Վլադիմիր Կարապետյան

Կարապետյան. «Հայաստանը բարձրացրել է ԵԱՏՄ հեղինակությունը»

66
(Թարմացված է 17:52 23.12.2019)
ՀՀ վարչապետի մամուլի քարտուղար Վլադիմիր Կարապետյանը Sputnik Արմենիայի եթերում խոսել է Հայաստան-ԵԱՏՄ փոխգործակցության մասին՝ նշելով, որ հարաբերությունները շատ արդյունավետ են բոլոր ուղղություններով:

Հայաստանը ԵԱՏՄ նախագահության ժամանակահատվածում բարձրացրել է կազմակերպության հեղինակությունը, ընդլայնել համագործակցության աշխարհագրությունը: Այս մասին Sputnik Արմենիայի հետ զրույցում ասաց ՀՀ վարչապետ Նիկոլ Փաշինյանի մամուլի խոսնակ Վլադիմիր Կարապետյանը։

«Համարում ենք, որ 2019 թվականը հաջողված տարի էր ԵԱՏՄ-ի համար»,- նշեց նա:

Կարապետյանի փոխանցմամբ` վերջին հանդիպումը նույնպես նշանավորվեց նրանով, որ ձեռք բերվեցին մի շարք պայմանավորվածություններ։

«Մեր առաջարկություններից մեկն այն էր, որ մեգածրագրերում յուրաքանչյուր երկիր վերցնի մի ոլորտ, առաջնորդի և շեշտադրված փորձի առաջ մղել այդ ոլորտը: Մենք վերցրինք այն, ինչն այս պահին համարեցինք ճիշտ, որտեղ ունենք փորձառություն և կարող ենք օգուտ բերել նաև ԵԱՏՄ-ին»,- ասաց ՀՀ վարչապետի մամուլի քարտուղարը:

Փաշինյանի մամուլի քարտուղարը կադրային ջարդի նախանշաններ չի տեսնում

Նշենք, որ դեկտեմբերի 20-ին տեղի ունեցած Եվրասիական բարձրագույն տնտեսական խորհրդի նիստում Հայաստանի պատվիրակությունը պատրաստակամություն էր հայտնել համակարգել ԵԱՏՄ ոսկերչական բրենդի ձևավորման ծրագրի իրականացումը։

Հայաստանը ԵԱՏՄ–ում կնախագահի մինչև փետրվարի 1-ը։

66
թեգերը:
Վլադիմիր Կարապետյան, Եվրասիական Տնտեսական Միություն (ԵԱՏՄ), Հայաստան
թեմա:
Հայաստան և ԵԱՏՄ (159)

sys_stories