Գրիգոր Սաղյան

Սաղյան. «Նպատակահարմար չէ պահել առանձին օրենսդրությամբ գործող «Բիլայն Արմենիան»

169
(Թարմացված է 12:53 11.02.2020)
«Ինտերնետ հանրություն» ՀԿ փոխնախագահ Գրիգոր Սաղյանը Sputnik Արմենիայի եթերում անդրադարձել է «Բիլայն» ապրանքանիշը կառավարող «Վեոն» կորպորացիային վերաբերող տեղեկատվությանը։
Գրիգոր Սաղյան. ««Բիլայնի» էքսպանսիան նախկին ԽՍՀՄ երկրներում ըստ երևույթին ավարտվել է»

«Վեոն» կորպորացիան քննարկում է ՀՀ–ում իր բիզնեսը վաճառելու հնարավորությունները` բանակցելով է «Յուքոմ» ընկերության հետ։ 

Գրիգոր Սաղյանի դիտարկմամբ՝ դա կապված չէ եկամտաբերության խնդրի հետ: Ըստ նրա՝ հարցը պետք է ավելի լայն դիտարկել՝ հաշվի առնելով, որ «Վեոն» ընկերությունը դադարեցրել է իր գործունեությունը Տաջիկստանում: Մնացել են երկու երկիր՝ Ռուսաստանը և Հայաստանը

«Ըստ երևույթին նպատակահարմար չէ պահել առանձին օրենսդրությամբ գործող ընկերություն, ինչպիսին է «Բիլայն Արմենիան»՝ «Արմենտելը»: Հայաստանի բնակչության թիվը 3.6 միլիոն է, որից 800 հազարն օգտվում են «Բիլայնի» ծառայություններից, ինչը չնչին մասն է կազմում այն շրջանառության, որը «Վեոնն» ունի Ռուսաստանում»,- նշում է «Ինտերնետ հանրություն» ՀԿ փոխնախագահը: 

Սաղյանի գնահատմամբ՝ մեր շուկան ՌԴ-ի համեմատ շատ փոքր է, և ուրիշ երկրի օրենսդրությանը հարմարեցնելն արդեն չի հանդիսանում նախկին էքսպանսիան, որն ուներ «Բիլայնը», երբ տարածվում էր նախկին ԽՍՀՄ հանրապետություններում:

Հայաստանում և Արցախում ռոումինգի գինը կնվազի. Փաշինյանը մանրամասներ է հայտնում

Նրա կարծիքով՝ Էքսպանսիայի ժամանակաշրջանն ըստ երևույթին ավարտվել է, և հիմա տեսանելի է վերադարձը դեպի հիմնական աղբյուրը:

«Հուսով եմ, որ ՀՀ-ում չի լինի միայն երկու օպերատոր, ինչը շատ վտանգավոր է։ Օրինակ՝ ԱՄՆ-ում օրենսդրորեն չի թույլատրվում, որ լինի չորս օպերատորից պակաս: Սրա իմաստն այն է, որ շուկայում գործող օպերատորները չկարողանան իրար հետ կնքել կարտելային համաձայնագրեր: Երկու օպերատորի պարագայում պայմանավորվածությունների հավանականությունը շատ բարձր է»,- նշում է «Ինտերնետ հանրություն» ՀԿ փոխնախագահը:  

«Բիլայնի» նախկին մենեջերին թույլ չեն տվել դուրս գալ Հայաստանից

Գրիգոր Սաղյանի փոխանցմամբ՝ «Արմենտելն» արդեն իսկ ունի հարմարավետ ենթակառուցվածքներ, և ով դառնա «Արմենտելի» նոր տերը, կստանա հսկայական մրցակցային առավելություններ:

169
թեգերը:
բջջային, Ռուսաստան, Հայաստան, Beeline Armenia
Ըստ թեմայի
Հակամրցակցային համաձայնություն, թե՞ թանկացում
Լիբանանյան գործարարները վաճառել են «ՄՏՍ Հայաստան» ընկերության բաժնետոմսերի վերջին 20 %–ը
Ucom ընկերությունը կարող է գնել Beeline Armenia–ն
Տիգրան Աբրահամյան

Ժամանակն է օգտագործել Թուրքիայի հանդեպ թշնամություն ունեցող երկրների ներուժը. Աբրահամյան

37
(Թարմացված է 19:39 14.08.2020)
«Հենակետ» վերլուծական կենտրոնի ղեկավար Տիգրան Աբրահամյանը Sputnik Արմենիայի եթերում անդրադարձել է Իլհամ Ալիևի և Վլադիմիր Պուտինի հեռախոսազրույցին, որի ընթացքում, ըստ տեղեկությունների, Ադրբեջանի նախագահը բարձրացրել է ՌԴ-ից ՀՀ տեղափոխվող ռազմական բեռներին առնչվող հարցեր։
Աբրահամյան. «Օգտագործենք երկրների ներուժը, որոնք Թուրքիայի հանդեպ ունեն ընդհանուր թշնամություն»

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի դիտարկմամբ` առաջիկայում ականատես կլինենք Ադրբեջանի նախագահի և այլ խոշոր երկրների ղեկավարների քննարկումներին։ Քաղաքագետը կարծում է, որ վերստուգվում, ճշգրտվում են մոտեցումները տարբեր հարցերի շուրջ և դիրքորոշումների հստակեցումը դիտվում է նաև հնարավոր ռազմական գործողությունների վերսկսման համատեքստում, այսինքն` Ադրբեջանը փորձում է ռազմական նախապատրաստությանը զուգահեռ տանել նաև դիվանագիտական աշխատանք այն երկրների հետ, որոնք ներկայություն ունեն մեր տարածաշրջանում։

«Ադրբեջանը փորձում է ներկայացնել իր մոտեցումներն իրավիճակի կտրուկ փոփոխության գնալու հիմնավորումների պարագայում, հետևաբար չի բացառվում, որ առաջիկայում կտեղեկանանք այլ հեռախոսազրույցների մասին, որոնց միջոցով Ադրբեջանի ռազմաքաղաքական վերնախավը ձգտելու է ներկայացնել ռազմական գործողությունների վերսկսման դրդապատճառները»,– Sputnik Արմենիայի հետ զրույցում ասաց նա։

Աբրահամյանի խոսքով` տվյալ պարագայում պասիվ մնալն աշխատում է Հայաստանի դեմ, հետևաբար պետք է լինենք ակտիվ, նախաձեռնող` օգտագործելով այն երկրների հնարավորություններն ու ներուժը, որոնք Թուրքիայի հանդեպ ունեն ընդհանուր թշնամություն, սակայն մեզ հետ դաշնակիցներ են։ Քաղաքագետի համոզմամբ` մենք չպետք է սահմանափակվենք միայն փաստաթղթային կամ հայեցակարգային առումով մեզ մոտ նշումներ կատարելով, այլ իրականացնենք ակտիվ բազմակողմ կարգավորումներ, վերանայումներ և՛ ռազմաքաղաքական դաշինքների, և՛ կառույցների, և՛ առանձին պետությունների հետ, որոնք այս կամ այն չափով առնչվում են մեր տարածաշրջանին։ 

Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել

Հիշեցնենք՝ ըստ ադրբեջանական աղբյուրների` Ադրբեջանի նախագահը հայտարարել է, որ հայ-ադրբեջանական սահմանին տեղի ունեցած մարտական գործողություններից հետո, հուլիսի 17-ից սկսած Ռուսաստանից Հայաստան ռազմական բեռների տեղափոխման ինտենսիվ բնույթը անհանգստացրել, ինչպես նաև լուրջ հարցեր է առաջացրել ադրբեջանական հասարակության մեջ: Ալիևի խոսքով` հայ–ադրբեջանական սահմանին մարտական գործողություններից անմիջապես հետո Ղազախստանի, Թուրքմենստանի և Իրանի օդային տարածքով Ռուսաստանից Հայաստան տեղափոխված ռազմական բեռների ծավալը գերազանցել է 400 տոննան: Հենց այս հարցը պարզելն էլ եղել է հեռախոսազրույցի հիմնական նպատակը։

37
թեգերը:
Զենք, հեռախոսազրույց, Ռուսաստան, Ադրբեջան, Հայաստան
Ըստ թեմայի
Ալիև՛, ձեռքերդ հեռու հայկական եկեղեցուց. Լապշինը բացահայտել է Բաքվի հերթական սադրանքը
«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ
Իլհամ Ալիևն ինքն է խոստովանում, որ Լեռնային Ղարաբաղը Հայաստանի մի մասն է. Փաշինյան
Մեր արյամբ գծված սահմանը եթե փոխվի` ընդարձակվելու է. Արցախի նախագահը պատասխանել է Ալիևին
Ռուբեն Մելքոնյան

Ինչպես պետք է Հայաստանն իրեն պահի թուրք–հունական կոնֆլիկտում. թուրքագետի մեկնաբանությունը

42
(Թարմացված է 15:29 14.08.2020)
Թուրքագետ Ռուբեն Մելքոնյանն անդրադարձել է Միջերկրական ծովում Թուրքիայի և Հունաստանի միջև առաջացած լարվածությանն ու այն հարցին, թե տվյալ հակամարտության վերաբերյալ Հայաստանն ինչ մոտեցումներ պետք է ցուցաբերի։
Մելքոնյան. «Թուրք–հունական կոնֆլիկտի համապատկերում Հայաստանը չպետք է մնա դիտորդի դերում»

Ռուբեն Մելքոնյանի դիտարկմամբ` տեսանելի է, որ ծովում թուրք–հունական կիսապատերազմական իրավիճակ է, ռազմանավերն ըստ էության կանգնած են դեմ հանդիման, ամեն պահի կարող է սկսել ծովային ճակատամարտ։ Թուրքիան պաշտոնապես հայտարարում է, որ պատրաստ է ցանկացած, այդ թվում, ռազմական զարգացման` նույնիսկ նշելով, թե պատերազմի դեպքում որ կղզիներն են լինելու թիրախային։

«Մատնանշվում են մասնավորապես Կրետեն, Հռոդոսը, հարակից այլ կղզիները, որոնք գտնվում են բուն Հունաստանից տարբեր հեռավորությունների վրա, բայց միևնույն ժամանակ շատ մոտ են Թուրքիայի ցամաքային սահմանին։ Այժմ տեսնում ենք, թե ինչպես Թուրքիան օկուպացնում է Սիրիայի, Իրաքի տարածքները, և նույնը ցանկանում է անել ծովային տիրույթում»,– նշում է թուրքագետը։

 Ռուբեն Մելքոնյանի համոզմամբ` թուրքական գործելակերպը կարող է տարածվել նաև այլ տարածաշրջանների, մասնավորապես Կովկասի վրա, և այստեղ Անկարայի նկրտումներն ու հավակնությունները շատ իրատեսական են, ինչը ենթադրում է նաև համապատասխան քայլեր Հայաստանի կողմից։  

«Կարծում եմ, որ թուրք–հունական կոնֆլիկտի համապատկերում Հայաստանը չպետք է մնա դիտորդի դերում, գոնե հայտարարությունների մակարդակում պետք է սատարի մեր բարեկամ Հունաստանին, որի հետ ունենք ընդհանուր պատմական անցյալ, և մեր երկու երկրների տարածքային ամբողջականության նկատմամբ Թուրքիան միշտ ունեցել է հավակնություններ, իսկ որոշ պատմական տարածքներ պարզապես զավթել է»,– նշում է թուրքագետը։

Նրա համոզմամբ` Հայաստանի կողմից պասիվությունն այս պարագայում արդարացված չէ, որովհետև տվյալ հարցն ուղղակիորեն կամ անուղղակիորեն առնչվում է նաև մեզ, հետևաբար մենք պետք է մեր մոտեցումներն ու դիրքորոշումը հստակ արտահայտենք։   

Հիշեցնենք` օգոստոսի 10–ին Թուրքիան հայտնել էր, որ Oruç Reis նավը սեյսմիկ ուսումնասիրություն է սկսել Արևելյան Միջերկրական ծովում, այն հատվածում, որը Հունաստանը համարում է իր բացառիկ տնտեսական գոտին։ Սեյսմահետախուզության մասին Navtex-ի ծանուցումից հետո Հունաստանի ազգային անվտանգության խորհուրդը նիստ է գումարել։ Հայտնում են, որ Հունաստանի զինված ուժերը մարտական պատրաստականության են բերվել։

Հունաստանի ԱԳՆ-ն կոչ է արել Թուրքիային անհապաղ հեռանալ իր ափերից․հայտարարություն

Թուրքիան որոշել է վերականգնել սեյսմիկ հետախուզությունն այն բանից հետո, երբ Հունաստանը Եգիպտոսի հետ ծովային գոտիների սահմանազատման համաձայնագիր է կնքել։ Թուրքիայի նախագահ Էրդողանն այն անիրավական ու չգործող է որակավորել։

42
թեգերը:
Ռուբեն Մելքոնյան (թուրքագետ), Հայաստան, նավ, Ծով, Թուրքիա, Հունաստան
Ըստ թեմայի
Հունաստանը կարող է Հաագայի դատարան դիմել Թուրքիայի հետ տարածքային վեճի պատճառով
Կիպրոսում և Հունաստանում սգո զանգեր են ղողանջել Սուրբ Սոֆիայի տաճարի համար. տեսանյութ
Թուրքիայի պատճառով. Հունաստանի վարչապետն ազգային անվտանգության խորհրդի նիստ է հրավիրել
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

0
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

0
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է