Տարիներ առաջ, երբ «Վրացական երազանքն» ընդդիմություն էր, մեղադրում էր իշխանություններին ու հայտարարում, որ ընտրվելուց հետո կկատարի փոփոխություններ, ու երկիրը կանցնի համամասնական ընտրակարգի, սակայն անցած տարիների ընթացքում այդ ամենը տեղի չունեցավ: Sputnik Արմենիայի հետ զրույցում այս մասին ասաց վրացագետ Ջոնի Մելիքյանը:
«Սկսված գործընթացը, որի ավարտի մասին Իվանիշվիլին խոսել էր դեռ ամռանը, ի վերջո որոշ մաժորիտար պատգամավորների պատճառով տապալվեց, իսկ խորհրդարանում նախագծի առաջին ընթերցմամբ ընդունվելուն չբավականացրեց 14 ձայն»,-տեղեկացնում է Ջոնի Մելիքյանը:
Այդ պատճառով էլ հիմա ընդդիմադիր քաղաքական ուժերը (ոչ միայն խորհրդարանական) միավորվել են ստեղծված իրավիճակում և փորձում են բողոքի ցույցերով հասնել նրան, որ իշխանությունը գնա որոշ զիջումների: Ակցիաները շարունակվում են արդեն մի քանի օր, և ընդդիմությունը պահանջում է կառավարության հրաժարականն ու արտահերթ խորհրդարանական ընտրություններ:
Երեկ Վրաստանում ԱՄՆ-ի դեսպանատունն ու ԵՄ-ի ներկայացուցչությունը տարածել են հայտարարություն, որով կողմերին հորդորում են կազմակերպել փոխզիջման միտված քննարկումներ:
Հայ–վրացական սահմանին հերթի մեջ հայի մեքենա է այրվել. տեսանյութ
Ջոնի Մելիքյանի կարծիքով՝ վրացական զարգացումները զուտ ներքաղաքական են, զերծ են արտաքին ազդեցությունից և նախորդ երկու տարիների տրամանաբական շարունակությունն են: Բացասական ֆոնը ստեղծվել է տնտեսական իրավիճակի պատճառով: Գործընթացները կապված են նաև ամռանը կայանալիք նախագահական ընտրությունների հետ:
Վրացի լրագրողը, արարողակարգը խախտելով, փորձել է Պուտինից պատասխան ստանալ. տեսանյութ
Շատերը տեսան, որ Իվանիշվիլիի խոստումը չիրականացավ, հետևաբար, գնացին նման քայլերի: