Բեջանյան. «Խոշոր հարկատուների տասնյակը վերջին շրջանում դարձել է ինտրիգային»
(Թարմացված է 23:34 05.11.2019)
Տնտեսագետ Հայկ Բեջանյանը Sputnik Արմենիայի հետ զրույցում անդրադարձել է ՀՀ խոշոր հարկատուների առաջին տասնյակին և նրանց գործունեությանն առնչվող տնտեսական դրույթներին:Հայկ Բեջանյան. «Խոշոր հարկատուների տասնյակը վերջին շրջանում դարձել է ինտրիգային»
Վերջին շրջանում խոշոր հարկատուների տասնյակն իսկապես սկսել է բավական ինտրիգային դառնալ, քանի որ այն անընդհատ փոփոխվում է՝ ի տարբերություն նախկինի, որին բնորոշ էր որոշակի կայունությունը: Այս մասին Sputnik Արմենիայի հետ զրույցում ասաց տնտեսագետ ՀԱյկ Բեջանյանը։
©
Sputnik / Asatur Yesayants
«Տասնյակին անդրադառնալու համար պետք է նախ խոսել հարկային գանձումների համակարգի մասին, որը մինչև 2018 թվականը հնարավորություն էր տալիս կազմակերպություններին գերավճարներ իրականացնել»,- ասաց նա:
Տնտեսագետի խոսքով` այդ գործիքը սովորաբար ՊԵԿ-ի հին համակարգի ժամանակ կիրառվում էր տարեկան արդյունքներով պետբյուջեի եկամուտների ծրագիրը կատարելու համար:
«Դեկտեմբերի վերջին տեսնում էին, որ եկամուտների հավաքագրման հետ կապված խնդիր կա, ուստի խոշոր հարկատուների հաշվին գերավճար կատարելու միջոցով փորձում էին բացը լրացնել: Սա էր այն սուբյեկտիվ գործոնը, որի շնորհիվ խոշոր հարկատուների տասնյակը պահպանում էր որոշակի կայունություն՝ հետագա տարիներին, իհարկե գերավճարները փոխհատուցելու պայմանով»,- նշեց Բեջանյանը:
Որոնք են Հայաստանի ամենաստվերային ոլորտները. մանրամասնում է ՊԵԿ նախագահը
Ըստ նրա՝ նշված համակարգում արդեն կատարվել է փոփոխություն, պետբյուջեի եկամուտների գումարը փոխանցվում է միասնական գանձապետական հաշվին: Նոր պայմաններում` կազմակերպությունը դեկտեմբերի 31-ի դրությամբ որքան հարկային հաշվետվություն է ներկայացրել, այդ չափով էլ նրա մուծած հարկը համարվում է կատարված:
Ստվերից են դուրս եկել, թե նոր խաղացողներ են հայտնվել. ինչպես է հարկատուների թիվն ավելացել
Տասնյակի փոփոխության վրա ազդող մյուս գործոնն, Բեջանյանի խոսքով` կազմակերպությունների որոշակի տրոհումն է: Եթե նախկինում կար մեկ խոշոր ընկերություն` իր դուստր կազմակերպություններով, ապա այսօր, պայմանավորված գուցե քաղաքական գործոններով, գուցե օբյեկտիվ պատճառներով, տրոհվել են մի քանի կազմակերպությունների, որոնք նույնպես ընդգրկված են խոշոր հարկատուների ցանկում, սակայն առաջին տասնյակում իրենց դիրքերն արդեն զիջել են:
Վերջին գործոնն էլ, տնտեսագետի տեղեկացմամբ` կապված է արտադրանքի թողարկման, արտահանման ու սպառման ծավալների հետ, որոնց շնորհիվ էլ ցանկում տեղի են ունենում որոշակի վերադասավորումներ:
թեգերը:
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 21:51 04.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` փետրվարի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
Հրապարակում կանգնելու համար ավելի շա՞տ են ստանում. պարգևատրումներ ոստիկանությունում
(Թարմացված է 09:30 05.03.2021)
Օրաթերթը գրավոր հարցում է ուղարկել ՀՀ ոստիկանության լրատվական ծառայություն և խնդրել տեղեկություն տրամադրել, թե վերջին ամիսների ընթացքում որքան պարգևավճար են ստացել ոստիկանության աշխատակիցները, երբ և ինչ առիթով:ԵՐԵՎԱՆ, 5 մարտի - Sputnik. «Ժողովուրդ» օրաթերթին տեղեկություններ են հասել, որ ՀՀ ոստիկանության աշխատակիցներն այս տարի կայացած հանրահավաքներին, ցույցերին ակտիվ մասնակցություն ունենալու համար երկու անգամ պարգևավճար են ստացել:
©
Sputnik / Hovhannes Shoghikyan
Օրաթերթը գրավոր հարցում է ուղարկել ՀՀ ոստիկանության լրատվական ծառայություն և խնդրել տեղեկություն տրամադրել, թե վերջին ամիսների ընթացքում որքան պարգևավճար են ստացել ոստիկանության աշխատակիցները, երբ և ինչ առիթով:
«Ոստիկանության լրատվական ծառայությունից «Ժողովուրդ»–ի հարցմանն ի պատասխան, հայտնել են, որ ՀՀ ոստիկանության ծառայողներին (աշխատողներին) 03.03.2021 թ.-ի դրությամբ հատկացվել է ամսական պարգևատրում (ս/թ հունվար ամսվա համար)՝ 718.152.586 դրամ գումարի չափով, միանվագ դրամական պարգևատրում («Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի 22-րդ հոդվածի 9-րդ և 10-րդ մասերի հիման վրա)՝ 209.268.943 դրամի չափով»,–գրում է թերթը:
Չտրվել սադրանքներին. ՀՀ ոստիկանությունը և դատախազությունը հայտարարություններ են տարածել
Ստացվում է՝ ոստիկանության աշխատակիցները իսկապես պարգևատրվել են երկու անգամ. մեկը հունվար ամսվա համար, մեկն էլ արդեն միանվագ:
Հանրահավաքի ժամանակ հնարավոր են սադրանքներ․ ՀՀ ոստիկանություն
թեգերը: