Դիանա Գասպարյան, Էջմիածնի քաղաքապետ

Գասպարյանը` «Դոն Պիպոյի» ծրագրերի մասին. «Բավական մեծ ֆինանսական միջոցներ են պահանջվում»

833
(Թարմացված է 22:21 04.11.2019)
Էջմիածնի քաղաքապետ Դիանա Գասպարյանը Sputnik Արմենիայի հետ զրույցում անդրադարձել է «Դոն Պիպո» մականունով հայտնի գործարար Արթուր Ասատրյանի ներկայացրած քրիստոնեական համալիր-զբոսայգու նախագծին և նշել, որ գործարարն առայժմ միայն տեսանյութ է ներկայացրել:

Քաղաքապետարանը Արթուր Ասատրյանի ներկայացրած քրիստոնեական համալիր-զբոսայգու նախագիծը փատաթղթային տեսքով դեռ չի ստացել: Այս մասին Sputnik Արմենիայի հետ զրույցում ասաց Էջմիածնի քաղաքապետ Դիանա Գասպարյանը։

«Այդ մասին բանավոր խոսել ենք, սակայն հիմնադրամի ներկայացուցիչներին ես տեղեկացրել եմ, որ այն տարածքը, որտեղ նախատեսվում է կառուցել այդ ամենը, հանձնված է երկարաժամկետ  վարձակալության և համայնքի սեփականությունը չէ, հետևաբար, ծրագրի մասին խոսելն իրատեսական չէ»,- նշեց Գասպարյանը: 

Էջմիածնի քաղաքապետի հաղորդմամբ՝ գործընթացն իրականացնելու համար պետք է նախևառաջ մի քանի փուլ անցնել. 

«Նախ ներկայացվում է նախագիծ-նախահաշիվը, քննարկվում է, այնուհետև ստացվում է ճարտարապետական առաջադրանք, տարածքը պետք է լինի համայնքային, ինչից հետո քաղաքապետարանը կտա շինարարության թույլտվություն»,- ասաց Գասպարյանը: 

Դոն Պիպոյի հիմնադրամի ղեկավարը փողերը կանխիկացրել ու փորձել է փախչել երկրից. «Հրապարակ»

Նրա խոսքով` Էջմիածինում որևէ կոթող տեղադրելիս Մայր Աթոռի հետ համաձայնեցումը կարևոր է: Թեև ներկա պահին ավելի շատ ընթանում է տեսական, քան առարկայական խոսակցություն, այդուհանդերձ, քաղաքապետարանում բաց են ցանկացած քննարկման համար։

«Չմոռանանք, որ այդ տարածքները դեռ համայնքի հաշվեկշիռ վերադարձնելու խնդիր ունենք»,- ընդգծեց Գասպարյանը:  

Բացի այդ, քաղաքապետարանը պետք է վստահ լինի, որ քաղաքի կենտրոնում լայնածավալ շինարարություն սկսելու և ավարտելու միջոցները կամ գոնե այդ միջոցների 70-80 տոկոսը կա: 

«Փորձեք մարսել այս թվերը». Էջմիածնի քաղաքապետն ապշած է քաղաքում կատարված չարաշահումներից

«Ծրագիրը բավական մեծ ֆինանսական միջոցներ է պահանջում, և դեռ ինֆորմացիա չունեմ, թե նախատեսված միջոցների քանի տոկոսն է հավաքագրվել»,- ասաց նա։     

Մինչդեռ կառույցի հեղինակները համոզված են, որ այն լինելու է յուրօրինակ հավաքատեղի՝ Հայաստան-սփյուռք կապող օղակ, որտեղ ծնվելու են նոր գաղափարներ ու նախագծեր` Հայաստանն աշխարհին ներկայացնելու և ավելի ճանաչելի դարձնելու համար:

Հիշեցնենք, որ համացանցում մի տեսանյութ է տարածվել, որում Արթուր Ասատրյանը (Դոն Պիպո) ներկայացնում է Էջմիածինը վերափոխելու իր հայեցակարգը։

833
թեգերը:
քաղաքապետարան, Դիանա Գասպարյան, Էջմիածին, Արթուր Ասատրյան, Հայաստան
Ըստ թեմայի
Կաթողիկոսության ութ դարերը. վերականգնված ու ընդլայնված Սուրբ Էջմիածինը
Էջմիածինն արդեն առաջին խելացի կանգառն ունի. մարդիկ կարող են սուրճ խմելով սպասել ավտոբուսին
Ինչ կարող են միասին անել հայերը և հրեաները. գիտնականներից չեն պրծնի անգամ «սև խոռոչները»
Մայր Աթոռի համար անընդունելի է BBC լրատվամիջոցի այսպիսի վարքագիծը

sys_stories