Թադևոս Ավետիսյան

Ավետիսյան. «Փաշինյանի կառավարությունը միջնաժամկետ և կարճաժամկետ թիրախներ չի դրել»

41
(Թարմացված է 21:51 08.01.2020)
Տնտեսագետ Թադևոս Ավետիսյանը Sputnik Արմենիայի եթերում անդրադարձել է վարչապետ Նիկոլ Փաշինյանի Facebook-ի գրառմանը, ըստ որի՝ 2019 թ-ի արդյունքներով՝ մեկ շնչին ընկնող ՀՆԱ-ի ցուցանիշով գերազանցել ենք Վրաստանին, իսկ 2020 թվականի արդյունքներով` առաջ կանցնենք նաև Ադրբեջանից:
Ավետիսյան. «Գործող կառավարությունը միջնաժամկետ և կարճաժամկետ թիրախներ չի դրել»

7.1 տոկոս տնտեսական ակտիվության ցուցանիշն առաջին հայացքից ինքնին դրական է, ու եթե համեմատության մեջ վերցնենք համաշխարհային տնտեսության ցուցանիշները, ապա տարածաշրջանի երկրների համեմատ այստեղ ևս ունենք դրական արձանագրում: Այս մասին Sputnik Արմենիայի հետ զրույցում ասաց տնտեսագետ Թադևոս Ավետիսյանը։

«Բայց եթե ցուցանիշները դիտարկենք ամբողջության մեջ, ապա 2018 թվականի առաջին չորս ամիսներին մենք ունեինք տնտեսական ավելի մեծ ներուժ, որովհետև տնտեսական ակտիվության ցուցանիշը մոտեցել էր 9.5 տոկոսին: Իշխանափոխությունից հետո ակտիվությունը նվազեց, և տարին փակեցինք 5.9 տոկոսով»,- նշեց տնտեսագետը: 

Արժույթի միջազգային հիմնադրամը պաշտոնապես հաստատել է գնահատականը, որի համաձայն՝ 2019 թվականի արդյունքներով Հայաստանն առաջ է անցել Վրաստանից, իսկ 2020 թվականին առաջ կանցնի նաև Ադրբեջանից՝ դառնալով Հարավային Կովկասի առաջատար երկիրը։

Թադևոս Ավետիսյանի գնահատմամբ՝ ներկայումս ունենք խնդիր, որը կապված է բազայի հետ, այսինքն` ի՞նչ տնտեսական ներուժի նկատմամբ է հիշյալ աճն ապահովել: Այստեղ կարևոր է նաև տնտեսական աճի կառուցվածքային բաղադրիչը: 

Փաշինյանի գրառման հետքերով. ինչու չի խոսվում շահումով խաղերի ու առևտրի մասին

«Շարունակում է մտահոգիչ մնալ այն, որ տնտեսական աճ արձանագրած հիմնական ոլորտը շահումով խաղերի, ծառայությունների ոլորտն է, որը տեսակարար կշռի տեսանկյունից մեծ ծավալ է գրավում»,- ասաց տնտեսագետը:

Հայաստանում հաստատված են անհնարինն իրականություն դարձնելու ժամանակներ. Փաշինյանի ուղերձը

Ավետիսյանի կարծիքով՝ եթե նայենք ցուցանիշների թիրախներին, ապա գործող կառավարությունն, ըստ էության, միջնաժամկետ և կարճաժամկետ թիրախներ չի դրել՝ իր ուսերից թոթափելով դրան համապատասխան պարտավորությունները: Վարչապետը նշել է երկարաժամկետ թիրախի մասին, մինչև 2050 թվականը տասնհինգապատկել է ՀՆԱ-ն, ինչը նշանակում է, որ մենք պետք է ամեն տարի առնվազն 9.5 տոկոս տնտեսական աճ ապահովենք: Այդուհանդերձ ներուժի առումով, ըստ տնտեսագետի, դեռ չենք հասել այն ցուցանիշին, որն արձանագրվել է 2018 թ.-ի առաջին չորս ամիսներին:

41
թեգերը:
տնտեսություն, Վրաստանի Հանրապետություն, Ադրբեջան, Նիկոլ Փաշինյան, ՀՆԱ (համախառը ներքին արդյունք), տնտեսագետ, Թադևոս Ավետիսյան
Ըստ թեմայի
Դաս հայ գործարարներին․ ինչպես է «Թոմասյան» ծխախոտը նվաճել Եվրոպան
Հնարավոր է` Հայաստանում շաքարավազը թանկանա
«Հիշո՞ւմ եք, որ ԱԺ ամբիոնից հայտարարեցի...». Փաշինյանի կանխատեսումն իրական է դարձել
Աշխարհն արագ է փոխվում. ինչ պետք է անի Հայաստանը հետ չմնալու համար
Նազելի Բաղդասարյան

Իշխող ուժը պատրաստ է քննել պատերազմի բոլոր խութերը. Բաղդասարյանն է վստահեցնում

65
(Թարմացված է 22:37 28.07.2021)
Պատգամավոր Նազելի Բաղդասարյանը Sputnik Արմենիայի եթերում խոսել է 44–օրյա պատերազմը քննող` նոր ձևավորվելիք հանձնաժողովի իրավասությունների և անելիքների մասին։
«Պատրաստակամ ենք քննելու պատերազմի բոլոր խութերը». Նազելի Բաղդասարյան

44-օրյա պատերազմի քննիչ հանձնաժողովը հնարավորություն կտա գտնել այն բոլոր հարցերի պատասխանները, որոնք պատերազմի ավարտից 8 ամիս անց շարունակում են մնալ առկախված։ Sputnik Արմենիայի հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Նազելի Բաղդասարյանը, որը նոր գումարվելիք ԱԺ-ում կզբաղեցնի ՔՊ խմբակցության քարտուղարի պաշտոնը։

«Մենք ամբողջական պատրաստակամություն ունենք քննելու այն բոլոր հանգամանքները, այն բոլոր հարցերը, այն բոլոր խութերը, որոնք հնարավոր է` ինչ-ինչ տարակարծությունների տեղ են թողել, և կարծում եմ, որ օբյեկտիվ քննությունը կտա բոլոր հարցերի պատասխանը»,- ասաց նա։ 

Նոր ստեղծվելիք հանձնաժողովի կազմում կներգրավվեն բոլոր նրանք, որոնց ներգրավվածությունը սահմանված է ՀՀ ԱԺ կանոնակարգ օրենքով. աշխատանքային ձևաչափն ամբողջապես պարզ կլինի, երբ պատգամավորների 1/3-ը հավանություն տա հանձնաժողով ստեղծելու առաջարկին։

Բաղդասարյանի խոսքով` անկախ նրանից, թե ով կղեկավարի նոր գումարման ԱԺ պաշտպանության և անվտանգության հանձնաժողովը, ըստ Դոնթի բանաձևի, հանձնաժողովի անդամների գերակշիռ մասը կլինեն իշխող ուժի պատգամավորները։

Նոր գումարվելիք ԱԺ-ում «Քաղաքացիական պայմանագիր» խմբակցության քարտուղարը չբացառեց, որ այս անգամ ևս պաշտպանության հանձնաժողովի նախագահությունը կստանձնի իշխող ուժը, սակայն չցանկացավ իրադարձություններից առաջ ընկնել. հորդորեց սպասել մինչև 8-րդ գումարման ԱԺ-ի առաջին նիստը։

Մեր հարցին, թե բացի արտախորհրդարանական քաղաքական ուժերից, օրինակ` անկախ զինվորականներ ներգրավվելո՞ւ են հանձնաժողովի աշխատանքներում, որոնք օբյեկտիվ գնահատական կտան կատարվածին, Բաղդասարյանը կրկին հղում կատարեց ԱԺ կանոնակարգ օրենքին և հորդորեց քննիչ հանձնաժողովների գործառույթները չշփոթել իրավապահ կամ քննչական մարմինների գործառույթների հետ։

«ԱԺ պաշտպանության բնագավառի հանձնաժողովը որևէ կերպ չի կարող գերազանցել իր լիազորությունները։ Ես հիմա չեմ ուզում մտնել ընթացակարգերի մեջ, որովհետև օրենքը հստակ սահմանափակում, հստակ սահմանումներ և ձևակերպումներ տալիս է, թե ինչ կարող է իրականացվել և ովքեր կարող են հրավիրվել։ Օրինակ` պաշտոնատար անձինք հրավիրվում են և կարող են գալ և ներկայացնել իրենց դիրքորոշումները, անգամ այն պաշտոնյանները, որոնք նախկինում են պաշտոնավարել և հրավերը ստացել են մինչև պաշտոնավարման դադարեցումը։ Մնացածի դեպքում պարտադրանք չկա, իսկ անկախ զինվորականներն արդեն զուտ փորձաքննությունների և մնացած գործընթացների դաշտում են։ ԱԺ քննիչ հանձնաժողովը ունի գործառույթներ, դրանից ավել որևէ բան չի կարող անել»,- ընդգծեց նա։

Իշխանական պատգամավորը բացառում է քաղաքական մանիպուլյացիաները։ Ասում է` պատերազմը քննող հանձնաժողովը պետք է զերծ մնա քաղաքական բոլոր տեսակի բումերանգներից։ Նրա համոզմամբ`հանձնաժողովի աշխատանքներն իրականացվելու են բացառապես օբյեկտիվության հիմքով։

Արմեն Գրիգորյանը ՄԱԿ-ում ներկայացրել է Արցախի դեմ ադրբեջանական ագրեսիայի հետևանքները

Հիշեցնենք, որ «Քաղաքացիական պայմանագիր» կուսակցության անդամ, ԱԺ պատգամավոր Ալեն Սիմոնյանը հուլիսի 26-ին լրագրողների հետ զրույցում նշել էր, որ Արցախյան վերջին պատերազմի քննիչ հանձնաժողով կստեղծվի:

Սիմոնյանն ասել էր նաև, որ այդ հարցում արտախորհրդարանական ընդդիմության մասնակցությունը պետք է լինի․ հանձնաժողովի գործունեությունը չպետք է սահմանափակվի Ազգային ժողովում այսօր ներկայացված կուսակցություններով։

65
թեգերը:
հանձնաժողով, ԱԺ, Արցախյան պատերազմ, Պատգամավոր, Նազելի Բաղդասարյան, Հայաստան
Ըստ թեմայի
Մարտերի հետևանքով հայկական կողմն ունի 4 վիրավոր. ՊՆ
Անհետ կորած զինծառայողը գտնվել է. նրան տեղափոխել են Երևան, վիճակը ծայրահեղ ծանր է
Հայ-ադրբեջանական սահմանային գոտու լարվածության օջախները
Давид Арутюнов

Բաքվի հայտարարության ֆոնին չի բացառվում ավելի մեծ կոնֆլիկտի հնարավորությունը. փորձագետ

178
(Թարմացված է 20:54 28.07.2021)
Ռազմական հարցերի փորձագետ Դավիթ Հարությունովը Sputnik Արմենիայի եթերում անդրադարձել է Թուրքիայի խորհրդարանի ղեկավար Մուստաֆա Շենթոպի հայտարարությանը, ըստ որի Թուրքիան և Ադրբեջանը բանակցություններ են վարում թյուրքական համատեղ բանակի ստեղծման շուրջ։
Հարությունով. «Աբրբեջանի և Թուրքիայի բանակները ձգտում են առավելագույն ինտեգրման»

Եթե Ադրբեջանի և Թուրքիայի ղեկավարները սկզբունքորեն գնում են միասնական բանակ ստեղծելու ուղիով, ապա դա պոտենցիալ առումով հնարավոր է, բայց կարող են լինել նաև այդ գործարքի հետ կապված յուրահատկություններ, օրինակ` այս փուլում դա 100 տոկոսով տեխնիկապես իրագործել հնարավոր չէ, քանի որ գործ ունենք երկու տարբեր բանակների հետ։ Sputnik Արմենիայի հետ զրույցում նման կարծիք հայտնեց Դավիթ Հարությունովը։

«Թուրքիան և Ադրբեջանը բավականին երկար ժամանակ պատրաստվում են միասնաբար գործելու, թեև դա ենթադրում է ինտեգրման ավելի ցածր մակարդակ, քան միասնական բանակի` ամբողջովին միատարր կառույցի պարագայում։ Բայցևայնպես, միանշանակ է այն, որ երկու երկրների բանակները տևական ժամանակ իրականացնում են միասնական մարտական պատրաստություն, և սա ոչ միայն փորձի փոխանակում է, այլև ամեն ինչ արվում է, որ փոխգործակցության մակարդակը լինի հնարավորինս բարձր»,– նշեց փորձագետը։

Հարությունովի կարծիքով` Ադրբեջանն, այնուամենայնիվ, կցանկանա պահպանել որոշակի մանևրի տեղ, այսինքն` լիարժեք ու ամբողջական ինտեգրման մասին դեռ խոսք լինել չի կարող, քանի որ դա իր մեջ պարունակում է նաև հստակ քաղաքական բաղադրիչ։ 

Անդրադառնալով Հայաստանի ու Ադրբեջանի միջև խաղաղության պայմանագրի կնքման հեռանկարին` Հարությունովն ընդգծեց, որ այդ փաստաթուղթը պարունակում է երկու պոտենցիալ վտանգ. մեկն առնչվում է տարածքներ զիջելուն, մյուսը` Արցախին, որպեսզի Հայաստանը ճանաչի Ադրբեջանի տարածքային ամբողջականությունն ու հրաժարվի Արցախի կարգավիճակի քննարկումներից։ 

«Մենք բարդ իրավիճակում ենք այն իմաստով, որ դա նաև փակուղային է, հասարակության մեծ մասը դրան պատրաստ չէ, թեև այս ամենի շարունակությունը կարող է լինել սահմանային էսկալացիայի խորացումն ու մեծացումը։ Բացի դրանից, Հայաստանն այս պահին գործնականում միջազգային արդյունավետ, լուրջ դիվանագիտական աջակցություն չունի»,– ասաց փորձագետը։

Բաքուն և Անկարան քննարկում են համատեղ թյուրքական բանակ ստեղծելու գաղափարը

Հարությունովի գնահատմամբ` սահմանային լարվածությունն ըստ էության Հայաստանի վրա ճնշում գործադրելու տարբերակ է, ինչը բարձրաձայնում է նաև Ադրբեջանը և Բաքվից հնչող հայտարարություններն էլ արվում են այդ ֆոնին, հետևաբար չարժե բացառել ավելի մեծ կոնֆլիկտի հնարավորությունը։ 

Հիեցնենք, որ Թուրքիայի խորհրդարանի ղեկավար Մուստաֆա Շենթոպը հայտնել է համատեղ զորավարժությունների մասին, որոնք անցկացվում են երկու երկրների պայմանավորվածությունների շրջանակներում:

Նա ասել է, որ գաղափարն է մեկ ազգ, երկու պետություն։ Եվ այսպես միշտ կլինի։ Շենթոպը շեշտել է, որ այդ կապակցությամբ բազմաթիվ բանակցություններ և պայմանավորվածություններ են տեղի ունեցել։

Բաքուն համաձայնել է հրադադարի հաստատմանը. ռուսական կողմը ժամ է սահմանել

178
թեգերը:
Դավիթ Հարությունով (ռազմական փորձագետ), Հայաստան, Թուրքիա, Բաքու
Ըստ թեմայի
Բաքուն հաղորդում է, որ Ադրբեջանի 2 զինծառայող է վիրավորվել
Թեհրանը պատրաստ է հաշտեցնել Երևանին ու Բաքվին
Բաքվում ադրբեջանցի հետախույզին փորձում են ներկայացնել որպես հայ վարձկան
ԵԽԽՎ հատուկ զեկուցողը կայցելի Բաքու. զեկույցը կհրապարակվի սեպտեմբերին
Դմիտրի Պեսկով

Երևանի ու Բաքվի հետ շփումների մեջ ենք. Պեսկովը` Փաշինյանի հայտարարության մասին

0
(Թարմացված է 13:58 29.07.2021)
Ռուսաստանը շարունակում է իր շփումները Երևանի և Բաքվի հետ, որպեսզի լիարժեք ապահովի եռակողմ պայմանավորվածությունների իրականացումը

ԵՐԵՎԱՆ, 29 հուլիսի – Sputnik. ՌԴ նախագահի մամուլի քարտուղար Դմիտրի Պեսկովը, մեկնաբանելով Հայաստանի վարչապետի պաշտոնակատար Նիկոլ Փաշինյանի կոչը՝ ՌԴ սահմանապահներին տեղակայել Ադրբեջանի հետ սահմանի ամբողջ երկայնքով, հայտարարել է, որ այժմ Երևանի և Բաքվի հետ շփումներ են ընթանում պայմանավորվածություններն իրականացնելու համար:

Փաշինյանն այսօր կառավարության նիստում առաջարկել էր ռուս սահմանապահների հենակետեր տեղակայել հայ–ադրբեջանական սահմանի ողջ երկայնքով:

«Ռուսաստանը շարունակում է իր շփումները Երևանի և Բաքվի հետ, որպեսզի լիարժեք ապահովի եռակողմ պայմանավորվածությունների իրականացումը», - ասել Է Պեսկովը լրագրողներին:

Ճշտող հարցին, թե պատրա՞ստ են կատարել Փաշինյանի խնդրանքը, ՌԴ նախագահի մամուլի քարտուղարը պատասխանել է. «Երևանի հետ շփումները շարունակվում են։ Ավելացնելու բան չունեմ»։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել են սադրանքի ու կրակ բացել հայկական դիրքերի ուղղությամբ։

0
թեգերը:
Նիկոլ Փաշինյան, Դմիտրի Պեսկով, Ռուսաստան, Ադրբեջան, Հայաստան
Ըստ թեմայի
44–օրյա պատերազմից հետո առաջին լայնածավալ էսկալացիան հայ-ադրբեջանական սահմանին. տեսանյութ
Դատապարտում ենք էսկալացիան. ԱՄՆ–ն կոչով դիմել է Հայաստանին ու Ադրբեջանին
Իրադրությունը հայ–ադրբեջանական սահմանագծի երկարությամբ չի կայունանում. Փաշինյան
Սա այն մարտական դիրքն է, որը հայերը հետ են վերցրել ադրբեջանցիներից. բացառիկ լուսանկարներ