Վիգեն Հակոբյան

Հակոբյան. «Մինսկի խումբը փորձում է որևէ ձևաչափ մոգոնել»

22
(Թարմացված է 18:26 02.12.2019)
Քաղտեխնոլոգ Վիգեն Հակոբյանը Sputnik Արմենիայի հետ զրույցում անդրադարձել է հայ և ադրբեջանցի ժողովուրդներին խաղաղության պատրաստելու թեզին և նշել, որ այն բացարձակապես նորություն չէ և նույնիսկ վերջին տասնամյակում մի քանի անգամ այդ ուղղությամբ խոսվել է:

Ամեն անգամ, երբ իրականում բանակցային գործընթացում որևէ էական տեղաշարժ չի լինում, Մինսկի խումբը փորձում է որևէ ձևաչափ մոգոնել կամ տարբերակ գտնել, որպեսզի ինչ-որ գործընթաց լինի, հետևաբար նման իրավիճակներում որպես փրկօղակ է դիտվում ժողովուրդներին խաղաղության պատրաստելու թեման: Այս մասին Sputnik Արմենիայի հետ զրույցում ասաց քաղտեխնոլոգ Վիգեն Հակոբյանը։

«Այս գործընթացը, ընդհանուր առմամբ, բավականին կասկածելի հեռանկար ունի, որովհետև երբ սահմանում կրակում են, երբ բավականաչափ բարդ տեսլական ունի, ու հայտնի էլ չէ, թե ինչ տեսք կունենա, այդ թեզը մնում է զուտ չինովնիկական, այդ թվում նաև միջազգային շրջանակների երազանքների տիրույթում»,- նշեց նա: 

Հայաստանն ունի իր օրակարգը. Մնացականյանը` Ադրբեջանում ընթացող քաղաքական պրոցեսների մասին

Քաղտեխնոլոգի դիտարկմամբ՝ մի քանի ամիս առաջ ՄԻՆՍԿ-ի խմբի համանախագահների փաստաթղթերում ներդրվել էր այն թեզը, որ հումանիտար ոլորտում լինի համագործակցություն, սահմանին չլինեն կրակոցներ, ինչը նույն համատեքստում է և չունի լուրջ հեռանկար: Ըստ Հակոբյանի` լրագրողների փոխայցելություններն էլ նորություն չեն, և տարօրինակ է, որ վերջին այցի հանգամանքները գաղտնի էին պահվում, ու հանրությունը չգիտեր, թե ովքեր են մեկնելու Բաքու, ովքեր են ժամանելու Երևան: 

Մնացականյան–Մամեդյարով հանդիպման օրը հայտնի է. ԱԳՆ

«Եթե փորձ է արվում ժողովուրդներին մերձեցնել, ապա փոխայցերի գործընթացը չպետք է իրականացվեր գաղտնիության քողի տակ, ինչն, ըստ էության, ֆորմալ բնույթ հաղորդեց այդ նախաձեռնությանը»,- ասաց Հակոբյանը: 

Նրա համոզմամբ՝ ժողովուրդներին խաղաղության պատրաստելու նամար նախ պետք է հստակեցնել, թե ինչ է նշանակում այդ խաղաղությունը, ինչ է տալու կողմերին, ով է շահելու և ով է տուժելու: 

Հիշեցնենք` Հայաստանի և Ադրբեջանի լրագրողների փոխայցելությունները կայացել են նոյեմբերի 17-21-ը։ Հայաստանի և Արցախի լրատվամիջոցների ներկայացուցիչներն այցելել են Ադրբեջան, իսկ ադրբեջանցի լրագրողները՝ Հայաստան և Արցախ:

Ծրագիրը նախապատրաստվել ու կյանքի է կոչվել ԵԱՀԿ-ի գործող նախագահի անձնական ներկայացուցիչ Անջեյ Կասպրշիկի համակարգմամբ` Հայաստանի, Արցախի և Ադրբեջանի համապատասխան գերատեսչությունների ներգրավմամբ։

22
թեգերը:
ԵԱՀԿ Մինսկի Խումբ, Վիգեն Հակոբյան, Հայաստան
Ըստ թեմայի
Միասին սեղմեցին կոճակը. Էրդողանն ու Ալիևը բացեցին TANAP գազատարի վերջնական փուլը
Ղարաբաղյան հակամարտությունը ՌԴ–ի ուշադրության կենտրոնում է. Լավրովը Բաքու է մեկնում
Սկանդալ TANAP-ի բացման ժամանակ․ Հունաստանի պատվիրակությունը լքել է արարողությունը
«Բանակցություններում Արցախի ներգրավումը պրակտիկ նշանակություն ունի». Մնացականյան

sys_stories