Սուրեն Սուրենյանց

Սուրենյանց. «Վարչապետն ու իր ընտանիքը Վանեցյանին դարձրին հեղափոխության Ռոբին Հուդ»

106
(Թարմացված է 14:30 15.01.2020)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է վարչապետ Նիկոլ Փաշինյանի և ուժային կառույցների միջև հնարավոր կոմպրոմանտային պայքարի թեմային և փոխադարձ վիրավորանքներին:
Սուրենյանց. «Վարչապետն ու իր ընտանիքը Վանեցյանին դարձրին հեղափոխության Ռոբին Հուդ»

Սկանդալը բավականին տհաճ է, որովհետև երկրի վարչապետը կամ նրան պատկանող լրատվամիջոցն ու ԱԱԾ նախկին տնօրենը միմյանց հասցեին փոխադարձ վիրավորանքներ են հնչեցնում, և ոչ ոք չի կարող ասել, թե որքանով են ճիշտ «Հայկական ժամանակի» պնդումները, կամ որքանով են օբյեկտիվ Վանեցյանի պնդումները: Այս մասին Sputnik Արմենիայի հետ զրույցում ասաց քաղաքագետ Սուրեն Սուրենյանցը։

«Կա դատախազություն, կան իրավապահ մարմիններ, որոնք պետք է հանգամանորեն քննեն թերթի հրապարակումը: Ի վերջո, մեր հասարակությունն իրավունք ունի տեղեկանալու, թե կողմերից ում պնդումներն են ճիշտ, որպեսզի հասկանալի դառնա սկանդալի իրական մոտիվը: Ես ուղղակի զարմանում եմ, որ վարչապետը, նրա ընտանիքը, նրան պատկանող լրատվամիջոցը բողոքում են մի մարդուց, որին դարձրին հեղափոխության Ռոբին Հուդը»,- նշեց քաղաքագետը:

Օրերս «Հայկական ժամանակ» օրաթերթը գրել էր, վարչապետ Նիկոլ Փաշինյանի ընտանիքի անդամների, մասնավորապես կնոջ` Աննա Հակոբյանի և դստեր` Մարիամ Փաշինյանի դեմ քարոզչական արշավը, որ իրականացնում են մի քանի կոնկրետ լրատվամիջոցներ, համակարգում ու ներշնչում է Ազգային անվտանգության ծառայության նախկին տնօրեն Արթուր Վանեցյանը։

Կենցաղային խոսակցություն է. Արարատ Միրզոյանը` Փաշինյան–Վանեցյան ընտանիքների բանավեճի մասին

Սուրենյանցը հռետորական հարցադրումներ է անում` ի վերջո ո՞վ է Արթուր Վանեցյանի գործունեության համար քաղաքական պատասխանատվություն կրում: Ըստ նրա՝ եթե ենթադրաբար բոլոր մեղադրանքները ճիշտ են, ապա ո՞վ է այդ ամենի քաղաքական պատասխանատուն, ո՞վ Վանեցյանին ստվերից քաղաքական դեմք դարձրեց, ո՞վ նպաստեց գեներալական ուսադիրներ ստանալուն, նախարարական կարգավիճակ ձեռք բերելուն: Եվ արդյո՞ք վարչապետն այս ամենից հետևություններ է արել, որպեսզի մենք հետագայում տեսնենք ավելի որակյալ ԱԱԾ և ոստիկանություն:

«Մարիամ ջան, աղջիկս, մի մտիր մեծերի անհասկանալի խաղերի մեջ». Արթուր Վանեցյան

«ԱԱԾ ցանկացած տնօրեն տիրապետում է որոշակի տեղեկությունների, որոնք կարող է ինչ-որ փուլում դարձնել շրջանառու: Այլ խնդիր է, որ պետական համակարգի լրջությունը կայանում է նրանում, որպեսզի օրենսդրորեն կարգավորվի այն հարցը, ըստ որի՝ ԱԱԾ տնօրենը պաշտոնավարումից հետո չպետք է օգտագործի նախապես ստացած տեղեկատվություններն իր քաղաքական նպատակներով»,- ասաց Սուրենյանցը:

Նրա համոզմամբ՝ պետք է լինեն ինստիտուցիոնալ կարգավորումներ, որպեսզի ԱԱԾ-ն և ոստիկանությունն իսկապես դուրս բերվեն քաղաքական զարգացումներից և ապագայում չլինեն «նոր վանեցյաններ»:

106
թեգերը:
ընտանիք, քաղաքագետ, «Թավշյա հեղափոխություն», Արթուր Վանեցյան
Ըստ թեմայի
«Թույլ չեմ տա, որ կեղծ իրավապաշտպանները վնասեն ՀՀ–ի անվտանգությանը». Վանեցյան
Բոլոլա, կոկորդիլոսի ձվեր ու կթու կովեր. 2019–ի ամենահայտնի զվարճալի արտահայտությունները
Ոմանք լուռ գնացին, ոմանք` սպառնալով. 2019–ի աղմկահարույց պաշտոնանկությունները
«Չփորձեք ինձ ներքաշել քաղաքական խաղերի մեջ». «Վստրեչի ապերը» հայտարարություն է տարածել
Լևոն Աբրահամյան

Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին

111
(Թարմացված է 15:44 15.08.2020)
Մոնրեալի համալսարանի վարակաբանության պրոֆեսոր Լևոն Աբրահամյանը Sputnik Արմենիայի եթերում խոսել է Ռուսաստանի Դաշնությունում, Իսրայելում և ԱՄՆ–ում ստեղծված պատվաստանյութերի ու դրանց կիրառելիության մասին։
Աբրահամյան. «COVID 19-ի դեմ 170 պատվաստանյութից միայն 8-ն է գտնվում ուսումնասիրման վերջին փուլում»

Լևոն Աբրահամյանի տեղեկացմամբ` մի շարք երկրներ միացել են Covid-19-ի դեմ արդյունավետ դեղամիջոց պատրաստելու մրցավազքին, որը գլխավորում են ՌԴ–ն, Չինաստանը, ԱՄՆ–ն, Իսրայելը, Ֆրանսիան ու Գերմանիան։ Ըստ նրա`այժմ գոյություն ունի պատվաստանյութի շուրջ 170 տարբերակ, որոնք հիմնականում գտնվում են կլինիկական ուսումնասիրության փուլում, դրանցից 130–ը գնահատման նախնական փուլում են։

«Պատվաստանյութի ուսումնասիրության գործընթացը սովորաբար ամիսներ է տևում։ Առաջին փուլում փորձարկումները կատարվում են 30-40 կամավորների վրա, երկրորդ փուլն ընդգրկում է 100-300 մարդ, իսկ երրորդ փուլում կատարվում է արդեն զանգվածային փորձարկում`ընդգրկելով ավելի քան 3000 կամավոր անկախ տարիքային ու սեռային պատկանելությունից։ Այս պահին միայն 8 պատվաստանյութ է գտնվում ուսումնասիրության վերջնական փուլում, որոնցից միայն երկուսն ունեն պետական մասնակի գրանցում, մեկը չինականն է, մյուսը` ռուսականը»,– նշում է վարակաբանության պրոֆեսորը։

Աբրահամյանի խոսքով` կորոնավիրուսի դեմ պատվաստանյութերի գրանցումը նշվում է որպես արտակարգ իրավիճակի գրանցում և նախատեսված է սահմանափակ օգտագործման համար, այսինքն` կիրառվում են միայն ծայրահեղ դեպքերում և հատուկ խմբի մարդկանց համար են։ Ըստ պրոֆեսորի`օրինակ չինական պատվաստանյութը նախատեսված է կիրառել բանակում, հետո նոր հասարակության այլ խավերում, իսկ ռուսական պատվաստանյութը, ըստ պետական հավաստագրի, նախատեսված է 18-65 տարեկան մարդկանց համար։

Հիշեցնենք՝ ՌԴ նախագահ Վլադիմիր Պուտինը օգոստոսի 11-ին ՌԴ կառավարության անդամների հետ խորհրդակցության ժամանակ հայտարարել էր, որ Ռուսաստանում գրանցվել է կորոնավիրուսի դեմ առաջին պատվաստանյութը։ ՌԴ նախագահի խոսքով՝ Ռուսաստանը COVID-19-ի դեմ պատվաստանյութ գրանցած առաջին երկիրն է։ Պատվաստանյութը բավականաչափ արդյունավետ է, ձևավորում է կայուն դիմադրողականություն և անցել է բոլոր անհրաժեշտ փորձարկումները։

Կորոնավիրուսի դեմ պայքարի օպերատիվ շտաբը հայտնել է, որ կորոնավիրուսի դեմ ռուսական պատվաստանյութը քաղաքացիական շրջանառության մեջ կմտնի 2021 թվականի հունվարի 1-ին։ Այն կոչվել է «Սպուտնիկ V»։

Առողջապահության համաշխարհային կազմակերպությունն էլ հայտարարել է, որ ողջունում է նոր կորոնավիրուսի դեմ պատրաստուկների հետազոտությունների ու մշակումների ոլորտի բոլոր ձեռքբերումները և մտադիր է ստուգել ռուսական պատվաստանյութի փորձարկումների տվյալները:

ԱՀԿ-ն ուզում է համոզվել, որ պատվաստանյութի հետազոտությունն իրականացվել է սահմանված ընթացակարգերին համապատասխան։ Կազմակերպությունը պատրաստ է գնահատել դեղի անվտանգությունն ու արդյունավետությունը: Դրա հետ մեկտեղ ԱՀԿ-ի մասնագետները շփման մեջ են ռուսաստանցի գիտնականների հետ:

111
թեգերը:
Լևոն Աբրահամյան (Մոնրեալի համալսարանի (Université de Montréal) վարակաբանության պրոֆեսոր), պատվաստանյութ, կորոնավիրուս
Ըստ թեմայի
Ռուսաստանում կորոնավիրուսի դեմ պատվաստանյութն առաջինը կստանան բժիշկներն ու տարեց մարդիկ
Ո՞ր երկրներն են Covid-19–ի դեմ պատվաստանյութ մշակել
Ռուսաստանում սկսվել է կորոնավիրուսի դեմ պատվաստանյութի արտադրությունը
Թրամփին պատմել են ռուսական պատվաստանյութի մասին
Տիգրան Աբրահամյան

Ժամանակն է օգտագործել Թուրքիայի հանդեպ թշնամություն ունեցող երկրների ներուժը. Աբրահամյան

66
(Թարմացված է 19:39 14.08.2020)
«Հենակետ» վերլուծական կենտրոնի ղեկավար Տիգրան Աբրահամյանը Sputnik Արմենիայի եթերում անդրադարձել է Իլհամ Ալիևի և Վլադիմիր Պուտինի հեռախոսազրույցին, որի ընթացքում, ըստ տեղեկությունների, Ադրբեջանի նախագահը բարձրացրել է ՌԴ-ից ՀՀ տեղափոխվող ռազմական բեռներին առնչվող հարցեր։
Աբրահամյան. «Օգտագործենք երկրների ներուժը, որոնք Թուրքիայի հանդեպ ունեն ընդհանուր թշնամություն»

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի դիտարկմամբ` առաջիկայում ականատես կլինենք Ադրբեջանի նախագահի և այլ խոշոր երկրների ղեկավարների քննարկումներին։ Քաղաքագետը կարծում է, որ վերստուգվում, ճշգրտվում են մոտեցումները տարբեր հարցերի շուրջ և դիրքորոշումների հստակեցումը դիտվում է նաև հնարավոր ռազմական գործողությունների վերսկսման համատեքստում, այսինքն` Ադրբեջանը փորձում է ռազմական նախապատրաստությանը զուգահեռ տանել նաև դիվանագիտական աշխատանք այն երկրների հետ, որոնք ներկայություն ունեն մեր տարածաշրջանում։

«Ադրբեջանը փորձում է ներկայացնել իր մոտեցումներն իրավիճակի կտրուկ փոփոխության գնալու հիմնավորումների պարագայում, հետևաբար չի բացառվում, որ առաջիկայում կտեղեկանանք այլ հեռախոսազրույցների մասին, որոնց միջոցով Ադրբեջանի ռազմաքաղաքական վերնախավը ձգտելու է ներկայացնել ռազմական գործողությունների վերսկսման դրդապատճառները»,– Sputnik Արմենիայի հետ զրույցում ասաց նա։

Աբրահամյանի խոսքով` տվյալ պարագայում պասիվ մնալն աշխատում է Հայաստանի դեմ, հետևաբար պետք է լինենք ակտիվ, նախաձեռնող` օգտագործելով այն երկրների հնարավորություններն ու ներուժը, որոնք Թուրքիայի հանդեպ ունեն ընդհանուր թշնամություն, սակայն մեզ հետ դաշնակիցներ են։ Քաղաքագետի համոզմամբ` մենք չպետք է սահմանափակվենք միայն փաստաթղթային կամ հայեցակարգային առումով մեզ մոտ նշումներ կատարելով, այլ իրականացնենք ակտիվ բազմակողմ կարգավորումներ, վերանայումներ և՛ ռազմաքաղաքական դաշինքների, և՛ կառույցների, և՛ առանձին պետությունների հետ, որոնք այս կամ այն չափով առնչվում են մեր տարածաշրջանին։ 

Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել

Հիշեցնենք՝ ըստ ադրբեջանական աղբյուրների` Ադրբեջանի նախագահը հայտարարել է, որ հայ-ադրբեջանական սահմանին տեղի ունեցած մարտական գործողություններից հետո, հուլիսի 17-ից սկսած Ռուսաստանից Հայաստան ռազմական բեռների տեղափոխման ինտենսիվ բնույթը անհանգստացրել, ինչպես նաև լուրջ հարցեր է առաջացրել ադրբեջանական հասարակության մեջ: Ալիևի խոսքով` հայ–ադրբեջանական սահմանին մարտական գործողություններից անմիջապես հետո Ղազախստանի, Թուրքմենստանի և Իրանի օդային տարածքով Ռուսաստանից Հայաստան տեղափոխված ռազմական բեռների ծավալը գերազանցել է 400 տոննան: Հենց այս հարցը պարզելն էլ եղել է հեռախոսազրույցի հիմնական նպատակը։

66
թեգերը:
Զենք, հեռախոսազրույց, Ռուսաստան, Ադրբեջան, Հայաստան
Ըստ թեմայի
Ալիև՛, ձեռքերդ հեռու հայկական եկեղեցուց. Լապշինը բացահայտել է Բաքվի հերթական սադրանքը
«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ
Իլհամ Ալիևն ինքն է խոստովանում, որ Լեռնային Ղարաբաղը Հայաստանի մի մասն է. Փաշինյան
Մեր արյամբ գծված սահմանը եթե փոխվի` ընդարձակվելու է. Արցախի նախագահը պատասխանել է Ալիևին
Լիոնել Մեսսի

Լիոնել Մեսսին մտադիր է լքել «Բարսելոնան»

0
(Թարմացված է 17:17 15.08.2020)
Պայմանագրի ավարտին դեռ մեկ տարի կա, բայց ֆուտբոլիստը վերջնականապես հիասթափվել է ակումբի կառավարման համակարգից։

ԵՐԵՎԱՆ, 15 օգոստոսի – Sputnik. «Բարսելոնայի» հարձակվող 33-ամյա Լիոնել Մեսսին որոշել է հեռանալ ակումբից։ Տեղեկությունը հայտնում է իսպանական Cadena COPE ռադիոալիքը։

​Արգենտինացին վերջնականապես հիասթափվել է ակումբի կառավարման համակարգից և չի ուզում երկարաձգել պայմանագիրը։ Նա պատրաստ է համաձայնագրի երկարաձգման հնարավորությունը դիտարկել միայն ակումբի կառուցվածքի վերակազմավորման, ինչպես նաև ղեկավարության փոխվելու պարագայում։

Ֆուտբոլիստի պայմանագիրն ավարտվում է 2021թ-ի ամռանը։

Ավելի վաղ հայտնի էր դարձել, որ Մեսսիով հետաքրքրված է «Ինտերը»։ Միլանցիները պատրաստ են 4 տարվա պայմանագիր առաջարկել նրան՝ խաղաշրջանի համար 50 միլիոն եվրո աշխատավարձով։

Նախօրեին «Բարսելոնան» Չեմպիոնների լիգայի քառորդ եզրափակիչում 2:8 հաշվով պարտվեց «Բավարիային» և դուրս մնաց մրցաշարից: 1946 թվականից ի վեր առաջին անգամ «Բարսելոնայի» դարպասում մեկ խաղի ընթացքում 8 գնդակ հայտնվեց։

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

Փորձագետները նշում են` ծայրահեղ իրավիճակներում Մեսսին բազմաթիվ անգամ է թիմին փրկել, բայց երեկ բոլոր առաջատարները խաղում էին նույն (ոչ բարձր) մակարդակով՝ թե՛ Լուիս Սուարեսը, թե՛ Մեսսին, թե՛ Ժերար Պիկեն, թե՛ դարպասապահ Մարկ-Անդրե տեր Շտենգենը։ Այնպիսի տպավորություն էր, որ նա խաղալու տրամադրություն ընդհանրապես չուներ։

Երկրպագուները Երևանի փողոցներից մեկը ներկել են ֆուտբոլային ակումբի գույներով

0
թեգերը:
ֆուտբոլ, «Բարսելոնա» ֆուտբոլային ակումբ, Լիոնել Մեսսի
Ըստ թեմայի
Ռաֆայել Նադալը ոչ միայն թենիս, այլև ֆուտբոլ է լավ խաղում
Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ
Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում