Վարդևանյան. «Վահե Գրիգորյանի կապը Քոչարյանի գործի հետ կարող է հարցեր առաջացնել»
(Թարմացված է 21:32 16.12.2019)
Հայաստանի երկրորդ նախագահի փաստաբանական թիմի անդամ Արամ Վարդևանյանը Sputnik Արմենիայի հետ զրույցում անդրադարձել է Ռոբերտ Քոչարյանի դեմ հարուցված գործի հանգամանքներին և դատավոր Մխիթար Պապոյանի ինքնաբացարկին:Վարդևանյան. «Վահե Գրիգորյանի կապը Քոչարյանի գործի հետ կարող է հարցեր առաջացնել»
Դատավոր Մխիթար Պապոյանի ինքնաբացարկից հետո Ռոբերտ Քոչարյանի գործը մակագրվել է Լուսինե Աբգարյանին: Նա վարույթ է ընդունել համապատասխան բողոքը և նիստ է նշանակել:
Արամ Վարդևանյանի կարծիքով՝ օրենքով նախատեսված և օրենքով չարգելվող բոլոր գործողությունները, որոնք անհրաժեշտ են իրավունքի կոպտագույն խախտումը վերացնելու համար, այն է՝ անձնական ազատության սահմանափակումը, ապօրինի և անհիմն կալանավորումը, փաստաբանական թիմի կողմից միանշանակ ձեռնարկվելու են:
©
Sputnik / Asatur Yesayants
Արամ Վարդևանյանի փոխանցմամբ՝ Վերաքննիչ քրեական դատարանում այս ընթացքում մեկ բարձր վարկանիշ ունեցող դատավորի` Մխիթար Պապոյանին էր մակագրվել գործը, ով քննել էր կալանավորման հետ կապված հարցը: Մինչ այդ, բարձր վարկանիշ ունեցող դատավորներից մեկ ուրիշն էր քննության առարկա էր դարձրել Ռոբերտ Քոչարյանի գործը. նա, ըստ Վարդևանյանի, այսօր ամենաբարձր վարկանիշ ունեցող դատավորն է`Ալեքսանդր Ազարյանը:
«Կհիշեք, դատախազության կողմից ներկայացվեց իրավական տեսանկյունից ակնհայտ անհիմն, իսկ կիրառական իմաստով նաև լուրջ ռիսկեր պարունակող միջնորդություն ինքնաբացարկ հայտնելու վերաբերյալ։ Այն իրականում դատախազության կողմից ներկայացվող միջնորդություն չէր, որովհետև դատախազության միջնորդությունները պետք է լինեն ավելի բարձր չափանիշներին համապատասխանող, քանի որ դատախազությունն ի վերջո չպետք է կողմնակալ լինի, այլ հանդես գա որպես օրինականության և իրավունքի պաշտպանության ներկայացուցչական գործառույթով մարմին»,- նշում է Արամ Վարդևանյանը:
Դատավորը բավարարել է Ռոբերտ Քոչարյանի փաստաբանների խնդրանքը
Փաստաբանը մատնանշում է ևս մեկ հանգամանք, որն իհարկե պետք է փաստաբանական թիմի կողմից դառնա քննարկման առարկա: Լուսինե Աբգարյանի եղբայրն ունի ուղղակի առնչություն սույն գործով ակտիվ դերակատար եղած, ակնհայտ կողմնակալ Վահե Գրիգորյանի հետ: Վերջինս տուժողների իրավահաջորդների ներկայացուցիչն էր և նրա հրապարակային հայտարարություններում, ըստ Վարդևանյանի, ընդհուպ մինչև Ռոբերտ Քոչարյանի իրավունքների առերևույթ խախտումներ էին նկատվում:
Արամ Վարդևանյանը շեշտում է, որ Վահե Գրիգորյանը մշտապես դեմ է եղել ՀՀ երկրորդ նախագահի կալանավորումը որպես խափանման միջոց վերացնելու ցանկացած հնարավոր գործողության, և եթե կա նման ուղղակի կապ, ապա դա իսկապես կարող է հարցեր առաջացնել:
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 11:31 05.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` մարտի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
ՀՀ–ում շատանում է կորոնավիրուսով վարակվածների թիվը. մահճակալային ֆոնդը կրկին ավելացվել է
(Թարմացված է 14:01 05.03.2021)
Վերջին օրերին կորոնավիրուսով վարակվածության դեպքերի աճ է նկատվում։ ՀՀ առողջապահության նախարարությունը հիշեցնում է, որ երկրի մահճակալային հզորությունները սահմանափակ են։ԵՐԵՎԱՆ, 5 մարտի - Sputnik. Երկրում ստեղծված համաճարակային իրավիճակից ելնելով` ՀՀ առողջապահության նախարարությունը այսօր վերաբացել է շուրջ 250 մահճակալ հզորությամբ «Սուրբ Աստվածամայր» բուժկենտրոնի ինֆեկցիոն մասնաճյուղը: Տեղեկությունը հայտնում է ՀՀ առողջապահության փոխնախարար Գևորգ Սիմոնյանը։
«Հանրապետության մահճակալային հզորությունները սահմանափակ են»,– Facebook–ի իր էջում գրել է նա։
Հիշեցնենք, որ ՀՀ առողջապահության նախարար Անահիտ Ավանեսյանը երեկ հայտնել էր, որ այժմ վիրուսի առկայությունը հաստատվում է թեստավորվածների 16 տոկոսի մոտ։
Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։