Թադևոս Ավետիսյան

Ավետիսյան. «Կատարի մուտքի արտոնագրի չեղարկումը հազիվ թե տնտեսական մեծ ազդեցություն ունենա»

51
(Թարմացված է 15:52 10.12.2019)
Տնտեսագետ Թադևոս Ավետիսյանը Sputnik Արմենիայի հետ զրույցում անդրադարձել է ՀՀ քաղաքացիների համար Կատար մեկնելիս մուտքի արտոնագրի պահանջի չեղարկման որոշմանը և այն հարցին, թե այդ հանգամանքը ինչ կարող է տալ տնտեսական հարաբերությունների տեսանկյունից:

Դեպի Կատար մուտքի արտոնագրի պահանջի չեղարկման որոշումը տնտեսական ակտիվության հասնելու առաջնային գործոն չէ: Եթե ասում ենք տնտեսական ակտիվություն, ապա մեր երկրում պետք է Կատարից ներդրումներ լինեն կամ էլ արտահանումը դեպի այդ պետություն ավելանա: Այս մասին Sputnik Արմենիայի հետ զրույցում ասաց տնտեսագետ Թադևոս Ավետիսյանը։

«Կատար մուտքի արտոնագրի չեղարկումից դժվար է ակնկալել տնտեսական մեծ ազդեցություն: Առանց այդ էլ մենք արաբական երկրների հետ չունենք առանձնապես բարդ ընթացակարգ, որպեսզի խոշոր ներդրողների կամ խոշոր արտահանողների համար խնդիրներ առաջանան»,- նշեց նա:

Հաշվի առնելով այն հանգամանքը, որ մի շարք արաբական երկրներում և մասնավորապես Կատարում առանձին մասնագիտությունների գծով կա աշխատուժի պահանջարկ, ուստի մեր մասնագետների համար, ըստ Թադևոսյանի, դա կարող է խթան հանդիսանալ արտագնա աշխատանքի համար, բայցևայնպես, այստեղ էլ կա մտահոգություն, որ վիզաների ազատականացումից ամբողջական արդյունք տեսնելու համար պետք է լինի նաև աշխատուժի շարժը կարգավորող միջպետական համաձայնագիր, ինչը դեռևս բացակայում է: 

Տարածաշրջանային նոր կապուղին կանցնի Հայաստանով. Ադրբեջանն ու Թուրքիան կմնան խաղից դուրս

«Նման պայմաններում մեծ է ռիսկը, որ արտագնա աշխատանքի մեկնող մեր հայրենակիցները կարող են ունենալ խնդիրներ, մասնավորապես, աշխատանքի իրավունքի պաշտպանության իմաստով, քանի որ մարդիկ մեր երկրի օրենսդրությամբ շատ ավելի պաշտպանված են, ունեն աշխատանքային երաշխիքներ, քան արաբական երկրների աշխատանքային օրենսդրությունների պարագայում»,- նշեց Ավետիսյանը:

Տնտեսագետի համոզմամբ՝ վերոհիշյալ հարցի շրջանակում միջպետական հարաբերությունների կարգավորման հստակ անհրաժեշտություն կա: 

Իսրայելից Բաքու գնացող դրոնների ֆոնին. ինչո՞ւ է Կատարում Երևանը հիմա դեսպանատուն բացում

ՀՀ քաղաքացիների համար Կատար մուտքի արտոնագրի պահանջի չեղարկման որոշումը պաշտոնապես ուժի մեջ է մտել դեկտեմբերի 8-ից: Որոշման համաձայն՝ ՀՀ քաղաքացիներին թույլատրվում է մուտք գործել Կատար և այնտեղ գտնվել մինչև 90 օր ժամկետով՝ առաջին մուտքի օրվանից վեց ամսվա ընթացքում: 

51
թեգերը:
Ներդրում, Թադևոս Ավետիսյան, Հայաստան
Ըստ թեմայի
Աշխարհի ամենաանվտանգ 20 պետությունները
Կատարին նոր պահանջներ են ներկայացնում. Դոհան դրանք անիրատեսական է համարում
Քոչարյանը` պատերազմի վերսկսման, Կատարի հետ հարաբերությունների և Իրանի ահաբեկության մասին
Քաթարը պատրաստվում է դուրս գալ ՕՊԵԿ–ից. էներգետիկայի նախարար

sys_stories