Բադալյան. «Եթե գործող իշխանությունը ցանկանա ձերբակալել Սերժ Սարգսյանին, կանի դա»
(Թարմացված է 13:19 20.11.2019)
Քաղտեխնոլոգ Արմեն Բադալյանը Sputnik Արմենիայի հետ զրույցում անդրադարձել է այն հարցին, թե ինչու մինչև այժմ չի ձերբակալվել ՀՀ երկրորդ նախագահ Սերժ Սարգսյանը:Արմեն Բադալյան. «Եթե գործող իշխանությունը ցանկանա ձերբակալել Սերժ Սարգսյանին` կանի դա»
Քաղաքագետ Արմեն Բադալյանը Sputnik Արմենիայի հետ զրույցի ընթացքում հնչեցնում է ութ հռետորական հարց, որոնց պատասխանների առկայության պարագայում, ըստ նրա, լույս կսփռվի շատերին հետաքրքրող խնդրի վրա:
©
Sputnik / Anton Denisov
Հարց առաջին՝ ինչո՞ւ անցյալ տարվա ապրիլ-մայիսյան իրադարձություններից հետո երրորդ նախագահը հրաժարվելով վարչապետի պաշտոնից` չհրաժարվեց նաև ՀՀԿ նախագահի պաշտոնից: Դրանով նա կուսակցությանը կտար «ռեբրենդինգի» ենթարկվելու հնարավորություն:
Հարց երկրորդ՝ ինչո՞ւ Սերժ Սարգսյանն անցյալ տարվա ընտրություններից հետո չպահանջեց արդյունքների վերահաշվարկ, առավել ևս, որ ԱԺ-ում հայտնվելու համար, ըստ ԿԸՀ-ի հրապարակած տվյալների, չբավականացրեց ընդամենը 4 հազար ձայն:
Շատերն իրենց դնում են գիտունիկի տեղ և մեկնաբանում են Սահմանադրությունը. Սերժ Սարգսյան
Հարց երրորդ՝ սահմանադրական կարգի առերևույթ տապալման առնչությամբ իշխանությունները քրեական գործ են հարուցել երկրորդ նախագահի ու ևս մի քանիսի նկատմամբ: Արդյո՞ք երրորդ նախագահը տեղյակ չէր նշված գործիչների մտադրությունների ու քայլերի մասին, առավել ևս, որ ինքն ամենաիրազեկ անձանցից մեկն էր Հայաստանում:
Հարց չորրորդ՝ ինչպե՞ս է ստացվում, որ երրորդ նախագահի եղբոր մասին մամուլը գրում է, թե բոլոր մեծ բիզնեսներում 50-50 տարբերակով փայատեր էր, հնչում են մեղադրանքներ, իսկ մեկուկես տարի անց հայտարարվում է, որ նա ազնիվ մարդ է ու քրեական գործ չկա:
©
Photo : Lalayan photoghraphy
Սերժ Սարգսյանի թիկնազորի նախկին պետը վերականգնել է պետությանը պատճառած վնասը
Հարց հինգերորդ՝ ինչպե՞ս է ստացվում, որ երրորդ նախագահի հետ առնչություն ունեցող անձանցից ոչ մեկը դեռ կալանավորված չէ, ու նրանց շարժը չի սահմանափակվում:
Հարց վեցերորդ՝ ինչպե՞ս է ստացվում, որ վերջին մեկուկես տարվա ընթացքում Սերժ Սարգսյանն ընդհանրապես Ռուսաստան չի գնում:
Հարց յոթերորդ՝ ինչպե՞ս է ստացվում, որ իշխանությունները ԴԱՀԿ նախկին պետին կալանավորելու և Հայաստան բերելու հարցում դրսևորում են մեծ ջերմեռանդություն, իսկ նույն կերպ չեն վերաբերվում ոմն Գոնսալեսի նկատմամբ, որը երրորդ նախագահի մերձավոր շրջապատից է ու նույնպես գտնվում է արտասահմանում:
©
Sputnik / Andranik Ghazaryan
Հարց ութերորդ՝ ինչպե՞ս է ստացվում, որ ՌԴ նախագահը Հայաստան կատարած այցի ժամանակ գնում է Ռուսաստանի դեսպանատուն ու հանդիպում Ռոբերտ Քոչարյանի կնոջ հետ, սակայն չի հանդիպում երրորդ նախագահի հետ, որի մասին հայտարարում են, թե պետք է ձերբակալվի:
Սերժ Սարգսյանը կգնա՞ Ապրիլյանի հանգամանքներն ուսումնասիրող քննիչ հանձնաժողով
Արմեն Բադալյանի կարծիքով՝ տարօրինակ է, որ մեկուկես տարի առաջ սկսվում է շարժում՝ «Քայլ արա, մերժիր Սերժին» կարգախոսով, իսկ հետո նույն ժամանակահատվածում նրա մասին լրատվադաշտում գրեթե ոչինչ չի ասվում՝ ո՛չ դրական, ո՛չ բացասական, ինչն իր հերթին որոշակի եզրակացությունների հիմք է տալիս:
Եթե գործող իշխանությունը ցանկանա ձերբակալել Սերժ Սարգսյանին, ապա դա կանի, եզրակացնում է քաղաքագետը:
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 21:51 04.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` փետրվարի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
Ոստիկանը մերն է. հրապարակում կանգնելու համար ավելի շա՞տ են ստանում
(Թարմացված է 09:33 05.03.2021)
Օրաթերթը գրավոր հարցում է ուղարկել ՀՀ ոստիկանության լրատվական ծառայություն և խնդրել տեղեկություն տրամադրել, թե վերջին ամիսների ընթացքում որքան պարգևավճար են ստացել ոստիկանության աշխատակիցները, երբ և ինչ առիթով:ԵՐԵՎԱՆ, 5 մարտի - Sputnik. «Ժողովուրդ» օրաթերթին տեղեկություններ են հասել, որ ՀՀ ոստիկանության աշխատակիցներն այս տարի կայացած հանրահավաքներին, ցույցերին ակտիվ մասնակցություն ունենալու համար երկու անգամ պարգևավճար են ստացել:
©
Sputnik / Hovhannes Shoghikyan
Օրաթերթը գրավոր հարցում է ուղարկել ՀՀ ոստիկանության լրատվական ծառայություն և խնդրել տեղեկություն տրամադրել, թե վերջին ամիսների ընթացքում որքան պարգևավճար են ստացել ոստիկանության աշխատակիցները, երբ և ինչ առիթով:
«Ոստիկանության լրատվական ծառայությունից «Ժողովուրդ»–ի հարցմանն ի պատասխան, հայտնել են, որ ՀՀ ոստիկանության ծառայողներին (աշխատողներին) 03.03.2021 թ.-ի դրությամբ հատկացվել է ամսական պարգևատրում (ս/թ հունվար ամսվա համար)՝ 718.152.586 դրամ գումարի չափով, միանվագ դրամական պարգևատրում («Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի 22-րդ հոդվածի 9-րդ և 10-րդ մասերի հիման վրա)՝ 209.268.943 դրամի չափով»,–գրում է թերթը:
Չտրվել սադրանքներին. ՀՀ ոստիկանությունը և դատախազությունը հայտարարություններ են տարածել
Ստացվում է՝ ոստիկանության աշխատակիցները իսկապես պարգևատրվել են երկու անգամ. մեկը հունվար ամսվա համար, մեկն էլ արդեն միանվագ:
Հանրահավաքի ժամանակ հնարավոր են սադրանքներ․ ՀՀ ոստիկանություն