Ռեյ Կուրցվեյլ (2007թ. փետրվարի 7, Սան Ֆրանցիսկո, ԱՄՆ)

Ռեյ Կուրցվեյլի կանխատեսումները՝ ազգային պետության վերացում, հավերժ կյանք, նոր մարդ

873
(Թարմացված է 19:24 02.12.2019)
Եկեք անկեղծ լինենք։ Երբ գալիս է վերջին ամիսը՝ դեկտեմբերը, սովորաբար մարդ սկսում է մտածել տարին ամփոփելու մասին։ Բայց ամփոփելու ժամանակ դեռ կունենանք։ Ավելի լավ է ապագային նայենք։ Խոսքը 2020 թվականի մասին չէ։ Եկեք հեռավոր ապագային նայենք։

Փորձենք պատկերացնել, թե աշխարհն այդ ժամանակ ինչպիսին կլինի, ընդհանրապես ո՛ր ուղղությամբ է զարգանում մեր քաղաքակրթությունը, ինչպիսի արմատական փոփոխություններ կարող են տեղի ունենալ։

Ռեյ Կուրցվեյլի կանխատեսումները՝ ազգային պետության վերացում, հավերժ կյանք, նոր մարդ
Ուզում եմ այսօր ներկայացնել ամենահայտնի ֆուտուրոլոգներից մեկի՝ ամերիկացի Ռեյ Կուրցվեյլի կանխատեսումները։

Առաջին՝ Կուրցվեյլը պնդում է, որ ազգային պետությունը որպես այդպիսին ուղղակի հեռանկար չունի և կամաց-կամաց մեռնելու է։ Ինքը հիմնավորում է՝ ողջ աշխարհի բնակչությունը շատ ավելի փոխկապակցված է դարձել, գլոբալ հասարակություն է ձևավորվում։ 

Ազգային պետության վերացման հեռանկարը, բնականաբար, շատ շատերին դուր չի գա, բայց չէ՞ որ ամեն օր մտնելով, ասենք, Ֆեյսբուք, բոլորս դառնում ենք այդ գլոբալ հասարակության մասնիկը, այսինքն արդեն մեր ժամանակի մի մասն անցկացնում ենք գլոբալ հասարակությունում։ Ու սա խորանալու է։

«Աճող սերունդը,- ասում է Ռեյ Կուրցվեյլը,- իրեն արդեն աշխարհի քաղաքացի է զգում, որովհետև շփվում է աշխարհով մեկ սփռված մարդկանց հետ և դա արդեն որևէ մեկին չի զարմացնում»։

Մի հասարակ օրինակ բերեմ։ Եթե դուք սիրում եք, ասենք, Ֆրանց Կաֆկայի գործերը, դուք միգուցե ավելի շատ համախոհներ կգտնեք հեռավոր երկրներում, քան ձեր շրջապատում։

Ամերիկացու երկրորդ կանխատեսումը՝ մարդու կյանքի տևողությունը գնալով ավելի ու ավելի է մեծանալու։ Կուրցվեյլը շատ կոնկրետ հիմնավորում է բերում։

Ասում է՝ ձեր ապրած մեկ տարվա ընթացքում գիտությունը երկարացնում է ձեր կյանքը ավելի քան մեկ տարով։

Չգիտեմ՝ արդյո՞ք հասկանալի է։ Տեսեք. մենք բոլորս այս 2019 թվականը ապրեցինք ու մեր բոլորիս կյանքից մի տարի պակասեց։

Սակայն այդ ընթացքում գիտությունը այնպիսի նվաճումների հասավ, որոնք կարող են մեր այդ մի տարին ոչ միայն փոխհատուցել, այլև դրան ավելացնել, ասենք, ևս մեկ շաբաթ։ Ու եթե այս միտումը շարունակվի, համաձայնեք, կգա մի պահ, երբ այդ մեկ շաբաթները ավելանալով, ամիսներ ու տարիներ դառնալով՝ մեր կյանքն ի վերջո գործնականում հավերժ կդարձնեն։ Չգիտեմ՝ կարողացա արդյոք մատչելի ձևով ներկայացնել ամերիկացու գաղափարը, բայց բոլոր դեպքերում, համաձայնեք, շատ հաճելի է պատկերացնել, որ գոնե մեր ժառանգները, միգուցե ծոռների ծոռները, այնուամենայնիվ հավերժական կյանքի հույս կունենան։

Изобретатель Рэй Курцвейл перед музыкальным микшерным пультом в своем офисе (12 января 2005). Уэллсли, штат Массачусетс
© AP Photo / Steven Senne
Նշանավոր գյուտարար և ապագայաբան Ռեյ Կուրցվեյլը

Եվ վերջապես Ռեյ Կուրցվեյլի երրորդ հիմնարար կանխատեսումը, որը էլի շատերին կարող է, մեղմ ասած, բավական վիճահարույց թվալ։

Տեխնոլոգիաները, ասում է նա, թույլ են տալիս մեզ վերաիմաստավորելու, թե ինչ է իրենից ներկայացնում մարդ արարածը։ Մարդը, օգտվելով նորանոր տեխնոլոգիաներից, փոխվում է ու որակապես նոր մարդ է դառնում։ Ինքը այլ էր այն ժամանակ, երբ դեռ չգիտեր, թե ինչպես կարելի է կրակ վառել և նետ ու աղեղ պատրաստել, իմանալուց հետո՝ բոլորովին այլ, շատ ավելի հզոր դարձավ։

Եվ ամեն անգամ հասնելով նոր տեխնոլոգիական նվաճումների, մարդը ավելի ու ավելի է կատարելագործվում որպես մարդ։ Այդ նվաճումները դառնում են նրա ամենօրյա կյանքի ուղեկիցը՝ բառիս բուն իմաստով՝ մենք արդեն չենք պատկերացնում մեզ առանց բջջայինի։

Բջջայինը՝ մեր անքակտելի մասն է դարձել, կարելի է ասել՝ մեր մարմնի մի մասը, մեր ձեռքի շարունակությունը։

Ավելին ասեմ՝ հենց այսօր կարող եմ Ֆեյսբուքում ֆեյք էջ բացել, ֆոտոշոփով մի գայթակղիչ աղջկա նկար դնել ու ներկայանալ որպես հմայիչ երիտասարդ կին։ Եվ բոլորը կցանկանան ինձ հետ ընկերություն անել, հիացական մեկնաբանություններ կգրեն՝ «Վախ, ինչ սիրուն ես»։

Այսինքն՝ ցանկացած մարդ արդեն հնարավորություն ունի ապրել երկրորդ, երրորդ, չորրորդ վիրտուալ կյանքով և ընկալվել բոլորի կողմից որպես իրական անձնավորություն։

Դուք կարող եք այս ամենը տարբեր կերպ ընդունել, բայց հերքել այն իրողությունը, որ նոր տեխնոլոգիաների շնորհիվ մարդը որակապես նոր մարդ է դառնում, հո չեք կարող։

 

873
թեգերը:
ապագայաբանություն, Ֆուտուրոլոգիա, Ռեյ Կուրցվեյլ
թեմա:
5 րոպե Դուլյանի հետ (269)
Թևան Պողոսյան

Ի՞նչ է պետք տնտեսական ու բարոյահոգեբանական ճգնաժամերը հաղթահարելու և առաջ շարժվելու համար

16
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է ներքաղաքական որոշ իրողությունների և այդ համատաքստում նաև վարչապետ Նիկոլ Փաշինյանի գնահատականներին։ 
«Ինչու՞ չհավաքվեցինք երեք միլիոնով, ամեն մարդ իրեն պետք է տա այս հարցը». Պողոսյան

Անդրադառնալով ԼՂ վերաբերյալ եռակողմ հայտարարությունից հետո իր հրաժարականի պահանջով կազմակերպվող հանրահավաքներին, վարչապետն ասել է, որ լայն հանրությունը չի աջակցել ընդդիմությանը։

Թևան Պողոսյանի դիտարկմամբ` խնդիրն այն չէ, որ փողոցում որոշակի քանակի մարդիկ հավաքվում են կամ չեն հավաքվում, հետևաբար պետք չէ հարցին մոտենալ զուտ քանակական իմաստով, այլ անհրաժեշտ է լրջորեն գնահատել քաղաքական ուժերի կոչերն ու գործողությունները։ 

«Օրինակ, օրենք են գրել, որ խորհրդարանում ընդդիմությունը կարող է բարձրացնել երկրի ղեկավարի հրաժարականի հարց, հիմա եթե ԱԺ–ում կա երկու ընդդիմադիր խմբակցություն, ուրեմն ի՞նչ, պետք է ասեն, որ ընդամենը երկու ո՞ւժ է հանդես գալիս այդ պահանջով։ Մենք պետք է ձևավորենք քաղաքական մշակույթ, որպեսզի գիտակցենք մեր կատարած քայլերի պատասխանատվությունը և դրանից ելնելով որոշումներ ընդունենք»,– նշեց «Մարդկային զարգացման միջազգային կենտրոնի» ղեկավարը։

Թևան Պողոսյանը ցավով է նշում, որ Հայաստանում քաղաքական մշակույթի բացակայությունը խոչընդոտում է ազգային միասնության կայացմանը։ Ըստ նրա` ստեղծված իրավիճակում յուրաքանչյուրը պետք է առաջնորդվի անհատական պատասխանատվությամբ և ինքնուրույն ընկալման շնորհիվ պարզի, թե ինչպես կարող է նպաստել ազգային միասնության ձևավորմանը, այլ ոչ թե պառակտի հասարակությունը։ 

ԳԱԱ–ն պահանջում է Փաշինյանի հրաժարականը

«Հասարակության ներսում առկա սուր հակասությունները կարող են նվազեցնել երկրի անվտանգության մակարդակը։ Արցախում տեղի ունեցածը, 44–օրյա պատերազմի արդյունքը դաս չեղա՞վ մեզ համար։ Ես լսում էի բողոքներ, թե չգնացին, չեկան, չմասնակցեցին, իսկ հարցն այն է, թե գուցե կոչերը չեն եղել ոգեշնչող կամ գուցե ոմանց հանդեպ վստահությունը եղել է ցածր, որ մարդիկ չեն հավաքվել հանուն հայրենիքի։ Չէ՞ որ ասում էինք Սարդարապատ հայրենական պատերազմ։ Ի՞նչ պատահեց, որ երեք միլիոնով չհավաքվեցինք։ Յուրաքանչյուր մարդ պետք է իրեն տա այդ հարցը և փորձի գտնել պատասխանը»,– նշեց «Մարդկային զարգացման միջազգային կենտրոնի» ղեկավարը։

Թևան Պողոսյանի համոզմամբ` նախ պետք է բացել քաղաքական դաշտը, ստեղծել հնարավորության պատուհան, որպեսզի ի հայտ գան մարդիկ, ովքեր կգիտակցեն սխալներն ու կսկսեն այլ խոսք ասել մարդկանց` հասկանալով առկա մարտահրավերները։ Ըստ նրա` մենք կանգնած ենք ճգնաժամերի շարանի առջև` տնտեսականից մինչև բարոյահոգեբանական, ուստի պետք է կարողանանք հաղթահարել բոլոր ճգնաժամերը, իսկ առաջ շարժվելու համար անհրաժեշտ է, որ փոխվի խոսքը, քանի որ մնալով հին քաղաքականության մեջ և շարունակելով հին խոսքը` որևէ տեղ չենք հասնի։

Ամերիկահայերը Փաշինյանի հրաժարականի պահանջով ստորագրահավաք են սկսել

Պողոսյանի գնահատմամբ` նորը վերաբերում է մոտեցմանը, բոլորս էլ նախկին ենք ու ինչ էլ գտնենք՝ լինելու է նախկիններից։ 

16
թեգերը:
Նիկոլ Փաշինյան, Ճգնաժամ, Թևան Պողոսյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Թե ինչպես է հաղթահարվելու քաղաքական ճգնաժամը, ՊՆ–ին ամենաքիչն է վերաբերվում. Տոնոյան
Պայծառ ապագայի գլխավոր թշնամին, կամ ինչպես են պարտված երկրները դուրս եկել ճգնաժամից
Անկայունությունը չի կարող չանդրադառնալ Հայաստանի վարկային վարկանիշի վրա․ տնտեսագետ
Վարդան Ոսկանյան

Մեղրիի միջանցքի խնդիրը պետք է հստակեցվի, հայտարարության տեքստը շատ բազմանշանակ է. իրանագետ

403
(Թարմացված է 20:12 24.11.2020)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է արցախյան պատերազմից հետո կովկասյան տարածաշրջանում առկա իրավիճակին, կենսական շահերի շուրջ Թուրքիայի և Իրանի միջև առկա հակասություններին։  
Ոսկանյան. «Մեղրիի միջանցքի խնդիրը պետք է հստակեցվի. հայտարարության տեքստը շատ բազմանշանակ է»

Անդրադառնալով մասնավորապես այն հանգամանքին, որ Անկարան կարող է իր որոշակի ռազմական և աշխարհաքաղաքական հաջողությունն օգտագործել Կասպից ծովի ուղղությամբ հետագա առաջընթացի համար, Վարդան Ոսկանյանն ընդգծում է, որ թուրքական դիրքերի ուժեղացումը Հարավային Կովկասում, հատկապես Ադրբեջանի երկու հատվածներում, ակնհայտորեն չի բխում ոչ միայն Իրանի, այլև Ռուսաստանի շահերից, հետևաբար թուրքական կողմի գործողությունները միտված են նաև իրանական ազդեցության շրջանակները սահմանափակելուն։ 

«Բնական է, որ այդ առթիվ և՛ Իրանում, և՛ Ռուսաստանում կա անհանգստություն։ Ակնհայտ է, որ Մերձավոր Արևելքում ստեղծված ներկա իրավիճակում Թուրքիան փորձում է առավելագույն օգուտներ քաղել, որը բավարարված չէ արցախյան պատերազմի արդյունքներով, եթե հաշվի առնենք այն հանգամանքը, որ ռուսական խաղաղապահ ուժերի տեղակայումն ու միջամտությունն ըստ էության խանգարում են Անկարայի նկրտումներին»,– նշեց իրանագետը։

Խոսելով այն մասին, որ Թուրքիան կարող է օգտագործել նաև միջանցքը, որը հիմա պետք է բացվի Նախիջևանից դեպի Ադրբեջան, Վարդան Ոսկանյանն ընդգծում է, որ միջանցքի խնդիրը պետք է հստակեցվի, որովհետև հրադադարի հայտարարության տեքստը շատ բազմանշանակ է, այն թողնում է բազմաթիվ հարցականներ, քան տալիս է պատասխաններ, բայց Մեղրիի տարածաշրջանը կատարում է այն սեպի դերը, որն ըստ թուրքական տրամաբանության`չի թողնում, որպեսզի Թուրքիան միանա Ադրբեջանին ցամաքային կապով ու հայտնվի Իրանի հյուսիսում, ինչու չէ, նաև Կասպյան ավազանում, եթե հաշվի առնենք թուրանական մեծ ծրագիրը։ 

«Այս ճանապարհի հարցը չափազանց լուրջ է ու կարևոր, ինչը բնականաբար անհանգստացնում է իրանական կողմին և տարածաշրջանային բոլոր ուժերին, որոնց շահերից չի բխում թուրքական ներկայության ուժեղացումը կամ դեպի Արևելք ձգտող Անկարայի էքսպանսիոն հավակնությունները, ուստի հարցը պետք է դառնա լուրջ քննարկման առարկա թե՛ մեզանում, թե՛ մեր դաշանակիցների հետ հանդիպումների ընթացքում։ Մեր հասարակությունն իր հերթին պետք է հստակ պատասխաններ ստանա, թե ինչի մասին է խոսքը»,– նշեց իրանագետը։ 

Անդրադառնալով Իրանի ԱԳՆ խոսնակ Սաիդ Ղաթիբզադեի հայտարարությանն առ այն, որ Իրանը կարծում է, թե այժմ ձեռք բերված զինադադարը Լեռնային Ղարաբաղի հարցով Հայաստանի ու Ադրբեջանի միջև ճգնաժամի վերջնական լուծում չէ, Վարդան Ոսկանյանն ընդգծում է, որ իրականում տեղի է ունեցել արյունահեղության դադարեցում, ուստի ակնհայտ է, որ հիմնախնդրի վերջնական լուծումը պետք է դիտարկել միայն Արցախի կարգավիճակի հարցի լուծման համատեքստում, երբ ամեն ինչ հստակ կլինի, մինչդեռ այդ հստակությունը դեռ չկա, և շատ խնդիրներ ուղղակիորեն առկախված են։ 

403
թեգերը:
Ռուսաստան, Իրանի Իսլամական Հանրապետություն, Թուրքիա, Արցախյան պատերազմ
Ըստ թեմայի
Խորամանկությամբ անտեսելով ԼՂ–ի վերաբերյալ հրահանգը. ինչու է Թուրքիան զորք մտցնում Ադրբեջան
ԱՄՆ–ն ու Եվրոպան պետք է միասին աշխատեն Թուրքիայի ագրեսիան զսպելու համար. Պոմպեո
ՀՀ դեսպանն ու Իրանի փոխարտգործնախարարը խոսել են տարածաշրջանային ուժերի դերակատարումից
Արմեն Սարգսյան

«Դու պետք է կարողանաս նույնիսկ թշնամիներին մոտ լինել կամ մոտիկից իմանալ». Արմեն Սարգսյան

0
(Թարմացված է 18:37 25.11.2020)
ՀՀ նախագահի խոսքով`մենք պարտություն ենք կրել ոչ միայն ռազմի դաշտում, այլ նաև դիվանագիտական, հանրային կարծիքի, տեղեկատվական դաշտերում և բազմաթիվ այլ պարտություններ, որոնցից պետք է համապատասխան հետևություններ անենք։

ԵՐԵՎԱՆ, 25 նոյեմբերի - Sputnik. ՀՀ նախագահ Արմեն Սարգսյանը Հայաստանի Հանրային հեռուստաընկերությանը տված հարցազրույցում ասել է, որ Հայաստանի արտաքին քաղաքականությունը պետք է շատ հստակ ուղղվածություններ ունենա, որոնք կորոշվեն ազգային և պետական շահերից: 

Նրա խոսքով`կարևոր է, որ Հայաստանը հարաբերություններ ունենա Ինդոնեզիայի, Մալայզիայի կամ Վիետնամի հետ, որովհետև նրանք ՄԱԿ-ի անդամներ են:

«Սակայն ինչպե՞ս ենք բացատրում այն, որ այսօր դիվանագիտական հարաբերություններ չունենք մեր տարածաշրջանի, ինչպես նաև իսլամական աշխարհի ամենաազդեցիկ երկրներից մեկի՝ Սաուդյան Արաբիայի հետ: Հարաբերություններ չունենք նույն տարածաշրջանի ամենակարևոր երկրներից մեկի՝ Պակիստանի հետ: Բացատրությունը, թե եթե Պակիստանի հետ հարաբերություններ ունենանք, ապա Հնդկաստանը կնեղանա, մանկամիտ է և միամիտ: Մենք մոտ հարաբերություններ ունենք Միացյալ Նահանգների և Իրանի հետ, և նման օրինակները շատ են: Սա է հենց բուն դիվանագիտության իմաստը, որ դու պետք է կարողանաս փոխված բանաձևով քո բոլոր հակառակորդներին, նույնիսկ թշնամիներին մոտ լինես կամ մոտիկից իմանաս, բայց քո բարեկամների հետ պետք է շատ մոտ լինես»,–ասել է նա:

Սարգսյանի խոսքով`պահի թելադրանքն է ակտիվ դիվանագիտություն վարել արաբական աշխարհում, իսլամական աշխարհում, որի դերը բարձրանում է: Նախագահը նշում է, որ Հորդանանը շատ կարևոր դեր ունի Հայաստանի դիվանագիտության համար: Այն փոքր է, բայց հսկայական ազդեցություն ունի և՛ երկիրը, և՛ թագավորական ընտանիքը:

«Ես չէի ցանկանա այսօր Ձեզ հետ քննարկել ընդհանրապես մեր դիվանագիտական բացթողումները, հաջողությունները, հաղթանակները կամ դիվանագիտական պարտությունները: Ասել եմ արդեն, որ մենք պարտություն ենք կրել ոչ միայն ռազմի դաշտում, այլ նաև դիվանագիտական, հանրային կարծիքի, տեղեկատվական դաշտերում և բազմաթիվ այլ պարտություններ, որոնցից պետք է համապատասխան հետևություններ անենք»,–ասել է նախագահը:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

 

0
թեգերը:
Արմեն Սարգսյան, Հայաստան
Ըստ թեմայի
Ինչու՞ պարտվեցինք. ՀՀ նախագահը մի քանի պատճառ է նշում
Պատերազմող երկրում դիլետանտիզմի այս չափաքանակը բերելու էր նման հետևանքի. թուրքագետ 
Խաղից դուրս վիճակ, կամ ո՞րն էր Թուրքիայի գլխավոր սխալը Արցախի հարցում