձություններ տեղի ունեցան շաբաթվա ընթացքում, կարող եք տեսնել Sputnik Արմենիայի ֆոտոշարքում։

Այս շաբաթ աշխատանքային այցով մեր երկիր ժամանեց ՌԴ արտաքին գերատեսչության ղեկավար Սերգեյ Լավրովը։ Հայաստանում Լավրովը խոսեց «Զանգեզուրի միջանցքի», գերիների վերադարձի խնդրի մասին... Նա այցելեց Ծիծեռնակաբերդ ու «Հաղթանակ» զբոսայգի։

Մեր երկրում ակտիվորեն շարունակվում է կորոնավիրուսի դեմ պատվաստումային ծրագիրը։ Ցանկացողները կարող են պատվաստվել ոչ միայն պոլիկլինիկաներում, այլև Երևանի բանուկ հատվածներում գործող շարժական կետերում։ Առայժմ դրանք երեքն են․ մեկը Հյուսիսային պողոտայում է, երկուսն էլ՝ խոշոր առևտրային կենտրոնների մոտ։

Պատերազմից գրեթե 7 ամիս անց վիրավոր զինծառայողներն ու նրանց հարազատները դեռևս հոգեբանական աջակցության կարիք ունեն։ Նախագահական նստավայրում մեկնարկեց «Զարթոնք» ծրագիրը։ Նպատակը պատերազմի դժոխքով անցած հերոսներին բնականոն կյանք վերադարձնելն է։

Այս ամենը ներկայացնում ենք լուսանկարներով։ Sputnik Արմենիայի ֆոտոխցիկը շաբաթվա ընթացքում այլ հետաքրքիր դրվագներ էլ է որսացել։

0
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
    © Sputnik / Aram Nersesyan

    Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ մայիսի 3)։ Երևան
    Երկուշաբթի՝ մայիսի 3-ին, ՀՀ Ազգային ժողովը հատուկ նիստ գումարեց, որի հիմնական հարցը երկրի վարչապետի ընտրությունն էր։ Քվեարկության գործընթացը նախաձեռնել էին խորհրդարանը լուծարելու և Հայաստանում արտահերթ խորհրդարանական ընտրություններ անցկացնելու նպատակով։

  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
    © Sputnik / Aram Nersesyan

    Վարչապետ Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ. մայիսի 3)։ Երևան
    Պատգամավորների քվեարկության արդյունքում միակ թեկնածու Փաշինյանը վարչապետ չընտրվեց: 75–ը ձեռնպահ մնացին, 3–ը` դեմ, 1–ը` կողմ։

  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
    © Sputnik / Asatur Yesayants

    ՀՀ արտգործնախարարի պաշտոնակատար Արա Այվազյանը դիմավորեց ռուս գործընկերոջը «Զվարթնոց» օդանավակայանում։
    Ռուսաստանի արտգործնախարար Սերգեյ Լավրովը պաշտոնական այցով Հայաստան ժամանեց մայիսի 5-ին։

  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
    © Sputnik / Asatur Yesayants

    Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում (մայիսի 5, 2021թ․, Երևան)
    Նախարարի հիմնական միջոցառումները նախատեսված էին մայիսի 6-ին։ Առաջին հերթին Սերգեյ Լավրովը հարգանքի տուրք մատուցեց Ցեղասպանության զոհերի հիշատակին:

  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    © Sputnik / Asatur Yesayants

    Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    Պաշտոնական հանդիպումից և մամուլի ասուլիսից հետո նախարարները Հաղթանակի զբոսայգում հարգանքի տուրք մատուցեցին Հայրենական մեծ պատերազմում զոհվածների հիշատակին։

  • Խարբերդի մասնագիտացված մանկատան սաներ
    © Sputnik / Asatur Yesayants

    Խարբերդի մասնագիտացված մանկատան աշխատակցուհին անցնում է պատուհանի մոտով, որտեղից երևում են մանկատան սաները։

    Այս շաբաթ այցելեցինք Խարբերդի մանկատուն, որի աշխատանքը նախապես ուսումնասիրել էին Հաշվեքննիչ պալատի աուդիտորները։ ՀՀ աշխատանքի և սոցիալական հարցերի նախարարության ֆինանսատնտեսական գործունեության աուդիտի արդյունքները պալատն ուղարկել է ՀՀ գլխավոր դատախազություն:

  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
    © Sputnik / Asatur Yesayants

    ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը (2021թ., մայիսի 5, Երևան)
    «Զարթոնք» ծրագրի նպատակը պատերազմի դժոխքով անցած հերոսներին բնականոն կյանք վերադարձնելն է։

  • Արցախի հերոս, գեներալ-մայոր Վիտալի Բալասանյանը ժամերգության ժամանակ
    © Sputnik / Aram Nersesyan

    Արցախի հերոս, գեներալ-մայոր Վիտալի Բալասանյանը ժամերգության ժամանակ:
    Արցախի անվտանգության խորհրդի քարտուղարը ներկայացրել է Կարմիր շուկա համայնքի շուրջ ստեղծված իրավիճակը, ինչպես նաև խոսել ադրբեջանական սադրանքների մասին:

  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    © Sputnik / Andranik Ghazaryan

    Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    Կորոնավիրուսի դեմ պատվաստումների շարժական կետերը նախատեսված են ինչպես Հայաստանի քաղաքացիների, այնպես էլ զբոսաշրջիկների համար:

թեգերը:
պատվաստումներ, Սերգեյ Լավրով, Նիկոլ Փաշինյան, Հայաստան