Սերգեյ Ղահրամանյան

Ղահրամանյան. «Հունվարի վերջին հնարավոր կլինի տեղեկանալ առաջին տուգանված վարորդների մասին»

285
(Թարմացված է 21:24 08.01.2020)
Ոստիկանության պետին կից հասարակական խորհրդի անդամ Սերգեյ Ղահրամանյանը Sputnik Արմենիայի եթերում անդրադարձել է 2020 թ-ից վարորդների շրջանում կիրառվող բալային համակարգին ու դրա առանձնահատկություններին:

Օրինախախտ վարորդների շրջանում կիրառվող նոր պատժամիջոցները սկզբնական շրջանում ամբողջական հիմք չեն տա, որպեսզի կատարվեն լուրջ և համապարփակ եզրահանգումներ: Այս մասին Sputnik Արմենիայի հետ զրույցում ասաց Ոստիկանության պետին կից հասարակական խորհրդի անդամ Սերգեյ Ղահրամանյանը։

Այդուհանդերձ մասնագետը վկայակոչում է ոստիկանության ներկայացրած վիճակագրությունը, որի համաձայն՝ պատահարների թիվը երկու անգամ պակաս է նախորդ տարվա հունվարի առաջին օրերի համեմատ: 

«Ազդող գործոններից մեկն էլ, անշուշտ, եղել է բալային համակարգի ներդրումը, քանի որ մարդիկ ավելի զսպված և զգոն են եղել՝ չնայած այն հանգամանքին, որ տոնական օրերին մարդիկ քիչ են մեքենա վարում, շատերն էլ մեկնել են Հայաստանից»,- նշեց նա: 

Ղահրամանյանի փոխանցմամբ՝ սարքավորումներով արձանագրված խախտումներին առնչվող ծանուցումը վարորդներին պետք է հասնի 20-օրյա ժամկետում, այսինքն` հունվարի վերջին նոր հնարավոր կլինի տեղեկություններ ստանալ առաջին տուգանված վարորդների մասին:

«Բալային համակարգի հետ կապված առաջին արձագանքները եղել են բազմաժանր: Կային և՛ խելամիտ արձագանքներ, և՛ ոչ այնքան: Գիտեք, միշտ էլ շատերը բողոքել են պարզապես բողոքելու համար: Անշուշտ, կան նաև կառուցողական բողոքներ, որոնք բերում են քննարկումների, որոնց արդյունքում կայացվում են միջանկյալ, այլընտրանքային որոշումներ»,- ասաց մասնագետը:

Տուգանք և 4 բալի կորուստ` տարվա հենց առաջին օրը. քանի խմած վարորդ է հայտնաբերել ՃՈ–ն

Նա տեղեկացնում է, որ իրենք հենց սկզբից մասնակցել են նախագծի հրապարակային քննարկումներին, որոնց նախաձեռնողը ոստիկանությունն է: Այդուհանդերձ քննարկումների աշխուժությունը սպասվածից քիչ էր, քաղաքացների մասնակցության ցուցանիշն այդքան էլ բարձր չի եղել: 

Բալային համակարգը, Ղահրամանյանի համոզմամբ, չի վնասում միջին չափի խախտումներ իրականացնողներին: Ավելին՝ 100 տեսակի խախտումներից 28-ի ֆինանսական բեռը կտրուկ նվազեցվել է: Այդ առումով՝ քաղաքացիները տարեկան 7-8 միլիարդ դրամի քիչ տուգանք կվճարեն:  

Տուգանքների նոր համակարգ ՃՈ–ից. ի՞նչ պետք է իմանան վարորդները

Հիշեցնենք, որ 2020 թվականի հունվարի 1-ից ուժի մեջ է մտել տուգանային միավորների նոր համակարգը, ըստ որի՝ տրված 9 բալը սպառելու դեպքում վարորդները վեց ամսով կզրկվեն մեքենա վարելու իրավունքից։

 

285
թեգերը:
Ճանապարհային ոստիկանություն(ՃՈ), Բալային համակարգ, Տուգանք, վարորդական իրավունք, վարորդ, Հայաստան
Ըստ թեմայի
Ինչ անել ուրիշի խախտման պատճառով վարորդական իրավունքից չզրկվելու համար. տեսանյութ
Հայաստանում ՃՏՊ–ների հետևանքով ամեն օր մեկ մարդ է մահանում. ինչ է առաջարկում պատգամավորը
«Եթե չլինի պատժող մեխանիզմ, ոչ մի բալային համակարգ խնդիրը չի լուծի». Պողոս Շահինյան
Գնահատականը դամոկլյան սուր է աշակերտի գլխին. նախարարությունը վերանայում է գնահատման կարգը

sys_stories