Հակոբ Չաքրյան

Չաքրյան. «Էրդողանն ուզում էր տապալել Սիրիայի իշխանությունը»

60
(Թարմացված է 18:49 19.01.2020)
Թուրքագետ Հակոբ Չաքրյանը Sputnik Արմենիայի հետ զրույցում անդրադարձել է Լիբիայում թուրքական զինուժի տեղակայման խնդրին ու այդ երկրի տարածաշրջանային նկրտումներին:
Չաքրյան. «Էրդողանն ուզում էր տապալել Սիրիայի իշխանությունը՝ նրա տեղում նշանակելով «Մուսուլման եղբայրներին»»

Թուրքագետ Հակոբ Չաքրյանը Sputnik Արմենիայի հետ զրույցում ասաց, որ Թուրքիան ոչ միայն զորամիավորում է մտցրել Լիբիա, այլև ահաբեկիչներին է տեղափոխում այնտեղ՝ նրանց տալով զենք-զինամթերք, նույնիսկ ցանկանում է տրամադրել սուզանավեր, քանի որ հունական ու եգիպտական նավերը նշված շրջանում պարեկություն են անցկացնում, չնայած ՄԱԿ-ը նախապես արգելել էր հյուսիսաֆրիկյան երկիր զենք տեղափոխել: 

«2011թ-ի մարտին, երբ Սիրիայում սկսվեցին ներքին բախումները, Էրդողանը հայտարարեց, որ թուրքական զորքերը հինգ ժամում կմտնեն Սիրիա ու ինքն էլ նրանց հետ կգնա և Դամասկոսի Օմայան մզկիթում նամազ կանի: Իսկ արտգործնախարար Դավութօղլուն ժամանակային միջակայքը նույնիսկ կրճատել էր երկու ժամով»,- նշեց թուրքագետը: 

Չաքրյանի փոխանցմամբ՝ Էրդողանը ցանկանում էր տապալել Սիրիայի իշխանություններին և նրանց տեղում նշանակել «Մուսուլման եղբայրներին», որոնց հետ դեռ այն ժամանակվանից սերտ հարաբերությունների մեջ էր: Թուրքիայի նախագահը փորձում էր «Մուսուլման եղբայրներին» իշխանության բերել նաև Սիրիայի հարևան երկրներում ու դառնալ տարածաշրջանային գերտերություն: 

Տեր-Մաթևոսյան. «ՀՀ նոր իշխանությունները դասեր քաղե՞լ են Լիբանանի քաղաքացիական պատերազմից»

«Սակայն նման հույս այժմ չկա, որովհետև Լիբիայում գործադրվում են վերջին ճիգերը: Իսկ գիտե՞ք, որ Եգիպտոսն իր հերթին ֆելդմարշալ Հաֆթարին տրամադրել էր ռազմաօդային ուժեր ընդդեմ թուրքերի: Հաֆթարն, ի դեպ, կրթություն է ստացել Մոսկվայում և համարվում էր Քադաֆիի օգնականը: Լիբիայի առաջնորդի գերիշխանության տապալումից հետո մեկնեց ԱՄՆ, նույնիսկ ունի այդ երկրի քաղաքացիություն և քվեարկել է Միացյալ Նահանգների նախագահական ընտրություններում»,- ասաց թուրքագետը: 

Գրիգորյան. «Թուրքիան փորձում է ուժեղացնել իր ազդեցությունը»  

Չաքրյանը վկայակոչում է Գերմանիայի արտգործնախարարի հայտարարությունը, ըստ որի՝ Հաֆթարը համաձայնել է ստորագրել զինադադարի համաձայնագիրը երկու պայմանով, որ թուրքերը չվերահսկեն հրադադարի ռեժիմը և օտարերկրյա բոլոր զորամիավորումները դուրս բերվեն Լիբիայի տարածքից, ինչն առաջին հերթին վերաբերում է թուրքական կոնտինգենտին և նրանց օգնությամբ Իդլիբից Լիբիա ներթափանցած ահաբեկիչներին: 

60
թեգերը:
տարածաշրջան, Լիբիա, Ռեջեփ Թայիփ Էրդողան, Թուրքագետ, Հակոբ Չաքրյան, Հայաստան
Ըստ թեմայի
Ջամալյան. «ԱՄՆ-ն Մերձավոր Արևելքից ինքնակամ դուրս չի գա»
«Ուզում ենք զրկել ռեժիմը ռեսուրսներից». Պոմպեոն Իրանին սպառնացել է նոր պատժամիջոցներով
Նոր հարվածներ. ո՞վ է փորձում ԱՄՆ–ին դուրս մղել Մերձավոր Արևելքից
Ապրելու նոր հնարավորություն. Իդլիբում ուժի է մեջ է մտել հրադադարի ռեժիմը
Տիգրան Բարսեղյան

«ԱԱԾ–ն ինքնամաքրման կարիք ունի». ԱԱԾ նախկին պաշտոնյան`ընթացող փոփոխությունների մասին

105
(Թարմացված է 21:46 12.08.2020)
ՀՀ ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության պետի նախկին տեղակալ, գեներալ-մայոր Տիգրան Բարսեղյանը Sputnik Արմենիայի եթերում անդրադարձել է ԱԱԾ–ում տեղի ունեցած վերջին կադրային փոփոխություններին։

 

Բարսեղյան. «ԱԱԾ–ն իրականում ինքնամաքրման կարիք ունի»

Տիգրան Բարսեղյանի դիտարկմամբ` ԱԱԾ–ն երկրի հենասյուներից մեկն է, և այդ կառույցում փոփոխությունները նշանակում են, որ անհրաժեշտ են երկրի համար։ Ըստ նրա` Նիկոլ Փաշինյանը որոնումների մեջ է և ցանկանում է ԱԱԾ–ն դարձնել իրավական տեսանկյունից ամենահզոր կառույցներից մեկը։

«ԱԱԾ փոփոխությունները նշանակում են նաև ընդհանուր փոփոխություններ երկրում, որոնք պիտի նպաստեն ներքաղաքական ու տնտեսական կայունության ամրապնդմանը, բարեփոխումների սահուն իրականացմանը, արտաքին աշխարհի հետ հարաբերությունների հստակեցմանը, և այս ամենը հետապնդում է մի նպատակ. որպեսզի ԱԱԾ–ն առկա խնդիրները լուծի հետհեղափոխական ժամանակաշրջանի պահանջներին համապատասխան»,– նշում է գեներալ–մայորը։

Տիգրան Բարսեղյանի գնահատմամբ` նախկին ԱԱԾ–ն սպասարկում էր կոռուպցիոն որոշակի համակարգերին, հետևաբար պետք է ձերբազատվել կոռուպցիոն կապերով կաշկանդված նախկին աշխատակիցներին։ Անդրադառնալով այն հարցին, որ ԱԱԾ ներկայիս տնօրենն ընդամենը 29–ամյա անձ է և համակարգից չէ, ուստի կկարողանա՞ արդյոք արդյունավետորեն լուծել կառույցի առջև ծառացած խնդիրները, Տիգրան Բարսեղյանը նշեց, որ Արգիշտի Քյարամյանի գլխավորությամբ կառույցը հաստատապես կհաջողի իր աշխատանքներում, քանզի նորանշանակ տնօրենը վայելում է վարչապետի աջակցությունը։   

«Կարևոր է, որ Արգիշտի Քյարամյանը որոշել է կառույցի ղեկավար կազմում հավաքագրել մաքուր և պրոֆեսիոնալ անձանց, ովքեր պատրաստ են քաշել լուծը և ԱԱԾ–ն դարձնել իրավական կառույց։ Խոսքը վերաբերում է մասնավորապես տնօրենի տեղակալներին ու վարչությունների ղեկավարներին։ ԱԱԾ–ն իրականում ինքնամաքարման կարիք ունի, պետք է ձերբազատվել նախկինների հետ կապ ունեցողներից, ովքեր ձգտում են ռևանշի»,– նշում է ԱԱԾ նախկին պաշտոնյան։

ԱԱԾ տնօրենի տեղակալն իր աշխատասենյակում «ժուչոկ» է գտել. «Հրապարակ»

Բարսեղյանի կարծիքով` ԱԱԾ–ն իրավունք չունի թուլանալու և քաղաքական գործընթացներից հետ մնալու, այլ պետք է շարունակաբար ձեռքը պահի իրադարձությունների զարկերակի վրա, խնդիրներն իրավական հարթությունում ներկայացնի վարչապետին և իշխանություններին։ Ըստ նրա` ԱԱԾ–ն նախկինում փակ համակարգ էր, որովհետև թույլ չէին տալիս տեղեկատվության մատուցում հանրությանը, ինչն անընդունելի է, հետևաբար անհրաժեշտ է աշխատանքների արդյունքները թույլատրելիության սահմաններում պարբերաբար ներկայացնել հասարակությանը, ինչն ընդունված պրակտիկա է ամբողջ աշխարհում։   

Հիշեցնենք, որ այսօր ՀՀ նախագահ Արմեն Սարգսյանն Ազգային անվտանգության ծառայության տնօրենի երկու տեղակալ է նշանակել։ Նախագահի հրամանագրով ԱԱԾ տնօրենի տեղակալներ են նշանակվել Միքայել Համբարձումյանը և Արմեն Աբազյանը։

Հունիսի 8–ին Նիկոլ Փաշինյանի նախաձեռնությամբ զբաղեցրած պաշտոնից ազատվեց Ազգային անվտանգության ծառայության տնօրեն Էդուարդ Մարտիրոսյանը։  Նույն օրը ԱԱԾ տնօրենի պաշտոնում նշանակվեց ԱԱԾ տնօրենի տեղակալ Արգիշտի Քյարամյանը։

 

105
թեգերը:
Հրաժարական, պաշտոնյա, պաշտոն, Հայաստան, ՀՀ ազգային անվտանգության ծառայություն. ԱԱԾ
Սոս Մարգարյան

Անհանգստանա՞լ, թե՞ ոչ. ՀՀ գլխավոր սեյսմոլոգը՝ տարածաշրջանում սեյսմիկ անվտանգության մասին

355
(Թարմացված է 21:25 12.08.2020)
Սեյսմիկ պաշտպանության տարածաշրջանային ծառայության ղեկավար Սոս Մարգարյանը Sputnik Արմենիայի եթերում անդրադարձել է Թուրքիայի տարածքում գիշերը տեղի ունեցած երկրաշարժին, որի ցնցումները զգացվել են նաև Հայաստանում։   
Անհանգստանա՞լ, թե՞ ոչ. ՀՀ գլխավոր սեյսմոլոգը՝ տարածաշրջանում սեյսմիկ իրավիճակի մասին

Սեյսմիկ պաշտպանության տարածաշրջանային ծառայության ղեկավար Սոս Մարգարյանի փոխանցմամբ`մարդկանց նկարագրածը մի քիչ հարաբերական է, որովհետև ոմանք ասում են, թե ցնցումները շատ ուժեղ էին, ոմանք էլ նկարագրում են այնպես, ինչպես իրականում պետք է որ լինի։

«Չեմ ցանկանում նման դատողությունների վրա եզրահանգումներ անել։ Իրականում եղել է երկու թույլ հետցնցում, որոնց կապակցությամբ արվել ու արվում է մասնագիտական վերլուծություն։ Նշեմ, որ Իգդիրի խզվածքը բաղկացած է չորս սեգմենտից, արտառոց ոչ մի բան չկա, հետևաբար պետք չէ անհանգստանալ»,– Sputnik Արմենիայի հետ զրույցում ասաց նա։ 

Մարգարյանի տեղեկացմամբ`գրանցվել է թույլ երկրաշարժ, ու քանի որ երկրաֆիզիկական դաշտերը մեծ անոմալիաներ չեն տալիս այս պահին, ապա հաշվի առնելով 4.2 մագնիտուդով ուժգնությունը` կարելի է ասել, որ սեյսմիկ իրավիճակն այժմ իր ֆոնային արժեքների շրջանում է։ 

Շիրակում երկրաշարժի ահը սրտում 114 վթարային շենք կա. դասեր չե՞նք քաղում անցյալից

Հիշեցնենք, որ անցած գիշեր Թուրքիայի Իգդիր քաղաքից 12 կմ հարավ-արևելք օջախի 10 կմ խորությամբ, 4.2 մագնիտուդով երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 5-6 բալ: Երկրաշարժը զգացվել է ՀՀ Արմավիրի և Արարատի մարզերում՝ 4 բալ, իսկ Երևանում՝ 3-4 բալ ուժգնությամբ։

355
թեգերը:
էպիկենտրոն, Թուրքիա, Երկրաշարժ, Հայաստան
Ըստ թեմայի
ԱԷԿ-ի սեյսմիկ անվտանգության հայկական համակարգը ցանկանում են տեղադրել Լատինական Ամերիկայում
Մազից կախված. ՀՀ-ում 400 ոչ սեյսմակայուն դպրոց կա
ՀՀ–ում սեյսմիկ ցնցումների քանակն աճել է. 16–ի փոխարեն` 24–հարկանի շենքե՞ր կկառուցվեն
Անհանգստանալու առիթ չկա. ցնցումների օջախային գոտում լարվածությունը թուլացել է. սեյսմոլոգ
Президент Карабаха Араик Арутюнян на совместном заседании совета безопасности Армении и Карабаха (19 июня 2020). Еревaн

Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են նախատեսված

0
(Թարմացված է 09:23 13.08.2020)
Արցախի և Հայաստանի սահմանին տեղադրված անցակետում սահմանափակումները շարունակում են գործել, սակայն որոշակի մեղմացումներով։

ԵՐԵՎԱՆ, 13 օգոստոսի — Sputnik. Արցախի Հանրապետությունում ևս արտակարգ դրությունը մեկ ամսով երկարաձգվել է։ Այդ մասին որոշում է ստորագրել Արցախի նախագահ Արայիկ Հարությունյանը, տեղեկանում ենք նախագահի պաշտոնական կայք էջից։

Որոշման մեջ ասվում է, որ հաշվի առնելով այն հանգամանքը, որ Արցախի Հանրապետությունում նոր կորոնավիրուսային հիվանդության (COVID-19) հետևանքով առաջացած արտակարգ իրավիճակը շարունակում է սպառնալ բնակչության կյանքին և առողջությանը և կարող է հանգեցնել անձանց կենսագործունեության բնականոն պայմանների խախտման, որ 2020 թվականի ապրիլի 12-ին արտակարգ իրավիճակ հայտարարելու համար հիմք ծառայած հանգամանքները դեռևս չեն վերացել, Արցախի Հանրապետության Սահմանադրության 133-րդ հոդվածի ուժով նախագահը լիազորված է երկարաձգել արտակարգ իրավիճակի ժամկետը, 2020 թվականի օգոստոսի 12-ից, ժամը 22:00-ից` 30 օրով՝ մինչև 2020 թվականի սեպտեմբերի 11-ը, ժամը 22:00-ն ներառյալ ժամկետով:

Հիշեցվում է, որ 2020 թվականի օգոստոսի 12-ի դրությամբ Արցախում հաստատվել է կորոնավիրուսային հիվանդության 251 դեպքերը, որոնցից 231-ը` առողջացած (2020 թվականի ապրիլի 12-ից հետո դեպքերի թվի աճը կազմել է 245)։

Արցախի նախագահի հրամանագրի 2-րդ կետը վերաբերում է Արցախ մուտք գործելու սահմանափակումներին։

Ըստ այդմ, անցակետով թույլատրվում է Արցախի Հանրապետության քաղաքացիների և նրանց ընտանիքների՝ Արցախի Հանրապետության քաղաքացի չհանդիսացող անդամների, Արցախի Հանրապետության քաղաքացի չհանդիսացող, սակայն Արցախի Հանրապետությունում օրինական հիմքերով բնակվելու իրավունք ունեցող անձանց մուտքը Արցախի Հանրապետության տարածք: Պարետի որոշմամբ կարող են սահմանվել անցակետով նշված անձանց մուտքի հատուկ պայմաններ։

Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները

Անցակետով թույլատրվում է Արցախի Հանրապետության քաղաքացիություն չունեցող այլ անձանց մուտքը Արցախի Հանրապետության տարածք՝ սույն հավելվածով և պարետի որոշումներով սահմանված հատուկ պայմանների պահպանման դեպքում։ Պարետի որոշմամբ անցակետով Արցախի Հանրապետության քաղաքացիություն չունեցող այլ անձանց մուտքը կարող է արգելվել, ինչպես նաև սահմանվել մուտքի այլ առանձնահատկություններ։

Հիշեցնենք, որ երեկ ՀՀ կառավարությունը հրավիրված արտահերթ նիստում որոշում կայացրեց Հայաստանում 5–րդ անգամ երկարաձգել մարտի 16–ից հայտարարված արտակարգ դրությունը։ Այն կավարտվի սեպտեմբերի 11–ին, ժամը 22։00–ին։

0
թեգերը:
Արցախի նախագահ Արայիկ Հարությունյան, Արտակարգ դրություն, կորոնավիրուս, Լեռնային Ղարաբաղ, Արցախ
թեմա:
Կորոնավիրուսը Հայաստանում և Արցախում