Մարատ Ատովմյան, հակակոռուպցիոն հարցերի փորձագետ, փաստաբան

Ատովմյան. «Կոռուպցիայի կանխարգելման հանձնաժողովի կազմը խնդրահարույց է»

90
Հակակոռուպցիոն հարցերի փորձագետ Մարատ Ատովմյանը Sputnik Արմենիայի եթերում անդրադարձել է Կոռուպցիայի կանխարգելման հանձնաժողովի կազմն ընտրելու ընթացակարգին: Թեկնածուներն արդեն հայտնի են։ ԱԺ 3 խմբակցություններից բացի թեկնածուներ են առաջադրել նաև կառավարությունն ու ԲԴԽ-ն։
Մարատ Ատովմյան. «Կոռուպցիայի կանխարգելման հանձնաժողովի կազմը խնդրահարույց է»

Հանձնաժողովի կազմն արդեն կա և հիմա ԱԺ-ն պետք է իր մոտեցումը հայտնի: Բնականաբար, շատ դժվար է կանխատեսել, թե որքանով կհաջողվի այդ մարմնի գործունեությունն այս կազմով իրականացնել: Այս մասին Sputnik Արմենիայի հետ զրույցում ասաց հակակոռուպցիոն հարցերի փորձագետ, փաստաբան Մարատ Ատովմյանը։

«Միայն ժամանակը ցույց կտա, որովհետև առաջին հայացքից նայելով հանձնաժողովի անդամների կենսագրությունները, տեսնում ենք, որ նրանցից չորսը հակակոռուպցիոն գործունեությամբ առանձնապես չեն զբաղվել: Նրանցից յուրաքանչյուրն իր նեղ ոլորտում, հավանաբար, կայացած, արհեստավարժ մասնագետ է, և գուցե, տարիների ընթացքում ձեռք բերված գիտելիքներն ու կարողությունները կօգնեն իրենց հանձնաժողովում հաջողությամբ աշխատելու համար»,- նշեց նա: 

Փորձագետի դիտարկմամբ՝ այդուհանդերձ, հանձնաժողովի այս մոդելը, որն ընտրել է իշխանությունը, անկախության տեսակետից ի սկզբանե խնդրահարույց էր: Այդ մասին հնչել են բազմաթիվ մտահոգություններ: Արդյունքում նախատեսվել են որոշակի փոփոխություններ, բայց միևնույն է, հանձնաժողովի կազմն անկախության տեսակետից առաջացնում է հարցականներ:

Կոռուպցիայի կանխարգելման հանձնաժողովի մասին օրինագիծն այս տեսքով խիստ մտահոգիչ է. իրավաբան

«Մենք չպետք է հարցին մոտենանք այսօրվա իշխանության պրիզմայով: Իշխանափոխության դեպքում կարող է և չլինել այդ կառույցի գործունեությանը չմիջամտելու քաղաքական կամք: Սա վերաբերվում է նաև ԱԺ արտահերթ ընտրություններին, երբ նշված խմբակցությունները կարող են և խորհրդարանում չհայտնվել. չի բացառվում նաև, որ խմբակցության ու առաջադրված անձի միջև  կարող են հակասություններ առաջանալ: Այս ամենը նույնպես վկայում է, որ հանձնաժողովի ձևաչափը խնդրահարույց է»,- նշեց Ատովմյանը:  

«Իշխանության ներկայացուցիչներին ճամպրուկներ չեն բերվելու». նախարարը` կոռուպցիայի մասին

Փորձագետը հիշատակեց հանձնաժողովի ստեղծման նախնական տարբերակը, երբ ԱԺ-ն ձևավորում էր մրցութային հանձնաժողով, որպեսզի լիներ բաց մրցույթ, և առավելագույն բալեր հավաքած անձինք հավակնում էին հանձնաժողովի կազմ ընդգրկվել: Այդ տարբերակը անկախության տեսանկյունից և կայուն աշխատանքի առումով, ըստ Ատովմյանի` ավելի ճիշտ էր, սակայն, ցավոք սրտի, այդ տարբերակից հրաժարվեցին:    

90
թեգերը:
ՀՀ կառավարություն, Բարձրագույն դատական խորհուրդ (ԲԴԽ), փաստաբան, Մարատ Ատովմյան, Հակակոռուպցիոն կոմիտե, ԱԺ, Հայաստան
Ըստ թեմայի
Սողոմոնյան. «Հակակոռուպցիոն մարմնի ստեղծման գործընթացն ամբողջությամբ քաղաքականացված է»
Կոռուպցիա ասելով նկատի չունենք միայն նախկինը. Փաշինյանն ասել է` ինչպես պայքարել դրա դեմ
Կոռուպցիայի կանխարգելման հանձնաժողովը հոկտեմբերին կձևավորվի. ինչ խնդիր կլուծի այն
Կոնկրետ, հստակ և չափելի. փորձագետը համակարգել է առողջապահության ոլորտի կոռուպցիոն ռիսկերը
Գոռ Հովհաննիսյան

Իշխանությունն ամեն ինչ անում է, որ ՍԴ-ում նշանակվեն իր համար ցանկալի դատավորներ. իրավագետ

35
(Թարմացված է 17:43 03.07.2020)
Իրավագիտության դոկտոր Գոռ Հովհաննիսյանը Sputnik Արմենիայի հետ զրույցում իր դիտարկումներն է ներկայացրել գործող իշխանությունների կողմից իրականացվող դատաիրավական բարեփոխումների մասին։
Հովհաննիսյան. «Գործող իշխանությունն ամեն ինչ անում է, որ ՍԴ-ում նշանակվեն իր համար ցանկալի դատավորներ»

Իրավագետ Գոռ Հովհաննիսյանի խոսքով՝ արդեն 30 տարի է, ինչ փորձ է արվում ստեղծել լավ դատական համակարգ, սակայն դեռևս չի հաջողվել։ Նրա կարծիքով՝ պատճառներից մեկը իրավաբանական կրթության որակն է, որը Հայաստանում շատ ցածր է։ Մյուս պատճառն այն է, որ դատավորները, մեծ մասամբ կամ հաճախ, նշանակվում են ոչ օրենքի տառին համապատասխան։

«Ինչպես գիտեք, դատավորների նշանակման կարևորագույն չափանիշներից մեկը նրանց բարոյական բարձր նկարագիրն է, և իմ կարծիքով, դատավոր պետք է նշանակել միայն այն անձին, որն ունի ներքին անկախություն։ Այսինքն՝ դատավոր պետք է լինի հրաշալի իրավաբանական գիտելիքներ ունեցող և ներքուստ անկախ մարդը, որն ի վիճակի է դիմակայել ցանկացած ճնշման»,- Sputnik Արմենիայի հետ զրույցում ասաց նա։

Իրավագետի դիտարկմամբ՝ բոլոր երկրներում միշտ, հատկապես գործող իշխանությունը փորձեր է անում ճնշելու դատական իշխանությանը՝ ցանկալի որոշումների հասնելու համար, և դատավորը պետք է կարողանա ունենալ այնքան ներքին անկախություն, որ դիմակայի այդ ճնշումներին ու դրանց հակառակվելով ընդունի որոշում միայն օրենքի հիման վրա։

«Երբ դատավոր է նշանակվում մի մարդ՝ հաշվի չառնելով այդ հատկաինշները, ունենում ենք այնպիսի դատական համակարգ՝ ինչպիսին այսօր ունենք»,-նշեց Հովհաննիսյանը։

ԲՀԿ-ի, ՀՅԴ-ի ու «Հայրենիքի»` հանցագործության մասին հաղորդումն ուղարկվել է ՀՔԾ

Իրավագետի դիտարկմամբ՝ դատական համակարգի առումով գործող իշխանությունը շարունակում է նախկինների գործելաոճը։

«ՍԴ-ում դատավորներ նշանակելու գործող պրակտիկան ցույց է տալիս, որ գործող իշխանությունը նույնպես փորձում է և հասնում է իր այն նպատակին, որ ՍԴ-ում նշանակվեն իր համար ցանկալի դատավորներ, և ոչ թե մարդիկ, որոնք պրոֆեսիոնալ իրավաբաններ են և ակնհայտորեն քաղաքականապես չեզոք»,- եզրափակեց Հովհաննիսյանը։

Հիշեցնենք` հունիսի 26–ից ուժի մեջ մտավ ԱԺ–ի ընդունած սահմանադրական փոփոխությունների նախագիծը, որով կասեցվում են 12 տարի պաշտոնավարած ՍԴ դատավորների լիազորությունները։

Նույն նախագծով ՍԴ նախագահ Հրայր Թովմասյանը նախագահից դառնում է ՍԴ դատավոր։ Շատերը նախագիծը որակում են օրենքի կոպիտ խախտում, քանի որ այն չի ստորագրել նախագահ Արմեն Սարգսյանը և չի ուղարկվել ՍԴ՝ քննարկելու դրա սահմանադրական լինելը։

ԱԺ-ն արտահերթ նիստ կգումարի Սահմանադրական դատարանի անդամներ ընտրելու համար

35
թեգերը:
Գոռ Հովհաննիսյան, Իշխանություն, Հայաստան, Դատավոր
Ըստ թեմայի
Արարատ Միրզոյանն ու Հրայր Թովմասյանին փոխարինող դատավորը հանդիպել են
Իրավաբաններին ու դատավորներին քաղաքական ուժերն անպաշտպան թողեցին. Ավետիք Իշխանյան
ՍԴ–ում դատավորների թափուր տեղերը կլրացվեն 2 ամսվա ընթացքում. ԱԺ հայտարարությունը
ԱԺ–ն առաջին ընթերցմամբ ընդունեց ՍԴ դատավորների կենսաթոշակի ապահովման նախագիծը
Արտակ Մարկոսյան

Ինչ անել, որ 2050-ին ունենանք 5 մլն բնակչություն. ժողովրդագետը`կառավարության քայլերի մասին

65
(Թարմացված է 17:11 02.07.2020)
Իշխանությունները հույս ունեն, որ 2020 թվականի հուլիսի 1-ը կարևոր հանգրվան կդառնա Հայաստանում ժողովրդագրական իրավիճակը փոխելու ճանապարհին, քանի որ հուլիսի 1-ից մեկնարկել են ժողովրդագրական վիճակի բարելավմանն ուղղված ծրագրերը։
Մարկոսյան. «Ժողովրդագրական տեսանկյունից կառավարության քայլերը դրական են, բայց ոչ բավարար»

Միջազգային և անվտանգության հարցերի հայկական ինստիտուտի փորձագետ, ժողովրդագետ Արտակ Մարկոսյանը Sputnik Արմենիայի հետ զրույցում խոսել է Հայաստանի ժողովրդագրական ներկա վիճակի մասին և վերլուծել, թե  կառավարության գործողությունները որքանով են նպաստելու երկրում իրավիճակի բարելավմանը։

Փորձագետը փաստում է, որ այս տարվա առաջին եռամսյակում, նախորդ տարվա նույն ժամանակահատվածի համեմատ, Հայաստանում ծնունդների թիվը նվազել է։ 

«Այս տարի ամուսնական ակտիվ տարիք է մուտք գործում 1993 թվականից հետո ծնված սերունդը, և կառավարության նոր ծրագրերը միտված են ծնելիության խթանմանը, սակայն դրանք բավարար չեն, քանի որ վիճակը գնալով ավելի է բարդանում»,-նկատում է փորձագետը։

Ըստ Մարկոսյանի՝ երեխաների ծնելիության հաճախակիության բարձրացման արդյունքում հնարավոր կլինի ոչ միայն պահել ներկա մակարդակը, այլև՝ գրանցել որոշակի աճ, ինչն էլ իր հերթին թույլ կտա չմտնել դեպոպուլացիոն փուլ, որը սպառնում է Հայաստանին։

«Պատահական չէ, որ աշխատանքի և սոցիալական հարցերի նախարարության ծրագրերն ուղղված են նաև գյուղաբնակ ընտանիքներին, քանի որ վերջին տարիներին ծնելիությունը հատկապես անկում է ապրել գյուղական շրջաններում՝ կապված թե՛ սոցիալ-տնտեսական հիմնախնդիրների, թե՛ ներքին միգրացիայի հետ»,-նշում է Արտակ Մարկոսյանը։

Փորձագետի խոսքով` խնդրահարույց է ներքին միգրացիան, քանի որ գյուղերից քաղաքներում վերաբնակվելով մարդկանց մոտ փոխվում է վերարտադրողականության վարքագիծը, և նրանք չեն ձգտում շատ երեխաներ ունենալ։

Այդուհանդերձ, փորձագետը շարունակում է պնդել, որ կանոնակարգված քաղաքականության դեպքում 2050 թվականին 5 միլիոն բնակչության ունենալու հնարավորությունը դեռ կա։

«Պարզապես պետք է լինի ներգաղթ, ինչին պետք է Հայաստանը պատրաստ լինի»,-ասում է Արտակ Մարկոսյանը։

Սաիյան. «Մենք կանգնած են ժողովրդագրական աղետի նախաշեմին»

Հիշեցնենք` հուլիսի 1-ից բարձրանալու է մինչև 3 տարեկան երեխայի խնամքի արձակուրդում գտնվող ծնողների նպաստը՝ 18 հազարից դառնալով 26 հազար 500 դրամ: Ընդ որում՝ գյուղերում նպաստը տրամադրվելու է անկախ ծնողի աշխատելու հանգամանքից, բայց եթե ծնողն աշխատող է, ապա նպաստի չափը կրկնակի կլինի: Կառավարությունն անգամ հաշվել է, որ այս ծրագրի շնորհիվ գյուղական բնակավայրերում ամեն ամիս կծնվի շուրջ 1200 երեխա: Առաջին և երկրորդ երեխաների ծնվելու դեպքում տրվող միանվագ նպաստը հուլիսի 1-ից դարձել է 300․000 դրամ։ Իսկ հուլիսի 1-ից հետո բնակարան գնող ընտանիքներին պետությունն աջակցություն կտրամադրի` մարելով բնակարանի մայր գումարի որոշ մասը: Ամեն հաջորդ երեխայի լույս աշխարհ գալուց հետո աջակցության չափն էլ ավելի կմեծանա:

65
թեգերը:
դեմոգրաֆիա, ՀՀ կառավարություն, Նպաստ, երեխա, Հայաստան
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

77
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

77
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ